ᐃᓗᐊᕐᓮᔩᑦ ᐊᒡᓚᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 3:7 Iomraidhean Croise

ᐊᑕᓃᑦ ᓯᕗᓪᓖᑦ 16:33

ᐂᕼᐊᑉᓗ ᕿᔪᖕᒥᒃ ᐊᓯᕆᒥᒃ ᐊᑎᓕᖕᒥᒃ ᒎᑎᓐᖑᐊᓕᐅᕐᐳᖅ. ᐂᕼᐊᑉ ᓂᓐᖓᒃᓮᓂᕐᓴᐅᓚᐅᕐᐳᖅ ᐊᑕᓂᕐᒥᒃ, ᐃᓴᕆᐊᓕᒥᐅᑉ ᒎᑎᖓᓂᒃ, ᐊᖓᔪᖅᑳᕐᔪᐊᖑᓚᐅᕐᑐᓂᑦ ᐃᓴᕆᐊᓕᒥᐅᓄᑦ ᓯᕗᓕᕐᒥᓂᑦ.

ᐊᑕᓃᑦ ᓯᕗᓪᓖᑦ 18:19

ᒫᓐᓇᓕ ᑍᒤᒻᒪᑦ ᐃᓴᕆᐊᓕᒥᐅᓕᒫᑦ ᑲᑎᓯᖁᓗᒋᑦ ᐅᕙᓐᓂᒃ ᑎᓕᓯᓕᕆᑦ ᖃᖅᑲᒧᑦ ᑳᕐᒥᐅᑉ ᖄᖓᓄᑦ, ᐰᓕᐅᓪᓗ ᐅᖃᕐᑎᖏᑦ 450, ᐊᓯᕋᐅᓪᓗ ᐅᖃᕐᑎᖏᑦ 400, ᓂᕆᕙᒃᑐᑦ ᔨᔨᐱᐊᓕᐅᑉ ᓂᕆᕕᖓᓂ ᕾᖃᑕᐅᓗᑎᒃ.”

ᐊᑕᓃᑦ ᐂᑉᐸᖏᑦ 23:14

ᓇᐸᔪᓪᓗ ᓱᑬᑦ ᓯᖁᑦᑎᕐᐰᑦ ᑐᒃᓯᐊᕐᕕᐅᕙᒃᑐᑦ, ᐅᕐᕈᑎᓪᓗᒍᓗ ᐊᓯᕆᒻ, ᐃᓄᐃᓪᓗ ᓴᐅᓂᕕᓂᖏᓐᓂᒃ ᐃᓗᓪᓕᕐᑕᐅᖔᕐᓗᑎᒃ.

ᐊᑕᓃᑦ ᐂᑉᐸᖏᑦ 23:6

ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᑯᕉᓂᑲ ᐂᑉᐸᖏᑦ 15:16

ᒫᑲᓗ ᐊᒡᓛᑦ ᐲᕐᑎᑉᐹ ᑯᐃᖑᓂᕐᒥᑦ, ᐊᓈᓇᖓ ᓇᕐᕈᓇᕐᑐᒥᒃ ᒎᑎᓐᖑᐊᒥᒃ ᓴᓇᓚᐅᕐᓂᖓᓄᑦ ᐊᓯᕋᒥᒃ ᐊᕐᓇᓐᖑᐊᒥᒃ ᓇᐸᔪᒥᒃ. ᐂᓴᐅᓪᓗ ᒎᑎᓐᖑᐊᖅ ᓱᕋᒃᓗᒍ ᐅᕐᕈᑎᑉᐹ, ᓯᖁᑦᑎᕐᓗᒍᓗ, ᐃᑯᐊᓪᓚᒡᓗᒍᓗ ᑭᑐᕌᓂᐅᑉ ᑰᖓᑕ ᓴᓂᐊᓂ.

ᑯᕉᓂᑲ ᐂᑉᐸᖏᑦ 24:18

ᐊᑕᓂᐅᓪᓗ ᐃᒡᓗᖓ ᓯᕗᓕᖏᑦᑕ ᒎᑎᖓᑦ ᑲᒪᒋᔪᓐᓃᕐᐹᑦ, ᐱᔨᑦᓯᖔᓕᕐᓗᑎᒡᓗ ᕿᔪᖕᓄᑦ ᓴᓇᓯᒪᔪᓄᑦ ᒎᑎᓐᖑᐊᓄᓪᓗ ᐊᓯᕋᒧᑦ. ᓂᓐᖓᒡᕕᐅᓂᕐᒧᓪᓗ ᑎᑭᑕᐅᕗᑦ ᔫᑕ ᔨᕉᓴᓕᓗ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᓂᖏᑦ ᐱᓪᓗᒋᑦ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 33:3

ᓴᓇᒋᐊᓪᓚᓚᐅᕐᒪᑦ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᐊᑖᑕᖓᑕ ᕼᐃᓯᑬᐊᐅᑉ ᓱᕋᓚᐅᕐᑕᖏᓐᓂᒃ, ᑐᓂᕐᕈᓯᕐᕖᓪᓗ ᐰᓕᒧᑦ ᐋᖅᑭᒃᓱᕆᐊᓪᓚᒃᓗᒋᑦ, ᕿᔪᖕᓂᒡᓗ ᒎᑎᓐᖑᐊᓂ ᐊᓯᕋᓂᒃ ᐊᑎᓕᖕᓂᒃ ᓴᓇᕗᖅ, ᑐᒃᓯᐊᕐᕕᒋᖃᑦᑕᕐᐰᓪᓗ ᒎᑎᒋᔭᐅᔪᑦ ᐅᓪᓗᕆᐊᑦ ᕿᓚᖕᒦᑦᑐᑦ ᐱᔨᑦᓯᕐᓗᒋᓪᓗ.

ᑯᕉᓂᑲ ᐂᑉᐸᖏᑦ 34:3

ᐊᖓᔪᖅᑳᖑᓂᖓᑕ ᐊᕐᕌᒎᑉ ᓯᑕᒪᐅᔪᕐᑐᖓᓂ, ᐃᓅᓱᒃᑑᓪᓗᓂ ᓱᓕ, ᓯᕗᓕᖓᑕ ᑍᕕᑎᐅᑉ ᒎᑎᖓ ᖃᐅᔨᓇᓱᐊᓕᓚᐅᕐᐹ; ᐊᕐᕌᒎᑉ 12ᖓᓂ ᔫᑕᐅᑉ ᔨᕉᓴᓕᐅᓪᓗ ᑐᒃᓯᐊᕐᕕᖏᑦ ᓴᓗᒻᒪᕐᓴᓕᕐᐰᑦ, ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ, ᓴᓇᐅᒊᓪᓗ ᐊᐅᒃᑎᓯᒪᔪᓪᓗ ᒎᑎᓐᖑᐊᑦ.

ᑯᕉᓂᑲ ᐂᑉᐸᖏᑦ 34:7

ᑐᓂᕐᕈᓯᕐᕖᑦ ᓯᖁᑦᑎᕐᐰᑦ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᓐᖑᐊᖅ ᓯᖁᑦᑎᕐᐹ ᓯᖃᓪᓕᓪᓗᒍ ᓴᓇᓐᖑᐊᕐᓯᒪᔪᓕᒫᓪᓗ ᐳᔪᕋᓐᖑᕐᑎᑉᐰᑦ, ᑎᐱᑦᓯᐊᕆᒃᑐᓂᒡᓗ ᐃᑯᐊᓚᑦᓯᕖᑦ ᓯᖁᑦᑎᕐᐰᑦ ᐃᓴᕆᐊᓕᒥᐅᑦ ᓄᓇᓕᒫᖏᓐᓂ. ᑕᕝᕙ ᐅᑎᕐᐳᖅ ᔨᕉᓴᓕᒧᑦ.

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᐃᓐᖏᕈᑎᑦ 106:36

ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᖃᑦᑕᓕᓚᐅᕐᐳᑦ: ᑕᒪᑐᒧᖓᓗ ᑕᕝᕙ ᓂᒐᕐᑎᑕᐅᑦᔪᑎᖃᓚᐅᕐᐳᑦ.

ᐃᓐᖏᕈᑎᑦ 106:7

ᓯᕗᓕᕆᓚᐅᕐᑕᕗᑦ ᑐᑭᓯᓚᐅᓐᖏᓚᑦ ᐄᑦᔨᑉᑎᒥ ᑲᒪᓇᕐᑐᓕᓂᕆᓚᐅᕐᑕᕐᓂᒃ; ᐃᖅᑲᐅᒪᓚᐅᓐᖏᓚᑦ ᓇᒡᓕᒍᓱᖕᓂᕐᓄᑦ ᐱᓂᐊᕐᓂᕆᖃᑦᑕᓚᐅᕐᑕᕐᓂᒃ; ᐊᑭᕋᕐᑐᓚᐅᕐᐳᓪᓕ ᖁᑦᓯᖕᓂᕐᐹᖑᔪᒥᒃ ᐃᒪᕐᒥ ᐊᐅᐸᓗᒃᑕᒥ.

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 23:27

ᐃᓱᒪᖃᑦᑕᕐᒪᑕ ᓯᓐᓇᒃᑐᕆᔭᒥᖕᓂᒃ ᐅᓂᒃᑳᖃᑦᑕᕐᓂᕐᒥᖕᓄᑦ ᐃᓄᖁᑎᓐᓂᒃ ᐳᐃᒍᕐᑎᑦᓯᔪᓐᓇᕋᓱᒋᓪᓗᑎᒃ ᐅᕙᓐᓂᒃ, ᓯᕗᓕᕆᔭᓯᑦᑕᐅᖅ ᐅᕙᓐᓂᒃ ᐳᐃᒍᕐᑎᑕᐅᓚᐅᕐᒪᑕ ᐰᓕᒧᑦ ᑐᒃᓯᐊᖃᑦᑕᓕᕋᒥᒃ.

ᒨᓯᓯ ᑕᓪᓕᒪᖏᑦ 16:21

“ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᒎᑎᑦᓯᓐᓄᑦ ᓴᓇᓕᕈᕕᑦ, ᓴᓂᐊᓄᑦ ᓇᑉᐸᕐᓯᔪᒃᓴᐅᓐᖏᓚᑎᑦ ᕿᔪᖕᒥᒃ ᐊᕐᓇᓐᖑᐊᒥᒃ ᐊᓯᕋᒥᒃ ᐊᑎᓕᖕᒥᒃ.

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 8:11

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐳᐃᒍᖁᓇᓯ ᐊᑕᓂᕐᒥᒃ ᒎᑎᑦᓯᓐᓂᒃ; ᐱᖁᔭᖏᑕᓗ ᓇᓪᓕᐊᓐᓂᒃ ᓈᓚᓐᖏᑕᖃᕐᑍᓕᒋᑦᓯ ᐃᓕᑦᓯᓐᓄᑦ ᐅᓪᓗᒥ ᑐᓂᔭᓐᓂᒃ.

ᒨᓯᓯ ᑕᓪᓕᒪᖏᑦ 8:14

ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 8:18

ᐃᖅᑲᐅᒪᔪᒃᓴᐅᕗᑎᑦ ᐊᑕᓂᐅᑉ ᒎᑎᕕᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚᑎᑦ ᐊᔪᕐᓴᕈᓐᓃᖁᓪᓗᑎᑦ. ᑍᒤᓕᐅᕐᐳᕐᓕ ᐅᓪᓗᒥ ᓱᓕ ᓯᕗᓕᕆᓚᐅᕐᑕᑦᓯᓐᓄᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓯᒪᓂᕐᒥᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 3:12

ᐃᓴᕆᐊᓕᒥᐅᑦ ᐃᓄᖏᑦ ᓱᓕ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ; ᐊᑕᓂᐅᓪᓗ ᐃᒡᓚᓐ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᓴᓐᖏᓂᕐᓴᐅᓕᕐᑎᓚᐅᕐᐹ ᐃᓴᕆᐊᓕᒥᐅᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 3:8

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:25

ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᐊᑖᑕᕕᑦ ᐃᒻᒧᒃᓯᐅᒐᖁᑎᖓᓂᒃ ᐊᖑᓴᓪᓗᕐᒥᒃ ᐱᓗᑎᑦ, ᐊᖑᓴᓪᓗᖁᑎᑦᓯ ᐂᑉᐸᖓᓂᒃ ᐊᕐᕌᒍᓕᖕᒥᒃ 7ᓂᒃ ᓇᒃᓴᕐᓗᒍ, ᐰᓕᒧᑦ ᑐᓂᕐᕈᓯᕐᕕᒃ ᐅᕐᕈᑎᒋᐊᕐᑐᕈᒃ, ᐊᑖᑕᕕ ᐱᖓ, ᓴᓂᐊᓃᑦᑐᕐᓗ ᓇᓗᓁᒃᑯᑕᖅ ᒎᑎᓐᖑᐊᒧᑦ ᐊᓯᕋᒧᑦ ᓇᑲᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 8:33

ᒋᑎᐅᓂᐅᓪᓗ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᐅᑉ ᑭᖑᕚᖏᑦ ᐊᓯᓐᓂᐊᓕᕇᓚᐅᕆᕗᑦ ᒎᑎᒥᒃ, ᑐᒃᓯᐊᕐᐸᓕᕐᓗᑎᒃ ᐰᓕᒧᑦ, ᓴᓇᓚᐅᕐᐳᑦ ᐰᓕ-ᐱᕆᑎᒥᒃ ᒎᑎᑖᕆᓪᓗᒍᓗ.

ᐃᓗᐊᕐᓮᔩᑦ ᐊᒡᓚᖏᑦ 8:34

ᐃᖅᑲᐅᒪᔪᓐᓃᓚᐅᕐᐳᓪᓗ ᐊᑕᓂᕐᒥᒃ ᒎᑎᒥᖕᓂᒃ, ᓴᐳᑦᔨᔨᒋᕙᓚᐅᕐᑕᒥᖕᓂᒃ ᐊᑭᕋᒥᖕᓂᑦ ᖃᖓᑐᐃᓐᓇᓕᒫᖅ.

ᓴᒧᐃᓕ ᓯᕗᓪᓖᑦ 12:10

ᕿᐊᓪᓗᑎᒡᓗ ᑐᒃᓯᐊᓚᐅᕐᐳᑦ ᐊᑕᓂᕐᒧᑦ ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᐃᓕᖕᓂᑦ ᕿᒪᕉᑎᓚᐅᕐᐳᒍᑦ ᐊᑕᓃᖅ, ᒎᑎᓐᖑᐊᓄᓪᓗ ᑐᒃᓯᐊᓚᐅᕐᐳᒍᑦ ᐰᓕᒧᑦ ᐋᔅᑕᕉᑎᒧᓪᓗ; ᒫᓐᓇᓕ ᐱᐅᓕᓚᐅᕐᑎᒍᑦ ᐊᑭᕋᑦᑎᓐᓂᑦ, ᐃᓕᖕᓂᒡᓗ ᐱᔨᑦᓯᓕᕐᓂᐊᕐᐳᒍᑦ!’

ᓴᒧᐃᓕ ᓯᕗᓪᓖᑦ 12:9

ᑭᓯᐊᓂᓕ ᐃᓄᐃᑦ ᐳᐃᒍᓚᐅᕐᐳᑦ ᐊᑕᓂᕐᒥᖕᓂᒃ ᒎᑎᒥᒃ; ᑍᒤᒻᒪᑦ ᐱᓕᔅᑍᓂᒥᐅᑦ ᐱᔪᓐᓇᕐᑎᓚᐅᕐᐰᑦ ᐊᖓᔪᖅᑳᕐᔪᐊᕐᓗ ᒧᐊᐱᒥᐅᑕᖅ ᓯᓰᕋᒥᐅᑕᒧᓪᓗ, ᕼᐂᔭᒧᓪᓗ ᐅᓇᑕᕐᑏᑦ ᐊᖓᔪᖅᑳᖓᓐᓄᑦ ᐅᓇᑕᕆᐊᕐᑕᐅᑎᓚᐅᕐᐰᑦ; ᓯᕗᓕᓯᓗ ᓵᓚᐅᓚᐅᕐᐳᑦ ᑖᒃᑯᓄᖓ.