ᐃᓗᐊᕐᓮᔩᑦ ᐊᒡᓚᖏᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓴᕆᐊᓕᐅᑉ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ, ᑍᒤᒻᒪᑦ ᒥᑎᐊᓂᒥᐅᓄᑦ ᐊᐅᓚᑕᐅᑎᓚᐅᕐᐰᑦ ᐊᕐᕌᒍᓂᒃ 7ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:1 Iomraidhean Croise

ᒨᓯᓯ ᓯᕗᓪᓖᑦ 25:2

ᑖᑦᓱᒪᓗ ᕿᑐᕐᖓᕐᑖᕐᑎᑉᐹ ᔨᒻᕋᓐᒥᒃ, ᔫᒃᓵᓐᒥᒡᓗ, ᒥᑖᓂᒥᒡᓗ, ᒥᑎᐊᓂᒥᒡᓗ, ᐃᓴᐸᒃᒥᒡᓗ, ᓱᐊᒥᒡᓗ.

ᒨᓯᓯ ᓯᕗᓪᓖᑦ 37:28

ᑍᒤᒻᒪᑦ ᒥᑎᐊᓂᒥᐅᑦ ᑕᐅᕐᓰᔩᑦ ᐊᖅᑯᓵᓕᕐᐳᑦ; ᑕᕝᕙ ᔫᓯᐱ ᐃᑎᕐᓴᒥᑦ ᐊᒧᓪᓗᒍ ᐊᓂᑎᑉᐹᑦ, ᓂᐅᕐᕈᑎᒋᓪᓗᒍᓗ ᐃᓯᒤᓕᒥᐅᓄᑦ 20ᓂᒃ ᓯᐅᓪᕕᕆᓂᒃ ᐊᑭᖃᕐᓱᓂ; ᑖᒃᑯᐊᓗ ᔫᓯᐱ ᓇᒃᓴᓕᕐᐹᑦ ᐄᑦᔨᑉᑎᒧᑦ.

ᕼᐊᐸᑲᐅᑉ ᐊᒡᓚᖏᑦ 3:7

ᑯᓵᓐᒥᐅᑦ ᐃᓄᖏᑦ ᑕᑯᕙᒃᑲ ᑲᑉᐱᐊᓱᓕᕐᑐᑦ; ᒥᑎᐊᓂᒥᐅᓪᓗ ᐃᓄᖏᑦ ᓴᔪᓕᕐᑐᑦ.

ᒨᓯᓯ ᓯᑕᒪᖏᑦ 22:4

ᒧᐊᐱ ᐅᖃᕐᐳᖅ ᒥᑎᐊᓂᒥᐅᑦ ᐊᖓᔪᖅᑳᖏᓐᓄᑦ, “ᐃᓄᒋᐊᒃᑐᕐᔪᐊᑦ ᐃᒃᑯᐊ ᓵᓚᖃᕐᐸᓪᓕᐊᓂᐊᓕᕐᑐᑦ ᐊᕙᑎᑦᑎᓐᓃᑦᑐᓕᒫᓂᒃ, ᐃᒻᒧᒃᓯᐅᒐᕐᑐᑦ ᐃᕕᒃᓱᒐᕐᓂᒃ ᓄᖒᑦᓯᕙᓪᓕᐊᔪᑐᑦ.” ᐰᓚᒡᓕ ᔨᐴᕆᐅᑉ ᐃᕐᓂᖓ ᑍᑦᓱᒪᓂ ᒧᐊᐱᒥᐅᓄᑦ ᐊᖓᔪᖅᑳᕐᔪᐊᖑᓚᐅᕐᐳᖅ.

ᐄᑉᕈᐃᓄᑦ 11:32

ᖃᓄᖅ ᓱᓕ ᐅᖃᒃᑲᓐᓂᕆᐊᖃᕐᐳᖔ? ᐱᕕᒃᓴᑭᓗᐊᕐᐳᖓ ᐅᖃᐅᓯᖃᕋᓱᐊᕋᔭᕈᒪ ᒋᑎᐅᓂᒥᒃ, ᐸᕌᒃᒥᒃ, ᓵᒻᓲᓂᒥᒃ, ᔨᑉᑕᒥᒃ, ᑍᕕᑎᒥᒃ ᓴᒧᐃᓕᒥᒡᓗ ᓇᓚᐅᑦᑍᔪᓂᒃᓗ

ᐃᓗᐊᕐᓮᔩᑦ ᐊᒡᓚᖏᑦ 10:7

ᐊᑕᓂᐅᓪᓕ ᓂᓐᖓᑎᐅᓚᐅᕐᐰᑦ ᐃᓴᕆᐊᓕᒥᐅᑦ, ᐱᓕᔅᑍᓂᒥᐅᓄᓪᓗ ᐊᒧᓁᑎᓄᓪᓗ ᓵᓚᐅᑎᓚᐅᕐᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 2:11

ᐃᓴᕆᐊᓕᒥᐅᑦ ᐃᓄᖏᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᓵᖓᓂ ᐱᔨᑦᓯᓕᕐᓗᑎᒡᓗ ᐰᓕᓄᑦ ᒎᑎᓐᖑᐊᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 6:13

ᒋᑎᐅᓂᐅᑉ ᐅᖃᐅᑎᕚ, “ᕿᓄᕕᒋᕙᒋᑦ ᐅᐱᓐᓇᕐᑑᖅ, ᐊᑕᓂᐅᓪᓕ ᐃᓚᒋᒃᐸᑎᒍᑦ, ᓱᖕᒪᓪᓕ ᐃᒤᑦᑐᐊᓗᖕᒦᑉᐱᑕ? ᓇᐅᒡᓕ ᑍᒃᑯᐊ ᐊᑕᓂᐅᑉ ᐱᓂᐊᕐᓂᖏᑦ ᑲᒪᓇᕐᑐᑦ ᓯᕗᓕᑦᑕ ᐅᖃᐅᓯᕆᕙᓚᐅᕐᑕᖏᑦ, ᐅᖃᕐᐸᓚᐅᕐᒪᑕ, ‘ᐊᑕᓂᐅᑉ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᒪᑎᒍᑦ?’ ᒫᓐᓇᓕ ᐊᑕᓂᐅᑉ ᑲᒪᒋᔪᓐᓃᕐᐹᑎᒍᑦ, ᑐᓐᓂᖅᑯᑎᒋᓪᓗᑕᓗ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓄᑦ.”