ᐃᓗᐊᕐᓮᔩᑦ ᐊᒡᓚᖏᑦ 19:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᖓᔪᖅᑳᖓᑕᓕ ᐅᖃᐅᑎᕚ, “ᐃᒡᓗᒐᓴᖕᓄᑦ ᓄᖅᑲᕐᓂᐊᓐᖏᓚᒍᑦ ᐃᓅᖃᑎᒋᓐᖏᑕᑦᑎᓐᓂ, ᐃᓴᕆᐊᓕᒥᐅᖑᖏᑦᑐᓂ; ᖄᖏᕐᓂᐊᕐᐳᒍᑦ ᒋᐱᐊᒧᑦ.”

ᐃᓗᐊᕐᓮᔩᑦ ᐊᒡᓚᖏᑦ 19:12 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 10:29

ᑰᒐᓛᓕᒃ ᓇᕐᓴᖅ ᐃᑳᕐᓗᒍ, ᒋᐸᒧᑦ ᑕᖕᒫᕐᐳᖅ. ᕌᒪᒥᐅᑦ ᑲᑉᐱᐊᓱᖕᓂᕐᒧᑦ ᓴᔪᓕᕐᐳᑦ, ᒋᐱᐊᒥᐅᓪᓗ ᓴᐅᓕᐅᑉ ᓄᓇᖓᓂᒥᐅᑦ ᕿᒪᒃᓯᕗᑦ.

ᕼᐆᓯᐊᑉ ᐊᒡᓚᖏᑦ 5:8

ᑎᑦᑐᓚᐅᑏᑦ ᓂᓪᓕᕐᑎᓕᕐᓯᐅᒃ ᒋᐱᐊ, ᐅᐸᓗᖎᔭᕐᑐᕐᓯᐅᑦ ᓂᓪᓕᕐᑎᓕᕐᓯᐅᒃ ᕌᒪ. ᐅᓇᑕᕆᐊᕐᓂᕐᒥᒃ ᓂᓪᓕᓕᕆᑦᓯ ᐱᑦᐂᕕᓐ; ᐅᓇᑕᕆᐊᓕᕆᑦᓯ ᐱᓐᔭᒥᓂᐅᑉ ᐃᓄᖏᑦ!

ᕼᐆᓯᐊᑉ ᐊᒡᓚᖏᑦ 9:9

ᑖᒃᑯᐊ ᐃᒻᒥᖕᓂᒃ ᐃᑎᔪᒥᒃ ᓱᒃᑯᑎᕐᓯᒪᕗᑦ ᒋᐱᐊᑉ ᐅᓪᓗᖏᓐᓂ ᐱᔪᖃᓚᐅᕐᑐᑎᑐᑦ: ᐱᐅᖏᑦᑐᓕᓂᖏᑦ ᐃᖅᑲᐅᒪᓂᐊᕐᐰᑦ, ᐊᔪᕐᓂᖏᓪᓗ ᓱᒋᐊᕈᒫᕐᐰᑦ.

ᔮᓱᐊᑉ ᐊᒡᓚᖏᑦ 18:25

ᐅᑯᐊᓗ ᒋᐱᐅᓂ, ᕌᒪ, ᐱ-ᐊᕌᔅ,

ᔮᓱᐊᑉ ᐊᒡᓚᖏᑦ 18:28

ᔨᓚ, ᕼᐊᓕᑉ, ᔩᐳᓯ (ᐅᕝᕙᓗ ᔨᕉᓴᓕᒻ), ᒋᐱ-ᐊ, ᑭᕆᐊᑦ-ᔨᕆᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ, ᑕᒪᓐᓇ ᓄᓇᑖᕆᔭᐅᕗᖅ ᑭᖑᕐᖑᑎᔭᐅᓪᓗᓂ ᐃᓚᒌᓄᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 19:11

ᔨᐳᓯᐅᑉ ᖃᓂᒋᔭᖓᓃᓕᕐᑎᓪᓗᒋᑦ, ᐅᓪᓗᖅ ᐊᓂᒍᓕᕐᑎᓪᓗᒍ ᖃᒡᓕᒐᒥᒃ ᔨᐳᓯᒧᑦ ᐱᔨᐅᑉ ᐊᖓᔪᖅᑳᓂ ᐅᖃᐅᑎᕚ, “ᐊᑏ ᓴᖑᓚᐅᕐᑕ ᔨᐳᓮᑎᑦ ᐃᒡᓗᒐᓴᖏᓐᓄᑦ, ᑕᕝᕙᓂ ᓯᓂᒃᑕᕐᓗᑕ.”

ᐃᓗᐊᕐᓮᔩᑦ ᐊᒡᓚᖏᑦ 19:13

ᐱᔨᒥᓄᓪᓗ ᐅᖃᕆᓪᓗᓂ, “ᐊᑏ ᑍᒃᑯᐊ ᐃᒡᓗᒐᓮᑦ ᑎᑭᓐᓇᓱᐊᓕᕐᓚᕗᑦ ᑕᒻᒫᕆᐊᕐᑐᕐᓗᑕ ᒋᐱᐊᒥ ᐅᕝᕙᓘᓐᓃᑦ ᕌᒪᒥ.”

ᓴᒧᐃᓕ ᓯᕗᓪᓖᑦ 10:26

ᓴᐅᓕᓗ ᐊᖏᕐᕋᒥᓄᑦ ᐊᖏᕐᕋᕆᕗᖅ ᒋᐱ-ᐊᒧᑦ, ᐊᖑᑏᓪᓗ ᓯᕘᕋᖏᑦᑐᑦ ᐃᓚᒋᓪᓗᒋᑦ ᑖᒃᑯᐊ ᒎᑎᐅᑉ ᐆᒻᒪᑎᖏᑦ ᐊᒃᑐᓚᐅᕐᒪᒋᑦ.

ᓴᒧᐃᓕ ᓯᕗᓪᓖᑦ 13:2

ᓴᐅᓕ ᓂᕈᐊᕐᐳᖅ ᐊᖑᑎᓂᒃ 3,000ᓂᒃ ᐃᓴᕆᐊᓕᒥᐅᓂᑦ; 2,000ᓮᑦ ᓇᔫᑎᓚᐅᕐᐳᑦ ᒥᒃᒫᔅᒥ ᖃᖅᑲᒥ ᐱᑎᓕᐅᑉ ᓄᓇᖓᓂ, 1,000ᓮᑦ ᐃᕐᓂᖓᓂ ᔫᓇᑕᓂᒦᑎᓪᓗᒋᑦ ᒋᐱᐊᒥ ᐱᓐᔭᒥᓂᐅᑉ ᓄᓇᖓᓂ; ᐊᓯᖏᓪᓕ ᓴᐅᓕᐅᑉ ᐊᖏᕐᕋᕐᑎᑉᐰᑦ ᐊᖏᕐᕋᖏᓐᓄᑦ.