ᔨᕆᒤᐊᐅᑉ ᐊᒡᓚᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑲᑉᐱᐊᒋᑦᑍᓕᑭᑦ, ᐃᓚᒋᓂᐊᕐᐸᒋᑦ ᓴᐳᑎᓯᒪᓗᑎᑦ, ᐅᕙᖓ ᐊᑕᓂᐅᓪᓗᖓ ᐅᖃᕐᐳᖓ!”

ᔨᕆᒤᐊᐅᑉ ᐊᒡᓚᖏᑦ 1:8 Iomraidhean Croise

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 51:12

ᐅᕙᖓ, ᑖᓐᓇᐅᕗᖓ ᓮᒻᒪᕐᑎᑦᓯᔪᖅ ᐃᓕᑦᓯᓐᓂᒃ; ᓱᖕᒪᑦ ᓯᕘᕋᕕᑦ ᐃᓄᖕᒥᒃ ᑐᖁᕙᒃᑐᒥᒃ, ᐃᓅᑉ ᐃᕐᓂᖓᓂᒃ ᐃᕕᒃᓱᒐᕐᑎᑐᑦ ᑍᒤᑦᑐᒥᒃ,

ᐂᓮᐊᓯᐅᑉ ᐊᒡᓚᖏᑦ 51:7

ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 1:17

ᔨᕆᒤᐋ ᐅᐸᓗᖕᒊᔭᓕᕆᑦ, ᐂᓗᑎᓪᓗ ᐅᖃᐅᑎᔭᕐᑐᓕᒃᑭᑦ ᑕᒤᓐᓂᒃ ᐅᖃᐅᓯᕆᔭᐅᖁᔭᓐᓂᒃ. ᓯᕘᕋᒋᑦᑍᓕᒃᑭᑦ, ᓯᕘᕋᒍᕕᓪᓕ ᓯᕘᕋᑎᓐᓂᕐᓴᐅᔪᓐᓇᕐᐸᒋᑦ ᐱᖃᑎᒋᓕᕈᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 1:19

ᑖᒃᑯᐊ ᐅᓇᑕᕈᒫᕐᐹᑎᑦ; ᓵᓚᒋᔭᐅᓂᐊᓐᖏᓚᑎᓪᓕ, ᐅᕙᖓ ᐱᖃᑎᒋᓂᐊᕋᒃᑭᑦ ᓴᐳᑎᓯᒪᓗᑎᑦ. ᐅᕙᖓ ᐊᑕᓂᐅᔪᖓ ᐅᖃᕐᐳᖓ ᑕᒪᑐᒥᖓ.”

ᔨᕆᒤᐊᐅᑉ ᐊᒡᓚᖏᑦ 20:11

ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᔨᕆᒤᐊᐅᑉ ᐊᒡᓚᖏᑦ 39:11

ᓂᐱᑯᓁᓴᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐊᖓᔪᖅᑳᖁᑎᒥᓂᒃ ᓂᐳᔭᕋᑕᓐᒥᒃ ᐊᖅᑯᑎᖃᕐᓗᓂ ᐱᖁᔨᑦᔪᑎᓕᐅᕐᐳᖅ ᔨᕆᒤᐊ ᐱᑦᔪᑎᒋᓪᓗᒍ ᐃᒫᒃ:

ᔨᕆᒤᐊᐅᑉ ᐊᒡᓚᖏᑦ 42:11

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑲᑉᐱᐊᒋᑦᑍᓕᓯᐅᒃ, ᐱᖃᑎᒋᒐᑦᓯ ᐱᐅᓕᓂᐊᕐᐸᑦᓯ ᐱᔪᓐᓇᕐᓂᖓᓂᓪᓗ ᓴᐳᑎᓯᒪᓂᐊᕐᐸᑦᓯ.

ᑖᓂᐊᓕᐅᑉ ᐊᒡᓚᖏᑦ 3:17

ᐃᒐᐅᑉ ᐃᑯᒪᔫᑉ ᐃᓗᐊᓄᑦ ᐃᒋᑕᐅᒍᑦᑕ, ᒎᑎᐅᑉ ᐱᔨᑦᓯᕐᑕᑦᑕ, ᓴᐳᑎᓂᐊᕐᐹᑎᒍᑦ ᑕᕝᕙᓐᖓᑦ, ᐃᕝᕕᓪᓗ ᐊᖓᔪᖅᑳᕐᔪᐊᖅ ᐱᔪᓐᓇᕐᓂᕐᓂᑦ ᓴᐳᑎᓂᐊᕆᕚᑎᒍᑦ.

ᑖᓂᐊᓕᐅᑉ ᐊᒡᓚᖏᑦ 3:25

ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᑕᑯᒋᑦ! ᑕᑯᕗᖓ ᐊᖑᑎᓂᒃ ᓯᑕᒪᓂᒃ, ᐃᑯᒪᐅᑉ ᐃᓗᐊᓂ ᐱᓱᑲᑕᒃᑐᓂᒃ ᖃᓄᐃᖏᑦᑐᓂᒃ; ᓯᑕᒪᖓᓪᓗ ᒎᑎᑦ ᐃᕐᓂᖓᑐᑦ ᑕᐅᑦᑐᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 10:26

“ᑍᒤᒻᒪᑦ ᐃᓄᖕᓂᒃ ᓯᕘᕋᓂᐊᕋᓯ; ᐃᔨᕐᑕᐅᓯᒪᔪᑦ ᓴᖅᑭᑎᑕᐅᔪᒫᕐᐳᑦ, ᐃᔨᕋᕐᑐᐊᖑᔪᓪᓗ ᖃᐅᔨᔭᐅᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:10

ᐃᓚᒋᒐᒃᑭᑦ, ᑭᓇᒧᓪᓘᓐᓃᑦ ᐅᐸᒃᑐᕐᑕᐅᓂᐊᓐᖏᓚᑎᑦ ᐊᓐᓂᕐᑕᐅᔭᕐᑐᕐᓗᑎᑦ, ᐊᒥᓱᓂᒃ ᐃᓄᖁᑎᖃᕋᒪ ᑕᕝᕙᓂ ᐃᒡᓗᒐᓴᖕᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:17

ᓴᐳᑎᓂᐊᕐᐸᒋᑦ ᔫᑎᐅᖃᑎᖕᓂᑦ, ᔫᑎᐅᖏᑦᑐᓂᓪᓗ, ᑖᒃᑯᓄᖓ ᑎᓕᓕᕐᐸᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:13

ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:29

ᒫᓐᓇ ᐊᑕᓃᖅ, ᓯᕘᕋᓵᕆᑦᔪᑎᖏᑦ ᑕᑯᓚᐅᒃᑭᑦ, ᐱᔨᑎᑦ ᐅᖃᐅᓯᕆᖁᔭᕐᓂᒃ ᐅᖃᕈᓐᓇᕐᑎᒃᑭᑦ ᓯᕘᕋᖏᓪᓗᑎᒃ,

ᐃᐱᓯᒥᐅᓄᑦ 6:20

ᑕᒪᑐᒧᖓ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᑎᓕᔭᐅᓯᒪᒐᒪ ᐅᖃᕐᑎᐅᖁᓪᓗᖓ, ᒫᓐᓇ ᑎᒍᔭᐅᓯᒪᕕᖕᒦᒐᓗᐊᕐᑐᖓ; ᓯᕘᕋᓇᖓ ᐅᖃᕈᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓲᕐᓗ ᐅᖃᓪᓚᒃᑐᒃᓴᐅᒐᒪ.

ᒨᓯᓯ ᑕᓪᓕᒪᖏᑦ 31:6

ᓴᓐᖏᔫᓕᕆᑦᓯ ᓯᕘᕋᖏᓪᓗᓯᓗ, ᓯᕘᕋᒋᔭᒃᓴᕆᓐᖏᓚᓯ ᑲᑉᐱᐊᒋᓇᒋᓪᓗ, ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᓴᒡᓗᕿᓐᓂᐊᖏᒻᒪᓯ ᕿᒪᖕᓂᐊᕐᓇᓂᓯᓗ.”

ᒨᓯᓯ ᑕᓪᓕᒪᖏᑦ 31:8

ᐊᑕᓂᖅ ᓯᕗᓂᕐᓃᓐᓂᐊᕐᐳᖅ ᐃᓚᒋᓂᐊᕐᐹᑎᓪᓗ, ᓴᒡᓗᕿᓐᓂᐊᖏᒻᒪᑎᑦ ᕿᒪᖕᓂᐊᕐᓇᑎᓪᓗ, ᑍᒤᒻᒪᑦ ᓯᕘᕋᑦᑍᓕᒋᑦ ᓴᐱᓕᕐᑍᓕᓗᑎᓪᓗ.”

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”