ᔨᕆᒤᐊᐅᑉ ᐊᒡᓚᖏᑦ 13:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 13:17 Iomraidhean Croise

ᐃᓐᖏᕈᑎᑦ 119:136

ᖁᕝᕕᐅᕐᓂᕐᒧᑦ ᐃᔩᒃᑲᒃ ᑯᕕᑐᐃᓐᓇᓕᕐᐴᒃ, ᐱᖁᔭᕐᓂᒃ ᓈᓚᖏᑦᑐᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 63:11

ᑕᕝᕙ ᐃᓄᖁᑎᖏᑦ ᐃᖅᑬᓕᓚᐅᕐᐳᑦ ᑍᒃᑯᓂᖓᑐᖃᖅ, ᒨᓯᓯ ᒎᑎᐅᑉ ᐱᔨᖓ ᐃᓅᑎᓪᓗᒍ ᐊᑐᕐᑕᐅᕙᓚᐅᕐᑐᓂᒃ, ᐅᖃᕐᓗᑎᒃ, “ᓇᐅᒡᓕᑍᒪ ᐃᒪᒃᑯᑦ ᐃᑳᕐᑎᑦᓯᓚᐅᕐᑐᖅ? ᐰᕐᓯᔨᖁᑎᖏᓪᓗ ᓰᐱᖁᑎᒥᓂᒃ? ᓇᐅᒡᓕ ᑍᒪ ᐊᓂᕐᓂᕐᒥᓄᑦ ᐃᑦᔪᕐᓁᑦᑐᒧᑦ ᓇᔪᕐᑕᐅᑎᑦᓯᓚᐅᕐᑐᖅ ᑖᒃᑯᓂᖓ?

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 15:17

ᖁᕕᐊᓱᒃᑐᑦ ᐃᒃᓯᕙᖃᑎᒋᓚᐅᓐᖏᓚᒃᑲ, ᖁᕕᐊᓱᓚᐅᓐᖏᓚᖓᓘᓐᓃᑦ; ᐃᓄᑑᓪᓗᖓ ᐃᒃᓯᕙᓚᐅᕐᐳᖓ, ᕾᖁᔭᐅᓯᒪᓂᕋ ᐃᓕᖕᓄᑦ ᐱᑦᔪᑎᒋᓪᓗᒍ, ᓂᓐᖓᐅᒪᓂᕐᒥᒃ ᑕᑕᑎᓚᐅᕋᕕᖓ.

ᔨᕆᒤᐊᐅᑉ ᐊᒡᓚᖏᑦ 17:16

ᐰᕐᓯᔨᐅᓂᓐᓂ ᓱᓕ ᕿᒤᓚᐅᕐᓯᒪᓐᖏᓚᖓ, ᐊᑕᓃᖅ ᖃᐅᔨᒪᕗᑎᑦ ᑲᑉᐱᐊᓇᕐᑐᓄᑦ ᑎᑭᑕᐅᖁᔨᓚᐅᖏᓐᓂᓐᓂ, ᐅᖃᐅᓯᕆᔭᓕᒫᒃᑲ ᖃᐅᔨᒪᕙᑎᑦ.

ᔨᕆᒤᐊᐅᑉ ᐊᒡᓚᖏᑦ 22:5

ᓈᓚᖏᒃᑯᑦᓯᐅᒡᓕ ᑖᒃᑯᐊ, ᐅᖃᕕᒃᓗᓂ ᐃᒻᒥᓄᑦ ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᑦ ᑖᒃᑯᐊ ᓱᓁᕈᑎᔪᒫᕐᐳᑦ ᓄᓇᓕᕕᓂᑐᐃᓐᓇᐅᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 23:1

“ᑲᑉᐱᐊᓇᒦᒃ ᐰᕐᓯᔨᐅᔪᑦ ᓰᐱᓂᒃ ᐊᓯᕈᐃᔪᑦ ᓯᐊᒻᒪᕐᑎᑦᓯᔪᓪᓗ ᓇᑎᕐᓇᖁᑎᓐᓂ!” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:2

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᐰᕐᓯᔨᐅᔪᓄᑦ ᐃᓄᖁᑎᓐᓂᒃ: “ᐃᓄᖁᑎᒃᑲ ᓯᐊᒻᒪᕐᑎᓐᓇᑦᓯᐅᒃ, ᐅᖓᓯᒃᓯᑎᓪᓗᒋᓪᓗ ᑲᒪᑦᓯᐊᖏᓐᓂᑦᓯᓐᓄᑦ. ᑕᑯᒋᑦ, ᓱᒋᐊᕐᑕᐅᑎᓐᓂᐊᕐᐸᑦᓯ ᐱᐅᖏᑦᑐᒥᒃ ᐱᓇᓱᐊᕐᓯᒪᓂᓯ ᐱᑦᔪᑎᒋᓗᒍ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:16

ᑕᒪᓐᓇᓗ ᐱᓪᓗᒍ ᕿᐊᒧᑦ ᐃᔩᒃᑲ ᓴᓗᐊᔪᐃᑦᑑᓕᕐᐴᒃ ᖁᕝᕕᓐᓄᑦ, ᓮᒻᒪᕐᑎᑦᓯᔪᒃᓴᖅ ᒪᑭᑎᑦᓯᔪᒃᓴᕐᓗ ᐅᕙᓐᓂᑦ ᐅᖓᓯᖕᒪᑦ ᕿᑐᕐᖓᒃᑲᓗ ᐆᒪᑦᔪᑎᒃᓴᖃᕈᓐᓁᕐᐳᑦ, ᐊᑭᕋᕗᑦ ᓵᓚᖃᕐᒪᑕ ᐅᕙᑦᑎᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9

ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:18

ᓮᐅᓃ ᐊᕙᓗᕐᔪᐊᑎᑦ ᐊᑕᓂᕐᒧᑦ ᕿᓄᔪᒃᓴᐅᕗᑦ, ᖁᕝᕕᑎᑦ ᕿᐊᓂᕐᒧᑦ ᑰᒐᓚᐅᕐᓕᑦ ᑰᒃᑎᑐᑦ ᐅᓐᓄᐊᑕᒫᑦ, ᕿᐊᓂᕐᒧᑦ ᐅᒡᒍᐊᕐᓂᕐᒧᓪᓗ ᓄᑭᖃᕈᓐᓁᑐᐃᓐᓇᕐᓗᓯ ᐱᔪᒃᓴᐅᒐᓗᐊᕐᐳᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:48

ᐃᔩᒃᑲᒃ ᕿᐊᓂᕐᒧᑦ ᖁᕝᕕᓂᒃ ᑰᑐᐃᓐᓇᓕᕐᐴᒃ ᐃᓄᖁᑎᒪ ᐊᓯᕈᕐᑕᐅᓂᖏᑦ ᐱᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 24:16

“ᐃᓅᑉ ᐃᕐᓂᖓ, ᑕᑯᒋᑦ, ᐅᐸᓗᕐᓇᕐᑐᒃᑯᑦ ᐅᖓᒋᓂᕐᐹᕐᓂᒃ ᐲᕐᓯᓂᐊᕐᐳᖓ; ᕿᒃᓵᒍᑎᒋᔭᕆᐊᖃᕐᓂᐊᓐᖏᓚᑦ ᐅᕝᕙᓗ ᕿᐊᑦᔪᑎᒋᔭᕆᐊᖃᕐᓂᐊᕐᓇᒍ ᖁᕝᕕᐅᕈᑎᒋᔭᕆᐊᖃᕐᓂᐊᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 34:31

ᓰᐱᖁᑎᒋᕙᑦᓯᓗ, ᓂᕆᑎᖃᑦᑕᕐᐸᑦᓯ, ᒎᑎᒋᕙᑦᓯᓐᖓᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:38

ᓰᐱᑎᑐᑦ ᑐᓂᕐᕈᑎᒃᓴᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ, ᓲᕐᓗ ᓰᐱᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ ᔨᕉᓴᓕᒥ ᓇᓪᓕᐅᓐᓂᕐᓯᐅᕐᕕᖕᒥ ᓇᓪᓕᐅᓐᓂᕐᓯᐅᕐᑎᓪᓗᒋᑦ, ᑍᒫᒃᑕᐅᖅ ᐃᒡᓗᒐᓴᒡᔪᐊᕕᓃᑦ ᐃᓄᖕᓂᒃ ᑕᑕᓕᕈᒫᕐᐳᑦ ᓰᐱᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᒪᓚᑬᑉ ᐊᒡᓚᖏᑦ 2:2

ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ.

ᓴᒧᐃᓕ ᓯᕗᓪᓖᑦ 15:11

“ᐅᒡᒍᐊᕐᐳᖓ ᓴᐅᓕ ᐊᖓᔪᖅᑳᕐᔪᐊᕈᕐᑎᓚᐅᕋᒃᑯ; ᐅᕙᓐᓂᒃ ᕿᒤᖕᒪᑦ ᒪᓕᒍᓐᓃᕐᓗᓂ, ᐱᖁᔨᑦᔪᑎᒋᔭᒃᑲᓗ ᑲᔪᓯᑎᓚᐅᖏᒻᒪᒋᑦ.” ᑕᒪᓐᓇ ᓴᒧᐃᓕᐅᑉ ᓂᓐᖓᒍᑎᒋᕚ; ᐊᑕᓂᕐᒧᓪᓗ ᕿᓄᓪᓗᓂ ᕿᐊᕗᖅ ᐅᓐᓄᐊᓕᒫᖅ.

ᓴᒧᐃᓕ ᓯᕗᓪᓖᑦ 15:35

ᓴᒧᐃᓕᐅᓪᓗ ᓴᐅᓕ ᑕᑯᒃᑲᓐᓂᓚᐅᕈᓐᓃᕐᐹ ᑐᖁᓚᐅᖅᑳᕐᑎᓐᓇᒍ, ᓴᒧᐃᓕᐅᓪᓕ ᓴᐅᓕ ᕿᒃᓵᒍᑎᒋᓚᐅᕐᐹ. ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᓴᐅᓕᒥᒃ ᐊᖓᔪᖅᑳᕐᔪᐊᕈᕐᑎᑦᓯᓚᐅᕐᓂᕐᒥᓂᒃ ᐃᓴᕆᐊᓕᒥᐅᓄᑦ.