ᐃᓗᐊᕐᓮᔩᑦ ᐊᒡᓚᖏᑦ 7:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 7:12 Iomraidhean Croise

ᐊᑕᓃᑦ ᓯᕗᓪᓖᑦ 20:27

ᐃᓴᕆᐊᓕᒥᐅᑉ ᐃᓄᖏᑦ ᑲᑎᕐᓱᕆᕗᑦ ᐃᓂᒃᓴᒥᓅᖅᑲᕐᓗᑎᒡᓗ, ᐅᓇᑕᕆᐊᓕᕐᓗᑎᒃ ᑖᒃᑯᓂᖓ; ᐃᓴᕆᐊᓕᒥᐅᑦ ᐃᓄᖏᑦ ᑕᖕᒫᕋᒥᒃ ᒎᑦᓯᑎᑐᑦ ᒪᕐᕈᐃᓕᖅᑲᖔᔪᒃᑎᑐᑦ ᑲᑎᓐᖓᔪᑎᑐᑦ ᑍᒤᓚᐅᕐᐳᑦ, ᓯᕆᐊᒥᐅᓪᓕ ᓄᓇᓕᒫᒥᒃ ᓈᔨᓯᒪᑎᓪᓗᒋᑦ.

ᐊᑕᓃᑦ ᓯᕗᓪᓖᑦ 4:30

ᓲᓗᒨᓂ ᓯᓚᑐᓂᕐᓴᐅᓚᐅᕐᐳᖅ ᐃᓄᖕᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓕᒫᓂᑦ, ᓯᓚᑐᓂᕐᓴᐅᓪᓗᓂᓗ ᐄᑦᔨᑉᑎᐅᑉ ᓯᓚᑐᔪᖁᑎᓕᒫᖏᓐᓂᑦ.

ᐃᓐᖏᕈᑎᑦ 3:1

ᐊᑕᓃᖅ, ᐸᒡᕕᓴᒃᑎᒃᑲ ᐅᓄᕐᑐᐊᓘᓕᕐᐳᑦ ᐊᕙᑎᓐᓂ! ᐅᓄᕐᑐᑦ ᒪᑭᓐᓇᓱᐊᕐᐳᑦ ᐅᕙᓐᓂᒃ ᐊᑭᕋᕐᑐᕈᒪᓪᓗᑎᒃ.

ᐃᓐᖏᕈᑎᑦ 33:16

ᐊᖓᔪᖅᑳᕐᔪᐊᑦ ᓇᓪᓕᐊᓪᓘᓐᓃᑦ ᓴᐳᑎᔭᐅᓐᖏᓚᑦ ᐅᓇᑕᕐᑐᒃᓴᖁᑎᖏᑕ ᐅᓄᕐᓂᖏᓐᓄᑦ; ᐅᓇᑕᕐᑐᒃᓴᓪᓘᓐᓃᑦ ᓇᓪᓕᐊᑦ ᐊᔪᖏᑦᑐᑦ ᓴᐳᑎᔭᐅᓐᖏᓚᑦ ᓴᓐᖏᓂᕐᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 46:23

ᓇᐹᕐᑐᖏᓪᓗ ᓇᑲᑎᕐᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᓇᐹᕐᑐᖏᑦ ᐊᑯᓐᓂᖃᕐᑑᔮᖏᒃᑲᓗᐊᕐᐸᑕ, ᐱᒡᓕᕐᑕᐅᔮᕐᑐᓂᑦ ᐅᓄᕐᓂᕐᓴᐅᓗᑎᒃ ᑎᑭᑦᓱᒫᕐᒪᑕ, ᐅᓄᓗᐊᕐᓂᖏᓐᓄᑦ ᓈᓴᒐᒃᓴᐅᖏᓪᓗᑎᒃ.

ᔮᓱᐊᑉ ᐊᒡᓚᖏᑦ 11:4

ᐂᓕᕐᐳᓪᓗ ᐅᓇᑕᕐᑐᒃᓴᓕᔭᕐᓗᑎᒃ, ᐅᓇᑕᕐᑎᖏᑦ ᐊᖑᑏᑦ ᐅᓄᕐᑐᒻᒪᕆᐊᓘᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ, ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᓗᑎᒃ ᑲᓕᒐᖃᕐᑐᓂᒡᓗ ᐊᒃᓴᓗᐊᓕᖕᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:3

ᑍᒪᓐᖓᓪᓗ ᐃᓴᕆᐊᓕᒥᐅᑦ ᐱᕈᕐᓰᔭᕐᑐᕌᖓᑕ ᓂᕿᒃᓴᒥᖕᓂᒃ, ᒥᑎᐊᓂᒥᐅᑦ ᐊᒪᓕᑬᑎᓪᓗ ᓯᐅᕋᕐᒥᐅᓪᓗ ᐅᐸᒍᑎᕙᓚᐅᕐᐳᑦ ᐅᓇᑕᕆᐊᕐᑐᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 6:33

ᒥᑎᐊᓂᒥᐅᓕᒫᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᒥᐅᑦ ᑲᑎᓕᕐᐳᑦ, ᔪᐊᕐᑕᓂᐅᓪᓗ ᑰᖓ ᐃᑳᕐᓗᒍ, ᑕᖕᒫᕐᐳᑦ ᔨᔭᕆᐅᓪ ᓇᕐᓴᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 6:5

ᑎᑭᖃᑦᑕᓚᐅᕐᒪᑕ ᐅᒫᔪᖁᑎᒡᒋᕐᓗᑎᒃ, ᑐᐱᒡᒋᕐᓗᑎᒡᓗ ᐱᒡᓕᕐᑕᐅᔮᕐᑐᑎᑐᑦ ᓈᓴᒐᒃᓴᐅᖏᑦᑐᑎᑐᑦ; ᑖᒃᑯᐊᓗ ᑳᒥᓕᖁᑎᖏᓪᓗ ᐅᓄᕐᓂᖏᑦ ᓈᓴᒐᒃᓴᐅᓚᐅᓐᖏᓚᑦ; ᑎᑭᓐᓇᒥᒃ ᓄᓇᒥᒃ ᐊᑑᑎᒃᓴᖃᕈᓐᓃᕐᑎᑦᓯᕙᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 7:13

ᒋᑎᐅᓂᒃᑯᓪᓗ ᑎᑭᐅᑎᒐᒥᒃ, ᑐᓵᓚᐅᕐᐳᖅ ᐊᖑᒻᒥᒃ ᓯᓐᓇᒃᑐᒥᓂᒃ ᐅᓂᒃᑳᕐᑐᒥᒃ ᐱᖃᑎᒥᓄᑦ, ᐅᖃᓚᐅᕐᐳᖅ, “ᑕᑯᒋᑦ ᓯᓐᓇᒃᑐᓚᐅᕐᑐᖓ ᓂᐊᖂᔭᒥ ᐹᓕᒥᒃ ᐊᒃᓴᑳᔪᒥᒃ ᒥᑎᐊᓂᒥᐅᑦ ᑕᖕᒫᕐᓯᒪᕕᖓᓄᑦ ᑐᐱᕐᒧᑦ ᐊᐳᕐᑐᒥᒃ. ᑐᐱᕐᓗ ᐅᕐᕈᕗᖅ, ᐅᓕᓐᓇᒥ ᒪᓂᖅᑲᒥ ᐃᓯᕕᖓᓕᕐᐳᖅ.”

ᐃᓗᐊᕐᓮᔩᑦ ᐊᒡᓚᖏᑦ 8:10

ᔩᐸᓗ ᔮᓪᒨᓇᓗ ᑳᑯᕆᒦᓚᐅᕐᐴᒃ ᐅᓇᑕᕐᑐᒃᓴᖁᑎᑎᒃ ᐃᓚᒋᓪᓗᒋᑦ. ᐅᓇᑕᕐᑐᒃᓴᖁᑎᖏᑦ 15,000ᐅᓪᓗᑎᒃ; ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᓯᒪᔪᑦ ᐅᓇᑕᕐᑐᒃᓮᑦ ᐊᒥᐊᒃᑯᖏᑦ; 120,000ᐃᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᐅᑎᓖᑦ ᑐᖁᖓᓕᓚᐅᕐᒪᑕ.

ᓴᒧᐃᓕ ᓯᕗᓪᓖᑦ 13:5

ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.

ᓴᒧᐃᓕ ᓯᕗᓪᓖᑦ 30:17

ᖃᐅᑎᓪᓗᒍ ᖃᐅᒻᒪᓕᕐᑎᓪᓗᒍ ᑍᕕᑎᐅᑉ ᐅᓇᑕᕆᐊᓚᐅᕐᐰᑦ ᐅᓇᑕᓚᐅᕐᐰᓪᓗ ᐅᓐᓄᒧᑦ ᑎᑭᓪᓗᒍ; ᐅᕕᒃᑬᓪᓕ 400 ᕿᒪᒃᓯᓚᐅᕐᐳᑦ ᑳᒥᓕᒃᑎᒍᑦ, ᐊᓯᓕᒫᖏᓪᓕ ᐊᖑᑎᑦ ᑐᖁᑕᐅᓚᐅᕐᐳᑦ.