ᐃᓗᐊᕐᓮᔩᑦ ᐊᒡᓚᖏᑦ 19:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᖑᓪᓕ ᑖᓐᓇ ᐅᓐᓄᐊᒥ ᑕᕝᕙᓃᒃᑲᓐᓂᕈᒪᓐᖏᓚᖅ; ᐊᐅᓪᓚᕐᓗᑎᒡᓗ, ᑎᑭᓐᓇᒥᒃ ᔨᐳᓯᐅᑉ ᐊᑭᐊᓄᑦ (ᑖᓐᓇ ᔨᕉᓴᓕᒻ). ᓯᐅᑎᖅᑯᕐᑐᔪᖁᑎᖃᓚᐅᕐᐳᖅ ᒪᕐᕉᖕᓂᒃ ᐃᒃᓯᕙᕕᓖᖕᓂᒃ, ᓄᓕᐊᒃᑲᓐᓂᓂ ᐃᓚᒋᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 19:10 Iomraidhean Croise

ᓴᒧᐃᓕ ᐂᑉᐸᖏᑦ 5:6

ᐊᖓᔪᖅᑳᕐᔪᐊᕐᓗ ᑍᕕᑎ ᐃᓚᖏᓪᓗ ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ ᔨᐳᓮᑎᒃᑯᓐᓂᒃ, ᑕᕝᕙᓂ ᓄᓇᖃᕐᑐᓂᒃ, ᑖᒃᑯᐊ ᐅᖃᓚᐅᕐᐳᑦ ᑍᕕᑎᒧᑦ, “ᑕᕝᕗᖓ ᐃᑎᓚᐅᕐᓯᒪᑦᔮᖏᑦᑐᑎᑦ, ᑕᐅᑐᖏᑦᑐᓂᑦ ᑐᓯᐊᑦᑐᓂᓪᓗ ᐅᓂᒃᓯᒪᑎᑕᐅᔪᓐᓇᕐᐳᑎᑦ.” ᐃᓱᒪᖃᓚᐅᕋᒥᒃ, “ᑍᕕᑎ ᐅᕗᖓ ᐃᑎᕈᓐᓇᓐᖏᓚᖅ.”

ᔮᓱᐊᑉ ᐊᒡᓚᖏᑦ 15:63

ᔫᑕᐅᓪᓕ ᐃᓄᖏᑦ ᓯᖏᑦᓯᔪᓐᓇᓚᐅᓐᖏᓚᑦ ᔨᐳᓮᑎᒥᐅᓂᒃ, ᓄᓇᖃᕐᑐᓂᒃ ᔨᕉᓴᓕᒥ, ᑍᒤᒻᒪᑦ ᔨᐳᓮᑎᒥᐅᑦ ᓄᓇᖅᑲᑎᖃᕐᐳᑦ ᔫᑕᐅᑉ ᐃᓄᖏᓐᓂᒃ ᓱᓕ ᐅᓪᓗᒥ.

ᔮᓱᐊᑉ ᐊᒡᓚᖏᑦ 15:8

ᑕᒫᓐᖓᑦ ᐱᒋᐊᕐᓗᓂ ᑕᑉᐸᐅᓇ ᕼᐃᓇᒻ ᓇᕐᓴᖓᒍᑦ ᖃᖅᑲᒃᑯᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ ᔨᐳᓮᑎᑦ ᐃᒡᓗᒐᓴᖏᓐᓄᑦ ᑕᕝᕗᖓ ᔨᕉᓴᓕᒧᑦ; ᓄᓇᐅᑉ ᑭᒡᓕᖓ ᑲᔪᓯᓯᒪᕗᖅ ᖃᖅᑲᐅᑉ ᖄᖓᒍᑦ ᓯᕿᓂᐅᑉ ᓂᐱᕕᐊᓄᑦ ᕼᐃᓇᒻ ᓇᕐᓴᖓᓄᑦ ᑎᑭᓪᓗᒍ, ᐅᓐᓄᐊᓪᓗᐊᒦᑦᑐᖅ ᕆᐰᒻ ᓇᕐᓴᖓᓄᑦ ᑎᑭᐅᒪᕗᖅ.

ᔮᓱᐊᑉ ᐊᒡᓚᖏᑦ 18:28

ᔨᓚ, ᕼᐊᓕᑉ, ᔩᐳᓯ (ᐅᕝᕙᓗ ᔨᕉᓴᓕᒻ), ᒋᐱ-ᐊ, ᑭᕆᐊᑦ-ᔨᕆᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ, ᑕᒪᓐᓇ ᓄᓇᑖᕆᔭᐅᕗᖅ ᑭᖑᕐᖑᑎᔭᐅᓪᓗᓂ ᐃᓚᒌᓄᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 1:8

ᔫᑕᐅᑉ ᐃᓄᖏᑦ ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ, ᓵᓚᒋᓪᓗᒍᓗ. ᐃᓄᖏᓪᓗ ᑐᖁᓪᓗᒋᑦ, ᐃᒡᓗᒐᓴᖏᓪᓗ ᐃᑯᐊᓪᓚᒃᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 19:9

ᑖᓐᓇ ᐊᖑᑦ, ᓄᓕᐊᖓᓗ, ᐱᔨᖓᓗ ᐊᐅᓪᓚᕋᓱᐊᓕᕐᑎᓪᓗᒋᑦ, ᐊᑖᑕᖓᑕ ᐅᖃᐅᑎᕚ, “ᑕᑯᒋᑦ, ᐅᓐᓄᓕᓕᕐᒪᑦ ᒫᓐᓇ; ᑕᕝᕙᓃᑐᐃᓐᓇᓕᕆᑦ ᐅᓐᓄᐊᒥ, ᑖᕐᓯᔭᕇᓚᖓᓕᕐᒪᑦ, ᑕᕝᕙᓃᑐᐃᓐᓇᓕᕆᑦ ᑐᓐᖓᓱᒡᓗᑎᑦ, ᓯᓂᒃᑕᓕᕆᑦ ᖃᐅᒃᐸᑦ ᐅᓪᓛᒻᒪᕆᒃᑯᑦ ᐊᐅᓪᓚᕐᓂᐊᕐᐳᑎᑦ ᐊᖏᕐᕋᕐᓗᑎᓪᓗ.”