ᐃᓗᐊᕐᓮᔩᑦ ᐊᒡᓚᖏᑦ 21:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓄᒋᐊᒃᑐᕐᔪᐊᓪᓗ ᐊᐱᕆᕗᑦ, “ᓇᓪᓕᖐᑦ ᐃᓚᒌᑦ ᐃᓴᕆᐊᓕᒥᐅᑦ ᑭᖑᕚᖏᓐᓂ ᑲᑎᖃᑕᐅᔭᕐᑐᓛᓐᖏᓛᑦ ᐊᑕᓂᐅᑉ ᓵᖓᓂ ᒥᔅᐸᒥ?” ᐊᖏᕈᑎᖃᒻᒪᕆᓚᐅᕋᒥᒃ ᒥᔅᐸᒧᑦ, ᑲᑎᒋᐊᕐᑐᖏᑦᑐᑦ ᐱᓪᓗᒋᑦ, ᑐᖁᑕᒃᓴᐅᓂᖏᓐᓂᒃ. ᐅᖃᕐᓗᑎᒃ, “ᑲᑎᖃᑕᐅᖏᑦᑐᑦ ᑐᖁᑕᒃᓴᐅᕗᑦ.”

ᐃᓗᐊᕐᓮᔩᑦ ᐊᒡᓚᖏᑦ 21:5 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 48:10

ᓇᕐᕈᒋᔭᒃᓴᐅᕗᖅ ᐃᓄᒃ ᐊᑕᓂᕐᒧᑦ ᑐᓂᓯᒪᓗᓂ ᐱᓇᓱᐊᕈᒪᖏᑦᑐᖅ, ᑍᒫᒃᑕᐅᖅ ᓇᕐᕈᒋᔭᒃᓴᐅᒋᕗᖅ ᓴᕕᒡᔪᐊᒥᓂᒃ ᐊᐅᒥᑎᕆᔪᒪᖏᑦᑐᖅ.

ᐃᓗᐊᕐᓮᔩᑦ ᐊᒡᓚᖏᑦ 21:1

ᐃᓴᕆᐊᓕᒥᐅᑦ ᑲᑎᒐᒥᒃ ᒥᔅᐸᒥ, ᐊᖏᕈᑎᖃᒻᒪᕆᓚᐅᕐᐳᑦ ᐊᑕᓂᕐᒧᑦ ᐃᒫᒃ, “ᓇᓕᕐᐳᓪᓘᓐᓃᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ ᓄᓕᐊᓂᒃᑎᑦᓯᓂᐊᕈᓐᓃᕐᐳᒍᑦ ᐸᓂᑎᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 21:18

ᑭᓯᐊᓂ ᓄᓕᐊᕐᑖᕐᑎᑦᓱᓐᓇᖏᓐᓇᑦᑎᒍ ᐸᓂᑦᑎᓐᓂᒃ.” ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐊᖏᖃᑎᒌᒍᑎᓕᐅᓚᐅᕐᒪᑕ, “ᓇᕐᕈᓇᕐᓯᑎᑕᐅᓕ ᓇᓪᓕᐊᑦ ᐸᓂᒥᓂᑦ ᓄᓕᐊᕐᑖᕐᑎᑦᓯᔪᖅ ᐱᓐᔭᒥᓂᐅᑉ ᑭᖑᕚᖏᓐᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 21:6

ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐅᒡᒍᐊᓕᓚᐅᕐᐳᑦ ᖃᑕᓐᖑᑎᑎᒃ ᐱᓐᔭᒥᓂᐅᑉ ᑭᖑᕚᖏᑦ ᐱᓪᓗᒋᑦ ᐅᖃᕐᓗᑎᒡᓗ, “ᐅᓪᓗᒥ ᐃᓴᕆᐊᓕᐅᑉ ᑭᖑᕚᖏᑕ ᐃᓚᖓᓐᓂᒃ ᐊᑕᐅᓰᓂᒃ ᐊᓯᐅᔨᕗᒍᑦ,

ᐃᓗᐊᕐᓮᔩᑦ ᐊᒡᓚᖏᑦ 5:23

“ᐃᓱᒪᓂᕐᓗᒡᕕᐅᓕ ᒥᕉᔾ,” ᐊᑕᓂᐅᑉ ᐂᖏᓕᖓ ᐅᖃᕐᐳᖅ, “ᐃᓱᒪᓂᕐᓗᒡᕕᐅᓕ ᕿᒃᓵᖕᓇᕐᑐᒥᒃ, ᑕᕝᕙᓂ ᓄᓇᖃᕐᑐᑦ. ᕾᓚᐅᕐᒪᑕ ᐃᑲᔪᕐᑕᐅᒋᐊᕐᑐᕋᑎᒃ ᐊᑕᓂᕐᒧᑦ, ᐊᑕᓂᐅᑉ ᐃᑲᔪᕐᓂᖓᓄᑦ ᐊᔪᖏᑦᑐᐊᓗᖕᓂᑦ ᐃᑲᔪᕐᑕᐅᔪᒪᓗᑎᒃ.”

ᓴᒧᐃᓕ ᓯᕗᓪᓖᑦ 11:7

ᑕᕝᕙ ᐃᒻᒧᒃᓯᐅᒑᒃ ᒪᕐᕉᒃ ᑎᒍᓪᓗᒋᒃ, ᐊᒡᒍᕐᐹᒃ ᒥᑭᓈᕐᑎᕐᓗᒋᑦ ᐊᐅᓪᓚᕐᑎᓪᓗᒋᓪᓗ ᐃᓴᕆᐊᓕᒥᐅᓕᒫᓄᑦ ᐅᖃᕆᐊᕐᑐᕐᑐᓂᒃ ᒪᓕᒃᑕᐅᑎᓪᓗᒋᑦ, ᐃᒫᒃ ᐅᖃᖁᓪᓗᒋᑦ: “ᓇᓪᓕᐊᑦ ᒪᓕᖏᑦᑐᖅ ᓴᐅᓕᒥᒃ ᓴᒧᐃᓕᒥᒡᓗ ᐅᓇᑕᕆᐊᕐᑐᕐᑎᓪᓗᒋᑦ ᐃᒻᒧᒃᓯᐅᒐᑎᑐᑦ ᑍᒫᒃ ᐊᕕᒃᑐᕐᑕᐅᔪᒫᕐᐳᑦ!” ᑕᕝᕙ ᐃᓴᕆᐊᓕᒥᐅᑦ ᐃᓄᖏᑦ ᐊᖏᔪᒥᒃ ᓯᕘᕋᓕᕐᐳᑦ ᐊᑕᓂᕐᒥᒃ, ᕾᓚᐅᕐᐳᓪᓗ ᐊᑕᐅᑦᓯᐅᓕᖓᑦᓯᐊᕐᓗᑎᒃ ᐃᓄᒃᑐᑦ ᐊᑕᐅᓯᕐᑐᑦ.

ᓴᒧᐃᓕ ᓯᕗᓪᓖᑦ 14:24

ᐃᓴᕆᐊᓕᒥᐅᑦ ᐅᓪᓗᒥ ᑍᑦᓱᒪᓂ ᑕᖃᕗᑦ ᑳᖕᓂᕐᒧᑦ, ᓴᐅᓕ ᐅᖃᓚᐅᕐᒪᑦ, ᐊᖏᒻᒪᕆᒃᓱᓂ ᐃᒫᒃ: “ᓱᒋᐊᕐᑕᐅᔪᒃᓴᐅᕗᖅ ᓇᓪᓕᐊᑦ ᐅᓐᓄᓚᐅᖅᑳᕐᑎᓐᓇᒍ ᓂᕆᔪᖅ ᐊᑭᓂᐊᕇᓚᐅᖅᑳᕐᑎᓐᓇᖓ ᐊᑭᕋᓐᓂᒃ.” ᑍᒤᒻᒪᑦ ᓇᓪᓕᐊᓪᓘᓐᓃᑦ ᓂᕆᔪᖃᓚᐅᓐᖏᓚᑦ.