ᐃᓗᐊᕐᓮᔩᑦ ᐊᒡᓚᖏᑦ 15:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᕿᔪᐃᓪᓗ ᐃᑭᑎᓐᓇᒥᒋᑦ ᑎᕆᒐᓂᐊᑦ ᐊᐅᓪᓚᕐᑎᑉᐰᑦ ᐱᓕᔅᑍᓂᒥᐅᑦ ᓂᐊᖂᔭᒃᓴᖁᑎᖏᓐᓄᑦ ᒪᑭᑕᔪᓄᑦ, ᓂᐊᖂᔭᒃᓮᓪᓗ ᑲᑎᕐᓱᕐᓯᒪᔪᑦ ᒪᑭᑕᔪᓪᓗ ᐃᑯᐊᓪᓚᒃᐳᑦ, ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᖃᓯᐅᑎᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 15:5 Iomraidhean Croise

ᓴᒧᐃᓕ ᐂᑉᐸᖏᑦ 14:30

ᑍᒤᒻᒪᑦ ᐋᑉᓴᓚᒻ ᐱᔨᒥᓄᑦ ᐅᖃᕐᐳᖅ, “ᑕᑯᒋᑦ, ᔪᐊᐱᐅᑉ ᐱᕈᕐᓯᕕᖁᑎᖓ ᐱᕈᕐᓰᕕᖁᑎᒪ ᓴᓂᐊᓃᑉᐳᖅ, ᓂᐊᖂᔭᒃᓴᖏᑦ ᐱᕈᓕᕐᒪᑕ; ᐂᓚᐅᕆᑦᓯ ᐃᑯᐊᓪᓚᒋᐊᕐᑐᕐᓗᒍ.” ᑍᒤᒻᒪᑦ ᐱᔨᖏᑦ ᐂᓚᐅᕐᐳᑦ ᐱᕈᕐᓰᕕᖁᑎᖓᓗ ᐃᑯᐊᓪᓚᒡᓗᒍ.

ᒨᓯᓯ ᐂᑉᐸᖏᑦ 22:6

“ᐊᖑᓪᓕ ᐱᕈᕐᓰᕕᖁᑎᒥᓂ ᐃᑯᐊᓚᑦᓯᓗᓂ ᑕᒪᓐᓇ ᐃᑯᐊᓚᑎᑕᖓ ᓯᐊᒻᒪᕐᐸᑦ ᐅᕐᐱᒐᕐᑎᒍᑦ ᐊᖑᑎᐅᑉ ᐊᓯᐊᑕ ᐱᕈᕐᓰᕕᖁᑎᖓᓄᑦ; ᓂᐊᖂᔭᒃᓮᓪᓗ ᓇᑲᑎᕐᑕᐅᓯᒪᔪᑦ ᑲᑎᑕᐅᓯᒪᓕᕐᑐᓪᓗ ᓇᑉᐸᕐᑎᑕᐅᓯᒪᔪᑦ ᐃᑯᐊᓪᓚᒃᐸᑕ, ᑕᕝᕙ ᐱᕈᕐᓰᕕᖁᑎᒥᓂ ᐃᑯᐊᓪᓔᓚᐅᕐᑐᖅ ᐊᑭᓖᔭᕆᐊᖃᓕᕋᔭᕐᐳᖅ ᐊᑭᓕᕆᐊᖃᕐᑕᒥᓂᒃ.

ᒨᓯᓯ ᐂᑉᐸᖏᑦ 23:11

ᐊᕐᕌᒍᓪᓕ 7ᖓᓐᓂ ᓄᓇ ᐱᕈᕐᓰᕕᒃ ᑕᕾᕐᓯᕐᑎᑕᒃᓴᕆᕙᓯ ᑕᕝᕙᓂᓗ ᐱᕈᕐᑐᑦ ᑲᑎᕐᓱᖏᓪᓗᒋᑦ, ᐃᓄᐃᓪᓕ ᐊᔪᕐᓴᑐᑦ ᑕᕝᕙᓐᖓᑦ ᐱᕈᕐᑐᓂᒃ ᓂᕆᔪᓐᓇᕐᐳᑦ, ᑖᒃᑯᐊᓗ ᐊᒥᐊᒃᑯᒋᔭᖏᓐᓂᒃ ᐆᒪᔪᑦ ᓄᔪᐊᕐᑐᑦ ᓂᕆᔪᓐᓇᕆᕗᑦ. ᕔᓂᓕᒃᓴᖁᑎᓯᑦᑕᐅᖅ ᓇᐹᕐᑐᓪᓗ ᐅᕐᓱᒃᓴᓖᑦ ᑍᒪᑦᓮᓐᓇᖅ ᐱᓇᓱᐊᕐᕕᒋᔭᒃᓴᕆᕙᓯ.

ᐃᓗᐊᕐᓮᔩᑦ ᐊᒡᓚᖏᑦ 15:4

ᑕᕝᕙᓐᖓᓪᓗ ᓵᒻᓲᓂ ᐊᐅᓪᓚᕐᐳᖅ ᓂᒐᕐᑎᑦᓯᓪᓗᓂᓗ 300ᓂᒃ ᑎᕆᒐᓂᐊᓂᒃ, ᑖᒃᑯᐊ ᓇᒃᓴᕐᐰᑦ ᑎᒍᓯᓪᓗᓂ ᕿᔪᖕᓂᒃ ᓇᓂᕈᐊᓂᒃ, ᑎᕆᒐᓂᐊᓪᓗ ᒪᕐᕉᓈᕐᑎᕐᓗᒋᑦ ᐸᒥᐅᖏᑦ ᕿᓚᒃᓱᕐᐰᑦ, ᐸᒥᐅᖓᑕᓗ ᐊᑯᓐᓂᖏᑎᒍᑦ ᕿᔪᐃᑦ ᕿᓚᒃᓱᕐᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 15:6

ᐱᓕᔅᑍᓂᒥᐅᑦ ᐅᖃᓕᕐᐳᑦ, “ᑭᓇᐅᑉ ᒪᓐᓇ ᐱᓂᐊᕐᓂᖔ?” ᑭᐅᔭᐅᕗᑦ, “ᓵᒻᓲᓂᐅᑉ, ᑎᒻᓁᑎᐅᑉ ᓂᖓᐅᖓᑕ, ᓄᓕᐊᖓ ᑐᓂᓚᐅᕐᒪᒍ ᐱᖃᑎᖓᓄᑦ.” ᑍᒤᒻᒪᑦ ᐱᓕᔅᑍᓂᒥᐅᑦ ᑖᑦᓱᒧᖓ ᐂᕗᑦ ᐊᕐᓇᕐᓗ ᐊᑖᑕᖓᓗ ᐃᑯᐊᓪᓚᒡᓗᒋᑦ.