ᐃᓗᐊᕐᓮᔩᑦ ᐊᒡᓚᖏᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑐᐸᓕᕆᑦ, ᑐᐸᓕᕆᑦ, ᑎᐴᕋ ᑐᐸᓕᕆᑦ, ᑐᐸᓕᕆᑦ, ᐃᓐᖏᓕᕐᓗᑎᓪᓗ. ᒪᑭᓕᕆᑦ ᐸᕌᒃ, ᐅᓇᑕᕐᓂᕐᒧᑦ ᑎᒍᓯᒪᔭᑎᑦ ᐊᐅᓪᓚᕈᑎᓕᒃᑭᑦ, ᐃᕝᕕᑦ ᐊᐱᓄᐊᒻ ᐃᕐᓂᖓ.

ᐃᓗᐊᕐᓮᔩᑦ ᐊᒡᓚᖏᑦ 5:12 Iomraidhean Croise

ᐃᓐᖏᕈᑎᑦ 108:2

ᑯᑭᑦᑕᐸᐅᑎᐅᔧᑦ ᑐᐸᓕᕆᑦᓯ ᕼᐋᕐᐲᑦ ᓔᕇᓪᓗ! ᐅᓪᓛᒻᒪᕆᒃᑯᑦ ᖃᐅᒻᒪᓕᓵᕐᑎᓪᓗᒍ ᒪᑭᓐᓂᐊᕐᐳᖓ.

ᐃᓐᖏᕈᑎᑦ 57:8

ᑕᕐᓃᒃ, ᑐᐸᓕᕆᑦ! ᑐᐸᓕᕆᑦᓯ, ᓂᓪᓕᐊᑦᔪᑎᑦ ᕼᐋᕐᐱ ᓔᕆᓪᓗ! ᐅᓪᓚᒃᑯᑦ ᖃᐅᒻᒪᓕᓵᕐᑐᖅ ᑐᐹᕐᓴᕈᒪᕙᕋ.

ᐃᓐᖏᕈᑎᑦ 57:9

ᐊᑕᓃᖅ, ᖁᔭᒋᔪᒪᕙᒋᑦ, ᐃᓅᖃᑎᒌᒡᔪᐃᑦ ᐊᑯᕐᖓᓐᓂ; ᐃᓄᐃᑦ ᐊᑯᕐᖓᓐᓂ ᓂᕐᑐᕐᓗᑎᑦ ᐃᓐᖏᕐᕕᒋᔪᒪᕙᒋᑦ.

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᐂᓮᐊᓯᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᐃᓴᕆᐊᓕᒥᐅᓂᒃ ᐃᑲᔪᓕᕈᒫᕐᐳᑦ ᓄᓇᑐᖃᖏᓐᓄᑦ ᐅᑎᕐᑎᐅᕋᕐᓗᒋᑦ, ᐊᑕᓂᐅᑉ ᓄᓇᖁᑎᖓᓂ ᐊᖑᑎᑦ ᐊᕐᓁᓪᓗ ᓯᐊᓛᕆᓗᒋᑦ; ᑎᒍᓯᓯᒪᓕᕈᒫᕐᐳᑦ ᑎᒍᔨᒋᓚᐅᕐᑕᒥᖕᓂᒃ, ᐊᖓᔪᖅᑳᖑᕕᒋᓕᕐᓗᒋᓪᓗ ᓵᓚᒋᔨᒋᓯᒪᓚᐅᕐᑕᑎᒃ.

ᐂᓮᐊᓯᐅᑉ ᐊᒡᓚᖏᑦ 33:1

ᑲᑉᐱᐊᓐᓇᒦᒃ ᐊᓯᕈᐃᔨᐅᔪᑎᑦ, ᐃᕝᕕᑦ ᓇᖕᒥᓂᖅ ᐊᓯᕈᕐᑕᐅᓯᒪᖏᒃᑲᓗᐊᕐᑐᑎᑦ; ᐃᕝᕕᑦ ᐃᕐᓯᓇᕈᒪᔪᑎᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓚᐅᕐᓯᒪᓇᑎᑦ! ᐊᓯᕈᐃᖃᑦᑕᕈᓐᓃᕈᕕᑦ ᐊᓯᕈᕐᑕᐅᔪᒫᕐᐳᑎᑦ; ᐃᕐᓯᓵᕆᖃᑦᑕᕈᓐᓃᕋᓗᐊᕈᕕᑦ; ᐃᕐᓯᓵᕐᑕᐅᓕᕈᒫᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 51:17

ᑐᐸᓕᕆᑦ, ᑐᐸᓕᕆᑦ! ᒪᑭᓪᓗᑎᓪᓗ ᔨᕉᓴᓕᒻ. ᐃᓕᑦᓯ ᐃᒥᓚᐅᕐᑐᓯ ᐊᑕᓂᐅᑉ ᐊᑭᓂᐊᕐᓂᖓᑕ ᐃᒥᐅᑎᖓᓂᑦ ᓂᓐᖓᐅᒪᓂᖓᓂᒃ ᐃᒪᓕᖕᒥᒃ. ᐃᒤᕐᓗᒍ ᓄᖑᓚᐅᕐᐸᓯ ᐃᓗᓕᖁᑎᐅᑉ ᐃᒪᖓ ᐋᖓᔮᕈᑎᒋᓕᕐᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᐂᓮᐊᓯᐅᑉ ᐊᒡᓚᖏᑦ 60:1

“ᒪᑭᓪᓗᓯ ᖃᐅᒪᓕᕆᑦᓯ; ᖃᐅᒻᒪᖅᑯᑎᓯ ᑎᑭᒻᒪᑦ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᑕ ᖃᐅᒻᒪᒡᕕᒋᖕᒪᓯ.

ᔨᕆᒤᐊᐅᑉ ᐊᒡᓚᖏᑦ 31:26

ᐃᓄᐃᓪᓗ ᐅᖃᕈᒫᕐᐳᑦ, ᑕᖃᓪᓗᖓ ᓯᓂᓕᓚᐅᕐᐳᖓ ᑐᐸᒃᐳᖓᓕ ᑕᖃᓯᒪᔪᓐᓃᕐᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᐃᐱᓯᒥᐅᓄᑦ 4:8

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᖁᑦᓯᖕᓂᕐᐹᒧᑦ ᖁᒻᒧᐊᒃᑲᒥ ᑎᒍᔭᐅᓯᒪᔪᑦ ᓇᒃᓴᓚᐅᕐᐰᑦ, ᑐᓂᕐᕈᑎᓂᒡᓗ ᑐᓂᓯᓪᓗᓂ ᐃᓄᖕᓄᑦ.”

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᑎᒧᑎᒧᑦ ᐂᑉᐸᖏᑦ 2:26

ᓵᑖᓇᓯᐅᓪᓗ ᓂᒐᖓᓂᑦ ᓴᐳᑎᔭᐅᖁᓪᓗᒋᑦ, ᑖᑦᓱᒧᖓ ᑎᒍᔭᐅᓂᕐᒥᖕᓄᑦ ᐱᔪᒪᔭᖓᓂᒃ ᒪᓕᓕᓚᐅᕐᓂᕆᔭᒥᖕᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 5:13

ᑕᐅᓄᖓ ᐱᓱᒃᐳᑦ ᐊᖓᔪᖅᑳᑦ ᐊᒥᐊᒃᑯᖏᑦ; ᐊᑕᓂᐅᑉ ᐃᓄᖁᑎᖏᑦ ᑕᐅᓄᖓ ᐱᓱᒃᐳᑦ ᐊᑕᓂᑎᒃ ᐱᓪᓗᒍ ᐅᓇᑕᕆᐊᕐᓗᑎᒃ ᐊᔪᖏᑦᑐᕐᔪᐊᓂᒃ.