ᐃᓗᐊᕐᓮᔩᑦ ᐊᒡᓚᖏᑦ 7:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᕐᑎᓕᕐᐰᑦ ᐅᓇᑕᕐᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 7:22 Iomraidhean Croise

ᐊᑕᓃᑦ ᓯᕗᓪᓖᑦ 19:16

ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ.

ᐊᑕᓃᑦ ᓯᕗᓪᓖᑦ 4:12

ᐹᓇ, ᐊᕼᐃᓗᑎᐅᑉ ᐃᕐᓂᖓ: ᐊᖓᔪᖅᑳᖑᑎᓪᓗᒍ ᑖᓇᒃᒧᑦ ᐃᒡᓗᒐᓴᖕᓄᑦ, ᒥᒋᑐᒧᓗ, ᐱᑦ-ᓰᓐ ᖃᓂᒋᔭᓖᒫᖓᓄᑦ ᔭᕆᑕᐅᑉ ᓄᓇᖓᑕ ᖃᓂᒋᔭᖓᓄᑦ ᑎᑭᓪᓗᒍ, ᔨᔭᕆᐅᑉ ᐊᑖᓃᑦᑐᒧᑦ ᑎᑭᓪᓗᒍ, ᐊᒻᒪ ᑕᕝᕙᓐᖓᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᖅ ᐊᐱᐅᓪ-ᒥᕼᐅᓚ ᑎᑭᓪᓗᒍ, ᑕᐅᓄᖓ ᔫᒃᒥᐊᒥᐅᑉ ᐊᑭᐊᓄᑦ ᑎᑭᓪᓗᒍ.

ᑯᕉᓂᑲ ᐂᑉᐸᖏᑦ 20:23

ᐊᒧᓁᒥᐅᑦ ᒧᐊᐱᒥᐅᓪᓗ ᐅᓇᑕᓕᓚᐅᕐᐳᑦ ᖃᖅᑲᒥ ᓰᐊᕆᒥᐅᓂᒃ, ᑐᖁᕋᕐᐰᓪᓗ ᓄᖑᑦᓯᐊᕐᓗᒋᑦ, ᓯᐊᕆᒥᐅᑦ ᓄᖑᓐᓇᒥᒋᑦ, ᑕᕝᕙ ᐃᒻᒥᖕᓄᑦ ᓵᓪᓗᑎᒃ ᑐᖁᕋᖃᑦᑕᐅᑎᓕᓚᐅᕆᕗᑦ.

ᐃᓐᖏᕈᑎᑦ 83:9

ᐱᓇᓱᐊᕐᕕᒋᓚᐅᒃᑭᑦ ᒥᑎᐊᓂᒥᐅᑎᑐᑦ, ᓯᓰᕋᒥᐅᑎᑐᓪᓗ, ᔮᐱᓂᒥᐅᑎᑐᓪᓗ ᑭᓲᓂᐅᑉ ᑰᖓᓂᒥᐅᑕᑎᑐᑦ,

ᐂᓮᐊᓯᐅᑉ ᐊᒡᓚᖏᑦ 19:2

ᐄᑦᔨᑉᑎᒥᐅᑦ ᓵᓐᖓᑎᑦᓱᒫᕐᐸᒃᑲ ᐃᓅᖃᑎᒥᖕᓂᒃ, ᐅᓇᑕᓕᕈᒫᕐᐳᑦ, ᐊᖑᑏᑦ ᓄᑲᕇᑦ ᐃᒻᒥᖕᓄᑦ ᐅᓇᑕᓕᕐᓗᑎᒃ, ᓯᓚᖅᑲᑎᒌᑦ ᓯᓚᖅᑲᑎᒥᖕᓄᑦ ᐅᓇᑕᓕᕐᓗᑎᒃ, ᐃᒡᓗᒐᓴᒡᔪᐊᒥᐅᑦ ᐃᒡᓗᒐᓴᒡᔪᐊᒥᐅᓂᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ, ᐊᖓᔪᖅᑳᕐᔪᐊᖃᕐᕖᓪᓗ ᐊᖓᔪᖅᑳᕐᔪᐊᖃᕐᕕᖕᒥᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:3

ᐃᓅᖃᑎᒌᒡᔪᐊᑦ ᐅᓄᕐᑐᕐᔪᐊᓐᖑᑎᑉᐸᑎᑦ; ᖁᕕᐊᓱᖕᓂᖏᓪᓗ ᐊᖏᔪᕈᕐᑎᓪᓗᒋᑦ; ᖁᕕᐊᓱᖃᑎᒌᒃᐳᑦ ᓵᖕᓂ, ᓲᕐᓗ ᐃᓄᐃᑦ ᖁᕕᐊᓱᖃᑎᒌᒃᐸᖕᒪᑕ ᐱᕈᕐᑐᓂᒃ ᑲᑎᕐᓯᕕᒃ ᓇᓪᓕᐅᑎᓯᒪᑎᓪᓗᒍ, ᐅᕝᕙᓗ ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᓵᓚᒋᔭᒥ ᐱᖁᑎᕕᓂᖏᓐᓂᒃ ᐂᑦᑐᕐᑐᐃᔪᖃᕐᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 38:21

ᒑᒡᒥᐅᓪᓗ ᑲᑉᐱᐊᓱᒃᑎᑦᓱᒫᕐᐸᒃᑲ ᑲᑉᐱᐊᓇᕐᑐᓄᑦ ᐊᑦᔨᒌᖏᑦᑐᓄᑦ, ᐊᑕᓂᖅ ᒎᑎ ᐅᖃᕐᐳᖅ; ᐅᓇᑕᕐᑎᖁᑎᓕᒫᖏᑦ ᐃᒻᒥᖕᓄᑦ ᑐᖁᕋᖃᑦᑕᐅᑎᓕᕈᒫᕐᐳᑦ.

ᕼᐊᐸᑲᐅᑉ ᐊᒡᓚᖏᑦ 3:14

ᖃᕐᔪᕕᑦ ᑲᐱᓚᐅᕐᐹ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᑦ, ᐅᓚᔪᔭᕐᑎᑐᑦ ᕾᓕᕐᑎᓪᓗᒍ ᐅᕙᑦᑎᓐᓂᒃ ᓯᐊᒻᒪᕐᑎᑦᓯᔪᒪᓪᓗᓂ, ᖁᕕᐊᓲᑎᖃᑐᐃᓐᓇᓚᐅᕐᐳᑦ ᐊᔪᕐᓴᕐᑐᓂᒃ ᐄᓯᔪᑎᑐᑦ ᐱᔪᒪᓪᓗᑎᒃ ᖃᐅᔨᔭᐅᖏᓪᓗᑎᒃ.

ᕼᐊᒊᑉ ᐊᒡᓚᖏᑦ 2:22

ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᕐᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᓂᖏᑦ ᐊᓯᕈᕐᓂᐊᓕᕐᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᕐᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 14:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐃᓄᐃᑦ ᐊᖏᔪᒥᒃ ᐅᐃᒪᔮᕐᑎᑦᓱᒫᕐᐰᑦ; ᐃᓅᖃᑎᒥᖕᓂᒃ ᐊᒡᒐᖏᑎᒍᑦ ᑎᒍᓯᓗᑎᒃ, ᑐᖁᕋᐅᑎᓇᓱᐊᕈᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:7

ᐅᕙᒍᓪᓕ ᐊᓂᕐᓂᒃᑯᑦ ᐱᒃᑯᒥᓇᕐᑐᒥᒃ ᑕᒪᑐᒥᖓ ᐱᖃᕐᑐᒍᑦ ᐃᒥᖃᐅᑎᑎᑐᑦ ᒪᕐᕋᕐᑎᑐᑦ ᑍᒤᑉᐳᒍᑦ, ᓴᖅᑭᑎᑦᓯᖁᓪᓗᑕ ᐱᔪᓐᓇᕐᓂᕐᔪᐊᖅ ᑕᒪᓐᓇ ᒎᑎᒥᑦ ᐱᓯᒪᓂᖓᓂᒃ ᐅᕙᑦᑎᓐᓂᐅᖏᑦᑐᖅ.

ᔮᓱᐊᑉ ᐊᒡᓚᖏᑦ 3:16

ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ.

ᔮᓱᐊᑉ ᐊᒡᓚᖏᑦ 6:16

7ᖓᓐᓂ ᑬᕙᓪᓔᔭᕇᕐᒪᑕ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᑕᕝᕙ ᔮᓱᐊᑉ ᐊᖑᑏᑦ ᐅᖃᐅᑎᕔᑦ, “ᕾᒐᓛᓕᕆᑦᓯ; ᐊᑕᓂᐅᑉ ᐃᒡᓗᒐᓴᖕᓂᒃ ᑐᓂᕚᓯ!

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 6:4

ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ.

ᓴᒧᐃᓕ ᓯᕗᓪᓖᑦ 18:19

ᒥᕋᑉᓕ ᓴᐅᓕᐅᑉ ᐸᓂᖓᑕ ᑐᓂᔭᐅᕕᒃᓴᖓ ᓇᓪᓕᐅᑎᓯᒪᓕᕐᑎᓪᓗᒍ ᑍᕕᑎᒧᑦ, ᑐᓂᔭᐅᖔᕐᐳᖅ ᐊᖑᒻᒧᑦ ᐊᑦᕆᐅᓪᒧᑦ ᒥᕼᐅᓚᑍᑎᒥᐅᑕᕐᒧᑦ.