ᐃᓗᐊᕐᓮᔩᑦ ᐊᒡᓚᖏᑦ 5:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓈᓚᒋᑦᓯ! ᓂᑦᔭᐅᓯᔭᕐᑐᑦ ᓂᐱᖏᓐᓂᒃ ᐃᒥᕐᑎᑦᓯᔭᕐᑐᕐᕕᖕᓂ, ᑍᑲᓂ ᐅᖃᐅᓯᖃᓕᖅᑭᒃᑖᖏᒻᒪᑕ ᐊᑕᓂᐅᑉ ᓵᓚᖃᕐᓂᖓᓂᒃ ᓵᓚᖃᕈᑦᔨᓂᖓᓂᒃ ᐃᓴᕆᐊᓕᒥᒃ ᖁᕕᐊᒋᔭᖃᕐᓂᕐᒥᓄᑦ. ᐃᑎᕐᑕᕐᕕᖕᓄᑦ ᑕᐅᓄᖓ ᐱᓱᒃᐳᑦ ᐊᑕᓂᐅᑉ ᐃᓄᖁᑎᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 5:11 Iomraidhean Croise

ᒨᓯᓯ ᓯᕗᓪᓖᑦ 24:11

ᑕᕝᕗᖓᓗ ᑎᑭᓐᓇᒥ, ᑳᒥᓕᖁᑎᓂ ᐊᖁᕕᑎᑉᐰᑦ ᐃᒥᕐᑕᕐᕕᐅᑉ ᓴᓂᐊᓄᑦ ᐃᒡᓗᒐᓮᑦ ᓯᓚᑖᓃᑦᑐᒧᑦ, ᐅᓐᓄᓕᕐᑎᓪᓗᒍ, ᑍᒤᓪᓗᐊᓕᕌᖓᑦ ᐊᕐᓁᑦ ᐃᒥᕐᑕᕐᐸᖕᒪᑕ.

ᒨᓯᓯ ᓯᕗᓪᓖᑦ 29:2

ᕿᓂᕋᒥᓗ, ᓇᑎᕐᓇᒥ ᐃᒥᕐᑕᕐᕕᖕᒥᒃ, ᓰᐱᓂᒡᓗ ᐊᕚᑖᓂ ᐊᖁᐱᔪᖃᕐᐳᖅ ᐱᖓᓲᓕᖅᑲᖓᔪᓂᒃ; ᑕᕝᕙᓐᖓᓪᓗ ᓰᐲᑦ ᐃᒥᕐᑕᕐᕕᖕᒥᑦ ᐃᒥᕐᑎᑕᐅᕙᒃᐳᑦ, ᐅᔭᕋᖕᒥᒡᓗ ᐊᖏᔪᒥᒃ ᖄᖓᒍᑦ ᒪᑐᓯᒪᓪᓗᓂ.

ᒨᓯᓯ ᓯᕗᓪᓖᑦ 29:3

ᓰᐲᓪᓗ ᑲᑎᑕᐅᔭᕌᖓᑕ ᑕᕝᕗᖓ, ᓰᐱᓕᕆᔨᓂᑦ ᒪᑐᐊ ᐊᒃᓴᑲᕐᑎᑕᐅᕙᒃᓱᓂ ᐃᒥᕐᑕᕐᕕᐅᑉ ᐹᖓᓂᑦ, ᓰᐱᖁᑎᑎᒃ ᐃᒥᕐᑎᑉᐸᒃᓗᒋᑦ, ᐱᔭᕇᕌᖓᒥᒃ ᐅᔭᕌᓗᒃ ᐅᑎᕐᑎᑉᐸᒃᑭᓪᓗᒍ ᐹᖓᓄᑦ.

ᔫᐱᐅᑉ ᐊᒡᓚᖏᑦ 29:7

ᐃᒡᓗᒐᓴᖕᓂ ᐊᖓᔪᖅᑳᕆᔭᐅᔪᓄᑦ ᐅᐸᒍᑎᔭᕌᖓᒪ, ᐃᓚᒋᓪᓗᒋᑦ ᐃᒃᓯᕙᖃᑎᒋᕙᓚᐅᕐᐸᒃᑲ ᑲᑎᒪᑎᓪᓗᒋᑦ,

ᐃᓐᖏᕈᑎᑦ 145:7

ᐃᖅᑲᐅᒪᔭᐅᓗᑎᑦ ᐅᖃᐅᓯᕆᔭᐅᔪᒫᕐᐳᑎᑦ ᑍᒪᓐᖓᑦ ᐊᖏᔪᕐᔪᐊᒥᒃ ᐱᑦᓯᐊᖏᓐᓇᕐᓃᑦ, ᓇᓛᒎᕐᓃᓪᓗ ᓂᐱᖅᑯᕐᑐᓗᑎᒃ ᐃᓐᖏᕈᑎᒋᔭᐅᔪᒫᕐᐳᖅ.

ᐃᓐᖏᕈᑎᑦ 71:15

ᖃᓂᓐᓄᑦ ᐅᖃᐅᓯᕆᔪᒪᕙᕋ ᐃᓱᐊᕐᑐᓕᓃᑦ, ᐱᐅᓕᒃᓯᓃᓪᓗ ᐅᓪᓗᖅ ᓈᓗᒍ, ᖃᖓᒃᑯᑦ ᐃᓱᓕᕝᕕᒃᓴᖃᕐᒪᖔᑕ ᖃᐅᔨᒪᖏᓐᓇᒪ.

ᐂᓮᐊᓯᐅᑉ ᐊᒡᓚᖏᑦ 12:3

ᑍᒤᒻᒪᑦ ᖁᕕᐊᓱᒡᓗᑎᑦ ᐃᒥᕐᒥᒃ ᖃᓗᔭᕐᑐᕈᒫᕐᐳᑎᑦ ᐱᐅᓕᔭᐅᕕᐅᑉ ᐃᒥᕐᑕᕐᕕᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 28:6

ᓱᓕᑦᓯᐊᕐᑐᒥᒃ ᐃᖅᑲᕐᑐᐃᑎᑦᓯᔪᒫᕐᐳᖅ ᐃᖅᑲᕐᑐᐃᔨᓂᒃ ᐃᒃᓯᕙᐅᑕᒥᓂ ᐃᖅᑲᕐᑐᐃᔪᓂᒃ. ᓴᐱᕈᓐᓃᕐᑎᓪᓗᒋᓪᓗ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂᒃ ᓴᐳᑦᔨᔩᑦ ᐅᓇᑕᕋᓱᐊᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 7:2

ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓃᓪᓗᑎᑦ ᐅᖃᐅᓯᕆᔭᐅᖁᔭᒃᑲ ᐅᖃᒃᑭᑦ: “ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒥᐅᑕᐅᔪᓯ ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᑐᕐᐸᒃᑐᓯ ᐅᕘᓇ ᐃᑎᕐᑕᕐᕕᒃᑯᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:4

ᐃᒥᕐᑖᕐᐸᓕᕐᐳᒍᑦ ᐊᑭᓖᓪᓗᑕ, ᓂᐅᕕᕐᓗᑕᓗ ᑭᓯᐊᓂ ᕿᔪᒃᓴᖃᕈᓐᓇᓕᕐᓗᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:9

ᑐᖁᕅᔩᑦ ᓇᓂᑐᐃᓐᓈᓕᕐᒪᑕ, ᑐᖁᑕᐅᑐᐃᓐᓇᕆᐊᖃᕐᓗᑕ ᓂᕿᒃᓴᕐᓯᐅᕋᓱᐊᕐᐸᒃᐳᒍᑦ.

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᒨᓯᓯ ᑕᓪᓕᒪᖏᑦ 22:24

ᑕᕝᕙ ᑖᒃᑯᐊᒃ ᓄᓇᓖᑦ ᓯᓚᑖᓄᐊᕈᑎᓗᒋᒃ ᒥᓪᓗᕐᑕᐅᓗᑎᒃ ᑐᖁᑕᐅᔪᒃᓴᐅᕘᒃ. ᐊᕐᓇᖅ ᑐᖁᑕᐅᔭᕆᐊᖃᕐᐳᖅ ᐃᑲᔪᕐᑕᐅᔪᒪᓗᓂ ᓂᓪᓕᐊᓚᐅᖏᓐᓂᖓ ᐱᓪᓗᒍ, ᑕᕝᕙᓂ ᓄᓇᓕᖕᓃᒃᑲᓗᐊᕐᓗᓂ, ᓂᓪᓕᑐᐊᕐᐸᑦ ᑐᓴᕐᑕᐅᔪᓐᓇᕋᔭᓚᐅᕋᓗᐊᕐᒪᑦ. ᐊᖑᑦᑕᐅᖅ ᑐᖁᑕᐅᔭᕆᐊᖃᕆᕗᖅ ᐊᕐᓇᒥᒃ ᐃᓐᓇᖓᖃᑎᖃᕐᒪᑦ ᐊᓯᐊᓄᑦ ᓄᓕᐊᒃᓴᕆᔭᐅᔪᒥᒃ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 33:21

ᓄᓇᐅᑉ ᐱᐅᓂᕐᐹᖓᓂᒃ ᑖᒃᑯᐊ ᓂᕈᐊᕐᓯᒪᕗᑦ ᓇᖕᒥᓂᒃᓴᒥᖕᓂᒃ, ᑕᕝᕙᓂ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᓄᓇᖁᑎᒃᓴᖓ ᖁᒥᐅᑕᐅᓯᒪᖕᒪᑦ; ᑖᓐᓇ ᑎᑭᓚᐅᕐᐳᖅ ᐃᓄᐃᑦ ᐊᖓᔪᖅᑳᖏᓐᓄᑦ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ ᐱᖁᔭᐅᓯᒪᔪᑦ ᒪᓕᒃᑕᐅᑎᑉᐰᑦ ᐃᓱᐊᕐᑐᑦ ᒪᓕᒐᒃᓮᑦ ᐊᑕᓂᕐᒥᑦ ᐱᓯᒪᔪᑦ.”

ᐃᓗᐊᕐᓮᔩᑦ ᐊᒡᓚᖏᑦ 11:40

ᐃᓴᕆᐊᓕᒥᐅᑦ ᐸᓂᖏᑦ ᐊᕐᕌᒍᑕᒫᑦ ᕿᒃᓵᒍᑎᖃᕆᐊᕐᑐᕐᐸᓚᐅᕐᐳᑦ ᔨᑉᑕᐅᑉ ᐸᓂᖓ ᐱᓪᓗᒍ ᒋᓕᐊᑎᒥᐅᖅ ᐅᓪᓗᓂᒃ ᓯᑕᒪᓂᒃ ᐊᕐᕌᒍᑕᒫᑦ.

ᐃᓗᐊᕐᓮᔩᑦ ᐊᒡᓚᖏᑦ 5:8

ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ, ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ 40,000ᓂ ᐃᓴᕆᐊᓕᑎᓂ?

ᓴᒧᐃᓕ ᓯᕗᓪᓖᑦ 12:7

ᒫᓐᓇ ᑍᒤᒻᒪᑦ ᓂᑯᕕᒋᑦᓯ, ᐊᑕᓂᖅ ᑐᒃᓯᐊᕐᕕᒋᓂᐊᕋᒃᑯ ᐱᐅᓕᒃᓯᓂᕆᓚᐅᕐᑕᖏᑦ ᐃᓕᑦᓯᓐᓂᒃ ᓯᕗᓕᑦᓯᓐᓂᒡᓗ ᐱᑦᔪᑎᒋᓗᒋᑦ.