ᐃᓗᐊᕐᓮᔩᑦ ᐊᒡᓚᖏᑦ 6:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑎᑭᖃᑦᑕᓚᐅᕐᒪᑕ ᐅᒫᔪᖁᑎᒡᒋᕐᓗᑎᒃ, ᑐᐱᒡᒋᕐᓗᑎᒡᓗ ᐱᒡᓕᕐᑕᐅᔮᕐᑐᑎᑐᑦ ᓈᓴᒐᒃᓴᐅᖏᑦᑐᑎᑐᑦ; ᑖᒃᑯᐊᓗ ᑳᒥᓕᖁᑎᖏᓪᓗ ᐅᓄᕐᓂᖏᑦ ᓈᓴᒐᒃᓴᐅᓚᐅᓐᖏᓚᑦ; ᑎᑭᓐᓇᒥᒃ ᓄᓇᒥᒃ ᐊᑑᑎᒃᓴᖃᕈᓐᓃᕐᑎᑦᓯᕙᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 6:5 Iomraidhean Croise

ᓲᓗᒨᓂᐅᑉ ᐃᓐᖏᕈᓯᖏᑦ 1:5

ᕿᕐᓂᕐᑕᐅᕗᖓ, ᐃᓂᖁᓇᕐᑑᓪᓗᖓ, ᐃᓕᑦᓯ ᔨᕉᓴᓕᐅᑉ ᐸᓂᖏᑦ, ᑐᐱᕐᑎᑐᑦ ᑭᑕᕆᒦᑦᑐᑎᑑᕐᐳᓯ, ᓲᓗᒨᓂᐅᓪᓗ ᐃᒐᓛᖏᑕ ᑖᓗᑕᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 13:20

ᐃᓄᖃᓚᐅᕐᓯᒪᔪᓐᓃᕈᒫᕐᐳᖅ ᓄᓇᒋᔭᐅᕙᒍᓐᓃᕐᓗᓂᓗ ᑭᖑᕚᕇᓕᒫᓄᑦ, ᐋᕋᑉᒥᐅᓄᑦ ᑐᐱᖃᕐᕕᐅᔪᓐᓇᕈᒫᓐᖏᓚᖅ, ᓰᐱᓕᕆᔩᓪᓗ ᓰᐱᖁᑎᑎᒃ ᑕᒫᓃᑎᑦᓱᓐᓇᕈᒫᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 60:6

ᑳᒧᓕᖕᓂᒃ ᓇᖕᒪᒃᑐᓂᒃ ᓄᓇᓯ ᑕᑕᑦᓱᒫᕐᐳᖅ, ᐱᕈᕇᕋᑖᕐᓂᕐᓂᒡᓗ ᑳᒥᓕᖕᓂᒃ ᒥᑎᐊᓂᒥᑦ ᐄᐸᒥᓪᓗ ᑎᑭᑦᑐᓂᒃ; ᓰᐸᐅᑉ ᓄᓇᓕᒫᖓᓂᑦ ᐱᔪᓄᑦ ᐅᓄᕐᑐᓄᑦ ᑎᑭᐅᑦᔨᕕᒋᔪᒫᕐᐹᓯ, ᒎᓗᓂᒃ ᐳᔫᕐᑎᑕᒐᕐᓂᒡᓗ ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᓗᑎᒃ, ᐅᖃᐅᓯᖃᕐᓗᑎᒡᓗ ᐊᑕᓂᐅᑉ ᓂᕐᑐᕐᑕᐅᔪᒃᓴᐅᓂᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 46:23

ᓇᐹᕐᑐᖏᓪᓗ ᓇᑲᑎᕐᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᓇᐹᕐᑐᖏᑦ ᐊᑯᓐᓂᖃᕐᑑᔮᖏᒃᑲᓗᐊᕐᐸᑕ, ᐱᒡᓕᕐᑕᐅᔮᕐᑐᓂᑦ ᐅᓄᕐᓂᕐᓴᐅᓗᑎᒃ ᑎᑭᑦᓱᒫᕐᒪᑕ, ᐅᓄᓗᐊᕐᓂᖏᓐᓄᑦ ᓈᓴᒐᒃᓴᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:29

ᑐᐱᖏᑦ ᐆᒪᔪᖁᑎᖏᓪᓗ ᐱᔭᐅᔪᒫᕐᐳᑦ, ᐊᖏᕐᕋᖏᑦ ᐱᖁᑎᖏᓪᓗ ᐊᐅᓪᓚᕈᑦᔭᐅᓗᑎᒃ, ᑳᒥᓕᖁᑎᖏᓪᓗ ᐊᐅᓪᓚᕈᑎᔭᐅᔪᒫᕐᐳᑦ ᑖᒃᑯᓇᓐᖓᑦ, ᐃᓄᐃᓪᓗ ᑲᑉᐱᐊᓇᕐᓂᕅᔪᒫᕐᐳᑦ ᓇᓂᑐᐃᓐᓇᖅ.

ᔨᕆᒤᐊᐅᑉ ᐊᒡᓚᖏᑦ 49:32

“ᑳᒥᓕᖁᑎᖏᑦ ᑎᒎᖅᑲᒐᒃᓴᐅᓂᐊᕐᐳᑦ, ᐆᒪᔪᖁᑎᒐᓴᒃᔪᐊᖏᓪᓗ ᐱᑖᕆᔭᒃᓴᐅᓗᑎᒃ, ᐊᓄᕆᓄᑦ ᓯᐊᒻᒪᕐᑎᑦᓱᒫᕐᐸᒃᑲ ᓄᔭᕐᒥᖕᓂᒃ ᑭᐱᓯᓯᒪᔪᑦ, ᓇᑭᑐᐃᓐᓇᖅ ᑲᑉᐱᐊᓇᕐᑐᓂᒃ ᑎᑭᕝᕕᐅᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:14

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕕᒍᑎᒋᕗᖅ ᐃᒻᒥᓂᒃ, ᐅᓇᑕᕐᑐᒃᓴᓂᒃ ᑕᑕᑕᐅᑎᑦᓱᒫᕐᐸᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ, ᕾᒐᓛᕈᒫᕐᐳᓪᓗ ᐃᓕᑦᓯᓐᓂᒃ ᓵᓚᖃᕐᓂᑎᒃ ᐱᑦᔪᑎᒋᓗᒍ.”

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᐃᓗᐊᕐᓮᔩᑦ ᐊᒡᓚᖏᑦ 7:12

ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 8:10

ᔩᐸᓗ ᔮᓪᒨᓇᓗ ᑳᑯᕆᒦᓚᐅᕐᐴᒃ ᐅᓇᑕᕐᑐᒃᓴᖁᑎᑎᒃ ᐃᓚᒋᓪᓗᒋᑦ. ᐅᓇᑕᕐᑐᒃᓴᖁᑎᖏᑦ 15,000ᐅᓪᓗᑎᒃ; ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᓯᒪᔪᑦ ᐅᓇᑕᕐᑐᒃᓮᑦ ᐊᒥᐊᒃᑯᖏᑦ; 120,000ᐃᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᐅᑎᓖᑦ ᑐᖁᖓᓕᓚᐅᕐᒪᑕ.

ᐃᓗᐊᕐᓮᔩᑦ ᐊᒡᓚᖏᑦ 8:21

ᔩᐸᓗ ᔮᓪᒨᓇᓗ ᐅᖃᕐᐴᒃ ᒋᑎᐅᓂᒧᑦ, “ᐊᑏ, ᓇᖕᒥᓂᖅ ᑐᖁᓚᐅᕐᑎᒍᒃ. ᐊᖑᑦ ᐊᖑᑕᐅᖕᒪᑦ ᓴᓐᖏᔫᓪᓗᓂᓗ.” ᑍᒤᒻᒪᑦ ᒋᑎᐅᓂᐅᑉ ᑐᖁᑉᐹᒃ, ᑳᒥᓕᖁᑎᖏᑕᓗ ᖁᖓᓯᖏᑕ ᐱᐅᓴᐅᑎᖏᑦ ᐅᔭᒥᖏᑦ ᑎᒍᕔᑦ.

ᓴᒧᐃᓕ ᓯᕗᓪᓖᑦ 30:17

ᖃᐅᑎᓪᓗᒍ ᖃᐅᒻᒪᓕᕐᑎᓪᓗᒍ ᑍᕕᑎᐅᑉ ᐅᓇᑕᕆᐊᓚᐅᕐᐰᑦ ᐅᓇᑕᓚᐅᕐᐰᓪᓗ ᐅᓐᓄᒧᑦ ᑎᑭᓪᓗᒍ; ᐅᕕᒃᑬᓪᓕ 400 ᕿᒪᒃᓯᓚᐅᕐᐳᑦ ᑳᒥᓕᒃᑎᒍᑦ, ᐊᓯᓕᒫᖏᓪᓕ ᐊᖑᑎᑦ ᑐᖁᑕᐅᓚᐅᕐᐳᑦ.