ᐃᓗᐊᕐᓮᔩᑦ ᐊᒡᓚᖏᑦ 6:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᖕᒫᕐᓯᒪᖃᑦᑕᓚᐅᕐᐳᑦ ᓄᓇᖓᓂ ᐅᑕᖅᑭᓪᓗᑎᒃ ᐱᕈᕐᓯᐊᖏᓪᓗ ᓱᕋᒃᑎᕐᐸᒡᓗᒋᑦ, ᒑᓴᐅᑉ ᓄᓇᖓ ᑎᑭᓪᓗᒍ. ᐃᓴᕆᐊᓕᒥᐅᑦ ᕿᒤᕕᒋᓇᒋᑦ ᐃᓅᒡᒍᑎᒃᓴᖏᓐᓂᒃ ᐊᕐᓵᕐᓯᕙᓚᐅᕐᐳᑦ, ᓰᐱᓂᒃ, ᐃᒻᒧᒃᓯᐅᒐᖁᑎᖏᓐᓂᒃ, ᓯᐅᑎᖅᑯᕐᑐᔪᖁᑎᖏᓐᓂᒡᓗ.

ᐃᓗᐊᕐᓮᔩᑦ ᐊᒡᓚᖏᑦ 6:4 Iomraidhean Croise

ᒨᓯᓯ ᓯᕗᓪᓖᑦ 10:19

ᑬᓇᓂᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓯᒪᓚᐅᕐᐳᖅ ᓮᑐᓂᐅᑉ ᓯᕿᓂᖓᑕ ᓇᓛᓄᑦ, ᒋᕌᕐ ᒑᓴᐅᑉ ᖃᓂᒋᔮᓂᑦᑐᒧᑦ ᓱᑑᒪᐅᑉ ᒍᒨᕋᐅᓪᓗ ᓇᓛᓄᑦ ᑎᑭᓪᓗᒍ, ᓄᓇᒧᑦ ᐊᑦᒪᒧᑦ, ᔨᐳᐃᒻᓗ, ᓛᓴᐅᑉ ᑎᑭᓪᓗᒍ.

ᒨᓯᓯ ᓯᕗᓪᓖᑦ 13:10

ᓘᑎᓗ ᐊᕙᒻᒧᑦ ᑕᑯᓴᕋᒥ, ᑕᑯᕗᖅ ᔪᐊᕐᑕᓂᐅᑉ ᓇᕐᓴᖓᓂᒃ ᐃᒪᖃᑦᓯᐊᕐᑐᒥᒃ, ᐊᑕᓂᐅᑉ ᐱᕈᕐᓰᕕᖁᑎᖓᑎᑐᑦ, ᐄᑦᔨᑉᑎᐅᓪᓗ ᓄᓇᖓᑎᑐᑦ ᑍᒤᑦᑑᔮᕐᑐᒥᒃ. ᓄᓇᐅᑉ ᔪᐊᕆᐅᑉ ᓇᓛᓄᑦ; ᑍᒤᑦᑑᓚᐅᕐᐳᖅ ᑕᒪᓐᓇ ᐊᑕᓂᐅᑉ ᓱᑑᒪ ᒍᒨᕋᓗ ᐊᓯᕈᓚᐅᕐᑎᓐᓇᓂᒋᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:3

ᐊᐅᓚᑦᓯᔨ ᐅᖁᒤᒃᓴᕐᑎᑦᓯᑎᓪᓗᒍ ᐊᔪᕐᓴᕐᑐᓂᒃ ᐊᑦᔨᖃᕐᐳᖅ ᓯᓚᓗᒃᑎᑐᑦ ᓂᕿᒃᓴᖃᕈᓐᓃᕐᑎᑦᓯᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᒨᓯᓯ ᐱᖓᔪᖏᑦ 26:16

ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᐅᐸᑍᐊᑉ ᐊᒡᓚᖏᑦ 1:5

“ᑎᒡᓕᒃᑏᑦ ᑎᑭᓐᓂᐊᕐᐹᑎᑦ, ᑎᒡᓕᒐᕐᕕᒋᓗᑎᓪᓗ ᐅᓐᓄᐊᒥ, ᑕᕝᕙ ᓇᑲᑕᐅᔪᒫᕐᐳᑎᑦ! ᑎᒡᓕᒃᑏᑦ ᐱᔪᒪᔭᓕᒫᒥᖕᓂᒃ ᐱᑐᐃᓐᓇᕐᓂᐊᓐᖏᓚᑦ? ᕔᓂᓕᒃᓴᓂᒃ ᑲᑎᕐᓱᐃᔪᑦ ᑎᑭᓐᓇᔭᕐᐹᑎᑦ, ᕔᓂᓕᒃᓴᑦ ᐱᐅᖏᓐᓂᕐᓗᑯᖏᓐᓂᒃ ᐱᒃᓴᓂᒃ ᕿᒤᒐᔭᓐᖏᓛᑦ?

ᒤᑲᐅᑉ ᐊᒡᓚᖏᑦ 6:15

ᑲᓐᖓᕐᓱᐃᒐᓗᐊᕈᑦᓯ, ᑲᑎᕐᓱᐃᓛᓐᖏᓚᓯ; ᓇᐹᕐᑐᐃᓪᓗ ᐅᕐᓱᒃᓴᖏᓐᓂᒃ ᑐᓪᓕᕋᓗᐊᕈᑦᓯ, ᐃᓕᑦᓯᓐᓄᑦ ᐊᑐᕈᓐᓇᓛᓐᖏᓚᑦ; ᐸᐅᕐᖓᓂᒃ ᕔᓂᒃᓴᓂᒃ ᓴᓇᖓᓗᐊᕈᑦᓯ, ᐃᒥᕐᕕᒋᔪᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᒨᓯᓯ ᑕᓪᓕᒪᖏᑦ 28:51

ᐃᒻᒧᒃᓯᐅᒐᖁᑎᓯᓗ ᓄᕐᕋᖏᑦ ᓂᐊᖂᔭᒃᓴᖁᑎᓯᓗ ᓂᕿᒋᔪᒫᕐᐰᑦ, ᓄᖑᓚᐅᖏᓐᓂᑦᓯᓐᓂ; ᐊᒥᐊᒃᑯᔭᐅᔪᒫᓐᖏᓚᓯᓘᓐᓃᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᐹᕐᑐᐃᑦ ᐱᕈᕐᑐᖏᑕ ᐅᕐᓱᖏᓐᓂᒃ, ᐃᒻᒧᒃᓯᐅᒐᕐᓂᒃ, ᓰᐱᓂᒡᓗ; ᐱᕐᓕᕐᓗᓯ ᑐᖁᓚᐅᖏᓐᓂᑦᓯᓐᓂ.

ᐃᓗᐊᕐᓮᔩᑦ ᐊᒡᓚᖏᑦ 6:3

ᑍᒪᓐᖓᓪᓗ ᐃᓴᕆᐊᓕᒥᐅᑦ ᐱᕈᕐᓰᔭᕐᑐᕌᖓᑕ ᓂᕿᒃᓴᒥᖕᓂᒃ, ᒥᑎᐊᓂᒥᐅᑦ ᐊᒪᓕᑬᑎᓪᓗ ᓯᐅᕋᕐᒥᐅᓪᓗ ᐅᐸᒍᑎᕙᓚᐅᕐᐳᑦ ᐅᓇᑕᕆᐊᕐᑐᕐᓗᑎᒃ.