ᐃᓗᐊᕐᓮᔩᑦ ᐊᒡᓚᖏᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᑕᓂᐅᑉ ᓴᖑᑎᓚᐅᕐᐹ ᓯᓰᕋ ᐊᒃᓴᓗᐊᓕᓕᒫᖏᓪᓗ ᐅᓇᑕᕐᑐᒃᓴᖁᑎᖏᓪᓗ ᐸᕌᒃᒧᑦ ᑖᑦᓱᒪᓗ ᓵᓚᒋᓚᐅᕐᐰᑦ ᓴᕕᒡᔪᐊᒧᑦ; ᓯᓰᕋ ᐊᒃᓴᓗᐊᓕᖕᒥᓂᑦ ᓂᐅᓪᓗᓂ ᕿᒫᓚᐅᕐᐳᖅ ᐊᕐᐸᖏᕐᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 4:15 Iomraidhean Croise

ᔮᓱᐊᑉ ᐊᒡᓚᖏᑦ 10:10

ᐊᑕᓂᐅᓪᓗ ᐊᒧᕅᑎᒥᐅᑦ ᐅᐃᒪᔮᕐᑎᓚᐅᕐᐰᑦ ᑕᑯᑐᐊᕐᒪᑕ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ, ᐃᓴᕆᐊᓕᒥᐅᓂᑦ ᒋᐱᐅᓂᒥ ᐅᓄᕐᑐᐊᓗᐃᑦ ᑐᖁᕋᕐᑕᐅᓚᐅᕐᐳᑦ, ᒪᓕᒃᑕᐅᓪᓗᑎᒡᓗ ᐊᖅᑯᑎᒃᑯᑦ ᖃᖅᑲᒥᑦ ᐱᑦ-ᕼᐅᕋᓐᒧᑦ ᑐᕌᕐᑐᒃᑯᑦ, ᐅᓇᑍᓐᓇᓚᐅᕐᐰᓪᓗ ᐊᔨᑲᒧᑦ ᒪᑮᑕᒧᓪᓗ ᑎᑭᓪᓗᑎᒃ.

ᐄᑉᕈᐃᓄᑦ 11:32

ᖃᓄᖅ ᓱᓕ ᐅᖃᒃᑲᓐᓂᕆᐊᖃᕐᐳᖔ? ᐱᕕᒃᓴᑭᓗᐊᕐᐳᖓ ᐅᖃᐅᓯᖃᕋᓱᐊᕋᔭᕈᒪ ᒋᑎᐅᓂᒥᒃ, ᐸᕌᒃᒥᒃ, ᓵᒻᓲᓂᒥᒃ, ᔨᑉᑕᒥᒃ, ᑍᕕᑎᒥᒃ ᓴᒧᐃᓕᒥᒡᓗ ᓇᓚᐅᑦᑍᔪᓂᒃᓗ

ᐊᑕᓃᑦ ᐂᑉᐸᖏᑦ 7:6

ᐊᑕᓂᐅᑉ ᓯᕆᐊᒥᐅᑦ ᐅᓇᑕᕐᑎᖏᑦ ᑐᓵᑎᓚᐅᕐᒪᒋᑦ ᐅᓐᓄᐊᒥ ᕿᒧᒃᓯᐅᑎᒐᓴᒡᔪᐊᑦ ᕿᒥᕐᔪᐊᓪᓗ ᕿᑭᕐᕋᖏᓐᓂᒃ ᐅᓇᑕᕐᑎᒐᓴᒡᔪᐊᖑᕙᓗᒃᑐᓂᒃ ᐅᖃᕐᓗᑎᒡᓗ ᐃᒻᒥᖕᓄᑦ, “ᑕᑯᒋᑦ ᐃᓴᕆᐊᓕᒥᐅᑦ ᐃᑲᔪᕆᐊᕐᑕᐅᖂᕐᒪᑕ ᕼᐃᑍᑎᒥᐅᓄᑦ, ᐄᑦᔨᑉᑎᒥᐅᓪᓗ ᐊᖓᔪᖅᑳᕐᔪᐊᖏᓐᓄᑦ ᐅᓇᑕᕆᐊᕐᑖᓘᓕᕐᐳᒍᑦ.”

ᒨᓯᓯ ᑕᓪᓕᒪᖏᑦ 7:23

ᐊᑕᓂᐅᓪᓕ ᒎᑎᑦᓯ ᐊᑭᕋᕐᑐᕐᑎᓯ ᐃᓕᑦᓯᓐᓄᑦ ᑐᓂᓂᐊᕐᐰᑦ, ᑐᑮᕈᑎᑎᓪᓗᓂᒋᓪᓗ ᓄᖑᑕᐅᓚᐅᖅᑳᕐᑎᓐᓇᒋᑦ.

ᓴᒧᐃᓕ ᓯᕗᓪᓖᑦ 7:10

ᓴᒧᐃᓕᓕ ᐃᑯᐊᓚᑦᓯᓪᓗᓂ ᑐᓂᓯᑎᓪᓗᒍ ᑐᓂᕐᕈᑎᒥᓂᒃ, ᐱᓕᔅᑍᓂᒥᐅᑦ ᖃᒡᓕᕗᑦ ᐅᓇᑕᕆᐊᓕᕐᓗᑎᒃ ᐃᓴᕆᐊᓕᒥᐅᓄᑦ; ᐊᑕᓂᕐᓕ ᑲᓪᓕᓕᕐᑎᑦᓯᕗᖅ ᓂᐱᖅᑯᕐᑐᔪᕐᔪᐊᕐᒥᒃ ᐱᓕᔅᑍᓂᒥᐅᑦ ᐱᓪᓗᒋᑦ ᑖᒃᑯᐊᓗ ᐅᐃᒻᒪᑦᓯᐊᓚᐅᕐᐳ ᓇᓗᓕᕐᓗᑎᒡᓗ; ᕿᒪᒃᓯᓪᓗᑎᒡᓗ ᐃᓴᕆᐊᓕᒥᐅᓂᒃ.