ᐃᓗᐊᕐᓮᔩᑦ ᐊᒡᓚᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᖅ ᑲᒪᒋᔪᓐᓃᕐᐹᑦ, ᓯᕗᓕᖏᑦᑕ ᒎᑎᖓᑦ, ᐊᐅᓪᓚᕐᑎᑦᓯᓚᐅᕐᑐᖅ ᑖᒃᑯᓂᖓ ᐄᑦᔨᑉᑎᒥᑦ: ᑐᒃᓯᐊᖃᑦᑕᓕᓚᐅᕐᐳᓪᓗ ᒎᑎᐅᑉ ᐊᓯᖏᓐᓄᑦ, ᐃᓄᐃᑦ ᓄᓇᖅᑲᑎᒋᔭᒥ ᒎᑎᖏᓐᓄᑦ. ᐹᒻᒪᒃᑎᕐᕕᒋᓪᓗᒋᓪᓗ; ᐊᑕᓂᕐᒥᒡᓗ ᓂᓐᖓᒃᓮᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 2:12 Iomraidhean Croise

ᐃᓐᖏᕈᑎᑦ 106:36

ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᖃᑦᑕᓕᓚᐅᕐᐳᑦ: ᑕᒪᑐᒧᖓᓗ ᑕᕝᕙ ᓂᒐᕐᑎᑕᐅᑦᔪᑎᖃᓚᐅᕐᐳᑦ.

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:16

ᑕᒪᒃᑯᐊᓗ ᐃᕐᓂᐊᖑᖄᕐᓯᒪᔪᓕᒫᑦ ᓇᓗᓁᒃᑯᑕᖏᑦ ᐃᓕᓯᒪᔪᒃᓴᐅᕗᑦ ᐊᒡᒐᑦᓯᓐᓂ ᐅᕝᕙᓗ ᖃᐅᑦᓯᓐᓂ; ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᒪᑎᒍᑦ ᐄᑦᔨᑉᑎᒥᑦ.”

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 16:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, ‘ᓯᕗᓕᕕᓂᑦᓯ ᕿᒪᓚᐅᕐᒪᖓ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒡᓗ ᒪᓕᒐᖃᖔᓕᓚᐅᕐᒪᑕ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᑐᒃᓯᐊᕐᕕᒋᕙᒃᓗᒋᓪᓗ, ᐅᕙᓐᓂᒡᓕ ᕿᒤᓪᓗᑎᒃ ᐱᖁᔭᒃᑲ ᒪᓕᒍᒪᔪᓐᓃᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 33:17

ᐃᕐᓂᐊᖑᖅᑳᕐᑐᖅ ᐊᖑᓴᓪᓗᖅ ᐆᒪᔪᖁᑎᖏᓐᓂ ᐱᔪᓐᓇᕐᓂᖃᕐᐳᖅ, ᓇᒡᔪᖃᕐᓗᓂᓗ ᐃᒻᒧᒃᓯᐅᒐᐅᑉ ᓄᔪᐊᕐᑑᑉ ᐊᖑᓴᓪᓗᖓᑎᑐᑦ; ᑖᑦᓱᒪ ᓇᒡᔪᖕᒥᒃᐰᑦ ᐃᓄᒐᓮᑦ ᐊᔭᒡᓗᒋᑦ, ᐃᓘᓐᓇᑦᓯᐊᑎᒃ ᓯᓚᕐᔪᐊᑉ ᐃᓱᐊᓄᑦ ᑎᑭᓪᓗᒋᑦ. ᑍᒤᑦᑑᕗᑦ ᐃᕗᕅᒥᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ, ᑍᒤᒃᑭᓪᓗᑎᒡᓗ ᒫᓇᓯᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ.”

ᒨᓯᓯ ᑕᓪᓕᒪᖏᑦ 4:25

“ᐊᑯᓂ ᓄᓇᒥ ᐃᓅᓯᒪᓕᕋᓗᐊᕐᑐᓯ ᓄᑕᕋᖃᕐᑐᓯ ᐃᕐᖑᑕᖃᐅᕐᓗᓯᓗ, ᑭᓯᐊᓂᓕ ᐊᔪᕐᑐᓕᓂᐊᕋᓯ ᒎᑎᓐᖑᐊᒃᓴᑦᓯᓐᓂᒃ ᓴᓇᓂᕐᒧᑦ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ. ᑕᒪᓐᓇ ᐊᑕᓂᐅᑉ ᒎᑎᑦᓯ ᓵᖓᓂ ᐱᐅᖏᑦᑐᐊᓘᖕᒪᑦ, ᓂᓐᖓᒍᑎᒋᔪᓐᓇᕐᓗᓂᐅᒡᓗ ᑕᒪᓐᓇ.

ᒨᓯᓯ ᑕᓪᓕᒪᖏᑦ 5:9

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᖀᒥᒍᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 10:11

ᐊᑕᓂᐅᑉ ᐃᓴᕆᐊᓕᒥᐅᑦ ᑭᐅᕔᑦ ᐃᒫᒃ: “ᓴᐳᑎᓚᐅᓐᖏᓚᑦᓰ ᐄᑦᔨᑉᑎᒥᐅᓂᑦ, ᐊᒧᕅᑎᒥᐅᓂᓪᓗ, ᐊᒧᓁᑎᒥᐅᓂᓪᓗ, ᐱᓕᔅᑍᓂᒥᐅᓂᓪᓗ?

ᐃᓗᐊᕐᓮᔩᑦ ᐊᒡᓚᖏᑦ 5:8

ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ, ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ 40,000ᓂ ᐃᓴᕆᐊᓕᑎᓂ?

ᐃᓗᐊᕐᓮᔩᑦ ᐊᒡᓚᖏᑦ 8:33

ᒋᑎᐅᓂᐅᓪᓗ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᐅᑉ ᑭᖑᕚᖏᑦ ᐊᓯᓐᓂᐊᓕᕇᓚᐅᕆᕗᑦ ᒎᑎᒥᒃ, ᑐᒃᓯᐊᕐᐸᓕᕐᓗᑎᒃ ᐰᓕᒧᑦ, ᓴᓇᓚᐅᕐᐳᑦ ᐰᓕ-ᐱᕆᑎᒥᒃ ᒎᑎᑖᕆᓪᓗᒍᓗ.