ᐃᓗᐊᕐᓮᔩᑦ ᐊᒡᓚᖏᑦ 17:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᕐᐳᖅ. ᑐᓂᕐᕈᓯᕐᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᕐᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᓂᕐᒥᓗ ᐃᓚᖓᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 17:5 Iomraidhean Croise

ᒨᓯᓯ ᓯᕗᓪᓖᑦ 31:19

ᓔᐸᓂᓕ ᓰᐱᖁᑎᒥᓂᒃ ᕿᐅᕐᑍᔭᕐᑐᕐᓯᒪᑎᓪᓗᒍ, ᕅᒋᓕᐅᑉ ᐊᑖᑕᖓᑕ ᐃᒡᓗᒥᓂ ᒎᑎᓐᖑᐊᖁᑎᖏᑦ ᑎᒡᓕᒐᕆᕔᑦ.

ᒨᓯᓯ ᓯᕗᓪᓖᑦ 31:30

ᐊᐅᓪᓚᓚᐅᕋᕕᓪᓕ ᐊᖏᕐᕋᕐᓯᕐᓂᕐᒧᑦ ᐊᑖᑕᕕᑦ ᓄᓇᖓᓄᑦ, ᓱᖕᒪᓪᓕ ᐃᒡᓗᑦᑎᓐᓂ ᒎᑎᓐᖑᐊᖁᑎᒃᑲ ᑎᒡᓕᒐᕆᓚᐅᕐᐱᒌᑦ?”

ᐊᑕᓃᑦ ᓯᕗᓪᓖᑦ 12:31

ᔨᕈᐳᐊᒻ ᑐᒃᓯᐊᕐᕕᓕᐅᕐᑎᑦᓯᕗᖅ ᐱᖑᐃᑦ ᖄᖏᓐᓂ, ᓂᕈᐊᕐᓗᓂᓗ ᑐᓂᕐᕈᓯᕐᑎᑦᓯᔨᓂᒃ ᓕᕔᑎᐅᖏᑦᑐᓂᒃ.

ᐊᑕᓃᑦ ᓯᕗᓪᓖᑦ 12:32

ᔨᕈᐳᐊᒻ ᐋᖅᑮᒃᑲᓐᓂᓚᐅᕆᕗᖅ ᐅᒃᐱᕐᓂᖅ ᐱᑦᔪᑎᒋᓪᓗᒍ ᓇᓪᓕᐅᓐᓂᕐᓯᐅᕐᕕᖕᒥᒃ, ᐅᓪᓗᐃᑦ 15ᖓᓂ ᑕᖀᑦ 8ᖓᓂ, ᔫᑕᒥ ᓇᓪᓕᐅᓐᓂᕐᓯᐅᕐᕕᐅᑉ ᐊᑦᔨᖓᓂᒃ, ᑕᕝᕙᓂᓗ ᐱᑎᓕᒥ ᑐᓂᕐᕈᓯᕐᕕᖕᒥᒃ ᓄᕐᕋᓐᖑᐊᓄᑦ ᒎᓗᓄᑦ ᓴᓇᓚᐅᕐᐳᖅ, ᐃᓕᔭᐅᑎᓪᓗᒋᑦ ᐱᑎᓕᒥ ᑐᓂᕐᕈᓯᕐᑎᑦᓯᔨᒥᒡᓗ ᑎᓕᓯᓪᓗᓂ ᓴᓇᔭᕕᓂᖓᓂᒃ ᐱᔨᑦᓯᕐᓂᐊᕐᑐᒥᒃ.

ᐄᓱᕋᐅᑉ ᐊᒡᓚᖏᑦ 1:7

ᐊᖓᔪᖅᑳᕐᔪᐊᑉ ᓮᕋᓯᐅᑉ ᐅᑎᕐᑎᓚᐅᕐᐰᑦ ᐴᒍᑍᑦ ᐃᒥᐅᑏᓪᓗ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᔭᕕᓂᖏᑦ ᔨᕉᓴᓕᐅᑉ ᑐᒃᓯᐊᕐᕕᖓᓂᑦ ᐃᓕᔭᕕᓂᖏᓪᓗ ᑐᒃᓯᐊᕐᕕᖁᑎᒥᓄᑦ ᒎᑎᓐᖑᐊᖁᑎᒥᓄᓪᓗ.

ᒨᓯᓯ ᐂᑉᐸᖏᑦ 24:5

ᐃᓅᓱᒃᑐᓂᒡᓗ ᐃᓴᕆᐊᓕᒥᐅᓂᒃ ᑎᓕᓯᕗᖅ, ᑖᒃᑯᐊᓗ ᐃᑯᐊᓚᑦᓯᕗᑦ ᑐᓂᕐᕈᑎᓂᒃ ᐊᑕᓂᕐᒧᑦ. ᐃᒻᒧᒃᓯᐅᒐᕐᓂᒡᓗ ᑐᓂᕐᕈᓯᕆᓪᓗᑎᒃ ᒎᑎᒥᒃ ᐃᓚᖃᑦᓯᐊᕐᓂᖅ ᐱᑦᔪᑎᒋᓪᓗᒍ.

ᒨᓯᓯ ᐂᑉᐸᖏᑦ 28:15

“ᓴᒡᕕᖕᒥᐅᑕᓕᐅᕐᑐᒃᓴᐅᕗᓯ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᐊᑐᕐᑕᐅᖃᑦᑕᕐᓂᐊᕐᑐᒥᒃ ᖃᐅᔨᓇᓱᐊᕐᕕᖕᒥ ᒎᑎᐅᑉ ᐱᔪᒪᔭᖓᓂᒃ, ᓴᓇᓯᒪᑦᓯᐊᕐᑐᒃᓴᐅᕗᖅ; ᑭᐊᑎᒃᓴᐅᔪᑎᑐᑦ ᑐᓂᕐᕈᓯᕐᑎᑦᓯᔨᓄᑦ ᐃᐹᑦᑎᒥᒃ ᐊᑎᓕᒃᑎᑐᑦ; ᓴᓇᔭᐅᔪᒃᓴᐅᕗᖅ ᒎᓗᒥᑦ, ᑐᖑᔪᕐᑐᒥᓪᓗ ᐊᐅᐸᓪᓚᕆᒃᑐᒥᓪᓗ ᓄᕕᕐᓵᒃᓴᒥᓪᓗ ᐊᐅᐸᕐᑐᒥᑦ, ᖃᓪᓗᓈᕐᑕᑦᓯᐊᒥᒡᓗ ᓵᑦᑐᒥᑦ ᓴᓇᓯᒪᓗᓂ ᑍᒫᒃ ᓴᓇᓯᒪᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 28:4

ᐃᒫᒃ ᑕᕝᕙ ᐊᓐᓄᕌᓕᐅᕐᑕᐅᔪᒃᓴᐅᕗᑦ; ᓴᒡᕕᖕᒥᐅᑕᖃᕐᓗᑎᒃ ᓯᒃᑭᑕᒥᒃ, ᑭᐊᑎᒥᒍᑦ ᐊᓐᓄᕌᖃᕐᓗᑎᒃ ᑍᔭᐅᔪᒥᒃ ᐃᐹᑦᒥᒃ, ᐊᓐᓄᕌᖃᕐᓗᑎᒡᓗ ᑕᑭᔪᓂᒃ, ᓯᓚᓪᓕᕐᓂᒡᓗ ᑕᕐᓯᕐᑐᕐᓯᒪᔪᓂᒃ ᓴᓇᓐᖑᐊᕐᓯᒪᔪᓂᒃ ᐅᕕᓂᕈᖃᕐᓗᑎᒃ, ᓂᐊᖁᖓᓗ ᐃᒻᒧᓯᕐᓯᒪᓗᓂ ᓇᓴᐅᔮᕐᑐᒥᒃ, ᖃᓪᓗᓈᕐᑕᒥᒡᓗ ᑕᑦᓯᕈᑎᖃᕐᓗᑎᒃ. ᑍᒫᒃ ᑕᕝᕙ ᐊᖓᔪᐃᑦ ᐂᕉᓂ ᐊᓐᓄᕌᓕᐅᕐᑕᐅᔪᒃᓴᐅᕗᖅ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ ᐃᑦᔪᕐᓁᑦᑐᓂᒃ ᑖᑦᓱᒪᓗ ᐃᕐᓂᖏᑦ, ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᒨᓯᓯ ᐂᑉᐸᖏᑦ 29:9

ᑕᑦᓯᕈᓯᕐᓗᒋᓪᓗ ᓇᓴᕐᓗᒋᓪᓗ ᓂᒥᕐᓗᒋᑦ. ᑍᒫᒃ ᑕᕝᕙ ᐂᕉᓂᒃᑯᑦ ᐃᕐᓂᕇᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᑖᒃᑯᐊᓗ ᑭᖑᕚᖏᓪᓗ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᖁᓪᓗᒋᑦ ᐅᕙᓐᓂᒃ ᑍᒪᓐᖓᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 44:13

ᕿᔪᖕᒥᒡᓕ ᓴᓇᔪᖅ ᕿᔪᒃ ᐆᒃᑐᕋᕐᓚᐅᕐᓗᒍ, ᐋᖅᑭᒃᓯᒪᓂᕆᓂᐊᕐᑕᖓ ᑎᑎᓚᐅᕐᓗᒍ, ᓴᓇᓐᖑᐊᓕᕐᐹ ᓴᓇᕐᕈᑎᒥᓄᑦ, ᐃᓅᓪᓗ ᐊᑦᔨᖓᓂᒃ ᐋᖅᑭᑦᓯᐊᕐᓯᒪᔪᒥᒃ ᐱᐅᔫᓪᓗᒍ ᐃᓄᓐᖑᐊᓕᐅᕐᐳᖅ ᐃᒡᓗᒥᓃᑎᑕᒃᓴᒥᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 21:21

ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᓇᑉᐸᖅᑯᑎᐅᑉ ᓴᓂᐊᓃᓕᕐᓗᓂ ᐊᖅᑯᑏᒃ ᒪᕐᕈᐃᓕᖅᑲᖓᒋᐊᕐᓂᖓᓂ ᖃᐅᔨᓇᓱᐊᓕᕐᐳᖅ; ᓇᓪᓕᐊᓐᓄᑦ ᐂᕕᒋᔭᒃᓴᒥᓂᒃ ᖃᕐᔪᐃᑦ ᐊᐅᓚᑎᑉᐰᑦ, ᒎᑎᓐᖑᐊᓂᓗ ᐊᐱᕆᕔᑦ, ᐆᒪᔫᓪᓗ ᑎᖑᖓᓂᒃ ᖃᐅᔨᓴᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 21:26

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓂᐊᖁᕐᐱᑦ ᐃᒻᒧᑎᖓ ᐲᓕᕈᒃ, ᓂᐊᖂᑏᓪᓗ ᐊᖓᔪᖅᑳᕐᓯᐅᑦ ᐲᕐᓗᒍ; ᓱᓇᑐᐃᓐᓁᑦ ᒫᓐᓇᑐᑦ ᑍᒤᓕᖓᑦᓮᓐᓇᕐᓂᐊᕈᓐᓁᕐᐳᑦ; ᓇᓗᖅᑯᑎᔪᑦ ᐊᖏᔪᕈᕐᑎᒃᑭᑦ, ᐊᖏᔪᕈᕐᑎᑦᑐᓪᓗ ᓇᓗᖅᑯᑎᓕᕐᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 8:14

“ᐃᓴᕆᐊᓕᓕ ᐳᐃᒍᕐᓯᒪᖕᒪᑦ ᐱᓐᖑᕐᑎᑦᓯᔨᒥᓂᒃ, ᐃᒡᓗᕐᔪᐊᓕᐅᕐᓯᒪᓪᓗᓂᓗ ᐊᖓᔪᖅᑳᒃᑯᕕᖕᓂᒃ; ᔫᑕᓗ ᐅᓄᕐᑐᓂᒃ ᓴᐴᓗᑕᓕᖕᓂᒃ ᐃᒡᓗᒐᓴᓕᐅᕐᓯᒪᓕᕐᐳᖅ; ᐃᒡᓗᒐᓴᖏᓪᓕ ᐃᑯᐊᓪᓚᒃᑕᐅᑎᑦᓱᒫᕐᐸᒃᑲ, ᑐᓐᖓᕕᒋᔭᖏᓪᓗ ᓄᖑᑕᐅᔪᒫᕐᐳᑦ.”

ᒨᓯᓯ ᓯᑕᒪᖏᑦ 3:10

ᑍᒤᒻᒪᑦ ᑎᓕᓕᑭᑦ ᐂᕉᓂᓗ ᐃᕐᓂᖏᓪᓗ, ᑐᓂᕐᕈᓯᕐᑎᐅᓂᕐᒥᒃ ᐱᔭᒃᓴᖃᕐᓂᐊᕐᒪᑕ; ᑕᒫᓐᖓᑐᐃᓐᓇᕐᓕ ᐱᓗᓂ ᑖᒃᑯᓄᖓ ᖃᒡᓕᔪᖅ ᑐᖁᑕᐅᔭᕆᐊᖃᕐᐳᖅ.”

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 17:4

ᐊᓈᓇᒥᓄ ᑮᓇᐅᔧᑦ ᐅᑎᕐᑎᒻᒪᒋᑦ. ᐊᓈᓇᖓᑕ ᑮᓇᐅᔧᑦ 200 ᓯᐅᓪᕕᕇᑦ ᑐᓂᕔᑦ ᓯᐅᓪᕙᓕᕆᔨᒧᑦ, ᑖᓐᓇᓗ ᒎᑎᓐᖑᐊᒥᒃ ᐃᓄᓐᖑᐊᓕᐅᕐᐳᖅ, ᐃᓕᓪᓗᒍᓗ ᒤᑲᐅᑉ ᐃᒡᓗᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 18:14

ᑍᒃᑯᐊ ᐊᖑᑏᑦ ᑕᓪᓕᒪᑦ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᓚᐅᕐᑐᑦ ᓔᓯᒥᒃ ᐃᓚᑎᒃ ᐅᖃᐅᑎᕔᑦ, “ᖃᐅᔨᒪᓐᖏᓚᓰ ᐃᒡᓗᓂ ᑖᒃᑯᓇᓂ ᑐᓂᕐᕈᓯᕐᑎᑦᓯᔨᐅᑉ ᐊᑐᕐᐸᒃᑕᖓᓂᒃ ᐊᓐᓄᕌᕐᑕᖃᕐᒪᑦ, ᒎᑎᓐᖑᐊᓂᒡᓗ ᒥᑭᔪᓂᒃ ᐃᒡᓗᒥᐅᑕᕐᓂᒃ, ᕿᔪᖕᒥᒡᓗ ᓴᓇᓐᖑᐊᕐᓯᒪᔪᒥᒃ ᒎᑎᓐᖑᐊᒥᒃ, ᐊᐅᒃᑎᓯᒪᔪᒥᒡᓗ ᒎᑎᓐᖑᐊᓕᐊᕆᓯᒪᔪᒥᒃ ᓴᕕᕋᔭᖕᒥᒃ? ᒫᓐᓇᓕ ᐃᓱᒪᒃᓴᕐᓯᐅᓕᕆᑦᓯ ᖃᓄᐃᓕᐅᕐᓂᐊᕐᒪᖔᑦᓯ.”

ᐃᓗᐊᕐᓮᔩᑦ ᐊᒡᓚᖏᑦ 18:24

ᒤᑲᐅᑉ ᑭᐅᕔᑦ, “ᒎᑎᓐᖑᐊᒃᑲ ᑎᒍᒐᑦᓯᐅᒃ ᓴᓇᓚᐅᕐᑕᒃᑲ, ᑐᓂᕐᕈᓯᕐᑎᑦᓯᔨᒐᓗ ᐊᐅᓪᓚᕈᑎᓪᓗᒋᑦ ᓱᓇᒥᒡᓕ ᐊᒥᐊᒃᑯᕕᓯᓐᖔ ᖃᓄᐃᒻᒪᑦ ᑍᒤᓕᐅᕐᐱᓰ?”

ᐃᓗᐊᕐᓮᔩᑦ ᐊᒡᓚᖏᑦ 18:30

ᑖᓐ ᑭᖑᕚᖏᑦ ᐃᓄᓐᖑᐊᒥᒃ ᓴᓇᓐᖑᐊᕐᓯᒪᔪᒥᒃ ᐋᖅᑭᒃᓯᓚᐅᕐᐳᑦ ᐃᒻᒥᖕᓄᑦ; ᔫᓇᑕᓂᓗ, ᒌᕐᓲᒥᐅᑉ ᐃᕐᓂᖓ, ᒨᓯᓯᐅᑉ ᐃᕐᖑᑕᖓ, ᑐᓂᕐᕈᓯᕐᑎᑦᓯᔨᐅᓚᐅᕐᐳᖅ ᑖᓐ ᑭᖑᕚᖏᓐᓄᑦ ᐃᓄᐃᑦ ᐊᐅᓪᓚᐅᑦᔭᐅᓂᖓ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 8:27

ᒋᑎᐅᓂ ᓴᓇᓚᐅᕐᐳᖅ ᐊᔪᕆᕐᑐᐃᔨᕐᔪᐊᑉ ᓴᒡᕕᖕᒥᐅᑕᖏᓐᓂᒃ ᒎᓗᓂᒃ ᐱᓚᐅᕐᑕᒥᓂᒃ; ᐊᖏᕐᕋᒥᓄᓪᓗ ᐃᓕᕚ ᐅᐸᕋᒥ. ᐃᓴᕆᐊᓕᒥᐅᑦ ᐃᓘᓐᓇᑎᒃ ᐊᓯᓐᓂᐊᓕᓚᐅᕐᐳᑦ ᒎᑎᒥᒃ, ᐃᓘᓐᓇᑎᒡᓗ ᐂᕗᑦ ᑐᒃᓯᐊᕆᐊᕐᑐᕐᓗᑎᒃ ᑖᑦᓱᒧᖓ. ᒋᑎᐅᓂᐅᑉ ᐃᓚᖏᑕᓗ ᐊᔪᓕᕈᑎᒋᓚᐅᕐᐹᑦ.

ᓴᒧᐃᓕ ᓯᕗᓪᓖᑦ 19:13

ᒤᑲᓪᓗ ᐃᓄᓐᖑᐊᒥᒃ ᑎᒍᓯᓪᓗᓂ, ᐃᓕᕚ ᐃᒡᓕᖓᓄᑦ ᒎᑦᓯᐅᓪᓗ ᒥᖁᐊᓂᒃ ᐊᑭᓯᐊᓄᐊᕐᓯᓪᓗᓂ, ᐅᓕᒃᓱᕐᓗᒍᓗ ᐊᓐᓄᕌᓄᑦ.

ᓴᒧᐃᓕ ᓯᕗᓪᓖᑦ 23:6

ᐊᐰᐊᑕᓕ ᐊᕼᐃᒥᓕᐅᑉ ᐃᕐᓂᖓ ᑍᑦᓱᒪᓂ ᕿᒫᒐᒥ ᑍᕕᑎᒧᑦ ᑮᓚᒦᑎᓪᓗᒍ, ᑐᓂᕐᕈᓯᕐᑎᑦᓯᔩᑦ ᓴᒡᕕᖕᒥᐅᑕᖓᓂᒃ ᑎᒍᒥᐊᓚᐅᕐᐳᖅ.