ᐃᓗᐊᕐᓮᔩᑦ ᐊᒡᓚᖏᑦ 17:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑮᓇᐅᔧᑦ 1,100 ᓯᐅᓪᕕᕇᑦ ᐅᑎᕐᑎᓚᐅᕐᐰᑦ ᐊᓈᓇᒥᓄᑦ, ᐊᓈᓇᖓᓗ ᐅᖃᕐᐳᖅ, “ᑐᓂᕐᕈᑎᒋᓂᐊᕐᐸᒃᑲ ᐊᑕᓂᕐᒧᑦ ᓯᐅᓪᕕᕇᑦ ᐃᕐᓂᕋ ᐱᑦᔪᑎᒋᓪᓗᒍ. ᐃᓄᓐᖑᐊᒥᒃ ᓴᕕᕋᔭᖕᒥᒃ ᒎᑎᓐᖑᐊᒥᒃ, ᐊᐅᒃᑎᓚᐅᕐᓗᒍ ᓴᓇᓯᒪᔪᒥᒃ ᓴᓇᔪᖃᖁᓪᓗᒍ; ᒫᓐᓇᓕ ᐅᑎᕐᑎᑉᐸᒃᑲ ᐃᓕᖕᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 17:3 Iomraidhean Croise

ᑯᕉᓂᑲ ᐂᑉᐸᖏᑦ 33:7

ᐃᓕᓯᓚᐅᕆᕗᕐᓗ ᒎᑎᐅᑉ ᐃᒡᓗᖓᓄᑦ ᓴᓇᓐᖑᐊᕐᓯᒪᔪᒥᒃ ᒎᑎᓐᖑᐊᒥᒃ ᓴᓇᓚᐅᕐᑕᒥᓂᒃ, ᒎᑎᐅᑉ ᐅᖃᐅᓯᕆᓚᐅᕐᑕᖓᓂᒃ ᑍᕕᑎᒧᑦ ᐃᕐᓂᖓᓄᓪᓗ ᓲᓗᒨᓂᒧᑦ, “ᑖᓐᓇ ᐃᒡᓗ ᔨᕉᓴᓕᒦᑦᑐᖅ, ᓂᕈᐊᓚᐅᕐᐸᕋ ᐃᓅᖃᑎᒌᒡᔪᐊᓂᑦ ᐃᓴᕆᐊᓕᒥᐅᓂᑦ, ᐊᑎᕋ ᑕᕝᕙᓂ ᑐᒃᓯᐊᕐᕕᐅᖃᑦᑕᖁᓪᓗᒍ ᐃᓱᖃᖏᑦᑐᒧᑦ;

ᒨᓯᓯ ᐂᑉᐸᖏᑦ 20:23

ᑍᒤᒻᒪᑦ ᓴᓂᓐᓃᑦᑐᒃᓴᒥᒃ ᒎᑎᓐᖑᐊᓕᐅᕐᑐᒃᓴᐅᓐᖏᓚᓯ ᓯᐅᓪᕕᕆᒥᒃ, ᒎᓗᒥᒡᓘᓐᓃᑦ ᓴᓇᔪᒃᓴᐅᖏᓐᓂᕗᓯ ᒎᑎᒃᓴᑦᓯᓐᓂᒃ.

ᒨᓯᓯ ᐂᑉᐸᖏᑦ 20:4

“ᓱᓇᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ.

ᒨᓯᓯ ᐂᑉᐸᖏᑦ 34:17

“ᒎᑎᓐᖑᐊᓂᒃ ᓴᕕᕋᔭᖕᓂᒃ ᓴᓇᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᑐᒃᓴᐅᓇᓯᓗ.

ᐂᓮᐊᓯᐅᑉ ᐊᒡᓚᖏᑦ 30:22

ᒎᑎᓐᖑᐊᕕᓂᓯ ᓯᐅᓪᕕᕆᒥᒃ ᒎᓗᒥᒡᓗ ᖄᐹᕐᓯᒪᔪᑦ, ᐃᒋᐅᖅᑲᕈᒫᕐᐸᓯ ᓴᓂᕐᑎᑐᑦ ᕾᒐᓛᕐᓗᓯᓗ ᐅᖃᐅᑎᔪᒫᕐᐸᓯ, “ᑕᑯᓐᓇᕈᒪᔪᓐᓃᕐᐸᑦᓯ!”

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 10:8

ᓯᓔᑦᑑᕗᑦ ᓯᓚᑐᓂᖃᕋᑎᒡᓗ; ᐊᔪᕆᕐᑐᕐᑕᐅᓯᒪᒐᒥᒃ ᐃᓱᒪᖃᖏᑦᑐᓄᑦ ᕿᔪᖕᓄᑦ ᒎᑎᓐᖑᐊᓄᑦ.

ᒨᓯᓯ ᐱᖓᔪᖏᑦ 19:4

“ᒎᑎᓐᖑᐊᑦ ᓵᕝᕕᒋᓂᐊᕋᓯᒋᒃ; ᒎᑎᓐᖑᐊᓂᒡᓘᓐᓃᑦ ᓴᕕᕋᔭᖕᓂᒃ ᓴᓇᔭᕆᐊᖃᓐᖏᓚᓯ ᒎᑎᒋᓂᐊᕐᑕᑦᓯᓐᓂᒃ, ᐅᕙᖓ ᐊᑕᓂᐅᒐᒪ ᒎᑎᓯ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᒨᓯᓯ ᑕᓪᓕᒪᖏᑦ 12:3

ᑐᓂᕐᕈᓯᕐᕕᖁᑎᖏᑦ ᐅᕐᕉᕋᕐᑎᑕᒃᓴᕆᕙᓯ, ᐅᔭᕅᓪᓗ ᓇᐸᔪᖁᑎᖏᑦ ᑐᒃᓯᐊᕐᕖᑦ ᓯᖁᑦᑎᕐᓗᒋᑦ. ᒎᑎᓐᖑᐊᖏᓪᓗ ᐊᓯᕋᒥᒃ ᐊᑎᓖᑦ ᐃᑯᒪᒧᑦ ᐃᑯᐊᓪᓚᒡᓗᒋᑦ; ᒎᑎᓐᖑᐊᖏᓪᓗ ᓴᓇᓯᒪᔪᑦ ᑲᓱᐊᕐᓗᒋᑦ ᓄᖑᓪᓗᒋᑦ, ᐊᑎᖏᓪᓗ ᑕᕝᕙᓃᑦᑐᑦ ᓄᓇᒥ ᓯᖁᑦᑎᕐᓗᒋᑦ ᓄᖑᓪᓗᒋᑦ.

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᐃᓗᐊᕐᓮᔩᑦ ᐊᒡᓚᖏᑦ 17:13

ᑕᕝᕙ ᒤᑲ ᐅᖃᕐᐳᖅ, “ᖃᐅᔨᒪᕗᖓ ᐊᑕᓂᐅᑉ ᓮᒻᒪᕐᑎᓐᓂᐊᕐᒪᖓ, ᒫᓐᓇ ᓕᕔᑎᒥᒃ ᑐᓂᕐᕈᓯᕐᑎᑦᓯᔨᖃᓕᕋᒪ.”

ᐃᓗᐊᕐᓮᔩᑦ ᐊᒡᓚᖏᑦ 17:2

ᑖᑦᓱᒪ ᐊᓈᓇᓂ ᐅᖃᐅᑎᕚ, “ᑎᒡᓕᒡᕕᐅᓪᓗᑎᑦ ᓯᐅᓪᕕᕆᓂᒃ 1,100ᓂᒃ, ᐅᖃᕐᓂᕐᓗᒍᑎᒋᓚᐅᕐᐸᑦ ᑎᒡᓕᒃᑐᕕᓂᖅ. ᑍᒤᓕᑎᓪᓗᑎᑦ ᑐᓴᓚᐅᕐᐸᒋᑦ. ᑕᑯᒋᑦ, ᑮᓇᐅᔧᑦ ᐱᓯᒪᕙᒃᑲ; ᐅᕙᖎᓐᓇ ᑎᒍᓯᓚᐅᕐᑐᖓ.” ᐊᓈᓈᖓ ᐅᖃᕐᐳᖅ, “ᐊᑕᓂᐅᑉ ᓮᒻᒪᕐᑎᓪᓕᑎᑦ ᐃᕐᓃᒃ!”

ᐃᓗᐊᕐᓮᔩᑦ ᐊᒡᓚᖏᑦ 17:4

ᐊᓈᓇᒥᓄ ᑮᓇᐅᔧᑦ ᐅᑎᕐᑎᒻᒪᒋᑦ. ᐊᓈᓇᖓᑕ ᑮᓇᐅᔧᑦ 200 ᓯᐅᓪᕕᕇᑦ ᑐᓂᕔᑦ ᓯᐅᓪᕙᓕᕆᔨᒧᑦ, ᑖᓐᓇᓗ ᒎᑎᓐᖑᐊᒥᒃ ᐃᓄᓐᖑᐊᓕᐅᕐᐳᖅ, ᐃᓕᓪᓗᒍᓗ ᒤᑲᐅᑉ ᐃᒡᓗᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 18:30

ᑖᓐ ᑭᖑᕚᖏᑦ ᐃᓄᓐᖑᐊᒥᒃ ᓴᓇᓐᖑᐊᕐᓯᒪᔪᒥᒃ ᐋᖅᑭᒃᓯᓚᐅᕐᐳᑦ ᐃᒻᒥᖕᓄᑦ; ᔫᓇᑕᓂᓗ, ᒌᕐᓲᒥᐅᑉ ᐃᕐᓂᖓ, ᒨᓯᓯᐅᑉ ᐃᕐᖑᑕᖓ, ᑐᓂᕐᕈᓯᕐᑎᑦᓯᔨᐅᓚᐅᕐᐳᖅ ᑖᓐ ᑭᖑᕚᖏᓐᓄᑦ ᐃᓄᐃᑦ ᐊᐅᓪᓚᐅᑦᔭᐅᓂᖓ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 18:5

ᐅᖃᐅᑎᕚᓪᓗ, “ᒎᑎ ᐊᐱᕆᓚᐅᕈᒃ, ᕿᓄᕕᒋᕙᑦᑎᒋᑦ, ᖃᐅᔨᒪᖁᓪᓗᑕ ᐃᖏᕐᕋᓗᑕ ᐱᓇᓱᐊᕆᐊᕐᑐᕐᑕᑦᑎᓐᓂᒃ ᐱᔪᓐᓇᑦᓯᐊᕐᓂᐊᕐᒪᖔᑦᑕ.”