ᔨᕆᒤᐊᐅᑉ ᐊᒡᓚᖏᑦ 10:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᑑᑎᒃᓴᖃᓐᖏᓚᑦ, ᓇᕐᕈᓇᕐᓗᑎᒡᓗ, ᓱᒋᐊᕐᑕᐅᕕᖓᑦ ᓇᓪᓕᐅᑎᒃᐸᑦ ᓇᓗᓇᕈᓐᓃᕈᒫᕐᐳᑦ ᓱᓇᒃᓴᐅᖏᓐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 10:15 Iomraidhean Croise

ᐃᓐᖏᕈᑎᑦ 115:9

ᐃᓴᕆᐊᓕᑎᐅᔪᓯ, ᐊᑕᓂᖅ ᑕᑎᒋᓯᐅᒃ; ᐃᑲᔪᕐᑎᒋᒐᑦᓯᐅᒃ ᓴᐴᓗᑕᕆᓪᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 41:24

ᑕᑯᒋᑦ, ᓱᓇᐅᓐᖏᓚᓯ, ᐱᓇᓱᐊᕐᑕᓯᓗ ᓱᓇᒥᒃ ᓴᖅᑭᑎᑦᓯᓇᑎᒃ; ᐃᓕᑦᓯᓐᓂᒃ ᓂᕈᐊᓚᐅᕐᑐᖅ ᓇᕐᕈᓇᕐᑐᐊᓘᕗᖅ.

ᐂᓮᐊᓯᐅᑉ ᐊᒡᓚᖏᑦ 41:29

ᑕᑯᒋᑦ ᑕᒪᕐᒥᒃ ᓱᓕᓐᖏᓚᑦ; ᐱᓇᓱᐊᕐᑕᖏᓪᓗ ᓱᓇᐅᓇᑎᒃ, ᒎᑎᓐᖑᐊᖏᑦ ᓴᓇᓯᒪᔪᑦ ᐊᓄᕆᑐᐃᓐᓇᐅᕗᑦ ᓱᓇᑕᖃᖏᑦᑐᑦ.”

ᐂᓮᐊᓯᐅᑉ ᐊᒡᓚᖏᑦ 57:12

ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 10:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, “ᒎᑎᓯ ᑕᒪᒃᑯᐊ, ᓴᓇᓚᐅᖏᓐᓇᒥᒃ ᕿᓚᖕᒥᒃ ᓄᓇᒥᒡᓗ, ᐊᓯᐅᔪᒫᕐᐳᑦ ᓄᓇᒥ ᕿᓚᐅᓪᓗ ᐊᑖᓂ.”

ᔨᕆᒤᐊᐅᑉ ᐊᒡᓚᖏᑦ 10:8

ᓯᓔᑦᑑᕗᑦ ᓯᓚᑐᓂᖃᕋᑎᒡᓗ; ᐊᔪᕆᕐᑐᕐᑕᐅᓯᒪᒐᒥᒃ ᐃᓱᒪᖃᖏᑦᑐᓄᑦ ᕿᔪᖕᓄᑦ ᒎᑎᓐᖑᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 43:12

ᐄᑦᔨᑉᑎᒥᐅᑦ ᒎᑎᓐᖑᐊᖏᑦᑕ ᐃᓂᖏᑦ ᐃᑯᐊᓪᓚᒃᑕᐅᑎᑦᓱᒫᕐᐸᒃᑲ, ᐹᐱᓘᓂᒥᐅᓄᓪᓗ ᐄᑦᔨᑉᑎᒥᐅᑦ ᒎᑎᓐᖑᐊᕆᔭᖏᑦ ᐃᑯᐊᓪᓚᒃᑕᐅᓗᑎᒡᓘᓐᓃᑦ ᐊᐅᓪᓚᕈᑦᔭᐅᓗᑎᒡᓘᓐᓃᑦ ᐱᔭᐅᔪᒫᕐᐳᑦ, ᓲᕐᓗ ᓰᐱᓕᕆᔨᐅᑉ ᐊᓐᓄᕌᓂ ᑯᒤᔭᕐᐸᖕᒪᒋᑦ, ᑍᒫᒃᑕᐅᖅ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐄᑦᔨᑉᑎᒥᐅᑦ ᓄᓇᖓ ᓴᓗᒻᒪᑦᓯᐊᕐᓗᓂᐅᒃ ᕿᒪᒍᒫᕐᐹ ᓵᓚᖃᕐᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 50:2

“ᐃᓅᖃᑎᒌᒡᔪᐊᓂ ᐅᖃᐅᑎᒋᓯᐅᒃ ᑐᓴᕐᑕᐅᑎᓪᓗᒍᓗ, ᓇᓗᓁᒃᑯᑕᖃᕐᓗᓯ ᐅᖃᐅᓯᕆᓯᐅᒃ, ᑐᓴᕐᑕᐅᔭᕆᐊᓖᑦ ᐅᖃᐅᑎᒋᔧᓐᓇᕆᓯᐅᒃ ᐅᖃᕐᓗᓯᓗ, ᐹᐱᓘᓂᒥᐅᑦ ᓵᓚᐅᓗᑎᒃ ᑎᒍᔭᐅᓂᐊᕐᐳᑦ, ᒎᑎᖓᑦ ᐱᐊᓪ ᑲᓐᖑᓱᒃᑎᑕᐅᓂᐊᕐᐳᖅ, ᒎᑎᖓᓪᓗ ᒥᕈᑖᒃ ᑲᑉᐱᐊᓱᒃᑎᑕᐅᓂᐊᕐᐳᖅ, ᐊᑦᔨᖏᓪᓗ ᓴᓇᔭᐅᓯᒪᔪᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᒎᑎᒋᔭᓕᒫᖏᑦ ᑲᑉᐱᐊᓇᕐᑐᒦᑎᑕᐅᓂᐊᕐᐳᑦ!

ᔨᕆᒤᐊᐅᑉ ᐊᒡᓚᖏᑦ 51:18

ᐊᑐᕐᓇᓐᖏᓚᑦ ᒥᑕᐅᑎᒋᔭᒃᓴᓕᐅᑐᐃᓐᓇᕐᐳᑦ, ᖃᐅᔨᓇᓱᐊᕐᑕᐅᒃᐸᑕ ᐊᑐᕐᑐᒃᓴᐅᖏᓐᓂᖏᑦ ᓇᓗᓇᕈᓐᓃᕋᔭᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 8:12

ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᕼᐆᓯᐊᑉ ᐊᒡᓚᖏᑦ 9:7

ᐅᓪᓗᐃᑦ ᓱᒋᐊᕐᑕᐅᕖᑦ ᑎᑭᑉᐳᑦ, ᐅᓪᓗᐃᓪᓗ ᐊᑭᓕᕐᑕᐅᕖᑦ ᑎᑭᑉᐳᑦ; ᐃᓴᕆᐊᓕ ᖃᐅᔨᓂᐊᕐᐳᖅ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓯᓔᑦᑑᕗᖅ, ᐊᓂᕐᓂᓕᕆᔪᕐᓗ ᐃᓱᒤᕈᑎᕗᖅ, ᐱᐅᖏᑦᑐᓕᓂᓯ ᐊᖏᓗᐊᕐᓂᖓᓄᑦ ᐆᒥᓱᖕᓂᓯᓗ ᐊᖏᓗᐊᕐᓂᖓᓄᑦ.

ᔫᓇᐅᑉ ᐊᒡᓚᖏᑦ 2:8

ᓱᓇᒃᓴᐅᖏᑦᑐᓄᑦ ᒎᑎᓐᖑᐊᓄᑦ ᑐᒃᓯᐊᕐᐸᒃᑐᑦ ᓈᒃᑭᒋᔭᐅᓂᒃᓴᒥᖕᓂᑦ ᕿᒤᕗᑦ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.

ᓴᒧᐃᓕ ᓯᕗᓪᓖᑦ 12:21

ᓴᖑᑦᑍᓕᒋᑦᓯ ᓱᓇᐅᖏᑦᑐᓄᓪᓗ ᐱᓇᓱᐊᓕᕐᑍᓕᓗᓯ ᐃᓕᑦᓯᓐᓂᒃ ᐃᑲᔪᕈᓐᓇᖏᒻᒪᑕ ᐱᐅᓕᒃᓯᔪᓐᓇᕋᑎᒡᓗ, ᑕᒪᓐᓇ ᑍᒤᓕᐅᕐᓂᖅ ᐊᑑᑎᖃᖏᒻᒪᑦ.

ᓴᒧᐃᓕ ᓯᕗᓪᓖᑦ 5:4

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᒻᒥᒐᒥᒃ, ᑕᑯᒋᕗᑦ, ᑍᒐᓐ ᐅᕐᕈᖓᔪᖅ ᐹᒻᒪᖓᓪᓗᓂ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓯᕗᕌᓂ, ᓂᐊᖁᐊ ᑕᓕᖏᒡᓗ ᓇᑲᓯᒪᓪᓗᑎᒃ ᓇᑎᕐᒦᑦᑑᒃ; ᑎᒥᖓ ᑭᓯᐊᓂ ᐊᒥᐊᒃᑰᓕᕐᑐᖅ.