ᐃᓗᐊᕐᓮᔩᑦ ᐊᒡᓚᖏᑦ 19:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑖᒃᑯᐊᒃ ᐊᖑᑏᒃ ᒪᕐᕉᒃ ᐃᒃᓯᕙᖃᑎᒌᓚᐅᕐᐴᒃ ᓂᕆᖃᑎᒌᒡᓗᑎᒃ ᐃᒥᖃᑎᒌᒡᓗᑎᒡᓗ; ᐊᕐᓇᐅᓪᓗ ᐊᑖᑕᖓᑕ ᐊᖑᑦ ᐅᖃᐅᑎᕚ, “ᑐᓐᖓᓱᒡᓗᑎᑦ ᓯᓂᒃᑕᒃᑲᓐᓂᑬᓐᓇᕆᑦ ᖁᕕᐊᓱᒡᓗᑎᓪᓗ.”

ᐃᓗᐊᕐᓮᔩᑦ ᐊᒡᓚᖏᑦ 19:6 Iomraidhean Croise

ᓴᒧᐃᓕ ᐂᑉᐸᖏᑦ 13:28

ᑕᕝᕙ ᐋᑉᓴᓚᐅᑉ ᐱᔨᓂ ᐅᖃᐅᑎᕔᑦ, “ᖃᐅᔨᓴᕐᓂᐊᕐᐳᓯ ᐋᒻᓇᒥᒃ ᐋᖓᔮᓕᑐᐊᕐᐸᑦ, ᐱᖁᔨᓕᑐᐊᕈᒪ ᑐᖁᓐᓂᐊᕐᐸᓯ. ᑲᑉᐱᐊᓱᒃᑍᓕᒋᑦᓯ; ᐅᕙᖓ ᑎᓕᓯᒐᒪ ᐸᓯᔭᒃᓴᐅᓂᐊᕐᐳᖓ ᓯᕘᕋᑦᑍᓕᒋᑦᓯ ᑲᑦᓱᖓᑦᑍᓕᓗᓯᓗ!”

ᐊᑕᓃᑦ ᓯᕗᓪᓖᑦ 21:7

ᓄᓕᐊᖓᑕ ᔨᔨᐱᐊᓕᐅᑉ ᐅᖃᐅᑎᕚ, “ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᖑᓐᖏᓚᑏᑦ? ᒪᑭᓕᕆᑦ, ᓂᕆᓗᑎᓪᓗ, ᐆᒻᒪᑏᓪᓗ ᖁᕕᐊᓱᓕᕐᓕ; ᓁᐹᑦ ᔨᔭᕆᐅᓪᒥᐅᑕᐅᑉ ᕔᓂᓕᐅᕐᕕᖓ ᑐᓂᓂᐊᕐᐸᕋ ᐃᓕᖕᓄᑦ.”

ᐃᔅᑕᐅᑉ ᐊᒡᓚᖏᑦ 1:10

ᓂᕆᕕᒡᔪᐊᕐᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᕐᐳᖅ ᖁᕕᐊᓱᓕᕐᓗᓂᓗ, ᑎᓕᓯᓕᕐᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᕐᑕᐅᓯᒪᔪᓂᒃ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ.

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᓘᑲᓯᐅᑉ ᐊᒡᓚᖏᑦ 12:19

ᑕᕐᓂᕋᓗ ᐅᖃᐅᑎᓗᒍ, ᑕᕐᓃᒃ, ᐊᕐᕌᒍᓂᒃ ᐊᒥᓱᓂᒃ ᐱᐅᔪᓂᒃ ᐱᒃᓴᖃᓕᕐᐳᑎᑦ; ᐱᓇᓱᐊᕈᓐᓃᕆᑦ ᓂᕆᓗᑎᑦ ᐃᒥᓕᕆᑦ, ᖁᕕᐊᓱᒡᓗᑎᓪᓗ.’

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:10

ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 16:25

ᑍᒤᓚᐅᕐᐳᖅ ᐃᒥᕐᓂᕐᒧᑦ ᖁᕕᐊᓱᓕᕋᒥᒃ ᐅᖃᕐᐳᑦ, “ᓵᒻᓲᓂ ᕾᖁᔭᐅᓚᐅᕐᓕ, ᑕᑯᕋᓐᓈᕐᑎᓐᓂᐊᕐᒪᑎᒍᑦ.” ᑕᕝᕙ ᓵᒻᓲᓂ ᐂᔭᐅᕗᖅ ᑎᒍᔭᐅᒪᕕᖕᒥᑦ, ᑕᑯᕋᓐᓈᕐᑎᑉᐰᓪᓗ. ᓇᖏᕐᑎᑕᐅᓪᓗᓂᓗ ᓱᑬᑦ ᓇᐸᔪᑦ ᐊᑯᕐᖓᓐᓂ;

ᐃᓗᐊᕐᓮᔩᑦ ᐊᒡᓚᖏᑦ 19:7

ᓕᕔᑎᓕ ᒪᑭᑉᐳᖅ ᐊᐅᓪᓚᕈᒪᓪᓗᓂ, ᓴᑭᖓᑕᓕ ᐊᔪᐃᓐᓈᕆᕚ ᓯᓂᒃᑕᒃᑲᓐᓂᖁᓪᓗᒍ, ᐊᓱᐃᓛᒃ ᓯᓂᒃᑕᒃᑲᓐᓂᓚᐅᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 19:9

ᑖᓐᓇ ᐊᖑᑦ, ᓄᓕᐊᖓᓗ, ᐱᔨᖓᓗ ᐊᐅᓪᓚᕋᓱᐊᓕᕐᑎᓪᓗᒋᑦ, ᐊᑖᑕᖓᑕ ᐅᖃᐅᑎᕚ, “ᑕᑯᒋᑦ, ᐅᓐᓄᓕᓕᕐᒪᑦ ᒫᓐᓇ; ᑕᕝᕙᓃᑐᐃᓐᓇᓕᕆᑦ ᐅᓐᓄᐊᒥ, ᑖᕐᓯᔭᕇᓚᖓᓕᕐᒪᑦ, ᑕᕝᕙᓃᑐᐃᓐᓇᓕᕆᑦ ᑐᓐᖓᓱᒡᓗᑎᑦ, ᓯᓂᒃᑕᓕᕆᑦ ᖃᐅᒃᐸᑦ ᐅᓪᓛᒻᒪᕆᒃᑯᑦ ᐊᐅᓪᓚᕐᓂᐊᕐᐳᑎᑦ ᐊᖏᕐᕋᕐᓗᑎᓪᓗ.”

ᐃᓗᐊᕐᓮᔩᑦ ᐊᒡᓚᖏᑦ 9:27

ᑕᕝᕙᓐᖓᑦ ᐊᓂᕗᑦ ᐱᕈᕐᓰᕕᖕᓄᑦ, ᕔᓂᒃᓴᓂᒃ ᑲᑎᕐᓱᐃᓪᓗᑎᒃ ᕔᓂᒃᓴᓕᐅᕐᕕᖕᒥᖕᓂᑦ ᐃᑦᓰᔭᕐᓗᒋᓪᓗ, ᖁᕕᐊᓲᖃᑎᒌᒡᓗᑎᒃ. ᑐᒃᓯᐊᕐᕕᖕᒥᖕᓄᐊᕐᐳᓪᓗ ᒎᑎᓐᖑᐊᒥᖕᓄᑦ, ᑕᕝᕙᓂᓗ ᓂᕆᕗᑦ, ᐃᒥᕐᓗᑎᒡᓗ ᐃᔪᕿᑕᐅᑎᒋᕚᓪᓗ ᐊᐱᒥᓕᒃ.

ᕉᑎᐅᑉ ᐅᓂᒃᑲᐅᓯᓂᖓ 3:7

ᐳᐊᓯᓕ ᓂᕆᔭᕇᕋᒥ ᐃᒥᕇᕋᒥᓗ ᖁᕕᐊᓱᑦᓯᐊᓕᕐᐳᖅ, ᓂᐊᖂᔭᒃᓮᓪᓗ ᑲᑎᓯᒪᔪᑦ ᐅᖓᓪᓕᕐᐸᖓᓄᑦ ᐃᓂᓪᓚᒃᐳᖅ, ᑕᕝᕙᓂᓗ ᓯᓂᓕᕐᓗᓂ. ᑕᕝᕙ ᕉᑎ ᑐᓵᔭᐅᑦᑍᓕᒪᓪᓗᓂ ᐳᐊᓯᐅᑉ ᑭᓗᐊᓄᑦ ᐃᓐᓇᕐᐳᖅ.

ᓴᒧᐃᓕ ᓯᕗᓪᓖᑦ 25:36

ᐊᐱᒊᓕᓗ ᐅᑎᓚᐅᕐᐳᖅ ᓁᐳᓪᒧᑦ; ᓁᐳᓕ ᐊᖏᕐᕋᕐᓯᒪᓚᐅᕐᐳᖅ ᓂᕆᕕᒃᔪᐊᕐᓗᓂ ᐊᖓᔪᖅᑳᕐᔪᐊᒧᑦ ᓈᒻᒪᑦᑐᓂᒃ. ᐋᖓᔮᒻᒪᕆᓕᓚᐅᕐᐳᖅ ᖁᕕᐊᓱᓕᕐᓗᓂᓗ; ᑍᒤᒻᒪᑦ ᐅᖃᐅᑎᓚᐅᓐᖏᓛ, ᖃᐅᓚᐅᕐᑎᓐᓇᒍ.