ᐃᓗᐊᕐᓮᔩᑦ ᐊᒡᓚᖏᑦ 2:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓱᐊᕐᓮᔨᓕ ᑐᖁᑐᐊᕐᒪᑦ, ᐃᓄᐃᑦ ᐅᑎᖃᑦᑕᓚᐅᕐᐳᑦ ᐱᐅᓯᑐᖃᕐᒥᖕᓄᑦ ᐱᐅᖏᓐᓂᕐᓴᐅᓕᕐᐸᒡᓗᑎᒡᓗ ᓯᕗᓕᕆᓚᐅᕐᑕᒥᖕᓂᑦ. ᒎᑎᐅᑉ ᐊᓯᖏᓐᓂᒃ ᒎᑎᖃᖃᑦᑕᓚᐅᕐᒪᑕ, ᐱᔨᑦᓯᕐᓗᒋᑦ ᑐᒃᓯᐊᕐᕕᒋᓪᓗᒋᓪᓗ; ᐱᓂᐊᕐᓂᕐᒥᖕᓂᒡᓗ ᓴᒃᑯᓚᐅᓐᖏᓚᑦ.

ᐃᓗᐊᕐᓮᔩᑦ ᐊᒡᓚᖏᑦ 2:19 Iomraidhean Croise

ᒨᓯᓯ ᓯᕗᓪᓖᑦ 6:11

ᓄᓇᕐᔪᐊᖅ ᑕᑕᓕᓚᐅᕐᒪᑦ ᓈᒻᒪᖏᑦᑐᒥᒃ ᒎᑎᐅᑉ ᓵᖓᓂ, ᓄᓇᕐᔪᐊᕐᒥᐅᓪᓗ ᑲᑉᐱᐊᓇᕋᓱᐊᕐᓃᓐᓇᕐᒥᒃ ᐃᓕᖅᑯᓯᖃᓕᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:28

ᒥᕐᖑᐃᕐᓯᓚᐅᕐᑎᓪᓗᒋᑦ ᑕᒪᓐᓇ ᐊᓂᒍᕐᒪᑦ, ᐊᔪᕐᑐᓕᓕᓚᐅᕆᕗᑦ ᐃᓕᖕᓄᑦ. ᑍᒤᒻᒪᑦ ᐊᑭᕋᖏᓐᓄᑦ ᑐᓂᓪᓗᒋᑦ ᓵᓚᒋᔭᐅᓯᒪᑎᓕᓚᐅᕐᐸᑎᑦ. ᖃᕿᐊᓕᕐᒪᑕᓗ ᐱᐅᓕᔭᐅᔪᒪᓕᕐᓗᑎᒡᓗ ᐃᓕᖕᓄᑦ, ᕿᓚᖕᒥᑦ ᑐᓴᓚᐅᕐᐸᑎᑦ; ᑍᒪᓐᖓᓪᓗ ᐅᓄᕐᑐᐊᕐᓱᕐᓗᒋᑦ ᐱᐅᓕᖃᑦᑕᓚᐅᕐᐸᑎᑦ ᓈᒃᑭᒍᓱᖕᓂᕐᔪᐊᕐᓄᑦ.

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᒨᓯᓯ ᐂᑉᐸᖏᑦ 32:7

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇᑦᓴᐅᑎᒋ ᐃᓅᖃᑎᖕᓄᑦ ᐊᑎᕐᓵᓕᕆᑦ, ᐃᓅᖃᑎᑎᑦ, ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎᑦ, ᐊᔪᕐᑐᓕᓕᕐᒪᑕ ᕿᒤᓪᓗᑎᒡᓗ ᐅᕙᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 16:12

ᐃᓕᑦᓯᓕ ᓯᕗᓕᕕᓂᑦᓯᓐᓂᑦ ᐱᐅᖏᓐᓂᕐᓴᒃᑲᓐᓂᕐᓂᒃ ᐃᓕᖅᑯᓯᖃᓕᕐᐳᓯ, ᑕᑯᔪᓐᓇᕐᐳᓯᓗ ᓇᖕᒥᓂᖅ ᓴᖑᑎᑕᒃᓴᐅᖏᑦᑐᑦ ᐆᒻᒪᑎᓯ ᐱᐅᖏᑦᑐᑦ ᒪᓕᖔᕐᓗᒋᑦ ᐅᕙᓐᓂᒃ ᓈᓚᒍᓐᓃᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 23:17

ᒎᑎᒥᒃ ᓇᕐᕈᒋᔭᓖᑦ ᐅᖃᐅᑎᖃᑦᑕᕐᒪᒋᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᖃᓄᐃᑕᐅᓇᕐᑐᒧᑦ ᑎᑭᑕᐅᑦᔮᓐᖏᓚᓯ’; ᐆᒻᒪᑎᒥ ᓯᑎᔫᓂᖏᓐᓂᒃ ᒪᓕᒃᑐᑦ ᐅᖃᕐᕕᒋᕙᒃᐰᑦ, ‘ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 3:17

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐊᑕᓂᕐᒧᑦ ᐃᒃᓯᕙᐅᑕᕐᔪᐊᖃᕐᕕᐅᓂᕋᕐᑕᐅᓕᕈᒫᕐᐳᖅ, ᐃᓅᖃᑎᒌᒡᔪᐊᓪᓗ ᔨᕉᓴᓕᒧᑦ ᑲᑎᖃᑦᑕᕈᒫᕐᐳᑦ ᐊᑕᓂᐅᑉ ᐊᑎᖓᓂᒃ ᐅᐱᒍᓱᖕᓂᕐᒥᖕᓂᒃ ᓇᓗᓁᕐᓯᔭᕐᑐᕐᓗᑎᒃ. ᐆᒻᒪᑎᒥᒃᑕ ᓯᑎᔫᓂᖏᓐᓂᒃ ᐱᐅᖏᑦᑐᓕᔪᒪᓂᖏᓐᓂᒡᓗ ᒪᓕᒍᓐᓃᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 20:30

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᖕᒪᑦ ᐃᓕᑦᓯᓐᓂᒃ ᓴᓗᒤᓕᑎᑉᐱᓰ ᓯᕗᓕᓯ ᐱᐅᓯᖏᑦ ᒪᓕᒡᓗᒋᑦ ᑕᒻᒪᕐᑎᑕᐅᓪᓗᓯᓗ ᓇᕐᕈᓇᕐᑐᓄᑦ?

ᒫᑎᐅᓯᐅᑉ ᐊᒡᓚᖏᑦ 23:32

ᐊᑏ, ᒫᓐᓇ ᓯᕗᓕᕕᓂᑦᓯ ᐱᒋᐊᓚᐅᕐᑕᖓᑦ ᑲᔪᓯᑎᓕᕐᓯᐅᒃ ᐱᔭᕇᕐᓗᒍ.

ᒨᓯᓯ ᑕᓪᓕᒪᖏᑦ 31:29

ᖃᐅᔨᒪᑦᓯᐊᕋᒪ ᑐᖁᓂᕐᒪ ᑭᖑᓂᖓᒍᑦ ᐱᐅᖏᑦᑐᐊᓗᖕᓂᒃ ᐱᐅᓯᕐᑖᕈᒫᕋᑦᓯ; ᒪᓕᒃᑕᐅᖁᓯᒪᔭᒃᑲᓗ ᑐᓄᓐᖓᓕᕈᒫᕋᑦᓯᐅᒃ; ᐅᓪᓗᓂ ᓯᕗᓂᑦᑎᓐᓂ ᐊᔪᕐᑐᓕᓂᐊᓗᖕᓄᑦ ᑎᑭᑕᐅᔪᒫᕐᐳᓯ, ᐱᐅᖏᑦᑐᓕᓂᕐᒥᒃ ᐊᑐᓕᕈᒫᕋᑦᓯ ᐊᑕᓂᐅᑉ ᓵᖓᓂ, ᓂᓐᖓᒃᑎᓪᓗᒍᓗ ᓇᖕᒥᓂᖅ ᐱᓇᓱᐊᕐᑕᑦᓯᓐᓄᑦ.”

ᔮᓱᐊᑉ ᐊᒡᓚᖏᑦ 24:31

ᔮᓱᐊᓪᓗ ᐃᓅᓂᓕᒫᖓᓂ ᐃᓴᕆᐊᓕᒥᐅᑉ ᐃᓄᖏᑦ ᐊᑕᓂᕐᒥᒃ ᐱᔨᑦᓯᓚᐅᕐᐳᑦ, ᑐᖁᓂᖓᑕᓗ ᑭᖑᓂᖓᓂ ᐊᖓᔪᖅᑳᖑᔪᑦ ᔮᓱᐊᒥᑦ ᐃᓅᑯᑖᖕᓂᕐᓴᐅᓚᐅᕐᑐᑦ ᑲᔪᓯᑦᓯᐊᓚᐅᕐᐳᑦ, ᓇᖕᒥᓂᕐᓗ ᑕᑯᓚᐅᕐᐳᑦ ᐊᑕᓂᐅᑉ ᐱᓂᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 10:13

ᓱᓕᓕ ᕿᒤᓚᐅᕆᕗᓯ ᐅᕙᓐᓂᒃ ᒎᑎᓐᖑᐊᓄᓪᓗ ᐊᓯᓐᓄᑦ ᑐᒃᓯᐊᕐᐸᓕᕐᓗᓯ; ᑍᒤᒻᒪᑦ ᓴᐳᑎᒃᑲᓐᓂᕈᒪᔪᓐᓃᕐᐸᑦᓯ.

ᐃᓗᐊᕐᓮᔩᑦ ᐊᒡᓚᖏᑦ 2:18

ᐊᑕᓂᐅᑉ ᐃᓴᕆᐊᓕᒥᐅᑉ ᐃᓱᐊᕐᓮᔨᓂᒃ ᑐᓂᑐᐊᕐᒪᒋᑦ ᐊᑕᓂᐅᑉ ᐃᓚᒋᖃᑦᑕᓚᐅᕐᐰᑦ ᐃᓗᐊᕐᓮᔩᑦ, ᐃᓄᖕᓂᒡᓗ ᐱᐅᓕᒃᓯᓚᐅᕐᐳᖅ ᐊᑭᕋᖏᓐᓂᑦ, ᐃᓗᐊᕐᓮᔩᑦ ᐃᓅᓂᖏᓐᓂ ᐊᑕᓂᐅᑉ ᓈᒃᑭᒋᓚᐅᕐᐰᑦ ᐊᓂᕐᓴᐅᒥᓂᖃᓚᐅᕐᒪᑕ ᐅᑯᒤᒃᓴᕐᓂᕐᒥᖕᓂᒃ ᐊᒃᓱᕈᕐᑎᑕᐅᓂᕐᒥᖕᓂᒡᓗ.

ᐃᓗᐊᕐᓮᔩᑦ ᐊᒡᓚᖏᑦ 2:20

ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐅᖃᕐᓗᓂᓗ, “ᐃᓅᖃᑎᒌᑦ ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓯᒪᔭᓐᓂᒃ ᐱᖁᔨᑦᔪᑎᒋᓚᐅᕐᑕᓐᓂᒃ ᓯᕗᓕᖏᓐᓄᑦ. ᓈᓚᒃᓯᒪᖏᓐᓂᖏᓐᓄᑦ ᐅᕙᓐᓂᒃ,

ᐃᓗᐊᕐᓮᔩᑦ ᐊᒡᓚᖏᑦ 2:7

ᔮᓱᐊᑉ ᐃᓅᓂᓕᒫᖓᓂ, ᐃᓴᕆᐊᓕᒥᐅᑦ ᐃᓄᖏᑦ ᐱᔨᑦᓯᓚᐅᕐᐳᑦ ᐊᑕᓂᕐᒥᒃ, ᑐᖁᓂᖓᑕᓗ ᑭᖑᓂᖓᒍᑦ ᑲᔪᓯᑦᓯᐊᓚᐅᕐᐳᑦ ᐊᖓᔪᖅᑳᖏᑦ ᐃᓅᑎᓪᓗᒋᑦ ᑕᑯᓚᐅᕐᑐᑦ ᐊᑕᓂᐅᑉ ᐱᓂᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓂ.

ᐃᓗᐊᕐᓮᔩᑦ ᐊᒡᓚᖏᑦ 4:1

ᐃᓴᕆᐊᓕᒥᐅᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᕐᒧᑦ. ᐃᕼᐅᑦ ᑐᖁᓂᖓᑕ ᑭᖑᓂᐊᒍᑦ.

ᐃᓗᐊᕐᓮᔩᑦ ᐊᒡᓚᖏᑦ 8:33

ᒋᑎᐅᓂᐅᓪᓗ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᐅᑉ ᑭᖑᕚᖏᑦ ᐊᓯᓐᓂᐊᓕᕇᓚᐅᕆᕗᑦ ᒎᑎᒥᒃ, ᑐᒃᓯᐊᕐᐸᓕᕐᓗᑎᒃ ᐰᓕᒧᑦ, ᓴᓇᓚᐅᕐᐳᑦ ᐰᓕ-ᐱᕆᑎᒥᒃ ᒎᑎᑖᕆᓪᓗᒍᓗ.

ᓴᒧᐃᓕ ᓯᕗᓪᓖᑦ 15:23

ᐊᑭᕋᕐᑐᕐᓂᖅ ᐊᔪᕐᓂᐅᕗᖅ ᐊᖓᒃᑰᓇᓱᐊᕐᑐᑎᑐᑦ, ᓯᑎᔫᓂᕐᓗ ᐱᐅᖏᑦᑐᓕᓂᐅᕗᖅ ᒎᑎᓐᖑᐊᖃᕐᑐᑎᑐᑦ. ᓇᕐᕈᓚᐅᕋᕕᑦ ᐊᑕᓂᐅᑉ ᐅᖃᐅᓯᖓᓂᒃ, ᑍᒫᒃᑕᐅᖅ ᓇᕐᕈᒋᓕᕐᐹᑎᑦ ᐊᖓᔪᖅᑳᕐᔪᐊᖑᓂᕐᓂᑦ.”