ᔨᕆᒤᐊᐅᑉ ᐊᒡᓚᖏᑦ 12:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓄᓱᒌᕈᒃᑭᓪᓗ ᐃᓚᑦᓱᒋᓕᕈᒫᕆᕙᒃᑲ, ᐅᑎᕐᑎᓪᓗᒋᓪᓗ ᐊᑐᓂᑦ ᑭᖑᕐᖑᑎᔭᒃᓴᔭᖏᓐᓄᑦ ᐊᑐᓂᓪᓗ ᓄᓇᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 12:15 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 16:15

ᐅᖃᖔᖃᑦᑕᓕᕈᒫᕐᐳᓪᓕ ᐃᒫᒃ, ‘ᐊᑕᓂᖅ ᐃᓅᖕᒪᑦ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᑎᓯᒪᔪᖅ ᐅᓐᓄᐊᓪᓗᐊᑉ ᓇᓛᓃᑦᑐᓂᑦ ᓄᓇᓕᖕᓂᑦ ᖁᔭᓈᕐᓯᕕᒋᓯᒪᔭᒥᓂᑦ ᑖᒃᑯᓂᖓ.’ ᐅᑎᕐᑎᑦᓱᒫᕋᒃᑭᑦ ᓯᕗᓕᕕᓂᖏᓐᓄᑦ ᓄᓇᑖᖑᑎᓚᐅᕐᓯᒪᔭᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 24:6

ᐃᒃᐱᒋᑦᓯᐊᕐᓂᐊᕐᐸᒃᑲ ᐱᐅᔪᒧᑦ, ᐅᑎᕐᑎᑦᓱᒫᕐᒥᒐᒃᑭᑦ ᓄᓇᒧᑦ ᑕᒪᐅᖓ. ᒪᑭᑎᑦᓱᒫᕐᐸᒃᑲ, ᑲᑕᒃᑎᓐᓂᐊᓐᖏᓚᒃᑲᓗ, ᐱᕈᕐᑎᓐᓂᐊᕐᐸᒃᑲ ᓄᓱᖕᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 29:14

ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 3:12

ᐂᓕᕆᑦ, ᐅᓐᓄᐊᓪᓗᐊᑉ ᓇᓛᓃᑦᑐᓄᑦ ᐅᖃᕆᐊᕐᑐᕆᑦ. ᐃᓴᕆᐊᓕ ᐅᕙᓐᓄᑦ ᐅᑎᓚᐅᕆᑦ, ᐊᑕᓂᖅ ᐅᖃᕐᐳᖅ, ᓂᓐᖓᐅᒪᓂᕐᒧᑦ ᑕᑯᓂᐊᓐᖏᓚᒋᑦ ᓂᑲᒍᓱᒃᑐᕐᔫᒐᒪ, ᐃᓱᖃᖏᑦᑐᒧᑦ ᓂᓐᖓᐅᒪᓂᐊᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 3:17

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐊᑕᓂᕐᒧᑦ ᐃᒃᓯᕙᐅᑕᕐᔪᐊᖃᕐᕕᐅᓂᕋᕐᑕᐅᓕᕈᒫᕐᐳᖅ, ᐃᓅᖃᑎᒌᒡᔪᐊᓪᓗ ᔨᕉᓴᓕᒧᑦ ᑲᑎᖃᑦᑕᕈᒫᕐᐳᑦ ᐊᑕᓂᐅᑉ ᐊᑎᖓᓂᒃ ᐅᐱᒍᓱᖕᓂᕐᒥᖕᓂᒃ ᓇᓗᓁᕐᓯᔭᕐᑐᕐᓗᑎᒃ. ᐆᒻᒪᑎᒥᒃᑕ ᓯᑎᔫᓂᖏᓐᓂᒃ ᐱᐅᖏᑦᑐᓕᔪᒪᓂᖏᓐᓂᒡᓗ ᒪᓕᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 48:47

“ᑭᓯᐊᓂᓕ ᑍᒤᒐᓗᐊᕐᑎᓪᓗᒍ ᒧᐊᐱᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ ᐅᓪᓗᓂ ᕾᔪᒫᕐᑐᓂ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᒧᐊᐱᒥᐅᑦ ᐃᖅᑲᕐᑐᕐᑕᐅᓂᖓᑕ ᐃᓱᒋᕚ.”

ᔨᕆᒤᐊᐅᑉ ᐊᒡᓚᖏᑦ 49:39

ᑍᒤᓕᐅᕋᓗᐊᕐᑎᓪᓗᒋᑦ ᐃᓛᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐅᓪᓗᓂ ᑎᑭᑦᓱᒫᕐᑐᓂ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 49:6

“ᑕᒪᑐᒪᓕ ᑭᖑᓂᖓᒍᑦ ᐊᒧᓁᑎᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 11:4

ᓴᖅᑭᓯᒪᓕᕐᐸᑦ, ᐊᖓᔪᖅᑲᐅᕕᖓ ᐊᒡᒍᕈᒫᕐᐳᖅ, ᑐᓂᐅᖅᑲᐅᑕᐅᓗᓂᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ; ᑭᖑᕚᖏᓐᓂᑦ ᑭᖑᕝᕕᕐᑕᐅᔪᒫᓐᖏᓚᖅ, ᐱᔪᓐᓇᕐᓂᕆᓚᐅᕐᑕᒥᑐᓪᓗ ᐱᔪᓐᓇᕐᑎᒋᔪᓐᓃᕐᓗᓂ, ᐊᖓᔪᖅᑲᐅᕕᖓ ᐊᒫᖏᓐᓂᑦ ᓄᓱᒃᑕᐅᔪᒫᕐᒪᑦ, ᑐᓂᔭᐅᓗᓂᓗ ᐊᓯᖏᓐᓄᑦ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᒨᓯᓯ ᓯᑕᒪᖏᑦ 32:18

ᐊᖏᕐᕋᑦᑎᓐᓄᑦ ᐅᑎᕐᓂᐊᓐᖏᓚᒍᑦ ᐃᓴᕆᐊᓕᒥᐅᓕᒫᑦᓯᐊᑦ ᓄᓇᑖᕆᓂᐊᕐᑕᒥᖕᓂᒃ ᐱᓚᐅᖏᓐᓂᖏᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 15:16

‘ᒪᑐᒪ ᑭᖑᕐᖓᒍᑦ ᐅᑎᓛᕐᐳᖓ, ᐊᑕᓂᖅ ᐅᖃᕐᐳᖅ, ᑍᕕᑎᐅᓪᓗ ᐊᑕᓂᐅᕕᖓ ᐋᖅᑭᒃᓱᒃᑲᓐᓂᕈᒪᕙᕋ, ᐃᒡᓗᖏᑦ ᓱᕋᒃᓯᒪᔪᑦ ᓴᓇᔪᒪᕙᒃᑲ ᒪᑭᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 3:20

ᐃᓴᕆᐊᓕᒥᐅᖑᖃᑎᓯ ᐃᑲᔪᓚᐅᕐᓯᐅᒃ ᓄᓇᑖᕋᓱᐊᕐᓂᖏᓐᓂ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᔪᐊᕐᑕᓂᐅᑉ ᑰᖓᑕ ᓴᐅᒥᐊᓃᑦᑐᒥᒃ ᓄᓇᑖᑦᓯᐊᓚᐅᖏᓐᓂᓕᒫᖏᓐᓂ ᐊᒻᒪᓗ ᑕᒫᓂ ᐅᓇᑕᕆᐊᖃᕈᓐᓁᓚᐅᖏᓐᓂᖏᓐᓂ, ᐃᓕᑦᓯᓐᓄᑦ ᑍᒫᒃ ᐱᓇᓱᐊᕇᓚᐅᕐᒪᑦ ᑕᒪᑐᒥᖓ ᓄᓇᒥᒃ ᓇᔪᓕᕐᑕᑦᓯᓐᓂᒃ. ᑕᒪᑐᒪᓕ ᑭᖑᓂᖓᒍᑦ ᑕᒪᓐᓇ ᐊᓂᒍᕐᐸᑦ ᑕᒪᐅᖓ ᐃᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᓐᓄᑦ ᐅᑎᕈᓐᓇᕐᓯᓛᕆᕗᓯ.’

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.