ᐃᓗᐊᕐᓮᔩᑦ ᐊᒡᓚᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓴᕆᐊᓕᐅᑦ ᐃᓄᖏᑦ ᐃᓗᖏᕐᓱᓕᓚᐅᕐᐳᑦ ᓂᓪᓕᐊᓪᓗᑎᒃ ᐊᑕᓂᕐᒧᑦ ᐃᑲᔪᕐᑕᐅᔪᒪᓪᓗᑎᒃ; ᔮᐱᓐ ᐱᖃᓚᐅᕐᒪᑦ 900ᓂᒃ ᓴᕕᕋᔭᖕᓂᒃ ᕿᒧᒃᓯᐅᑎᓄᑦ ᐅᓂᐊᕐᑕᐅᓲᓂᒃ ᐊᒃᓴᓗᐊᓕᖕᓂᒃ, ᑲᑉᐱᐊᓱᒃᑎᑦᓯᓪᓗᓂᓗ ᐃᓴᕆᐊᓕᒥᐅᑦ ᐃᓄᖏᓐᓂᒃ ᐊᕐᕌᒍᓂᒃ 20ᓂᒃ ᓂᑲᒋᓇᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 4:3 Iomraidhean Croise

ᐃᓐᖏᕈᑎᑦ 106:42

ᐆᒥᒋᔨᖏᑕᓗ ᐅᖁᒤᒃᓴᕐᑎᓚᐅᕐᐰᑦ, ᐱᔪᓐᓇᕐᓂᖏᓐᓄᑦ ᑐᓂᔭᐅᓯᒪᓕᕐᒪᑕ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 78:34

ᑐᖁᑎᑦᓯᑐᐊᕐᒪᓪᓕ, ᐊᓯᖏᑦ ᑖᑦᓱᒥᖓ ᕿᓂᓕᓚᐅᕐᐳᑦ; ᖃᕿᐊᓕᕐᓗᑎᒃ ᐊᔪᐃᓐᓇᕐᓗᑎᒡᓗ ᒎᑎ ᕿᓂᓕᕐᓗᒍ.

ᒨᓯᓯ ᐂᑉᐸᖏᑦ 2:23

ᐊᕐᕌᒍᐃᓪᓗ ᐅᓄᕐᑐᑦ ᐊᓂᒍᕐᓯᒪᓕᕐᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᕐᐹᑦ ᐃᑲᔪᕐᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᕐᑕᐅᕗᖅ.

ᒨᓯᓯ ᑕᓪᓕᒪᖏᑦ 28:29

ᑕᑦᓯᑲᒍᒫᕐᐳᓯ ᐅᓪᓗᒃᑯᑦ ᖃᐅᒪᑎᓪᓗᒍ ᑕᐅᑐᖏᑦᑐᑎᑐᑦ, ᓇᒧᓐᖓᐅᔭᕆᐊᒃᓴᕐᓗ ᖃᐅᔨᔪᓐᓇᕈᒫᓐᖏᓚᓯ; ᐱᓇᓱᐊᕋᓱᒃᑕᓕᒫᓯ ᐱᔪᓐᓇᕈᒫᓐᖏᓚᓯ ᑍᒪᓐᖓᑦ ᐅᖁᒤᒃᓴᕐᑎᑕᐅᔪᒫᕐᐳᓯ ᑎᒡᓕᒐᕐᕕᐅᖃᑦᑕᕐᓗᓯ, ᓇᓪᓕᐊᓐᓂᒡᓘᓐᓃᑦ ᐃᑲᔪᕐᑎᒃᓴᖃᕈᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᔮᓱᐊᑉ ᐊᒡᓚᖏᑦ 17:16

ᔫᓯᐱᐅᑉ ᑭᖑᕚᖏᑦ ᑭᐅᕗᑦ, “ᖃᖅᑲᔮᑦ ᒥᑭᓗᐊᕐᐳᑦ ᐅᕙᑦᑎᓐᓄᑦ; ᑬᓇᓂᒥᐅᓪᓕ ᒪᓂᖅᑲᒦᑦᑐᑦ ᓴᕕᕋᔭᖕᓂᒃ ᐊᒃᓴᓗᐊᓕᖕᓂᒃ ᑲᓕᒐᖁᑎᖃᕐᐳᑦ, ᑕᒪᖏᒃ ᐱᑦ-ᓰᓐᒥᐅᑦ ᓄᓇᓖᓪᓗ ᖃᓂᒋᔭᖓᓃᑦᑐᑦ ᓄᓇᓖᓪᓗ ᔨᔭᕆᐅᓪ ᓇᕐᓴᖓᓃᑦᑐᓕᒫᑦ.”

ᐃᓗᐊᕐᓮᔩᑦ ᐊᒡᓚᖏᑦ 1:19

ᐊᑕᓂᐅᑉ ᐃᓚᒋᓚᐅᕐᐰᑦ ᔫᑕᐅᑉ ᑭᖑᕚᖏᑦ. ᓄᓇᑖᕐᓗᑎᒡᓗ ᖃᖅᑲᓕᖕᒥᒃ, ᑭᓯᐊᓂᓕ ᓯᖏᑦᓯᔪᓐᓇᓚᐅᓐᖏᓚᑦ ᐃᓄᖕᓂᒃ ᒪᓂᕋᕐᒦᑦᑐᓂᒃ ᕿᒧᒃᓯᐅᑎᓄᑦ ᑲᓕᒐᖃᓚᐅᕐᒪᑕ ᐊᒃᓴᓗᐊᓕᖕᓂᒃ ᓴᕕᕋᔭᖕᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 10:10

ᐃᓴᕆᐊᓕᒥᐅᑦ ᐃᓗᖏᕐᓱᕐᓗᑎᒃ ᑐᒃᓯᐊᕐᓂᖃᓕᓚᐅᕐᐳᑦ ᐊᑕᓂᕐᒧᑦ ᐅᖃᕐᓗᑎᒃ, “ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ, ᕿᒤᓚᐅᕋᑦᑕ ᐃᓕᖕᓂᒃ ᐊᑕᓃᖅ, ᑐᒃᓯᐊᕐᐸᓕᕐᓗᑕ ᐰᓕᒧᑦ.”

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 3:15

ᐃᓴᕆᐊᓕᒥᐅᑦ ᐃᓗᖏᕐᓱᕐᓗᑎᒃ ᓂᓪᓕᐊᓕᓚᐅᕆᕗᑦ ᐊᑕᓂᕐᒧᑦ, ᐊᑕᓂᐅᓪᓗ ᐃᓴᕆᐊᓕᒥᐅᑦ ᑎᓕᓯᕕᒋᓚᐅᕐᐰᑦ, ᐊᖑᒻᒥᒃ ᓴᐳᑦᔨᓂᐊᕐᑐᒥᒃ. ᑖᓐᓇ ᐃᕼᐅᑦ, ᒋᕋᐅᑉ ᐃᕐᓂᖓ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᓴᐅᒥᐅᓚᐅᕐᐳᖅ. ᐃᓴᕆᐊᓕᒥᐅᑦ ᐃᓄᖏᑕ ᑎᓕᓚᐅᕐᐹ ᐊᖓᔪᖅᑳᕐᔪᐊᕐᒧᑦ ᐃᒡᓚᓐᒧᑦ, ᒧᐊᐱᒥᐅᑕᕐᒧᑦ ᐊᑭᓕᐅᑎᒥᖕᓂᒃ ᑐᓂᕐᕈᑎᓂᒃ ᑐᓂᓯᒋᐊᕐᑐᖁᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 3:9

ᐃᓴᕆᐊᓕᒥᐅᓪᓕ ᐃᓗᖏᕐᓱᒻᒪᕆᒃᓗᑎᒃ ᑐᒃᓯᐊᓚᐅᕐᐳᑦ ᐊᑕᓂᕐᒧᑦ, ᐊᑕᓂᐅᓪᓗ ᐃᓴᕆᐊᓕᒥᐅᑦ ᑎᓕᓯᕕᒋᓚᐅᕐᐰᑦ, ᐊᖑᒻᒥᒃ ᓴᐳᑦᔨᓂᐊᕐᑐᒥᒃ, ᑖᓐᓇ ᐅᑎᓂ-ᐅᓪᒥᒃ ᐊᑎᖃᕐᐳᖅ, ᑬᓚᐱᐅᑉ ᓄᑲᖓᑕ ᑮᓇᑦᔨᐅᑉ ᐃᕐᓂᖓ.

ᐃᓗᐊᕐᓮᔩᑦ ᐊᒡᓚᖏᑦ 4:13

ᑍᒤᒻᒪᑦ ᓯᓰᕋ ᑲᑎᖁᔨᓚᐅᕐᐳᖅ ᐊᒃᓴᓗᐊᓕᓕᒫᓂᒃ ᕿᒧᒃᓯᐅᑎᓕᖕᓂᒃ, 900ᓂᒃ ᓴᕕᕋᔭᖕᓂᒃ ᐊᒃᓴᓗᐊᓕᖕᓂᒃ, ᐊᖑᑎᓕᒫᓪᓗ ᐱᖃᑎᒋᔭᓂ, ᐂᖃᑎᒋᔪᒪᓪᓗᒋᑦ ᕼᐊᕈᓯᑎ-ᕼᐊᒍᔨᒻᒥᑦ ᑭᓲᓂᐅᑉ ᑰᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 4:4

ᑎᐴᕋ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ, ᓚᐱᑑᑎᐅᑉ ᓄᓕᐊᖓ, ᑍᑦᓱᒪᓂ ᐃᓱᐊᕐᓮᔨᒋᔭᐅᓚᐅᕐᐳᖅ ᐃᓴᕆᐊᓕᒥᐅᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 5:8

ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ, ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ 40,000ᓂ ᐃᓴᕆᐊᓕᑎᓂ?

ᐃᓗᐊᕐᓮᔩᑦ ᐊᒡᓚᖏᑦ 6:6

ᐃᓴᕆᐊᓕᒥᐅᑦ ᓵᓚᐅᓂᕐᐸᐅᓕᓚᐅᕐᐳᑦ ᒥᑎᐊᓂᒥᐅᓂᑦ; ᐃᓴᕆᐊᓕᒥᐅᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᓚᐅᕐᐳᑦ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 7:8

ᐅᖃᕐᓗᑎᒡᓗ ᓴᒧᐃᓕᒧᑦ, “ᑐᒃᓯᐊᖏᓐᓇᕆᑦ ᐊᑕᓂᕐᒧᑦ ᒎᑎᑦᑎᓐᓄᑦ, ᐱᐅᓕᔭᐅᖁᓪᓗᑕ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”