ᐃᓗᐊᕐᓮᔩᑦ ᐊᒡᓚᖏᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᒃᑯᐊ ᓄᓇᕾᓐᓇᓚᐅᕐᑐᑦ ᐱᓕᔅᑍᓂᒥ ᑕᓪᓕᒤᑦ ᐃᒡᓗᒐᓮᑦ ᑬᓇᓂᒥᐅᓪᓗ ᐃᓘᓐᓇᑎᒃ, ᓮᑐᓂᒥᐅᑦ, ᕼᐃᕔᑎᓪᓗ ᓄᓇᖃᕐᑐᑦ ᓕᐸᓇᓂᐅᑉ ᖃᖅᑲᖏᓐᓂ, ᖃᖅᑲᒥᑦ ᐰᓕ-ᕼᐊᕐᒪᓐᒥᑦ ᕼᐊᒫᑎ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 3:3 Iomraidhean Croise

ᒨᓯᓯ ᓯᕗᓪᓖᑦ 49:13

ᓯᐳᓗᓂ ᓄᓇᖃᕈᒫᕐᐳᖅ ᑕᕆᐅᑉ ᑭᒡᓕᖓᓂ; ᐅᒥᐊᕐᔪᐊᓄᑦ ᑭᓴᕐᕕᑦᓯᐊᖑᔪᒫᕐᐳᖅ, ᓄᓇᖓᑕᓗ ᑭᒡᓕᖓ ᓮᑐᓂᒧᑦ ᑎᑭᐅᑎᓯᒪᔪᒫᕐᐳᖅ.

ᓴᒧᐃᓕ ᐂᑉᐸᖏᑦ 24:7

ᑕᕝᕙᓐᖔᕐᓗᑎᒃ ᐃᒡᓗᒐᓴᖕᓄᑦ ᓴᐴᓗᑕᓕᖕᒧᑦ ᑍᕆᒧᐊᓚᐅᕐᐳᑦ, ᑲᔪᓯᓪᓗᑎᒃ ᐃᒡᓗᒐᓴᖕᓄᑦ ᕼᐃᕔᑎᒥᐅᓄᑦ ᑬᓇᓂᒥᐅᓄᓪᓗ; ᑭᖑᓪᓕᕐᐹᒥᒡᓗ ᓂᒋᑉᒧᑦ, ᔫᑕᐅᑉ ᓄᓇᖓᓄᐊᓚᐅᕐᐳᑦ ᐱᐊᕐᓯᐸᒧᑦ.

ᐊᑕᓃᑦ ᓯᕗᓪᓖᑦ 8:65

ᑕᕝᕙᓂ ᑐᒃᓯᐊᕐᕕᒡᔪᐊᒥ ᓲᓗᒨᓂ ᐃᓴᕆᐊᓕᑎᑦ ᐃᓄᓕᒫᖏᓪᓗ ᓇᓪᓕᐅᓐᓂᕐᓯᐅᕐᐳᑦ ᑐᐲᓐᓇᕐᒦᖃᑦᑕᕐᓂᕐᒥᒃ ᐅᓪᓗᓄᑦ 7ᓄᑦ, ᐃᓄᒋᕌᓗᐃᑦ ᓯᐊᒻᒪᒃᓯᒪᓚᐅᕐᐳᑦ ᕼᐊᒫᑎᐅᑉ ᐃᑎᕐᑕᕐᕕᖓᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐄᑦᔨᑉᑎᐅᑉ ᑰᖓᑕ ᑭᒡᓕᖓᓄᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᓪᓗᑎᒃ.

ᐊᑕᓃᑦ ᓯᕗᓪᓖᑦ 9:20

ᑖᒃᑯᐊ ᐊᒥᐊᒃᑯᓕᒫᑦ ᐊᒧᕅᑎᓂᑦ, ᕼᐃᑍᑎᓂᓪᓗ, ᐱᕆᔧᑎᓂᓪᓗ, ᕼᐃᕔᑎᓂᓪᓗ, ᔨᐳᓮᑎᓂᓪᓗ, ᐃᓴᕆᐊᓕᓄᑦ ᐃᓚᒋᔭᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 47:20

“ᓄᓇᐅᑉ ᐊᕕᒃᓯᒪᓂᖓ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ, ᒥᑎᑎᕇᓂᐊᒥᑦ ᑕᕆᐅᕌᓗᖕᒥᑦ ᐱᒋᐊᕐᓯᒪᔪᒃᓴᐅᕗᖅ ᐅᓐᓄᐊᓪᓗᐊᑉ ᓇᓛᓄᐊᖓᓗᓂ ᕼᐊᒫᑎᐅᑉ ᐊᑭᐊᓄᑦ ᑎᑭᓪᓗᓂ. ᑕᒪᓐᓇ ᑕᕝᕙ ᓯᕿᓂᐅᑉ ᓂᐱᕕᐊᓃᑦᑐᖅ ᑍᒤᓕᖓᔪᒃᓴᐅᕗᖅ.

ᒨᓯᓯ ᓯᑕᒪᖏᑦ 13:29

ᐊᒪᓕᑬᑎᑦ ᓄᓇᖃᕐᐳᑦ ᓯᕿᓂᐅᑉ ᓇᓛᓂ ᓂᒋᑉᒥ; ᕼᐃᑍᑎᑦ, ᔨᐳᓮᑎᑦ, ᐊᒧᕅᑎᓪᓗ ᓄᓇᖃᕐᐳᑦ ᖃᖅᑲᓂ; ᑬᓇᓂᒥᐅᑦ ᓄᓇᖃᕐᐳᑦ ᐃᒪᐅᑉ ᓯᓈᓂ ᑰᓪᓗ ᔪᐊᕐᑕᓂᐅᑉ ᓯᓈᓂ.”

ᒨᓯᓯ ᓯᑕᒪᖏᑦ 34:8

ᖃᖅᑲᖅ ᕼᐆᕆᒥᑦ ᑭᒡᓕᖓᓂᒃ ᓇᓗᓁᕐᓯᓗᓯ ᕼᐊᒫᑎᐅᑉ ᐃᑎᕆᐊᕐᕕᖓ ᑎᑭᓪᓗᒍ; ᑭᒡᓕᓕᐅᕐᑕᓯ ᔨᑖᑎ ᑐᕌᕐᓗᒍ;

ᒨᓯᓯ ᑕᓪᓕᒪᖏᑦ 1:7

ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ.

ᒨᓯᓯ ᑕᓪᓕᒪᖏᑦ 3:9

(ᖃᖅᑲᖅ ᕼᐊᕐᒪᓐ ᓮᑑᓂᐊᒥᐅᓂᑦ ᐊᑎᖃᕐᑎᑕᐅᓚᐅᕐᐳᖅ ᓯᕅᐊᓂᒥᒃ, ᐊᒧᕅᑎᒥᐅᓂᑦ ᐊᑎᖃᕐᑎᑕᐅᒋᓪᓗᓂ ᓯᓂᐊᕐᒥᒃ.)

ᔮᓱᐊᑉ ᐊᒡᓚᖏᑦ 11:19

ᐃᒡᓗᒐᓮᑦ ᐊᖏᖃᑎᖃᓚᐅᕐᑐᑦ ᐅᓇᑕᖃᑎᖃᕈᒪᓇᑎᒃ ᐃᓴᕆᐊᓕᒥᐅᓂᒃ ᐅᑯᐊᖑᕗᑦ ᒋᐱᐅᓂᒥᐅᑦ, ᑕᕝᕙᓂᓗ ᕼᐃᕔᑎᒥᐅᑦ ᐃᓚᖏᑦ ᓄᓇᖃᕐᑐᑦ, ᐊᓯᓕᒫᖏᓪᓕ ᓵᓚᒋᓚᐅᕐᐰᑦ ᐅᓇᑕᕐᓂᒃᑯᑦ.

ᔮᓱᐊᑉ ᐊᒡᓚᖏᑦ 11:3

ᐅᖃᕆᐊᕐᑐᕐᑎᑦᓯᓚᐅᕆᕗᖅ ᑬᓇᓂᒥᐅᓄᑦ ᔪᐊᕐᑕᓂᐅᓪᓗ ᑰᖓᑕ ᓯᓈᓃᑦᑐᓄᑦ, ᐊᒧᕅᒥᐅᓄᑦ, ᕼᐃᑍᑎᒥᐅᓄᑦ, ᐱᕆᔧᑎᒥᐅᓄᑦ, ᔨᐳᓮᑎᒥᐅᓄᑦ ᖃᖅᑲᓃᑦᑐᓄᑦ, ᕼᐃᕔᑎᑎᒥᐅᓄᓪᓗ ᓄᓇᓕᖕᓄᑦ ᓇᑎᕐᓇᒥ ᖃᖅᑲᐅᑉ ᕼᐊᕐᒪᓐ ᐊᑖᓃᑦᑐᓄᑦ ᒥᔅᐸᒥᐅᑦ ᓄᓇᖓᓃᑦᑐᓄᑦ.

ᔮᓱᐊᑉ ᐊᒡᓚᖏᑦ 13:3

ᓮᕼᐅᕆᐅᓪᓗ ᓄᓇᖓ ᓄᓇᒥᑦ ᓯᕼᐅᐊᑉ ᑰᖓᓂᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓂᑦ, ᑕᕐᕋᒧᑦ ᐃᑯᕋᓂᐅᑉ ᓄᓇᖁᑎᖓᑕ ᑭᒡᓕᖓᓄᑦ ᑬᓇᓂᒥᐅᓄᑦ ᓄᓇᒋᔭᐅᓂᕋᕐᑕᐅᔪᒧᑦ ᑎᑭᓪᓗᒍ; ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᓄᓇᖃᕐᑐᑦ ᐅᑯᓇᓂ ᒑᓴᒥ, ᐋᔅᑖᑦᒥ, ᐊᓯᑭᓗᓂᒥ, ᒑᑎᒥ, ᐃᒃᕌᒥᓗ, ᐋᐅᐃᒥᐅᓕᒫᓪᓗ.

ᔮᓱᐊᑉ ᐊᒡᓚᖏᑦ 13:5

ᒋᐸᐅᓕᐅᑉ ᑭᖑᕚᖓᑕ ᓄᓇᖓ, ᓕᐸᓇᓂᒥᐅᓕᒫᓪᓗ ᓯᕿᓂᐅᑉ ᓄᐃᕕᖓᓄᑦ, ᐰᓕ-ᒑᑦᒥᑦ ᐱᒋᐊᕐᓗᒍ, ᖃᖅᑲᐅᑉ ᕼᐊᕐᒪᓂᐅᑉ ᓯᕿᓂᖓᓂᑦ, ᕼᐊᒫᑎᒧᑦ ᐃᑎᕆᐊᕐᕕᖓ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 19:28

ᐃᑉᐳᕌᓐ, ᕅᕼᐊᑉ, ᕼᐊᒪᓐ, ᑲᓇ, ᐊᒻᒪ ᓮᑐᓂ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 9:7

ᐃᓴᕆᐊᓕᒥᐅᑦ ᕼᐃᕔᑎᒥᐅᓄᑦ ᐅᖃᕐᐳᑦ, “ᓱᖕᒪᑦ ᐊᖏᖃᑎᖃᕆᐊᖃᕐᐱᑖ? ᐃᒻᒪᖄᓕ ᒫᓂᑦᓯᐊᖅ ᓄᓇᖃᕐᑐᓯ, ᖃᓄᖅ ᐊᖏᖃᑎᖃᕈᒪᒐᑦᓯ?”

ᐃᓗᐊᕐᓮᔩᑦ ᐊᒡᓚᖏᑦ 10:12

ᓮᑐᓂᒥᐅᑦ ᐊᒻᒪ, ᐊᒪᓕᑬᑎᒥᐅᑦ ᒪᐅᓁᑎᒥᐅᓪᓗ ᐊᒃᓱᕈᕐᑎᑦᓯᓕᕐᒪᑕ ᐃᓕᑦᓯᓐᓂᒃ; ᐃᓗᖏᕐᓱᕐᓗᓯ ᓂᓪᓕᐊᓚᐅᕐᐳᓯ ᐅᕙᓐᓄᑦ. ᓴᐳᑎᓚᐅᕐᐸᑦᓯᓗ ᑍᒃᑯᓇᓐᖔᑦ?

ᐃᓗᐊᕐᓮᔩᑦ ᐊᒡᓚᖏᑦ 10:7

ᐊᑕᓂᐅᓪᓕ ᓂᓐᖓᑎᐅᓚᐅᕐᐰᑦ ᐃᓴᕆᐊᓕᒥᐅᑦ, ᐱᓕᔅᑍᓂᒥᐅᓄᓪᓗ ᐊᒧᓁᑎᓄᓪᓗ ᓵᓚᐅᑎᓚᐅᕐᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 14:4

ᐊᑖᑕᖓᓕ ᐊᓈᓇᖓᓗ ᖃᐅᔨᒪᓚᐅᓐᖏᓚᒃ ᐊᑕᓂᕐᒥᑦ ᑕᒪᓐᓇ ᐱᖕᒪᖔᑦ; ᑍᒤᑎᑦᓯᓚᐅᕐᒪᑦ ᐱᕕᒃᓴᓕᐅᕐᓗᓂ ᐱᓕᔅᑍᓂᒥᐅᓂᒃ ᐊᑭᓂᐊᕈᑎᒃᓴᒧᑦ. ᑍᑦᓱᒪᓂ ᐱᓕᔅᑍᓂᒥᐅᑦ ᐊᐅᓚᑦᓯᓚᐅᕐᒪᑕ ᐃᓴᕆᐊᓕᒥᐅᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 18:7

ᑖᒃᑯᐊ ᐊᖑᑎᑦ ᑕᓪᓕᒪᑦ ᐊᐅᓪᓚᕐᐳᑦ ᐂᓪᓗᑎᒡᓗ ᓄᓇᓕᖕᒧᑦ ᓔᓯᒧᑦ. ᐃᓄᖏᓪᓗ ᑍᑲᓃᑦᑐᑦ ᑕᑯᓪᓗᒋᑦ, ᓄᓇᖃᕐᑐᑦ ᐊᑭᕋᕐᑐᕐᑎᖃᕋᑎᒃ, ᓮᑐᓂᒥᐅᑎᑐᑦ ᐃᓂᓪᓚᖓᑦᓯᐊᕐᓗᑎᒃ, ᐅᐃᒪᖏᑦᑑᓚᐅᕐᐳᑦ, ᐊᑭᕋᕐᑐᕐᓂᖃᕋᑎᒃ ᑭᓇᒧᓪᓘᓐᓃᑦ; ᓈᒻᒪᑦᓯᐊᓚᐅᕐᐳᑦ. ᓄᓇᖃᓚᐅᕐᐳᑦ ᓮᑐᓂᒥᐅᑦ ᐅᖓᓯᒋᔭᖓᓂ, ᐃᓅᖃᑎᖃᓚᐅᕐᓇᑎᒡᓗ ᖃᓂᒋᔭᒥᖕᓂ.

ᐃᓗᐊᕐᓮᔩᑦ ᐊᒡᓚᖏᑦ 3:2

ᑍᒤᓚᐅᕐᐳᖅ ᐃᓴᕆᐊᓕᐅᑉ ᑭᖑᕚᖏᑦ ᐃᓕᓐᓂᐊᕐᑎᑦᓱᒪᓪᓗᒋᑦ ᐅᓇᑕᕐᓂᕐᒥᒃ, ᐱᓗᐊᕐᑐᒥᒃ ᑖᒃᑯᐊ ᐅᓇᑕᖃᑕᐅᓚᐅᕐᓯᒪᖏᑦᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 4:2

ᐊᑕᓂᐅᑉ ᓵᓚᐅᑎᓚᐅᕐᐰᑦ ᔮᐱᓂᒧᑦ, ᑬᓇᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓚᑦᓯᕕᖃᕐᑐᒧᑦ ᐃᒡᓗᒐᓴᒡᓂ ᕼᐂᔭᒥ. ᐅᓇᑕᕐᑐᒃᓴᖁᑎᖓᑕ ᐊᖓᔪᖅᑳᕆᓚᐅᕐᑕᖓ ᓯᓰᕋ, ᐊᖏᕐᕋᖃᓚᐅᕐᑐᖅ ᕼᐊᕈᓯᑎ-ᕼᐊᒍᔨᒻᒥ.

ᓴᒧᐃᓕ ᓯᕗᓪᓖᑦ 13:5

ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.

ᓴᒧᐃᓕ ᓯᕗᓪᓖᑦ 29:2

ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᑕᓪᓕᒪᑦ ᐃᖏᕐᕋᓚᐅᕐᐳᑦ ᐊᕕᒃᑐᕐᓯᒪᓪᓗᑎᒃ 100ᓂᑦ ᐱᒋᐊᕐᓗᑎᒃ 1,000ᓄᑦ ᑎᑭᓯᒪᓪᓗᑎᒃ, ᑍᕕᑎᒃᑯᓪᓕ ᐃᓚᖏᓪᓗ ᑭᖑᓪᓕᕐᐸᐅᓚᐅᕐᐳᑦ ᐊᖓᔪᖅᑳᕐᔪᐊᖅ ᐊᑭᔅ ᐱᖃᑎᒋᓪᓗᒍ.

ᓴᒧᐃᓕ ᓯᕗᓪᓖᑦ 6:16

ᐱᓕᔅᑍᓂᒥᐅᓪᓗ ᐊᖓᔪᖅᑳᖏᑦ ᑕᓪᓕᒪᑦ ᑕᑯᓐᓇᓚᐅᕐᐳᑦ ᐱᓂᐊᕐᓂᐅᔪᓂᒃ, ᑭᖑᓂᐊᒍᓪᓗ ᐅᑎᕐᐳᑦ ᐅᓪᓗᒥ ᑕᕝᕙᓂᑦᓮᓐᓇᖅ ᐃᑯᕋᓂᒧᑦ.

ᓴᒧᐃᓕ ᓯᕗᓪᓖᑦ 6:18

ᑐᓂᓯᓚᐅᕆᕗᓪᓗ ᒎᓗᓂᒃ ᐊᕕᓐᖓᓐᖑᐊᓂᒃ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᐊᐅᓚᑕᖏᓐᓂᑦ, ᐃᒡᓗᒐᓴᖕᓂᑦ ᓴᐴᓗᑕᓕᖕᓂᑦ ᓴᐴᓗᑕᖃᖏᑦᑐᓂᓪᓗ ᓄᓇᓕᖕᓂᒃ ᑐᑭᖃᕐᑎᓪᓗᒋᑦ. ᐅᔭᕋᒡᔪᐊᖅ ᔮᓱᐊᑉ ᐱᕈᕐᓰᕕᖁᑎᖓᓃᓚᐅᕐᑐᖅ ᐱᑦ-ᓯᒥᔅᒥ, ᖄᖓᓄᓪᓗ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐃᓕᓚᐅᕐᐹᑦ, ᑖᓐᓇ ᐅᔭᕋᒃᔪᐊᖅ ᑍᑲᓃᖏᓐᓇᕐᐳᖅ ᓱᓕ ᐅᓪᓗᒥᒧᑦ ᐱᓂᐊᕐᓂᐅᓚᐅᕐᑐᖅ ᓇᓗᓁᕐᑕᐅᓯᒪᖁᓪᓗᒍ.

ᓴᒧᐃᓕ ᓯᕗᓪᓖᑦ 6:4

ᐃᓄᐃᓪᓗ ᐊᐱᕆᕗᑦ, “ᓱᓇᓃᒃ ᐂᑦᑑᑎᖃᕐᑐᒃᓴᐅᕕᑖ ᐸᓯᔭᒃᓴᐅᓂᑦᑎᓐᓄᑦ ᐊᑭᓕᐅᑎᒃᓴᓂᒃ?” ᑖᒃᑯᐊ ᑭᐅᕗᑦ, “ᑕᓪᓕᒪᓂᒃ ᒎᓗᓂᒃ ᐋᓐᓂᐊᓇᕐᑐᓐᖑᐊᓂᒃ ᐋᖅᑭᒃᑕᐅᔪᓐᓇᖏᑦᑐᓂᒃ ᑕᓪᓕᒪᓂᒡᓗ ᒎᓗᓂᒃ ᐊᕕᓐᖓᓐᖑᐊᓂᒃ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᖃᑦᓯᐅᓂᖏᑦ ᒪᓕᒡᓗᒋᑦ; ᖃᓂᒻᒪᓯᖅ ᐃᓕᑦᓯᓐᓄᐊᓚᐅᕐᒪᑦ ᐊᖓᔪᖅᑳᓕᒫᑦᓯᓐᓄᓪᓗ.