ᔨᕆᒤᐊᐅᑉ ᐊᒡᓚᖏᑦ 10:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓃᖅ ᐊᑦᔨᖃᓐᖏᓚᑎᑦ; ᐊᔪᖏᑦᑐᕐᔪᐊᖑᕗᑎᑦ, ᐊᑏᓪᓗ ᐊᔪᖏᑦᑐᕐᔪᐊᖑᕗᖅ ᐱᔪᓐᓇᕐᓂᖃᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 10:6 Iomraidhean Croise

ᓴᒧᐃᓕ ᐂᑉᐸᖏᑦ 7:22

ᑍᒤᒻᒪᑦ ᐊᖏᔪᕐᔪᐊᖑᕗᑎᑦ, ᐊᑕᓃᖅ ᒎᑏ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ, ᐊᓯᖕᓂᒡᓗ ᒎᑎᑕᖃᓐᖏᓚᖅ, ᑐᓴᕐᓯᒪᔭᓕᒫᕗᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 16:25

ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᓂᕼᐃᒤᐊᐅᑉ ᐊᒡᓚᖏᑦ 4:14

ᑕᑯᓚᐅᕐᐳᖓᓕ ᐃᓄᖕᓂᒃ ᐃᓱᒪᔮᕐᑐᓂᒃ, ᑍᒤᒻᒪᑦ ᓯᕗᓕᕐᑎᖏᑦ ᐅᖃᐅᑎᓚᐅᕐᐸᒃᑲ, ᐊᖓᔪᖅᑳᖏᓪᓗ, “ᑲᑉᐱᐊᓱᒃᑍᓕᒋᑦᓯ ᐊᑭᕋᑦᑎᓐᓂᒃ, ᐃᖅᑲᐅᒪᒋᑦᓯ ᖃᓄᖅ ᐊᑕᓂᖅ ᐊᔪᖏᑦᑐᕐᔪᐊᖑᓂᖓᓂᒃ ᐊᖏᔪᕐᔪᐊᖑᓂᖓᓂᒡᓗ, ᓴᐳᓐᓂᐊᕐᓂᐊᕐᐳᕐᓗ, ᐃᓚᑦᓯᓐᓂᒃ, ᓄᓇᖅᑲᑎᑦᓯᓐᓂᒃ, ᕿᑐᕐᖓᑦᓯᓐᓂᒃ, ᓄᓕᐊᑦᓯᓐᓂᒃ, ᐊᖏᕐᕋᓯᓗ ᐱᓪᓗᒋᑦ.”

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᐃᓐᖏᕈᑎᑦ 145:3

ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ, ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.

ᐃᓐᖏᕈᑎᑦ 147:5

ᐊᑕᓂᕗᑦ ᐊᖏᔫᕗᖅ, ᐱᔪᓐᓇᕐᓂᖃᕐᓗᓂᓗ ᐊᖏᔪᒥᒃ; ᖃᐅᔨᒪᓂᖓᓗ ᐆᒃᑐᕋᕐᑕᐅᔪᓐᓇᓐᖏᓚᖅ.

ᐃᓐᖏᕈᑎᑦ 35:10

ᓴᐅᓂᓕᒫᒃᑲ ᐅᖃᕈᒫᕐᐳᑦ, “ᐊᑕᓃᖅ, ᑭᓇᒥᒃ ᐊᑦᔨᖃᕐᐲᑦ? ᓴᐳᑦᔨᒐᕕᑦ ᐊᔪᓗᐊᕐᑐᒥᒃ ᓵᓚᒋᔨᒋᔭᖓᓂᑦ, ᐃᓛᒃ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᓴᐳᑎᕙᑎᑦ ᑎᒡᓕᒐᕐᕕᒋᔨᖏᓐᓂᑦ.”

ᐃᓐᖏᕈᑎᑦ 48:1

ᐊᑕᓂᖅ ᐊᖏᔫᕗᖅ, ᐊᖏᔪᒥᒡᓗ ᓂᕐᑐᕐᑕᐅᒋᐊᓕᒃ ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂ, ᖃᖅᑲᖁᑎᖓᓂ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 96:4

ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒃ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 9:14

ᑕᒪᑐᒪᓂᓕ ᓱᓕ ᐱᖁᔨᓂᐊᖏᒃᑯᕕᑦ ᑕᕝᕙ ᐱᔨᑎᑦ ᐃᓄᖁᑎᑎᓪᓗ ᓱᒋᐊᕐᑕᑐᐊᕆᓂᐊᕈᓐᓃᕐᐸᒃᑲ ᐃᕝᕕᓪᓕ ᓱᒋᐊᖃᓯᐅᑎᓂᐊᓕᕐᐸᒋᑦ, ᖃᐅᔨᓕᖁᓪᓗᑎᑦ ᐅᕙᑦᑐᑦ ᑍᒤᑦᑐᒥᒃ ᐱᑕᖃᖏᓐᓂᖓᓂᒃ ᓄᓇᕐᔪᐊᓕᒫᒥ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 40:18

ᓱᓇᒥᒡᓕ ᑍᒪ ᒎᑎ ᐊᑦᔨᖃᕐᑎᑦᓱᓐᓇᕐᐱᐅᒃ? ᓱᓇᒧᓪᓗ ᐊᑦᔨᐅᓕᕐᑎᑕᒃᓴᐅᒐᔭᕐᐹ?

ᐂᓮᐊᓯᐅᑉ ᐊᒡᓚᖏᑦ 40:25

ᑭᓇᒥᒃ ᐊᑦᔨᖃᕐᑎᑦᓱᓐᓇᕐᐱᖔ? ᓱᓇᒥᒡᓗ ᑍᒤᓪᓗᐊᖃᕐᑎᑦᓱᓐᓇᕐᐱᖔ? ᐃᑦᔪᕐᓁᑦᑐᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 46:5

ᑭᓇᒧᑦ ᐊᑦᔨᐅᑎᑦᓱᓐᓇᕐᐱᓯᓐᖔ? ᓇᓪᓕᐅᒪᔭᐅᔪᓐᓇᕐᓂᕋᕐᓗᖓᓗ, ᑭᓇᒧᑦ ᑍᒤᓪᓗᐊᕆᔭᐅᑎᓐᓂᐊᕐᐱᓯᓐᖔ ᐊᑦᔨᒌᑯᓪᓗᓄᒃ?

ᐂᓮᐊᓯᐅᑉ ᐊᒡᓚᖏᑦ 46:9

ᐃᖅᑬᓕᕆᑦᓯ ᑍᑦᓱᒪᓂᐊᓗᒃ ᐊᑐᓚᐅᕐᑐᓂᒃ; ᐅᕙᖓᐅᕗᖅ ᒎᑎ, ᐊᓯᓐᓂᒡᓗ ᐱᑕᖃᕋᓂ, ᐅᕙᖓᐅᕗᖅ ᒎᑎ, ᐅᕙᑦᑐᑦ ᑍᒤᑦᑐᕐᑕᖃᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 10:16

ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.

ᔨᕆᒤᐊᐅᑉ ᐊᒡᓚᖏᑦ 32:18

ᐃᓄᒐᓴᒃᔪᐊᓄᑦ ᓇᒡᓕᒍᓱᖕᓂᕐᓂᒃ ᑕᑯᑎᑦᓯᕙᒃᐳᑎᑦ ᑭᓯᐊᓂᑦᑕᐅᖅ ᓯᕗᓕᖏᑕ ᐊᔪᕐᑐᓕᓯᒪᓂᖏᓐᓄᑦ ᑭᖑᕚᕇᑦ ᓱᒋᐊᕐᐸᒃᑭᕙᑎᑦ. ᐊᑕᓃᖅ ᐱᔪᓐᓇᕐᑐᕐᔪᐊᖑᓪᓗᑎᑦ ᒎᑎᐅᒐᕕᑦ ᖁᑦᓯᖕᓂᕐᐹᒍᓪᓗᑎᑦ ᐊᑎᖃᕐᐳᑎᓪᓗ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

ᑖᓂᐊᓕᐅᑉ ᐊᒡᓚᖏᑦ 4:3

ᓇᓗᓁᒃᑯᑍᑦ ᐱᓂᐊᕐᓂᖏᑦ ᐊᖏᔫᕗᑦ, ᓴᓐᖏᔫᓪᓗᑎᒡᓗ ᑲᒪᓇᕐᑐᓕᓂᖏᑦ! ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᕗᖅ; ᐊᑕᓂᐅᕕᖓ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:6

ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.

ᒨᓯᓯ ᑕᓪᓕᒪᖏᑦ 32:31

ᕾᕐᑐᖓᑦ ᕾᕐᑐᖁᑎᑦᑎᑐᑦ ᑍᒤᓐᖏᓚᖅ, ᐊᑭᕋᕐᑐᕐᑎᖏᑦ ᑍᒫᒃ ᐃᓱᒪᖃᕐᐳᑦ.

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.