ᐃᓗᐊᕐᓮᔩᑦ ᐊᒡᓚᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᓪᓗᐃᑦ ᐃᓚᖓᓐᓂ ᔨᕈᐸᐅᓪ (ᑖᓐᓇ ᒋᑎᐅᓂ) ᐃᓄᐃᓪᓗ ᓇᔪᕐᑎᓕᒫᖏᑦ ᒪᑭᑉᐳᑦ ᐅᓪᓛᒻᒪᕆᒃᑯᑦ ᑕᖕᒫᕐᓗᑎᒡᓗ ᕼᐊᕉᑎᐅᑉ ᑰᖓᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᒨᕆᐅᑉ ᐅᖓᑖᓂ.

ᐃᓗᐊᕐᓮᔩᑦ ᐊᒡᓚᖏᑦ 7:1 Iomraidhean Croise

ᒨᓯᓯ ᓯᕗᓪᓖᑦ 12:6

ᐂᑉᕋᒻᑯᑦ ᖄᖏᓚᐅᕐᐳᑦ ᓄᓇᒧᑦ ᓯᑭᒻᒥᒃ ᐊᑎᓕᖕᒧᑦ, ᓇᐹᕐᑐᖅ ᐆᒃ ᒨᕆᒦᑦᑐᖅ ᑎᑭᓪᓗᒍ. ᑍᑦᓱᒪᓂ ᑬᓇᓂᒥᐅᑦ ᓱᓕ ᑕᒫᓂ ᓄᓇᖃᕐᑎᓪᓗᒋᑦ.

ᒨᓯᓯ ᓯᕗᓪᓖᑦ 22:3

ᐅᓪᓛᕌᕐᔪᒃᑯᑦ ᖃᐅᑎᓪᓗᒍ ᐂᑉᕋᕼᐋᒻ ᒪᑭᑉᐳᖅ, ᓯᐅᑎᖅᑯᕐᑐᔪᖁᑎᓂᓗ ᓇᖕᒥᕐᓱᕐᓗᒍ, ᐱᔩᖕᓂᓗ ᒪᕐᕉᒃ, ᐃᕐᓂᓂᓗ ᐂᓴᑭ ᓇᒃᓴᕐᓗᒋᑦ, ᕿᔪᖕᓂᒡᓗ ᓇᑲᑎᕆᓪᓗᓂ ᑐᓂᕐᕈᓯᕐᓗᓂ ᐃᑯᐊᓪᓚᖅᑯᑎᒃᓴᒥᓂᒃ, ᐊᐅᓪᓚᕐᐳᑦ ᒎᑎᐅᑉ ᐅᐸᒃᑕᐅᖁᔭᖓᓄᑦ.

ᓴᒧᐃᓕ ᐂᑉᐸᖏᑦ 23:25

ᓴᒪ ᐃᓕᑲᓗ ᕼᐊᕉᑎᒥᐅᑖᒃ,

ᐃᓐᖏᕈᑎᑦ 83:9

ᐱᓇᓱᐊᕐᕕᒋᓚᐅᒃᑭᑦ ᒥᑎᐊᓂᒥᐅᑎᑐᑦ, ᓯᓰᕋᒥᐅᑎᑐᓪᓗ, ᔮᐱᓂᒥᐅᑎᑐᓪᓗ ᑭᓲᓂᐅᑉ ᑰᖓᓂᒥᐅᑕᑎᑐᑦ,

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᒨᓯᓯ ᑕᓪᓕᒪᖏᑦ 11:30

ᑖᒃᑯᐊᒃ ᖃᖅᑳᒃ ᑰᑉ ᔪᐊᕐᑕᓂᐅᑉ ᐊᑭᐊᓃᓐᖏᓚᒃ, ᓯᕿᓂᐅᑉ ᓂᐱᕕᐊᑕ ᓇᓛᓃᑉᐴᒃ, ᑬᓇᓂᒥᐅᑦ ᓄᓇᖓᓂ ᐊᕋᐸᒥ ᓄᓇᖃᕐᑐᓂ, ᒋᐅᓪᒐᐅᑉ ᐊᑭᐊᓂ, ᓇᐹᕐᑑᑉ ᐆᒃᒥᒃ ᒨᕆᒥᒃ ᐊᑎᓕᐅᑉ ᖃᓂᒋᔭᖓᓂ.

ᔮᓱᐊᑉ ᐊᒡᓚᖏᑦ 3:1

ᐅᓪᓛᒻᒪᕆᒃᑯᑦ ᔮᓱᐊᓗ ᐃᓴᕆᐊᓕᒥᐅᓪᓗ ᒪᑭᓚᐅᕐᐳᑦ, ᐊᐅᓪᓚᕐᓗᑎᒡᓗ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ ᔪᐊᕐᑕᓂᒧᐊᓕᕐᓗᑎᒃ, ᑕᕝᕗᖓᓗ ᔪᐊᕐᑕᓂᒧᑦ ᑎᑭᓐᓇᒥᒃ, ᑕᖕᒫᓚᐅᕐᐳᑦ ᐃᑳᕆᐊᓚᐅᖏᓐᓂᕐᒥᖕᓂ.

ᔮᓱᐊᑉ ᐊᒡᓚᖏᑦ 6:12

ᖃᐅᑎᓪᓗᒍ ᔮᓱᐊ ᐅᓪᓛᒻᒪᕆᒃᑯᑦ ᒪᑭᑉᐳᖅ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᓕᓚᐅᕐᐳᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:32

ᑕᕝᕙᓐᖓᑦ ᐱᒋᐊᕐᓗᒍ ᒋᑎᐅᓂ ᑍᔭᐅᓕᕐᐳᖅ ᔨᕈᐸᐅᓪᒥᒃ, ᐃᒫᒃ ᑐᑭᓕᒃ, “ᐰᓕ ᐅᓇᑕᖃᑎᒋᓕᕐᓕᐅᒃ, ᑐᓂᕐᕈᓯᕐᕕᖓᓂᒃ ᐅᕐᕉᕋᕐᑎᑦᓯᓚᐅᕐᒪᑦ.”

ᐃᓗᐊᕐᓮᔩᑦ ᐊᒡᓚᖏᑦ 6:33

ᒥᑎᐊᓂᒥᐅᓕᒫᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᒥᐅᑦ ᑲᑎᓕᕐᐳᑦ, ᔪᐊᕐᑕᓂᐅᓪᓗ ᑰᖓ ᐃᑳᕐᓗᒍ, ᑕᖕᒫᕐᐳᑦ ᔨᔭᕆᐅᓪ ᓇᕐᓴᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 6:40

ᒎᑎ ᑍᒤᓕᐅᓚᐅᕐᐳᖅ ᐅᓐᓄᐊᒥ ᑍᑦᓱᒪᓂ ᓰᐱᐅᑉ ᒥᖅᑯᖓ ᐸᓂᕐᑐᑑᓚᐅᕐᐳᖅ ᓄᓇ ᖃᐅᓯᕐᑎᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 8:29

ᔨᕈᐸᐅᓪ ᔪᐊᓯᐅᑉ ᐃᕐᓂᖓ ᐅᑎᓚᐅᕐᐳᖅ ᓇᖕᒥᓂᖅ ᐊᖏᕐᕋᒥᓄᑦ ᑍᑲᓃᓕᕐᓗᓂᓗ.

ᓴᒧᐃᓕ ᓯᕗᓪᓖᑦ 12:11

ᐊᑕᓂᐅᓪᓗ ᑎᓕᓯᕕᒋᓚᐅᕐᐰᑦ ᔨᕈᐸᐅᓕᒥᒃ, ᐹᕋᒃᒥᒡᓗ, ᔨᑉᑕᒥᒡᓗ, ᓴᒧᐃᓕᒥᒡᓗ, ᑖᒃᑯᑎᒎᓇᖅ ᓴᐳᑎᓚᐅᕐᐹᓯ ᐊᑭᕋᓕᒫᑦᓯᓐᓂᑦ; ᐃᓅᓕᕐᓗᓯᓗ ᑲᑉᐱᐊᓇᖏᑦᑐᒥ.

ᓴᒧᐃᓕ ᓯᕗᓪᓖᑦ 29:1

ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖁᑎᒥᖕᓂᒃ ᑲᑎᕐᓱᐃᓚᐅᕐᐳᑦ ᐊᐱᒃᒧᑦ; ᐃᓴᕆᐊᓕᒥᐅᑦ ᑕᖕᒫᕐᓯᒪᑎᓪᓗᒋᑦ ᐃᒥᕐᑕᕐᕕᖕᒥ ᓄᓇᐅᑉ ᐃᓗᐊᓃᑦ ᑰᒃᑐᒥ ᔨᔭᕆᐅᓪ ᓇᕐᓴᖓᓂ.