ᐃᓗᐊᕐᓮᔩᑦ ᐊᒡᓚᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᕼᐅᓪᓕ ᓴᕕᓕᐅᓚᐅᕐᐳᖅ ᐃᒡᓗᒃᑐᑦ ᑮᓇᓕᖕᒥᒃ, ᑕᑭᓂᓕᖕᒥᒃ ᐃᑎᒐᒥᒃ ᐊᕝᕙᕐᒥᒡᓗ. ᐃᓂᓕᐅᕐᐹᓗ ᖁᒃᑐᕋᕐᒥᓂ ᑕᓕᕐᐱᖕᒥ ᐊᓐᓄᕌᒥ ᐃᑭᐊᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 3:16 Iomraidhean Croise

ᓴᒧᐃᓕ ᐂᑉᐸᖏᑦ 20:8

ᐅᔭᕋᓱᒡᔪᖕᒧᑦ ᒋᐱᐅᓂᒦᑦᑐᒧᑦ ᑎᑭᒻᒪᑕ, ᐊᒪᓴᐅᑉ ᐅᐸᒃᐰᑦ. ᔪᐊᐱᓕ ᐊᓐᓄᕌᕐᓯᒪᓚᐅᕐᐳᖅ ᐅᓇᑕᕐᑐᕐᓯᐅᑎᓂᒃ, ᓴᕕᒡᔪᐊᖓᓗ ᐴᕐᓯᒪᕗᖅ ᑕᑦᓯᖓᓄᑦ ᕿᓚᒃᓯᒪᓪᓗᓂ, ᐅᑯᖕᒪᓪᓕ ᓴᕕᒡᔪᐊᖓ ᑲᑕᒃᐳᖅ.

ᐃᓐᖏᕈᑎᑦ 149:6

ᒎᑎᒥᒃ ᓂᕐᑐᐃᓂᖓᑦ ᐊᖏᔪᖅ ᖃᓂᖏᓐᓃᓚᐅᕐᓕ, ᓴᕕᒡᔪᐊᓪᓗ ᐃᒡᓗᒃᑐᑦ ᑮᓇᓖᑦ ᐊᒡᒐᖏᓐᓃᓪᓗᑎᒃ,

ᐃᓐᖏᕈᑎᑦ 45:3

ᓴᕕᒡᔪᐊᑦ ᐴᖓᓄᑦ ᐃᓕᓕᕈᒃ ᕿᑎᕐᓄᑦ, ᐊᔪᖏᑦᑐᕐᔪᐊᖑᔪᑎᑦ, ᑕᑯᒥᓇᕐᑐᐊᓘᓕᕆᑦ ᐅᐱᓐᓇᕐᑐᕐᔪᐊᖑᓗᑎᓪᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 3:8

ᑕᒪᕐᒥᒃ ᓴᕕᒃᔪᐊᖃᕐᐳᑦ, ᐅᓇᑕᕐᓂᕐᒥᒡᓗ ᖃᐅᔨᒪᑦᓯᐊᕐᓗᑎᒃ, ᑕᒪᕐᒥᒃ ᓴᓂᕋᖏᑎᒍᑦ ᓴᕕᒡᔪᐊᒥᒃ ᓂᕕᖓᔪᖃᕐᐳᑦ, ᐅᓐᓄᐊᑉ ᐃᓕᒪᓇᕐᓂᖓ ᐱᑦᔪᑎᒋᓪᓗᒍ.

ᐄᑉᕈᐃᓄᑦ 4:12

ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:16

ᑕᓕᕐᐱᖕᒥᓂᓗ ᐅᓪᓗᕆᐊᓂᒃ 7ᓂᒃ ᑎᒍᒥᐊᕐᐳᖅ, ᖃᓂᖓᓂᓪᓗ ᓄᐃᔪᖃᕐᐳᖅ ᓴᕕᒡᔪᐊᒥᒃ ᐃᒡᓗᒃᑐᑦ ᑮᓇᓕᖕᒥᒃ, ᑮᓇᖓᓗ ᓯᕿᓂᐅᑉ ᖃᐅᒻᒪᕆᖕᓂᕐᐹᖓᑎᑐᑦ ᖃᐅᒪᑎᒋᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:12

“ᐴᕐᒐᒪᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ ᐃᒡᓗᒃᑐᑦ ᑮᓇᓕᖕᒥᒃ ᓴᕕᒡᔪᐊᖃᕐᑐᒥᑦ.

ᐃᓗᐊᕐᓮᔩᑦ ᐊᒡᓚᖏᑦ 3:15

ᐃᓴᕆᐊᓕᒥᐅᑦ ᐃᓗᖏᕐᓱᕐᓗᑎᒃ ᓂᓪᓕᐊᓕᓚᐅᕆᕗᑦ ᐊᑕᓂᕐᒧᑦ, ᐊᑕᓂᐅᓪᓗ ᐃᓴᕆᐊᓕᒥᐅᑦ ᑎᓕᓯᕕᒋᓚᐅᕐᐰᑦ, ᐊᖑᒻᒥᒃ ᓴᐳᑦᔨᓂᐊᕐᑐᒥᒃ. ᑖᓐᓇ ᐃᕼᐅᑦ, ᒋᕋᐅᑉ ᐃᕐᓂᖓ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᓴᐅᒥᐅᓚᐅᕐᐳᖅ. ᐃᓴᕆᐊᓕᒥᐅᑦ ᐃᓄᖏᑕ ᑎᓕᓚᐅᕐᐹ ᐊᖓᔪᖅᑳᕐᔪᐊᕐᒧᑦ ᐃᒡᓚᓐᒧᑦ, ᒧᐊᐱᒥᐅᑕᕐᒧᑦ ᐊᑭᓕᐅᑎᒥᖕᓂᒃ ᑐᓂᕐᕈᑎᓂᒃ ᑐᓂᓯᒋᐊᕐᑐᖁᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 3:17

ᑐᓂᕐᕈᑏᓪᓗ ᐊᑭᓕᐅᑏᑦ ᑐᓂᓚᐅᕐᐰᑦ ᐃᒡᓚᓐᒧᑦ, ᒧᐊᐱᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒡᓛᓐᓕ ᖁᐃᓂᔪᒻᒪᕆᐊᓘᓚᐅᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 3:21

ᓴᐅᒥᖕᒥᓄᑦ ᐃᕼᐅᑎᐅᑉ ᓴᕕᒡᔪᐊᓂ ᑎᒍᕚ ᑕᓕᕐᐱᖕᒥᓃᑦᑐᖅ ᐊᖓᔪᖅᑳᕐᔪᐊᕐᓗ ᑲᐱᓪᓗᒍ ᓈᖓᒍᑦ.