ᔨᕆᒤᐊᐅᑉ ᐊᒡᓚᖏᑦ 10:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓂᓪᓕᕌᖓᑦ ᐃᒤᑦ ᕿᓚᖕᒦᑦᑐᑦ ᐃᒃᑑᓛᕐᐳᑦ, ᓄᕗᔭᓂᒡᓗ ᓴᖅᑭᑎᑦᓯᕙᒡᓗᓂ ᓄᓇᕐᔪᐊᑉ ᑭᒡᓕᖓᓂᑦ, ᖃᐅᒻᒫᓪᓚᖃᕐᑎᑦᓯᓪᓗᓂᓗ ᓯᓚᓗᒃᑐᒥ, ᐊᓄᕆᖃᕐᑎᑦᓯᓪᓗᓂᓗ ᐱᖁᑎᒃᑯᕕᖕᒥᓂᑦ.

ᔨᕆᒤᐊᐅᑉ ᐊᒡᓚᖏᑦ 10:13 Iomraidhean Croise

ᒨᓯᓯ ᓯᕗᓪᓖᑦ 2:5

ᓱᓕ ᐱᕈᕐᑐᖃᓚᐅᓐᖏᓚᖅ ᓄᓇᒥ ᐱᕈᕐᓯᐊᒃᓴᑦ ᐱᕈᓕᓚᐅᖏᒻᒪᑕ ᐊᑕᓂᖅ ᒎᑎ ᓯᓚᓗᒃᑎᑦᓯᓚᐅᖏᒻᒪᑦ ᓱᓕ ᓄᓇᒧᑦ, ᐃᓄᖕᓂᒃ ᓄᓇᓕᕆᔪᒃᓴᕐᑕᖃᓚᐅᖏᒻᒪᑦ ᐱᕈᕐᑐᒃᓴᑦ ᐃᓂᒃᓴᖏᓐᓂᒃ.

ᐊᑕᓃᑦ ᓯᕗᓪᓖᑦ 18:41

ᐃᓔᑦᔭᐅᓪᓗ ᐂᕼᐊᑉ ᐅᖃᐅᑎᕚ, “ᑕᑉᐸᐅᖓ ᐂᓕᕆᑦ, ᓂᕆᓗᑎᑦ ᐃᒥᓕᕆᑦ; ᓯᓚᓗᒡᔪᐊᖅ ᑐᓴᕐᓴᐅᓕᕐᒪᑦ.”

ᔫᐱᐅᑉ ᐊᒡᓚᖏᑦ 38:22

ᖃᓐᓂᒃᓮᑦ ᐊᐳᑎᑦ ᐃᓂᖏᓐᓄᑦ ᐃᑎᓚᐅᕐᓯᒪᕖᑦ, ᐅᕝᕙᓗ ᓇᑕᖅᑯᕐᓁᑦ ᐃᓂᖏᓐᓂᒃ ᑕᑯᓚᐅᕐᓯᒪᕕᑦ?

ᐃᓐᖏᕈᑎᑦ 104:13

ᖃᖅᑬᑦ ᐃᒥᕐᑖᕐᑎᖃᑦᑕᕐᐸᑎᑦ ᖁᑦᓯᒃᑐᒥᑦ ᐃᓂᒋᔭᕐᓂᑦ; ᓄᓇᕐᔪᐊᖅ ᓈᒻᒪᒃᓯᑎᑕᐅᕗᖅ ᐱᓇᓱᐊᕐᓂᕐᐱᑦ ᐱᕈᕐᑎᑕᖏᓐᓄᑦ.

ᐃᓐᖏᕈᑎᑦ 135:17

ᓯᐅᑎᖃᕐᐳᑦ, ᑐᓴᕈᓐᓇᕋᑎᒡᓕ, ᐊᓂᕐᓵᕐᑐᕈᓐᓇᕋᑎᒡᓗ ᖃᓂᕐᒥᒃᑎᒍᑦ.

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᐃᓐᖏᕈᑎᑦ 147:8

ᕿᓚᖕᒥᒃ ᐅᓕᒃᓯᔪᖅ ᓄᕗᔭᓄᑦ, ᓄᓇᐅᓪᓗ ᓯᓚᓗᒃᑕᐅᓂᒃᓴᖓᓂᒃ ᐊᑐᐃᓐᓇᕈᐃᕙᒃᓗᓂ, ᖃᖅᑲᓂᓗ ᐃᕕᒃᓱᒐᕐᓂᒃ ᐱᕈᕐᑎᑦᓯᕙᒃᑐᖅ.

ᐃᓐᖏᕈᑎᑦ 18:13

ᑕᕝᕙ ᐊᑕᓂᖅ ᐃᒃᑐᓚᐅᕐᑎᑦᓯᕗᖅ ᕿᓚᖕᒥ, ᖁᑦᓯᖕᓂᕐᐹᖑᔫᓪᓗ ᓂᐱᖓ ᑐᓴᕐᓴᐅᓪᓗᓂ, ᓇᑕᖅᑯᕐᓇᕐᑎᒍᑦ ᐊᐅᒫᓗᒃᑎᒍᓪᓗ ᐃᑯᐊᓚᔪᑎᒍᑦ.

ᐃᓐᖏᕈᑎᑦ 68:33

ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.

ᒨᓯᓯ ᐂᑉᐸᖏᑦ 9:23

ᑕᕝᕙ ᒨᓯᓯᐅᑉ ᐊᔭᐅᑉᐱᐊᖅ ᕿᓚᖕᒧᑦ ᐃᓴᐅᑎᕚ; ᐊᑕᓂᕐᓗ ᖃᐅᒻᒪᓪᓚᖕᒥᒃ ᓇᑕᖅᑯᕐᓇᓂᒡᓗ ᑎᑭᑎᑦᓯᕗᖅ, ᐃᑯᒤᓪᓗ ᓄᓇᒧᑦ ᑲᑕᒐᓕᕐᐳᑦ. ᐊᑕᓂᕐᓗ ᐄᑦᔨᑉᑎᐅᑉ ᓄᓇᖓᓄᑦ ᓇᑕᖅᑯᕐᓇᕐᓂᒃ ᑲᑕᒐᓕᕐᑎᑦᓯᕗᖅ;

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 19:12

ᐃᒫᒃ ᐱᓇᓱᐊᕐᓂᐊᕐᐳᖓ ᐅᕙᓂ ᓄᓇᖃᕐᑐᓄᑦ, ᐊᑕᓂᖅ ᐅᖃᕐᐳᖅ, ᑖᒃᑯᐊ ᐃᒡᓗᒐᓴᒡᔪᐊᑦ ᑐᐱᑎᒥᐅᑎᑑᓕᕈᒪᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 5:24

ᐃᓱᒪᓇᓱᐊᓐᖏᓚᓪᓘᓐᓃᑦ ᐊᑕᓂᖅ ᒎᑎᑎᒃ ᓯᕘᕋᒋᔪᒪᓗᒍ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ ᓇᓪᓕᐅᑎᔭᕌᖓᑦ ᓯᓚᓗᒃᑎᑦᓯᕙᒃᑐᒥᒃ, ᐱᕈᕐᑐᓂᒡᓗ ᐱᕈᕇᕐᑎᑦᓯᕙᒃᑐᒥᒃ ᑲᑎᕐᓱᕐᑕᐅᕕᒃᓴᖏᓐᓂ ᑲᑎᕐᓱᕐᑕᐅᕙᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:16

ᓂᐱᒥᓄᑦ ᓂᓪᓕᕌᖓᑦ ᓯᓚ ᐃᒃᑑᓕᔮᕈᓐᓇᕐᐳᖅ, ᓄᕗᔭᓂᒃ ᓴᖅᑭᑎᑦᓯᔪᓐᓇᕐᑐᖅ ᓄᓇᕐᔪᐊᑉ ᑭᒡᓕᖓᓂᑦ, ᓯᓚᓗᓕᕌᖓᑦ ᖃᐅᒻᒪᓪᓚᖃᕐᑎᑦᓯᔪᓐᓇᕐᐳᖅ, ᐊᓄᕌᓕᕐᑎᑦᓯᕙᒃᑐᖅ ᐊᓄᕆᒃᑯᕕᖁᑎᒥᓂᑦ.

ᐂᒨᓯᐅᑉ ᐊᒡᓚᖏᑦ 4:13

ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 10:1

ᐊᑕᓂᖅ ᐅᐱᕐᖔᒃᑯᑦ ᓯᓚᓗᖁᔨᖁᓯᐅᒃ, ᑕᕝᕙ ᓄᕗᔭᖃᕐᑎᓐᓂᐊᕐᐹ ᓯᓚᕈᔪᒃᓯᐅᑎᓂᒃ ᓯᓚᓗᓕᕐᓗᓂ, ᐃᓄᓕᒫᓄᑦ ᐱᕈᕐᓰᕕᖁᑎᓕᒫᖏᓐᓄᓪᓗ.