ᔨᕆᒤᐊᐅᑉ ᐊᒡᓚᖏᑦ 13:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑍᒤᓕᒃᐸᑕ ᑕᕝᕙ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐋᖓᔮᕐᑎᑦᓯᓂᐊᕐᐳᖓ ᓇᓂᑐᐃᓐᓇᖅ ᓄᓇᓕᖕᓂᒃ ᑕᒫᓂ: ᐊᖓᔪᖅᑳᕐᔪᐊᓂᒃ ᑍᕕᑎᐅᑉ ᐊᖓᔪᖅᑲᐅᕕᖓᓂᑦ ᐱᓯᒪᔪᓂᒃ, ᑐᓂᕐᕈᓯᕐᑎᑦᓯᔨᓂᒃ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᔨᕉᓴᓕᒥᐅᓕᒫᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 13:13 Iomraidhean Croise

ᐃᓐᖏᕈᑎᑦ 60:3

ᐃᓄᖁᑎᑎᑦ ᐅᖁᒤᑦᑐᐊᓗᖕᓂᒃ ᑎᑭᑕᐅᑎᒃᑲᕕᒋᑦ, ᐃᒥᕐᑎᓚᐅᕋᑦᑎᒍᑦ ᕔᓂᒥᒃ ᓇᓗᓕᕐᓇᕐᑐᒥᒃ.

ᐃᓐᖏᕈᑎᑦ 75:8

ᐊᑕᓂᖅ ᐃᒥᐅᑎᒥᒃ ᑎᒍᒥᐊᕐᐳᖅ, ᕔᓂᒥᒃ ᐃᓚᓯᒪᓪᓗᓂ ᐃᖑᓚᕐᓯᒪᑦᓯᐊᕐᓗᓂ; ᑯᕕᔪᒫᕐᐹ ᐃᒤᕐᓗᒍ, ᑕᕝᕙ ᐱᐅᖏᑦᑐᓕᔪᓕᒫᑦ ᓄᓇᒥ ᐃᒥᕈᒫᕐᐳᑦ; ᐃᒥᕐᓗᒍ ᐃᒤᑦᓯᐊᕈᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 29:9

ᑕᑕᒥᓕᕆᑦᓯ ᑲᒪᓂᐊᕐᓗᓯᓗ, ᐃᓕᑦᓯᓐᓂᒃ ᑕᐅᑐᒍᓐᓃᕐᑎᓕᕆᑦᓯ ᑕᑯᔪᓐᓁᓪᓕᓗᓯᓗ! ᐋᖓᔮᕆᑦᓯ ᕔᓂᒨᖏᑦᑐᖅ ᐅᕐᕈᔮᕆᑦᓯ, ᕔᓂᒥᒃ ᐃᒥᕐᓂᕐᒨᖏᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 51:17

ᑐᐸᓕᕆᑦ, ᑐᐸᓕᕆᑦ! ᒪᑭᓪᓗᑎᓪᓗ ᔨᕉᓴᓕᒻ. ᐃᓕᑦᓯ ᐃᒥᓚᐅᕐᑐᓯ ᐊᑕᓂᐅᑉ ᐊᑭᓂᐊᕐᓂᖓᑕ ᐃᒥᐅᑎᖓᓂᑦ ᓂᓐᖓᐅᒪᓂᖓᓂᒃ ᐃᒪᓕᖕᒥᒃ. ᐃᒤᕐᓗᒍ ᓄᖑᓚᐅᕐᐸᓯ ᐃᓗᓕᖁᑎᐅᑉ ᐃᒪᖓ ᐋᖓᔮᕈᑎᒋᓕᕐᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 51:21

ᑍᒤᒻᒪᑦ ᑐᓴᓕᕆᑦᓯ ᐆᒥᖓ, ᐅᖁᒤᒃᓴᕐᓇᕐᑐᒦᑦᑐᓯ, ᐋᖓᔮᑐᓯᓗ ᕔᓂᒨᖏᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 63:6

ᐃᓅᖃᑎᒋᒡᔪᐊᑦ ᑐᓪᓕᓚᐅᕋᒃᑭᑦ ᓂᓐᖓᐅᒪᓂᕐᒧᑦ, ᓂᓐᖓᐅᒪᓂᓐᓂᒃ ᐃᒥᕐᑎᓚᐅᕐᐸᒃᑲ, ᐊᐅᖏᓪᓗ ᑯᕕᑎᓪᓗᒋᑦ ᓄᓇᒧᑦ.”

ᔨᕆᒤᐊᐅᑉ ᐊᒡᓚᖏᑦ 13:12

“ᐅᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ, ‘ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᕔᓂᖃᐅᑎᓕᒫᑦ ᕔᓂᒥᒃ ᑕᑕᑕᐅᔪᒫᕐᐳᑦ.’ ᐅᖃᐅᑎᒋᔪᒫᕐᐹᑎᓪᓗ, ‘ᑕᒪᓐᓇ ᖃᐅᔨᒪᕙᕗᑦ ᕔᓂᖃᐅᑏᑦ ᕔᓂᒥᒃ ᑕᑕᑕᐅᓲᖑᓂᖏᑦ.’

ᔨᕆᒤᐊᐅᑉ ᐊᒡᓚᖏᑦ 25:27

ᐅᖃᐅᑎᓪᓗᒋᓪᓗ, “ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᒥᓕᕆᑦᓯ ᐋᖓᔮᕐᓗᓯ ᒥᕆᐊᖃᑦᑕᕐᓗᓯᓗ, ᐅᕐᕈᓗᓯᓗ ᒪᑭᒃᑲᓐᓂᕐᓂᐊᕈᓐᓃᕐᓗᓯ ᐃᓕᑦᓯᓐᓂᒃ ᑐᖁᕅᔭᕐᑐᕐᑐᓂᒃ ᑎᑭᑎᑦᓯᓂᐊᕋᒪ.

ᔨᕆᒤᐊᐅᑉ ᐊᒡᓚᖏᑦ 25:29

ᑕᑯᓕᕆᑦᓯ, ᐃᒡᓗᒐᓴᒡᔪᐊᖁᑎᒪ ᐊᓯᕈᕐᑕᐅᑦᔪᑎᒃᓴᖓᓂᒃ ᑎᑭᑎᑦᓯᕙᓪᓕᐊᓕᕐᐳᖓ, ᓱᒋᐊᕐᑕᐅᓂᐊᕋᓱᒋᖏᑉᐱᓰ? ᓱᒋᐊᕐᑕᐅᖏᑦᑑᓂᐊᓐᖏᓚᓯ, ᑐᖁᕋᕐᑕᐅᑦᔪᑎᒃᓴᓯᓐᓂᒃ ᑎᑭᑎᑦᓯᓂᐊᕋᒪ ᐃᓅᔪᓕᒫᓄᑦ ᓄᓇᒥ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 51:57

ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ ᐋᖓᔮᓕᕐᑎᓐᓂᐊᕐᐸᒃᑲ, ᐊᐅᓚᑦᓯᔨᖏᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐱᖃᓯᐅᑎᓗᒋᑦ, ᓯᓂᓕᕈᑎᒃ ᑐᐸᒍᒫᓐᖏᓚᑦ; ᐊᖓᔪᖅᑳᖑᓂᕐᐹᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ ᑕᒪᑐᒥᖓ, ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:7

ᐹᐱᓘᓂᒥᐅᑦ ᑏᑐᑎᑎᑐᑦ ᒎᓗᑎᑐᑦ ᑍᒤᓚᐅᕐᐳᑦ ᐊᑕᓂᐅᑉ ᐊᒡᒐᖏᓐᓂ ᓄᓇᕐᔪᐊᕐᒥᐅᓂᒡᓗ ᐋᖓᔮᓕᕐᑎᑦᓯᓚᐅᕐᐳᑦ, ᐃᓅᖃᑎᒌᒡᔪᐊᑦ ᐃᒥᕐᑎᓚᐅᕐᒪᑦᔪᒃ ᕔᓂᖁᑎᒥᖕᓂᑦ ᑐᑭᖃᕈᓐᓃᕐᐳᑦ.

ᕼᐊᐸᑲᐅᑉ ᐊᒡᓚᖏᑦ 2:16

ᐃᕝᕕᖔᕐᓕ ᑲᓐᖑᓱᒃᑎᑕᐅᓂᕐᒥᒃ ᐃᓗᔭᐅᓂᐊᕐᐳᑎᑦ ᐅᐱᒋᔭᐅᓂᕐᒥᒃ ᐱᖏᓪᓗᑎᑦ! ᐃᒥᕐᑎᑕᐅᖔᕐᓂᐊᕐᐳᑎᑦ ᐋᖓᔮᕐᑎᑕᐅᓗᑎᑦ, ᐊᑕᓂᐅᑉ ᓇᖕᒥᓂᖅ ᐃᒥᐅᑎᒥᓂᑦ ᐃᒥᕐᑎᓐᓂᐊᕐᒪᑎᑦ ᓱᒋᐊᕐᑕᐅᑦᔪᑎᖕᓂᒃ, ᐅᐱᒋᔭᐅᓂᕆᔧᓪᓗ ᒧᒥᖕᓂᐊᕐᐳᖅ ᑲᓐᖑᓱᒃᑎᑕᐅᓂᕐᒧᑦ.