ᐃᓗᐊᕐᓮᔩᑦ ᐊᒡᓚᖏᑦ 2:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᐅᓪᓚᕐᑎᑦᓯᓂᐊᕈᓐᓃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᖃᕐᑐᑐᖃᕐᓂᒃ ᔮᓱᐊᑉ ᐊᐅᓪᓚᕐᑎᓚᐅᓐᖏᑕᖏᓐᓂᒃ ᑐᖁᑎᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 2:21 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 20:24

ᑍᒤᓕᐅᓚᐅᕐᐸᒃᑲ ᐱᓂᐊᕐᑕᐅᖁᔭᒃᑲ ᒪᓕᓚᐅᖏᒻᒪᒋᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᖏᒻᒪᒋᑦ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ, ᓯᕗᓕᕕᓂᖏᑕᓗ ᒎᑎᓐᖑᐊᖏᓐᓂᒃ ᐃᓱᒪᑐᐊᖃᓚᐅᕐᒪᑕ.

ᔮᓱᐊᑉ ᐊᒡᓚᖏᑦ 23:13

ᑕᕝᕙ ᖃᐅᔨᔪᒫᕐᐳᓯ ᖁᓚᕐᓇᖏᑦᑐᒥᒃ ᐊᑕᓂᐅᑉ ᒎᑎᑦᓯ ᓯᖏᑉᐸᓪᓕᐊᔪᓐᓃᕈᒫᕐᒪᒋᑦ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ; ᑖᒃᑯᐊᓕ ᐃᓕᑦᓯᓐᓄ ᑲᑉᐱᐊᓇᕐᓯᔪᒫᕐᐳᑦ ᓂᒐᕐᑎᑐᑦ ᒥᑭᒋᐊᑎᑐᓪᓗ, ᐋᓐᓂᐊᑎᑕᐅᓗᓯ ᐊᕙᑎᓕᒫᑦᓯᓐᓂᑦ, ᐃᑦᔨᓯᒪᐅᑎᑐᑦ ᑲᐳᕋᕐᓇᕐᑐᑎᑐᑦ, ᑕᒪᓐᓇᓗ ᑍᒤᒐᔭᕐᐳᖅ ᐊᓂᑎᑕᐅᖅᑳᕐᑎᓐᓇᓯ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.

ᔮᓱᐊᑉ ᐊᒡᓚᖏᑦ 23:4

ᑕᑯᒋᑦ, ᓇᓚᐅᑦᑖᕈᑎᑎᒍᑦ ᑐᓂᓚᐅᕐᐸᑦᓯ ᑭᖑᕐᖑᑦᔨᖁᓪᓗᓯ ᑭᖑᕚᓯᓗ ᓄᓇᑖᖁᓪᓗᓯ ᐃᓅᖃᑎᒋᒡᔪᐊᑦ ᓄᓇᖃᕋᓗᐊᕐᑎᓪᓗᒋᑦ ᓱᓕ, ᑖᒃᑯᐊᓗ ᐅᓇᑕᕐᓂᒃᑯᑦ ᐃᓅᖃᑎᒌᒡᔪᐊᓂᑦ ᓄᓇᑖᕆᓚᐅᕐᑕᕗᑦ, ᔪᐊᕐᑕᓂᐅᑉ ᑰᖓᓂᑦ ᐱᒋᐊᕐᓗᒍ ᒥᑎᑎᕆᓂᐊᑉ ᑕᕆᐅᖓ ᓯᕿᓂᐅᑉ ᓂᐱᕕᐊᓃᑦᑐᖅ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 23:5

ᐊᑕᓂᐅᑉ ᒎᑎᑦᓯ ᐃᓕᑦᓯᓐᓂᑦ ᐊᔭᐅᕈᒫᕐᐰᑦ, ᓯᖏᓪᓗᒋᓪᓗ ᐊᑯᓐᓇᑦᓯᓐᓂᑦ; ᓄᓇᖓᓪᓗ ᓄᓇᑖᕆᔪᒫᕐᐸᓯ, ᐊᑕᓂᐅᑉ ᒎᑎᑦᓯ ᑍᒫᒃ ᐊᖏᕈᑎᒋᓚᐅᕐᒪᒍ ᐃᓕᑦᓯᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᐃᓗᐊᕐᓮᔩᑦ ᐊᒡᓚᖏᑦ 2:3

ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.”

ᐃᓗᐊᕐᓮᔩᑦ ᐊᒡᓚᖏᑦ 3:1

ᑍᒤᒻᒪᑦ ᐊᑕᓂᐅᑉ ᐃᓅᖃᑎᒌᒡᔪᐊᑦ ᓄᓇᕾᓐᓇᕐᑎᓚᐅᕐᐰᑦ ᐃᓴᕆᐊᓕᒥᐅᑦ ᐆᒃᑐᕈᒪᓪᓗᒋᑦ, ᑍᒃᑯᐊ ᐅᓇᑕᖃᑕᐅᓚᐅᕐᓯᒪᖏᑦᑐᑦ ᑬᓇᓂᒥ.

ᐃᓗᐊᕐᓮᔩᑦ ᐊᒡᓚᖏᑦ 3:3

ᑖᒃᑯᐊ ᓄᓇᕾᓐᓇᓚᐅᕐᑐᑦ ᐱᓕᔅᑍᓂᒥ ᑕᓪᓕᒤᑦ ᐃᒡᓗᒐᓮᑦ ᑬᓇᓂᒥᐅᓪᓗ ᐃᓘᓐᓇᑎᒃ, ᓮᑐᓂᒥᐅᑦ, ᕼᐃᕔᑎᓪᓗ ᓄᓇᖃᕐᑐᑦ ᓕᐸᓇᓂᐅᑉ ᖃᖅᑲᖏᓐᓂ, ᖃᖅᑲᒥᑦ ᐰᓕ-ᕼᐊᕐᒪᓐᒥᑦ ᕼᐊᒫᑎ ᑎᑭᓪᓗᒍ.