ᐃᓗᐊᕐᓮᔩᑦ ᐊᒡᓚᖏᑦ 6:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᖃᐅᑎᓚᐅᕐᐸᑦᓯ, ‘ᐅᕙᖓ ᐊᑕᓂᐅᕗᖓ ᒎᑎᓯ; ᐊᒧᕅᑎᑦ ᒎᑎᖏᓐᓂᒃ, ᐅᐱᒋᔭᖃᓕᕐᑐᒃᓴᐅᓐᖏᓚᓯ ᑖᒃᑯᐊ ᓄᓇᖏᓐᓂ ᒫᓐᓇ ᓄᓇᖃᓕᕐᑐᓯ.’ ᑭᓯᐊᓂᓕ ᓂᐱᓐᓂᒃ ᑐᓴᕐᑑᔮᓚᐅᓐᖏᓚᓯ.”

ᐃᓗᐊᕐᓮᔩᑦ ᐊᒡᓚᖏᑦ 6:10 Iomraidhean Croise

ᐊᑕᓃᑦ ᐂᑉᐸᖏᑦ 17:13

ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.

ᐊᑕᓃᑦ ᐂᑉᐸᖏᑦ 17:33

ᐊᑕᓂᕐᒧᑦ ᑐᒃᓯᐊᖃᑦᑕᕋᓗᐊᕐᓗᑎᒃ ᒎᑎᓐᖑᐊᕆᔭᒥᖕᓄᓪᓕ ᑐᒃᓯᐊᖃᑦᑍᓐᓇᓚᐅᕐᐳᑦ, ᐃᓅᖃᑎᒌᒡᔪᐊᑦ ᓄᓇᑐᖃᓖᑦ ᐱᐅᓯᑐᖃᖏᑦ ᒪᓕᒡᓗᒋᑦ.

ᐊᑕᓃᑦ ᐂᑉᐸᖏᑦ 17:7

ᓴᒥᐊᕆᐊᒥᐅᑦ ᓵᓚᐅᓚᐅᕐᐳᑦ ᐊᔪᕐᑐᓕᓚᐅᕋᒥᒃ ᐊᑕᓂᕐᒧᑦ ᒎᑎᒥᖕᓄᑦ, ᓴᐳᑦᔨᔨᒋᓚᐅᕐᑕᒥᓂᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ ᐰᕉᒥᑦ, ᐊᐅᓪᓚᕐᑎᑦᓯᔨᒋᓚᐅᕐᑕᒥᖕᓂᓪᓗ ᐄᑦᔨᑉᑎᒥᐅᑦ ᓄᓇᖓᓐᓂᑦ, ᒎᑎᓐᖑᐊᓄᑦ ᑐᒃᓯᐊᖔᖃᑦᑕᓕᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᒨᓯᓯ ᐂᑉᐸᖏᑦ 34:12

ᐃᓅᖃᑎᒌᓂᒃ ᑕᒫᓂ ᐅᐸᖕᓂᐊᕐᑕᑦᓯᓐᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᑍᒤᒐᓱᐊᑐᐊᕈᑦᓯ ᓯᓔᕐᕆᔭᐅᑐᐃᓐᓇᕆᐊᖃᕋᑦᓯ.

ᒨᓯᓯ ᐂᑉᐸᖏᑦ 34:14

“ᒎᑎᒋᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᖓ ᐊᑕᓂᐅᔪᖓ, ᐊᓯᓐᓂᒃ ᑲᒪᒋᔭᐅᖁᔨᖏᓐᓇᒪ ᓯᖕᓇᑐᔫᓪᓗᖓᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:13

ᐃᓕᓮᔨᒪ ᓂᐱᖏᓐᓂᒃ ᓈᓚᖃᑦᑕᓚᐅᖏᓐᓇᒪ ᐊᔪᕆᕐᑐᕐᑎᒋᔭᒃᑲᓗ ᓈᓚᒃᐸᓚᐅᖏᓐᓇᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 10:2

ᐊᑕᓂᖅ ᐃᒫᒃ ᐅᖃᕐᐳᖅ: “ᐊᓯᑦᓯ ᐃᓕᖅᑯᓯᖏᓐᓂᒃ ᒪᓕᒐᓱᐊᕐᑍᓕᒋᑦᓯ ᑲᑉᐱᐊᓱᒃᑍᓕᒋᑦᓯᓗ ᓇᓗᓁᒃᑯᑕᕐᓂᒃ ᕿᓚᖕᒥ ᓴᖅᑭᑦᑐᖃᕐᐸᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᑲᑉᐱᐊᒋᔭᐅᒐᓗᐊᕐᐸᑕ.

ᔨᕆᒤᐊᐅᑉ ᐊᒡᓚᖏᑦ 17:23

ᑖᒃᑯᐊᓕ ᓈᓚᓚᐅᓐᖏᓚᑦ ᑐᓴᓚᐅᓐᖏᓚᓪᓗ, ᓯᑎᔫᒐᓱᓚᐅᕐᐳᓪᓕ ᓈᓚᒍᒪᓇᑎᒡᓗ ᐅᖃᐅᑦᔫᓯᐊᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 3:13

ᐸᓯᔭᒃᓴᐅᓃᑦ ᓇᓗᓁᓕᕈᒃ, ᐊᑕᓂᖅ ᒎᑏᑦ ᐊᑭᕋᕐᑐᓚᐅᕋᕕᐅᒃ ᐱᓂᐊᕐᓂᕆᔭᑎᓪᓗ ᔫᑎᐅᖏᑦᑐᑦ ᒎᑎᓐᖑᐊᖏᓐᓄᑦ ᐱᓂᐊᓚᐅᕋᕕᒋᑦ. ᓇᐹᕐᑐᐃᑦ ᓇᒧᑐᐃᓐᓇᖅ ᓯᐊᒻᒪᖓᔪᑦ ᐊᑖᓐᓂ ᐅᕙᓐᓂᒃ ᓈᓚᓚᐅᖏᓐᓇᕕᑦ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 42:21

ᒫᓐᓇᓕ ᐅᖃᐅᑎᓕᕋᑦᓯ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔭᐅᖁᔭᖏᓐᓂᒃ, ᓈᓚᓐᖏᓚᓯ ᐊᑕᓂᐅᑉ ᓂᐱᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 43:4

ᑕᒪᓐᓇ ᐱᓪᓗᒍ ᔪᕼᐋᓇᓂᓗ ᑲᕆᐊᑉ ᐃᕐᓂᖓ ᐊᖓᔪᖅᑳᒻᒪᕆᐅᔪᓪᓗ ᐃᓄᑐᐃᓐᓁᓪᓗ ᐊᑕᓂᐅᑉ ᔫᑕᒥ ᓄᓇᖃᖁᔨᓂᖓᓂᒃ ᓈᓚᒍᒪᓚᐅᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 43:7

ᐊᑕᓂᐅᑉ ᐅᖃᐅᓯᖏᓂᒃ ᓈᓚᒍᒪᖏᓐᓇᒥᒃ ᐄᑦᔨᑉᑎᓕᐊᓕᓚᐅᕐᐳᑦ ᐊᒡᓛᑦ ᐃᒡᓗᒐᓴᒡᔪᐊᑦ ᑕᐸᓂᓯᒥᐅᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:13

ᐊᑕᓂᖅ ᐅᖃᕐᐳᖅ, ᐱᖁᔭᒃᑲ ᑲᒪᒋᔪᒪᓚᐅᖏᒻᒪᑦᔪᒃ ᑖᒃᑯᓄᖓ ᑐᓂᓚᐅᕐᑕᒃᑲ, ᐅᕙᓐᓂᒡᓗ ᓈᓚᓚᐅᖏᒻᒪᑕ ᐱᖁᔭᓐᓂᒡᓗ ᒪᓕᒍᒪᓇᑎᒃ.

ᔨᐸᓁᐊᐅᑉ ᐊᒡᓚᖏᑦ 3:2

ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᕐᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ.

ᕉᒪᒥᐅᓄᑦ 10:16

ᑕᒪᕐᒥᒡᓕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓈᓚᒃᑐᐃᓐᓇᐅᓐᖏᓚᑦ; ᐂᓮᐊᓯ ᐅᖃᕐᒪᑦ, “ᐊᑕᓃᖅ, ᑭᐊ ᐅᖅᑳᐅᓯᕆᔭᕗᑦ ᐅᒃᐱᕆᕔᑦ?”

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᐃᓗᐊᕐᓮᔩᑦ ᐊᒡᓚᖏᑦ 2:2

ᐊᖏᖃᑎᒌᒍᑎᓕᐅᕐᑐᒃᓴᐅᓐᖏᓚᓯᓗ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᑐᓂᕐᕈᓯᕐᕕᖏᓪᓗ ᓯᖁᒥᑕᒃᓴᕆᕙᓯ.’ ᐅᖃᐅᓯᕆᓚᐅᕐᑕᓐᓂᒡᓕ ᐊᑐᖏᓐᓇᑦᓯ. ᓱᖕᒪᑦ ᑍᒤᓕᐅᕐᐱᓰ?

ᐃᓗᐊᕐᓮᔩᑦ ᐊᒡᓚᖏᑦ 6:9

ᓴᐳᑎᓚᐅᕐᐸᑦᓯᓗ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᐃᓄᓕᒫᓂᓪᓗ ᐃᓕᑦᓯᓐᓂᒃ ᐊᑭᕋᕐᑐᓚᐅᕐᑐᓂᑦ. ᐊᐅᓪᓚᕐᑎᓚᐅᕐᐸᒃᑲᓗ ᑕᑯᓐᓇᕐᑎᓪᓗᓯ, ᓄᓇᖁᑎᕕᓂᖏᓐᓂᒡᓗ ᓄᓇᑖᕐᑎᓚᐅᕐᐸᑦᓯ.