ᔨᕆᒤᐊᐅᑉ ᐊᒡᓚᖏᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓄᖁᑎᒃᑲ ᓱᒋᐊᕐᓂᐊᕋᒃᑭᑦ ᐊᔪᕐᑐᓕᓂᕆᓚᐅᕐᑕᖏᑦ ᐱᓪᓗᒋᑦ, ᐅᕙᓐᓂᒃ ᕿᒤᓯᒪᖕᒪᑕ, ᐆᒪᔪᓂᒡᓗ ᑐᓂᕐᕈᓯᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᒎᑎᓐᖑᐊᓄᓪᓗ ᓴᓇᓯᒪᔭᒥᖕᓄᑦ ᑐᒃᓯᐊᕐᕕᖃᖃᑦᑕᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 1:16 Iomraidhean Croise

ᐊᑕᓃᑦ ᐂᑉᐸᖏᑦ 22:17

ᐅᕙᓐᓂᒃ ᕿᒤᓯᒪᖕᒪᑕ ᐊᓯᓐᓄᑦ ᒎᑎᒥᖕᓄᑦ ᐃᓯᕐᓗᐊᕐᓂᑎᑦᓯᖃᑦᑕᕐᒪᑕ, ᓂᓐᖓᒍᑎᒋᔪᓐᓇᕐᑕᓐᓂᒃ ᐱᓇᓱᐊᖃᑦᑕᕐᓯᒪᖕᒪᑕ, ᔨᕉᓴᓕᒥᐅᓂᒃ ᓂᓐᖓᒃᓮᓯᒪᖕᒪᑕ ᐅᕙᓐᓂᒃ ᐊᒡᒐᖕᒥ ᓴᓇᔭᖏᓐᓄᑦ, ᑍᒤᒻᒪᑦ ᓂᓐᖓᐅᒪᔪᒫᓕᕐᐳᖓ ᑕᒫᓂ ᓄᓇᒥ, ᑭᓇᒧᓪᓘᓐᓃᑦ ᓄᖅᑲᕐᑎᑕᐅᓂᐊᖏᑦᑐᒥᒃ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 28:2

ᐱᓂᐊᕐᓂᖃᓚᐅᕐᐳᕐᓕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑎᑐᑦ, ᐊᒡᓛᑦ ᓴᓇᓚᐅᕐᐳᖅ ᓴᕕᕋᔭᖕᒥᒃ ᒎᑎᓐᖑᐊᒥᒃ ᐰᓕᒧᑦ.

ᑯᕉᓂᑲ ᐂᑉᐸᖏᑦ 34:25

ᐅᕙᓐᓂᒃ ᕿᒤᓚᐅᕐᒪᑕ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᐅᕙᓐᓂᒡᓗ ᓂᓐᖓᒃᓮᓚᐅᕐᒪᑕ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᐅᓯᕋ ᑯᕕᓂᐊᕐᐳᖅ ᑕᕝᕗᖓ ᖃᒥᑎᑕᐅᓂᐊᕋᓂᓗ.

ᑯᕉᓂᑲ ᐂᑉᐸᖏᑦ 7:19

ᐊᓚᕐᓂᐊᕈᕕᓪᓕ ᕿᒤᓗᑎᓪᓗ ᐱᓂᐊᕐᓂᐅᖁᔭᓐᓂᒃ ᐱᖁᔭᓐᓂᒡᓗ ᐃᓕᖕᓄᑦ ᑐᓂᓯᒪᔭᓐᓂᒃ, ᒎᑎᓐᖑᐊᓄᓪᓗ ᓵᓪᓗᑎᑦ ᑐᒃᓯᐊᕐᕕᖃᓕᕐᓂᐊᕈᕕᑦ,

ᐂᓮᐊᓯᐅᑉ ᐊᒡᓚᖏᑦ 2:8

ᓄᓇᖓᑦ ᑕᑕᒃᑭᕗᖅ ᒎᑎᓐᖑᐊᓂᒃ; ᐹᒻᒪᖃᑦᑕᕐᓗᑎᒃ ᑐᒃᓯᐊᕐᓗᑎᒡᓗ, ᐊᒡᒐᓄᑦ ᓴᓇᓯᒪᔪᓄᑦ, ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓚᐅᕐᑕᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 37:19

ᒎᑎᓐᖑᐊᖏᓐᓂᒡᓗ ᐃᑯᐊᓪᓔᕙᒡᓗᑎᒃ; ᑕᒪᒃᑯᐊ ᒎᑎᓪᓚᕆᐅᖏᒻᒪᑕ, ᐃᓅᑉ ᐊᒡᒐᖏᓐᓄᑦ ᓴᓇᔭᐅᓯᒪᓪᓗᑎᒃ ᕿᔪᒥᒃ ᐅᔭᕋᖕᓂᒡᓗ; ᑍᒤᒻᒪᑦ ᓯᖁᒥᑕᐅᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 44:15

ᓇᐹᕐᑑᑉ ᐃᓚᖓ ᐃᓅᑉ ᕿᔪᒃᓴᕆᕚ; ᐃᓚᖓ ᐃᒻᒥᓄᑦ ᐅᖅᑰᑦᔪᑎᒃᓴᕆᕚ; ᐃᒐ ᐃᑯᐊᓪᓚᒃᑲᒥᐅᒃ ᓂᐊᖂᔭᓕᐅᕐᐳᖅ; ᐃᓚᖓᓗ ᒎᑎᓕᐊᕆᓪᓗᒍ ᑐᒃᓯᐊᕐᕕᒋᕚ; ᐃᓄᓐᖑᐊᓕᐊᕆᓪᓗᒍ ᒎᑎᓐᖑᐊᓕᐅᕐᐳᖅ, ᐹᒻᒪᒃᑎᕐᕕᒋᓪᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 65:3

ᓂᓐᖓᒃᓮᓂᕐᓂᒃ ᐅᖃᐅᓯᕾᓐᓇᕐᑐᓄᑦ ᐅᕙᓐᓄᑦ, ᑮᓇᓐᓄᑦ ᓂᓪᓕᐊᓪᓗᑎᒃ ᑍᒪᓐᖓᑦ, ᑐᖁᑦᓯᓪᓗᑎᒃ ᐆᒪᔪᓂᒃ ᑐᓂᕐᕈᓯᕐᐳᑦ ᐱᕈᕐᓯᕐᕕᖕᓂ, ᐳᔫᕐᑎᒐᕐᓂᒃ ᑎᐱᑦᓯᐊᕆᒃᑐᓂᒃ ᑐᓂᕐᕈᓯᕐᐳᑦ ᖁᐊᕐᑎᑕᒐᕐᓂ ᐅᔭᕋᓕᐊᕆᓯᒪᔪᓂ;

ᔨᕆᒤᐊᐅᑉ ᐊᒡᓚᖏᑦ 10:15

ᐊᑑᑎᒃᓴᖃᓐᖏᓚᑦ, ᓇᕐᕈᓇᕐᓗᑎᒡᓗ, ᓱᒋᐊᕐᑕᐅᕕᖓᑦ ᓇᓪᓕᐅᑎᒃᐸᑦ ᓇᓗᓇᕈᓐᓃᕈᒫᕐᐳᑦ ᓱᓇᒃᓴᐅᖏᓐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 10:3

ᐊᓯᑦᓯ ᐃᓕᖅᑯᓯᖏᑦ ᓱᓕᖏᒻᒪᑕ, ᓇᐹᕐᑐᒥᑦ ᓇᑲᑦᓯᒐᒥᒃ, ᓴᓇᓐᖑᐊᕐᑎᐅᓪᓗ ᓴᓇᓕᕐᐹ ᓴᓇᕐᕈᑎᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 11:12

ᔫᑕᐅᑉ ᐃᒡᓗᒐᓴᖏᑦ ᔨᕉᓴᓕᒥᐅᓪᓗ ᐃᓄᖏᑦ, ᑕᑎᖃᕋᓱᐊᕈᒫᕐᐳᑦ ᒎᑎᓐᖑᐊᓂᒃ ᑐᒃᓯᐊᕐᕕᒋᕙᒃᑕᒥᖕᓂᒃ, ᐱᐅᓕᔨᒋᔪᓐᓇᕐᓂᐊᓐᖏᓔᓪᓕ ᑲᑉᐱᐊᓇᕐᑐᒧᑦ ᑎᑭᑕᐅᒍᑎᒃ.

ᔨᕆᒤᐊᐅᑉ ᐊᒡᓚᖏᑦ 11:17

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 15:6

ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ; ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 16:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, ‘ᓯᕗᓕᕕᓂᑦᓯ ᕿᒪᓚᐅᕐᒪᖓ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒡᓗ ᒪᓕᒐᖃᖔᓕᓚᐅᕐᒪᑕ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᑐᒃᓯᐊᕐᕕᒋᕙᒃᓗᒋᓪᓗ, ᐅᕙᓐᓂᒡᓕ ᕿᒤᓪᓗᑎᒃ ᐱᖁᔭᒃᑲ ᒪᓕᒍᒪᔪᓐᓃᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 17:13

ᐊᑕᓃᖅ ᐃᓴᕆᐊᓕᒥᐅᑦ ᓂᕆᐅᒋᔭᖃᕐᕕᒋᔭᖓᑦ, ᐃᓕᖕᓂᒃ ᕿᒤᔪᑦ ᑲᓐᖑᓇᕐᑐᒦᑦᓱᒫᕐᐳᑦ; ᐃᓕᖕᓂᒃ ᑐᓄᐃᔪᑦ ᐳᔪᕋᒃᑯᑦ ᐊᑎᓕᐅᕐᑕᐅᓯᒪᔪᑎᑐᑦ ᐊᓯᐅᔪᒫᕐᐳᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᐃᒥᕐᕕᒃᓴᒥᒃ ᐃᓅᓯᖃᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:17

ᑕᒪᓐᓇ ᓇᖕᒥᓂᖅ ᐃᓕᑦᓯᓐᓂᑦ ᓴᖅᑭᑎᑉᐸᓯ ᐊᑕᓂᖅ ᒎᑎᓯ ᕿᒪᓚᐅᕋᑦᓯᐅᒃ, ᑕᓯᐅᕐᓯᓚᐅᕐᑐᖅ ᐊᖅᑯᑎᑦᓯᓐᓂ ᐊᑐᕐᑕᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 2:28

“ᒎᑎᓯᓕ ᓴᓇᓚᐅᕐᑕᓯ ᓇᓃᒻᒪᑖ? ᐊᑲᐅᖏᑦᑐᒦᓕᕐᑎᓪᓗᓯ ᐱᐅᓕᓯᔪᓐᓇᕐᐸᑕ ᑍᒃᑯᐊ ᕾᓚᐅᕐᓕᑦ! ᒎᑎᖃᕐᐳᓯ ᓄᓇᓕᖁᑎᑦᓯᑐᑦ ᐅᓄᕐᑎᒋᔪᓂᒃ ᔫᑕᒥᐅᑕᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 4:12

ᐊᓄᕆᑦᑕᐅᖅ ᑕᒪᑐᒪᓐᖓᑦ ᓴᓐᖏᓂᕐᓴᐅᔪᖅ ᐊᑕᓂᕐᒥᑦ ᐱᔪᒫᕐᒪᑦ! ᐃᖅᑲᕐᑐᐃᓂᖓ ᑐᑭᓯᑦᔪᑕᐅᔪᒃᓴᐅᕗᖅ ᐃᓄᖁᑎᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐊᒡᓚᖏᑦ 5:29

ᑕᒪᒃᑯᓄᖓ ᓱᒋᐊᕆᐊᖃᓐᖏᓚᒃᑳ? ᐊᑕᓂᖅ ᐅᖃᕐᐳᖅ, ᐊᑭᓂᐊᕐᑐᒃᓴᐅᓐᖏᓚᖔ ᐃᓅᖃᑎᒋᒡᔪᐊᓂᒃ ᑍᒤᓕᐅᕐᑐᓃᒃ?

ᔨᕆᒤᐊᐅᑉ ᐊᒡᓚᖏᑦ 5:9

ᓱᒋᐊᕐᓯᔪᒃᓴᐅᓐᖏᓚᖔ ᐃᓕᖅᑯᓯᕆᔭᖓᑦ ᐱᓪᓗᒍ? ᐊᑭᓂᐊᕐᑐᒃᓴᐅᓐᖏᓚᖔ? ᐃᓅᖃᑎᒌᒡᔪᐊᓄᑦ ᑍᒤᓕᐅᕐᑐᓄᑦ?

ᔨᕆᒤᐊᐅᑉ ᐊᒡᓚᖏᑦ 51:17

ᐃᓄᓕᒫᑦ ᑐᑭᓯᒪᓐᖏᓚᑦ ᖃᐅᔨᒪᓇᑎᒡᓗ; ᒎᓗᒥᒃ ᓴᓇᓐᖑᐊᕐᑏᑦ ᒎᑎᓐᖑᐊᓕᐊᒥᖕᓂᒃ ᑲᓐᖑᓲᑎᒃᓴᓕᐅᕐᐸᒃᐳᑦ, ᓴᓇᓐᖑᐊᕐᑕᖏᑦ ᓱᓕᖏᒻᒪᑕ ᐊᓂᕐᓂᖃᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 7:17

ᑕᑯᖃᑦᑕᓐᖏᓚᑏᑦ? ᖃᓄᐃᓕᐅᕐᓂᕆᔭᖏᓐᓂᒃ ᔫᑕᒥ ᔨᕉᓴᓕᒥᐅᓪᓗ ᐊᖅᑯᓯᓂᖏᓐᓃ?

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:18

ᐊᓐᓄᕌᓂᒡᓗ ᑕᕐᓯᕐᑐᕐᓯᒪᔪᓂᒃ ᐱᐅᔪᐊᓗᓂᒃ ᐅᓕᓚᐅᕐᐸᑎᑦ, ᐸᐅᕐᖎᓪᓗ ᐅᕐᓱᖏᑦ ᐃᓯᕐᓗᐊᕐᓂᑎᑦᓯᑎᑦᔪᑏᓪᓗ ᐱᖁᑎᒃᑲ ᓵᖏᓐᓄᑦ ᐃᓕᕙᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 11:2

ᕾᖁᒃᑲᓐᓂᓕᕌᖓᒃᑭᑦ ᕿᒫᒃᑲᓐᓂᖃᑦᑕᓚᐅᕐᐳᑦ ᐅᕙᓐᓂᒃ, ᐰᓕᒧᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ, ᐃᑯᐊᓪᓔᕙᒃᓗᑎᒡᓗ ᑎᐱᑦᓯᐊᕆᒃᑐᓂᒃ ᒎᑎᓐᖑᐊᓄᑦ.

ᕼᐆᓯᐊᑉ ᐊᒡᓚᖏᑦ 8:6

ᐃᓴᕆᐊᓕᒥ: ᓴᓇᔩᑦ ᓴᓇᓯᒪᔭᖓ, ᒎᑎᐅᓐᖏᓚᖅ; ᓴᒥᐊᕆᐊᒥ ᓄᕐᕋᐅᔮᕐᑐᓐᖑᐊᖅ ᓯᖁᒥᑕᐅᔪᒫᕐᐳᖅ.

ᔪᐃᓕᐅᑉ ᐊᒡᓚᖏᑦ 2:11

ᐊᑕᓂᐅᑉ ᓂᐱᒥᓄᑦ ᐅᓇᑕᕐᑐᒃᓴᖁᑎᓂ ᐊᐅᓚᑉᐰᑦ, ᐅᓇᑕᕐᑐᒃᓴᖁᑎᖏᑦ ᐅᓄᕐᑐᕐᔪᐊᖑᕗᑦ; ᓂᐱᖓᓂᒃ ᓈᓚᒃᑐᖅ ᓲᖑᔪᕐᔪᐊᖑᕗᖅ. ᐊᑕᓂᐅᑉ ᐅᓪᓗᖓ ᑲᑉᐱᐊᓇᕐᐳᖅ; ᑭᓇᓖ ᑕᒪᑐᒥᖓ ᐊᓂᒍᐃᔪᓐᓇᕐᐹ?

ᐋᐴᓯᑕᓖᑦ ᐱᓂᐊᕐᓂᖏᑦ 7:41

ᓴᓇᓚᐅᕐᐳᑦ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ, ᑐᓂᕐᕈᓯᕐᕕᒋᓪᓗᒍ ᖁᕕᐊᓱᖃᑎᒌᓚᐅᕐᐳᑦ ᓇᖕᒥᓂᖅ ᓴᓇᓚᐅᕐᑕᑎᒃ ᑖᓐᓇ ᐱᑦᔪᑎᒋᓪᓗᒍ.

ᒨᓯᓯ ᑕᓪᓕᒪᖏᑦ 28:20

“ᐱᐅᖏᑦᑐᒥᒃ ᐱᓇᓱᐊᕈᑦᓯ ᐊᑕᓂᖃᕈᒪᖏᒃᑯᑦᓯᓗ, ᑕᕝᕙ ᐱᓂᕐᓗᖕᓇᕐᑐᓄᑦ ᑎᑭᑕᐅᑎᑦᓱᒫᕐᐹᓯ, ᓇᓗᓕᕐᓇᕐᑐᒧᓪᓗ, ᐊᑲᐅᖏᑦᔪᑎᒃᓴᖃᕐᓂᕐᓄᓪᓗ ᖃᓄᐃᑦᑐᑐᐃᓐᓇᒥᒃ ᐱᓇᓱᐊᕋᓗᐊᕈᑦᓯ, ᕿᓚᒥᑯᓗᒃ ᓄᖑᑕᐅᑦᓯᐊᕐᓇᕐᑐᒧᑦ ᑎᑭᑕᐅᓚᐅᖅᑳᕐᑎᓐᓇᓯ, ᐅᕙᓐᓂᒃ ᕿᒤᓯᒪᓃᑦ ᐱᑦᔪᑎᒋᓗᒍ.

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᔮᓱᐊᑉ ᐊᒡᓚᖏᑦ 24:20

ᐊᑕᓂᖅ ᕿᒪᖕᓂᐊᕈᑦᓯᐅᒃ ᐱᔨᑦᓯᓕᕐᓗᓯᓗ ᐃᓅᖃᑎᒋᓐᖏᑕᑦᑕ ᒎᑎᖏᓐᓂᒃ, ᑕᕝᕙ ᑖᑦᓱᒪ ᓵᑦᑐᒫᕐᐹᓯ, ᓱᒋᐊᕐᓗᓯᓗ ᓄᖑᑦᓱᒫᕐᐹᓯ, ᐃᓕᑦᓯᓐᓄᑦ ᐱᐅᔪᓂᒃ ᐱᓇᓱᐊᖃᑦᑕᓚᐅᕋᓗᐊᕐᑎᓪᓗᒍ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:20

ᓯᓚᕐᔪᐊᕐᒥᐅᓪᓕ ᐃᓄᖏᑕ ᐃᓚᖏᑦ, ᑖᒃᑯᓄᖓ ᐊᓯᕈᕐᓇᕐᑐᓄᑦ ᑐᖁᑕᐅᖏᑦᑐᑦ, ᓱᓕ ᖃᕿᐊᓕᓐᖏᓚᑦ ᓴᓇᓯᒪᔭᒥᖕᓂᑦ ᑐᒃᓯᐊᕐᕕᒋᕙᒃᑕᒥᖕᓂᓪᓗ ᐊᓂᕐᓂᕐᓗᖕᓄᑦ, ᒎᑎᓐᖑᐊᒥᖕᓂᓪᓗ ᒎᓗᓂᑦ ᓯᐅᓪᕕᕆᓂᑦ, ᑲᓐᓄᔭᓂᑦ, ᐅᔭᕋᖕᓂᑦ, ᕿᔪᖕᓂᓪᓗ, ᑕᑯᔪᓐᓇᖏᑦᑐᓂᑦ ᑐᓵᔪᓐᓇᖏᑦᑐᓂᑦ ᐱᓱᒍᓐᓇᖏᑦᑐᓂᓪᓗ;