ᐃᓗᐊᕐᓮᔩᑦ ᐊᒡᓚᖏᑦ 6:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᒪᓐᖓᓪᓗ ᐃᓴᕆᐊᓕᒥᐅᑦ ᐱᕈᕐᓰᔭᕐᑐᕌᖓᑕ ᓂᕿᒃᓴᒥᖕᓂᒃ, ᒥᑎᐊᓂᒥᐅᑦ ᐊᒪᓕᑬᑎᓪᓗ ᓯᐅᕋᕐᒥᐅᓪᓗ ᐅᐸᒍᑎᕙᓚᐅᕐᐳᑦ ᐅᓇᑕᕆᐊᕐᑐᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 6:3 Iomraidhean Croise

ᒨᓯᓯ ᓯᕗᓪᓖᑦ 25:6

ᓄᓕᐊᖓᑕ ᐊᓯᐊᒍᑦ ᐃᕐᓂᕐᑖᕆᓯᒪᔭᓂ ᑐᓂᓯᕕᒋᕔᑦ ᑐᓂᕐᕈᑎᓂᒃ, ᐃᓅᓂᕐᒥᓂ ᓱᓕ ᑖᒃᑯᐊ ᐃᕐᓂᓂ ᐊᐅᓪᓚᕐᑎᑉᐰᑦ ᐃᕐᓂᕐᒥᓄᑦ ᐂᓴᑭᒧᑦ ᑲᑎᒪᔭᐅᖁᓇᒋᑦ, ᓄᓇᐅᑉ ᓯᕿᓐᓂᓕᕐᕕᐊᑕ ᓇᓛᓄᑦ.

ᒨᓯᓯ ᓯᕗᓪᓖᑦ 29:1

ᔧᑯᓗ ᐅᐸᒃᑕᒥᓄᑦ ᐂᓕᕆᕗᖅ, ᑎᑭᓪᓗᓂᓗ ᐃᓄᖕᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ.

ᐊᑕᓃᑦ ᓯᕗᓪᓖᑦ 20:27

ᐃᓴᕆᐊᓕᒥᐅᑉ ᐃᓄᖏᑦ ᑲᑎᕐᓱᕆᕗᑦ ᐃᓂᒃᓴᒥᓅᖅᑲᕐᓗᑎᒡᓗ, ᐅᓇᑕᕆᐊᓕᕐᓗᑎᒃ ᑖᒃᑯᓂᖓ; ᐃᓴᕆᐊᓕᒥᐅᑦ ᐃᓄᖏᑦ ᑕᖕᒫᕋᒥᒃ ᒎᑦᓯᑎᑐᑦ ᒪᕐᕈᐃᓕᖅᑲᖔᔪᒃᑎᑐᑦ ᑲᑎᓐᖓᔪᑎᑐᑦ ᑍᒤᓚᐅᕐᐳᑦ, ᓯᕆᐊᒥᐅᓪᓕ ᓄᓇᓕᒫᒥᒃ ᓈᔨᓯᒪᑎᓪᓗᒋᑦ.

ᐊᑕᓃᑦ ᓯᕗᓪᓖᑦ 4:30

ᓲᓗᒨᓂ ᓯᓚᑐᓂᕐᓴᐅᓚᐅᕐᐳᖅ ᐃᓄᖕᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓕᒫᓂᑦ, ᓯᓚᑐᓂᕐᓴᐅᓪᓗᓂᓗ ᐄᑦᔨᑉᑎᐅᑉ ᓯᓚᑐᔪᖁᑎᓕᒫᖏᓐᓂᑦ.

ᐊᑕᓃᑦ ᓯᕗᓪᓖᑦ 5:10

ᑍᒤᒻᒪᑦ ᕼᐂᕋᒻ, ᓲᓗᒨᓂᒧᑦ ᐊᐅᓪᓚᕐᑎᑦᓯᕗᖅ ᓇᐹᕐᑐᓂᒃ ᓰᑕᕆᓂᒃ, ᐊᒻᒪᓗ ᓇᐹᕐᑐᓂᒃ ᐰᓐᓂᒃ ᐱᔪᒪᔭᓕᒫᖏᓐᓂᒃ,

ᔫᐱᐅᑉ ᐊᒡᓚᖏᑦ 1:3

ᓰᐱᖁᑎᖃᓚᐅᕐᐳᓪᓗ 7,000ᓂᒃ, ᑳᒥᓕᖁᑎᖃᕐᓗᓂᓗ 3,000ᓂᒃ, 1,000ᓂᒡᓗ ᐃᒻᒧᒃᓯᐅᒐᖁᑎᖃᕐᓗᓂ, 500ᓂᒡᓗ ᓯᐅᑎᖅᑯᕐᑐᔪᖁᑎᖃᕐᓗᓂ ᐊᕐᓇᓪᓗᖕᓂᒃ, ᐅᓄᕐᑐᓂᒡᓗ ᐱᔨᖃᕐᓗᓂ; ᐊᔪᕐᓴᖏᓐᓂᕐᐹᖑᓚᐅᕐᐳᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓕᒫᓂᑦ.

ᔫᐱᐅᑉ ᐊᒡᓚᖏᑦ 31:8

ᑕᕝᕙ ᑲᓐᖓᕐᓲᑎᒋᓚᐅᕐᑕᒃᑲ ᐊᓯᓐᓄᑦ ᓂᕆᔭᐅᔪᒃᓴᐅᕗᑦ; ᓂᕿᒃᓮᓪᓗ ᐱᕈᕐᑎᑕᒃᑲ ᐊᓯᓐᓄᑦ ᓄᐊᑕᐅᔪᒃᓴᐅᓪᓗᑎᒃ.

ᒨᓯᓯ ᐂᑉᐸᖏᑦ 17:8

ᐊᒪᓕᖕᒥᐅᓪᓕ ᐃᓴᕆᐊᓕᒥᐅᓄᑦ ᑎᑭᓐᓇᒥᒃ ᐅᓇᑕᓕᕐᐳᑦ ᑖᒃᑯᓄᖓ ᓄᓇᒥ ᕆᐱᑎᒥ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 62:8

ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᔨᕆᒤᐊᐅᑉ ᐊᒡᓚᖏᑦ 49:28

ᑭᑕᕆᐅᑉ ᑭᖑᕚᖏᑦ ᐱᓪᓗᒋᑦ ᕼᐂᔭᒥᐅᓪᓗ ᐊᐅᓚᑕᖏᑦ, ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑐᒃᓴᖁᑎᖏᓐᓄᑦ ᐅᐸᒃᑐᕐᑕᐅᓚᐅᕐᑐᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑭᑕᕆᐅᑉ ᑭᖑᕚᖏᑦ ᐅᓇᑕᕆᐊᓕᕐᓯᐅᒃ ᐃᓅᖃᑎᒌᖑᓂᖓᑦ ᐊᓯᕈᕐᑕᐅᓕ!

ᐃᓯᑭᐊᓕᐅᑉ ᐊᒡᓚᖏᑦ 25:3

ᐊᒧᓁᑎᒥᐅᑦ ᐅᖃᐅᑎᒃᑭᑦ, ᓈᓚᒋᑦᓯ ᐊᑕᓂᐅᑉ ᒎᑎᐅᑉ ᐅᖃᕐᑕᖏᓐᓂᒃ: ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᐅᖃᓚᐅᕋᑦᓯ ᐃᒫᒃ, ‘ᐋᕼᐊ!’ ᑐᒃᓯᐊᕐᕕᒡᔪᐊᖁᑎᒐ ᓇᕐᕈᓇᕐᓯᑎᑕᐅᑎᓪᓗᒍ, ᐃᓴᕆᐊᓕᐅᓪᓗ ᓄᓇᖓ ᐃᓄᖃᕈᓐᓃᕐᑎᕐᑕᐅᑎᓪᓗᒍ, ᔫᑕᐅᓪᓗ ᑭᖑᕚᖏᑦ ᐊᐅᓪᓚᕈᑦᔭᐅᑎᓪᓗᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 25:4

ᑍᒤᒻᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᒥᐅᑦ ᐃᓅᖏᓐᓅᑦ ᐃᓄᖁᑎᑖᕆᔭᐅᔪᒫᕐᐳᓯ, ᑕᖕᒫᕐᑎᕐᓗᑎᒡᓗ ᐊᑯᓐᓇᑦᓯᓐᓂ ᓄᓇᖃᓕᕈᒫᕐᐳᑦ; ᐱᕈᕐᑐᖁᑎᓯ ᓂᕆᔪᒫᕐᐰᑦ, ᐃᒻᒧᖁᑎᓯᓗ ᐃᒥᕐᓗᒋᑦ.

ᒨᓯᓯ ᐱᖓᔪᖏᑦ 26:16

ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᒤᑲᐅᑉ ᐊᒡᓚᖏᑦ 6:15

ᑲᓐᖓᕐᓱᐃᒐᓗᐊᕈᑦᓯ, ᑲᑎᕐᓱᐃᓛᓐᖏᓚᓯ; ᓇᐹᕐᑐᐃᓪᓗ ᐅᕐᓱᒃᓴᖏᓐᓂᒃ ᑐᓪᓕᕋᓗᐊᕈᑦᓯ, ᐃᓕᑦᓯᓐᓄᑦ ᐊᑐᕈᓐᓇᓛᓐᖏᓚᑦ; ᐸᐅᕐᖓᓂᒃ ᕔᓂᒃᓴᓂᒃ ᓴᓇᖓᓗᐊᕈᑦᓯ, ᐃᒥᕐᕕᒋᔪᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:51

ᐃᒻᒧᒃᓯᐅᒐᖁᑎᓯᓗ ᓄᕐᕋᖏᑦ ᓂᐊᖂᔭᒃᓴᖁᑎᓯᓗ ᓂᕿᒋᔪᒫᕐᐰᑦ, ᓄᖑᓚᐅᖏᓐᓂᑦᓯᓐᓂ; ᐊᒥᐊᒃᑯᔭᐅᔪᒫᓐᖏᓚᓯᓘᓐᓃᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᐹᕐᑐᐃᑦ ᐱᕈᕐᑐᖏᑕ ᐅᕐᓱᖏᓐᓂᒃ, ᐃᒻᒧᒃᓯᐅᒐᕐᓂᒃ, ᓰᐱᓂᒡᓗ; ᐱᕐᓕᕐᓗᓯ ᑐᖁᓚᐅᖏᓐᓂᑦᓯᓐᓂ.

ᐃᓗᐊᕐᓮᔩᑦ ᐊᒡᓚᖏᑦ 10:12

ᓮᑐᓂᒥᐅᑦ ᐊᒻᒪ, ᐊᒪᓕᑬᑎᒥᐅᑦ ᒪᐅᓁᑎᒥᐅᓪᓗ ᐊᒃᓱᕈᕐᑎᑦᓯᓕᕐᒪᑕ ᐃᓕᑦᓯᓐᓂᒃ; ᐃᓗᖏᕐᓱᕐᓗᓯ ᓂᓪᓕᐊᓚᐅᕐᐳᓯ ᐅᕙᓐᓄᑦ. ᓴᐳᑎᓚᐅᕐᐸᑦᓯᓗ ᑍᒃᑯᓇᓐᖔᑦ?

ᐃᓗᐊᕐᓮᔩᑦ ᐊᒡᓚᖏᑦ 3:13

ᑖᓐᓇ ᑲᑎᖁᔨᓚᐅᕐᐳᖅ ᐊᒧᓁᑎᓂᒃ ᐊᒪᓕᑬᑎᓂᒡᓗ; ᐅᓇᑕᕆᐊᖃᑎᒋᓪᓗᒋᑦ ᓵᓚᖃᓚᐅᕐᐳᑦ ᐃᓴᕆᐊᓕᒥᐅᓂᒃ ᔨᕆᑯᓗ ᓵᓚᒋᓪᓗᒍ, ᐃᒡᓗᒐᓮᑦ ᐹᒥᓂᒃ ᓇᐹᕐᑐᓕᒃ.

ᐃᓗᐊᕐᓮᔩᑦ ᐊᒡᓚᖏᑦ 6:2

ᒥᑎᐊᓂᒥᐅᑦ ᓵᓚᖃᓚᐅᕐᒪᑕ ᐃᓴᕆᐊᓕᒥᐅᓂᒃ; ᒥᑎᐊᓂᒥᐅᑦ ᐱᑦᔪᑎᒋᓪᓗᒋᑦ ᐃᓴᕆᐊᓕᒥᐅᑦ ᐃᔨᕐᕕᖃᓕᓚᐅᕐᐳᑦ ᖃᖅᑲᓂ ᐃᓗᓕᐅᕆᓪᓗᑎᒃ, ᕾᕈᓱᖕᓂᓗ, ᕿᒫᕕᓕᐊᕆᓯᒪᔭᒥᖕᓂᓗ.

ᐃᓗᐊᕐᓮᔩᑦ ᐊᒡᓚᖏᑦ 6:33

ᒥᑎᐊᓂᒥᐅᓕᒫᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᒥᐅᑦ ᑲᑎᓕᕐᐳᑦ, ᔪᐊᕐᑕᓂᐅᓪᓗ ᑰᖓ ᐃᑳᕐᓗᒍ, ᑕᖕᒫᕐᐳᑦ ᔨᔭᕆᐅᓪ ᓇᕐᓴᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 6:4

ᑕᖕᒫᕐᓯᒪᖃᑦᑕᓚᐅᕐᐳᑦ ᓄᓇᖓᓂ ᐅᑕᖅᑭᓪᓗᑎᒃ ᐱᕈᕐᓯᐊᖏᓪᓗ ᓱᕋᒃᑎᕐᐸᒡᓗᒋᑦ, ᒑᓴᐅᑉ ᓄᓇᖓ ᑎᑭᓪᓗᒍ. ᐃᓴᕆᐊᓕᒥᐅᑦ ᕿᒤᕕᒋᓇᒋᑦ ᐃᓅᒡᒍᑎᒃᓴᖏᓐᓂᒃ ᐊᕐᓵᕐᓯᕙᓚᐅᕐᐳᑦ, ᓰᐱᓂᒃ, ᐃᒻᒧᒃᓯᐅᒐᖁᑎᖏᓐᓂᒃ, ᓯᐅᑎᖅᑯᕐᑐᔪᖁᑎᖏᓐᓂᒡᓗ.

ᐃᓗᐊᕐᓮᔩᑦ ᐊᒡᓚᖏᑦ 7:12

ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 8:10

ᔩᐸᓗ ᔮᓪᒨᓇᓗ ᑳᑯᕆᒦᓚᐅᕐᐴᒃ ᐅᓇᑕᕐᑐᒃᓴᖁᑎᑎᒃ ᐃᓚᒋᓪᓗᒋᑦ. ᐅᓇᑕᕐᑐᒃᓴᖁᑎᖏᑦ 15,000ᐅᓪᓗᑎᒃ; ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᓯᒪᔪᑦ ᐅᓇᑕᕐᑐᒃᓮᑦ ᐊᒥᐊᒃᑯᖏᑦ; 120,000ᐃᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᐅᑎᓖᑦ ᑐᖁᖓᓕᓚᐅᕐᒪᑕ.