ᐃᓗᐊᕐᓮᔩᑦ ᐊᒡᓚᖏᑦ 7:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓄᐃᓪᓗ ᒪᕐᕋᐅᔭᖁᑎᖏᓐᓂᒃ ᑎᑦᑐᓚᐅᑎᖏᓐᓂᒡᓗ ᑕᖁᐊᖏᓐᓂᒡᓗ ᐱᓪᓗᓂ; ᐃᓴᕆᐊᓕᒥᐅᑉ ᐊᒥᐊᒃᑯᖏᑦ ᐊᖏᕋᕐᑎᑉᐰᑦ, 300ᓂᒡᓕ ᐊᖑᑎᓂᒃ ᐱᓯᒪᓕᕐᓗᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᐊᒃᐸᓯᒃᑐᒥ.

ᐃᓗᐊᕐᓮᔩᑦ ᐊᒡᓚᖏᑦ 7:8 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᒨᓯᓯ ᐱᖓᔪᖏᑦ 23:24

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ: ᐅᓪᓗᐃᑦ ᓯᕗᓕᕐᐸᖓᓂ ᑕᖅᑮᑦ 7ᖓᓐᓂ ᑕᕾᕐᓯᕕᖃᕆᐊᖃᕐᐳᓯ, ᑲᑎᒪᔭᕆᐊᖃᕐᐳᓯᓗ ᑐᒃᓯᐊᖃᑎᒌᖕᓂᕐᒧᑦ, ᑎᑦᑐᓚᐅᑏᑦ ᓂᓪᓕᕐᐸᑕ.

ᒨᓯᓯ ᐱᖓᔪᖏᑦ 25:9

ᑖᒃᑯᐊ ᑭᖑᓂᖓᓐᓂ ᑕᖅᑮᑦ 7ᖓᑕ ᐅᓪᓗᖏᑕ 10ᖓᓂ, ᐅᓪᓗᖅ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᓯᒪᑎᓪᓗᒍ, ᑎᓕᓯᔪᒃᓴᐅᕗᓯ ᐊᖑᒻᒥᒃ ᓄᓇᒥ ᑕᒫᓂ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᖁᓪᓗᒍ.

ᒨᓯᓯ ᓯᑕᒪᖏᑦ 10:9

“ᐅᓇᑕᕆᐊᕐᑐᓕᕈᑦᓯᓕ ᓄᓇᑦᓯᓐᓂ ᐊᑭᕋᕐᑐᕐᑎᓯ ᐊᑭᕋᕐᑐᕐᓗᒋᑦ, ᓂᓪᓕᐊᑎᑦᓯᔭᕆᐊᖃᕐᐳᓯ ᑎᑦᑐᓚᐅᑎᓂᒃ, ᐃᖅᑲᐅᒪᔭᐅᓂᐊᕐᐳᓯᓗ ᐊᑕᓂᐅᑉ ᒎᑎᑦᓯ ᓵᖓᓂ, ᓴᐳᑎᔭᐅᓗᓯᓗ ᐊᑭᕋᑦᓯᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:52

ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᑎᑦᑐᓚᐅᑦ ᑭᖑᓪᓕᕐᐹᖅ ᓂᓪᓕᕐᐸᑦ. ᑎᑦᑐᓚᐅᑦ ᓂᓪᓕᑐᐊᕐᐸᑦ, ᑐᖁᖓᔪᑦ ᒪᑭᑦᓱᒫᕐᐳᑦ ᓱᕈᔭᑦᑑᔪᓐᓃᕐᓗᑎᒃ, ᐅᕙᒍᓪᓗ ᑕᒪᑦᑕ ᐊᓯᑦᔨᕐᑕᐅᔪᒫᕐᐳᒍᑦ.

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 6:4

ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 3:27

ᑎᑭᓐᓇᒥᓗ ᑎᑦᑐᓚᐅᑎᒥᒃ ᓂᓕᕐᑎᑦᓯᕗᖅ ᐃᕗᕅᒻ ᖃᖅᑲᖏᓐᓂ; ᐃᓴᕆᐊᓕᒥᐅᓪᓗ ᕾᖁᓪᓗᒋᑦ ᐅᓇᑕᕆᐊᕐᑐᖃᑎᒋᕔᑦ ᑕᐅᓄᖓ, ᑖᓐᓇ ᓯᕗᓪᓕᕐᐸᐅᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 6:33

ᒥᑎᐊᓂᒥᐅᓕᒫᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᒥᐅᑦ ᑲᑎᓕᕐᐳᑦ, ᔪᐊᕐᑕᓂᐅᓪᓗ ᑰᖓ ᐃᑳᕐᓗᒍ, ᑕᖕᒫᕐᐳᑦ ᔨᔭᕆᐅᓪ ᓇᕐᓴᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 7:7

ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐊᖑᑎᓄᑦ 300ᓄᑦ ᖃᓗᓯᓪᓗᑎᒃ ᐃᒥᕐᑐᓄᑦ ᒥᑎᐊᓂᒥᐅᓂᒃ ᓵᓚᖃᕐᑎᓐᓂᐊᕐᐸᒋᑦ; ᐊᓯᖏᓪᓕ ᐊᖏᕐᕋᕐᑎᓕᒃᑭᑦ.”

ᐃᓗᐊᕐᓮᔩᑦ ᐊᒡᓚᖏᑦ 7:9

ᑍᑦᓱᒪᓂ ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᒪᑭᓕᕆᑦ ᐅᓇᑕᕆᐊᕐᓗᑎᓪᓗ ᑕᖕᒫᕐᓯᒪᕕᖏᓐᓄᑦ; ᓵᓚᖃᕐᑎᑦᑕᕇᕋᒃᑭᑦ.