ᐃᓗᐊᕐᓮᔩᑦ ᐊᒡᓚᖏᑦ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 2:14 Iomraidhean Croise

ᓴᒧᐃᓕ ᐂᑉᐸᖏᑦ 24:1

ᐊᑕᓂᖅ ᓂᓐᖓᒃᑎᑕᐅᓚᐅᕆᕗᖅ ᐃᓴᕆᐊᓕᒥᐅᓄᑦ, ᑍᕕᑎᓗ ᖁᕕᐊᓇᖏᑦᑐᒥᒃ ᓴᖅᑭᑎᑦᓯᑎᓚᐅᕐᐹ ᑖᒃᑯᓄᖓ, ᐅᖃᐅᑎᓪᓗᒍ, “ᐂᓕᕆᑦ ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑦ ᓈᓴᕆᐊᕐᑐᒃᑭᑦ.”

ᓴᒧᐃᓕ ᐂᑉᐸᖏᑦ 7:11

ᑍᒪᓐᖓᑦ ᐃᓱᐊᕐᓮᔨᓂᒃ ᑎᓕᓯᖃᑦᑕᓕᓚᐅᕐᓂᓐᓂᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐸᒡᕕᓴᒃᑕᐅᑎᓐᓂᐊᕈᓐᓁᕐᐸᑦᓯ ᐊᑭᕋᕐᑐᕐᑎᓕᒫᑦᓯᓐᓂᑦ. ᓱᓕᓗ ᐊᑕᓂᐅᑉ ᓇᓗᓁᕐᓯᕕᒋᓪᓗᓯ ᐅᖃᐅᑎᕚᓯ ᐊᑕᓂᐅᑉ ᑭᖑᕚᒃᓴᓕᐅᕐᑎᓐᓂᐊᓕᕐᐹᓯ.

ᐊᑕᓃᑦ ᐂᑉᐸᖏᑦ 13:3

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓂᓐᖓᐅᒪᕝᕕᒋᓕᓚᐅᕐᐰᑦ, ᐊᑯᓂᓗ ᕼᐊᔧᐅᓪᒧᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᕐᓂᖓᓄᓪᓗ ᐱᓐ-ᕼᐊᑖᑦᒧᑦ ᓵᓚᒋᔭᐅᓯᒪᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᑯᕉᓂᑲ ᐂᑉᐸᖏᑦ 15:5

ᑍᑦᓱᒪᓂᐅᑎᓪᓗᒍ ᐃᓱᒫᓗᓇᖏᑦᑐᒥ ᐱᔪᖃᕈᓐᓇᓚᐅᓐᖏᓚᖅ ᐊᓂᔪᓄᑦ ᐃᑎᕐᑐᓄᓪᓘᓐᓃᑦ, ᐊᑲᐅᖏᑦᔪᑎᒃᓴᕐᑕᖃᓚᐅᕐᒪᑦ ᐊᖏᔪᒥᒃ ᓄᓇᖃᕐᑐᓕᒫᓄᑦ.

ᑯᕉᓂᑲ ᐂᑉᐸᖏᑦ 28:5

ᑍᒤᒻᒪ ᐊᑕᓂᐅᑉ ᑖᑦᓱᒪ ᒎᑎᖓᑕ ᑐᓂᕚ ᓯᕆᐊᒥᐅᑉ ᐊᖓᔪᖅᑳᕐᔪᐊᖏᓐᓄᑦ, ᑖᒃᑯᐊᓗ ᓵᓚᒋᕚᑦ, ᐅᓄᕐᑐᕐᔪᐊᓪᓗ ᐊᐅᓪᓚᕈᑎᕔᑦ ᑎᒍᓪᓗᒋᑦ ᐂᑎᓪᓗᒋᓪᓗ ᑕᒫᓯᑰᓯᒧᑦ. ᑖᓐᓇᓗ ᑐᓂᔭᐅᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪᓗ ᓵᓚᒋᕚ ᐅᓄᕐᑐᕐᔪᐊᓂᒃ ᑐᖁᕅᓪᓗᓂ.

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:27

ᑍᒤᒻᒪᑦ ᐊᑭᕋᕐᑐᕐᑎᖏᓐᓄᑦ ᓵᓚᐅᑎᓚᐅᕐᐸᑎᑦ ᐊᐅᓚᑕᐅᓕᕐᑎᓪᓗᒋᓪᓗ, ᑖᒃᑯᓄᖓ ᐊᒃᓱᕈᕐᑎᑕᐅᓕᕋᒥᒃ, ᐃᓕᖕᓄᑦ ᐃᑲᔪᕐᑕᐅᔪᒪᓕᓚᐅᕐᐳᖅ, ᐃᕝᕕᓪᓗ ᑭᐅᓚᐅᕐᐸᑎᑦ ᕿᓚᖕᒥᑦ; ᓈᒃᑭᒍᓱᖕᓂᕐᔪᐊᕐᓄᑦ ᑎᓕᓯᓚᐅᕐᐳᑎᑦ ᑕᓯᐅᕐᓯᓂᐊᕐᑐᓂᒃ ᓴᐳᑦᔭᐅᖁᓪᓗᒋᑦ ᐅᖁᒤᒃᓴᕐᑎᑕᐅᓂᖏᓐᓂᑦ ᐊᑭᕋᒥᖕᓄᑦ.

ᐃᓐᖏᕈᑎᑦ 44:11

ᓰᐱᑎᑐᑦ ᓂᕿᒃᓴᑎᑐᑦ ᑐᓂᓚᐅᕐᐸᑦᑎᒍᑦ, ᓯᐊᒻᒪᕐᑎᓪᓗᑕᓗ ᐃᓅᖃᑎᒌᒡᔪᐊᓄᑦ.

ᐃᓐᖏᕈᑎᑦ 44:12

ᐃᓄᖁᑎᑎᑦ ᓂᐅᕐᕈᑎᒋᓚᐅᕐᐸᑎᑦ ᐊᑭᑭᓐᓂᕐᐹᒧᑦ, ᓂᐅᕐᕈᑎᒋᒐᓗᐊᕋᕕᒋᑦ ᑮᓇᐅᔭᓕᐅᕈᑎᒃᓴᐅᓚᐅᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 42:24

ᑭᐊ ᔧᑰᑉ ᑭᖑᕚᖏᑦ ᐊᕐᓵᕐᑎᕆᔪᒧᑦ ᑐᓂᓚᐅᕐᐰᑦ, ᐃᓴᕆᐊᓕᒥᐅᓪᓗ ᑎᒡᓕᒃᑎᓄᑦ ᑐᓂᓪᓗᒋᑦ? ᐊᑕᓂᐅᑉ ᑍᒤᑕᐅᑎᓚᐅᓐᖏᓔᑦ? ᐊᔪᕐᑐᓕᕕᒋᓚᐅᕋᑦᑎᒍ, ᑍᑦᓱᒪᓂ ᐊᑐᕐᑕᐅᖁᔭᖏᓐᓂᒃ ᒪᓕᓚᐅᖏᒻᒪᑕ, ᐱᖁᔭᖏᓪᓗ ᓈᓚᓚᐅᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 37:10

ᑲᐅᓪᑎᐊᒥᐅᑦ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ ᓵᓚᒋᒐᓗᐊᕈᑦᓯᐅᒃ ᐃᑭᓕᕐᓱᕐᑕᕕᓂᓯᓗ ᓯᓂᒃᑕᕐᕕᖏᓐᓂ ᐊᒥᐊᒃᑯᑐᐊᖑᓕᕋᓗᐊᕐᐸᑕ, ᓱᓕ ᔨᕉᓴᓕᒥᒃ ᐃᑯᐊᓪᓔᔪᓐᓇᕐᐳᑦ.’”

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᒨᓯᓯ ᐱᖓᔪᖏᑦ 26:37

ᐊᓯᒥᓄᓪᓗ ᓈᓪᓗᑎᒃ ᐹᓪᓚᖃᑦᑕᓕᕐᓗᑎᒃ, ᕿᒫᑎᑕᐅᔪᑎᑐᑦ, ᒪᓕᒃᑕᐅᖏᒃᑲᓗᐊᕐᓗᑎᒃ, ᐊᑭᕋᑦᓯᓐᓂᒡᓗ ᐊᑭᒪᔪᓐᓁᓪᓕᒐᔭᕐᐳᓯ.

ᒨᓯᓯ ᓯᑕᒪᖏᑦ 32:13

ᑍᒤᒻᒪᑦ ᐊᑕᓂᖅ ᓂᓐᖓᐅᒪᓕᓚᐅᕐᐳᖅ ᐃᓴᕆᐊᓕᒥᐅᓄᑦ, ᐃᖏᕐᕋᑎᓚᐅᕐᐰᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᑭᖑᕚᖑᖃᑎᒌᑦ ᐊᑕᓂᐅᑉ ᓵᖓᓂ ᐱᐅᖏᑦᑐᓕᓚᐅᕐᑐᑦ ᓄᖑᓚᐅᖏᓐᓂᖏᓐᓂ.

ᒨᓯᓯ ᓯᑕᒪᖏᑦ 32:14

ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.

ᒨᓯᓯ ᑕᓪᓕᒪᖏᑦ 28:20

“ᐱᐅᖏᑦᑐᒥᒃ ᐱᓇᓱᐊᕈᑦᓯ ᐊᑕᓂᖃᕈᒪᖏᒃᑯᑦᓯᓗ, ᑕᕝᕙ ᐱᓂᕐᓗᖕᓇᕐᑐᓄᑦ ᑎᑭᑕᐅᑎᑦᓱᒫᕐᐹᓯ, ᓇᓗᓕᕐᓇᕐᑐᒧᓪᓗ, ᐊᑲᐅᖏᑦᔪᑎᒃᓴᖃᕐᓂᕐᓄᓪᓗ ᖃᓄᐃᑦᑐᑐᐃᓐᓇᒥᒃ ᐱᓇᓱᐊᕋᓗᐊᕈᑦᓯ, ᕿᓚᒥᑯᓗᒃ ᓄᖑᑕᐅᑦᓯᐊᕐᓇᕐᑐᒧᑦ ᑎᑭᑕᐅᓚᐅᖅᑳᕐᑎᓐᓇᓯ, ᐅᕙᓐᓂᒃ ᕿᒤᓯᒪᓃᑦ ᐱᑦᔪᑎᒋᓗᒍ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᒨᓯᓯ ᑕᓪᓕᒪᖏᑦ 28:58

“ᒎᑎᐅᑉ ᐊᔪᕆᕐᑐᐃᑦᔪᑎᒋᓯᒪᔭᖏᓐᓂᒃ ᐅᕙᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᓕᒫᓂᒃ ᓈᓚᖕᓂᐊᖏᒃᑯᑦᓯ ᓱᖁᓯᔪᐃᑦᑑᓂᐊᖏᒃᑯᑦᓯᓗ ᐊᑕᓂᐅᓪᓗ ᒎᑎᕕᑦ ᐊᑎᖓ ᐅᐱᓐᓇᕐᓯᑎᓐᓂᐊᖏᒃᑯᕕᐅᒃ ᐱᐅᓂᕐᐹᖑᔪᖅ ᑲᒪᓇᕐᓂᕐᐸᐅᔪᕐᓗ,

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 1:19

ᐊᑕᓂᐅᑉ ᐃᓚᒋᓚᐅᕐᐰᑦ ᔫᑕᐅᑉ ᑭᖑᕚᖏᑦ. ᓄᓇᑖᕐᓗᑎᒡᓗ ᖃᖅᑲᓕᖕᒥᒃ, ᑭᓯᐊᓂᓕ ᓯᖏᑦᓯᔪᓐᓇᓚᐅᓐᖏᓚᑦ ᐃᓄᖕᓂᒃ ᒪᓂᕋᕐᒦᑦᑐᓂᒃ ᕿᒧᒃᓯᐅᑎᓄᑦ ᑲᓕᒐᖃᓚᐅᕐᒪᑕ ᐊᒃᓴᓗᐊᓕᖕᓂᒃ ᓴᕕᕋᔭᖕᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 1:34

ᐊᒧᕅᑎᓪᓕ ᕿᒫᑎᓪᓗᒋᑦ ᐊᐅᓪᓚᕐᑎᑦᓯᓚᐅᕐᐳᑦ ᑖᓐ ᑭᖑᕚᖏᓐᓂᒃ ᓄᓇᒧᑦ ᖃᖅᑲᓕᖕᓄᑦ, ᓄᓇᒧᑦ ᐱᔪᓐᓇᕐᑎᓚᐅᖏᓐᓇᒥᑦᔪᒃ.

ᐃᓗᐊᕐᓮᔩᑦ ᐊᒡᓚᖏᑦ 10:7

ᐊᑕᓂᐅᓪᓕ ᓂᓐᖓᑎᐅᓚᐅᕐᐰᑦ ᐃᓴᕆᐊᓕᒥᐅᑦ, ᐱᓕᔅᑍᓂᒥᐅᓄᓪᓗ ᐊᒧᓁᑎᓄᓪᓗ ᓵᓚᐅᑎᓚᐅᕐᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 2:20

ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐅᖃᕐᓗᓂᓗ, “ᐃᓅᖃᑎᒌᑦ ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓯᒪᔭᓐᓂᒃ ᐱᖁᔨᑦᔪᑎᒋᓚᐅᕐᑕᓐᓂᒃ ᓯᕗᓕᖏᓐᓄᑦ. ᓈᓚᒃᓯᒪᖏᓐᓂᖏᓐᓄᑦ ᐅᕙᓐᓂᒃ,

ᐃᓗᐊᕐᓮᔩᑦ ᐊᒡᓚᖏᑦ 3:12

ᐃᓴᕆᐊᓕᒥᐅᑦ ᐃᓄᖏᑦ ᓱᓕ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ; ᐊᑕᓂᐅᓪᓗ ᐃᒡᓚᓐ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᓴᓐᖏᓂᕐᓴᐅᓕᕐᑎᓚᐅᕐᐹ ᐃᓴᕆᐊᓕᒥᐅᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 4:2

ᐊᑕᓂᐅᑉ ᓵᓚᐅᑎᓚᐅᕐᐰᑦ ᔮᐱᓂᒧᑦ, ᑬᓇᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓚᑦᓯᕕᖃᕐᑐᒧᑦ ᐃᒡᓗᒐᓴᒡᓂ ᕼᐂᔭᒥ. ᐅᓇᑕᕐᑐᒃᓴᖁᑎᖓᑕ ᐊᖓᔪᖅᑳᕆᓚᐅᕐᑕᖓ ᓯᓰᕋ, ᐊᖏᕐᕋᖃᓚᐅᕐᑐᖅ ᕼᐊᕈᓯᑎ-ᕼᐊᒍᔨᒻᒥ.