ᐃᓗᐊᕐᓮᔩᑦ ᐊᒡᓚᖏᑦ 15:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᕝᕙᓐᖓᓪᓗ ᓵᒻᓲᓂ ᐊᐅᓪᓚᕐᐳᖅ ᓂᒐᕐᑎᑦᓯᓪᓗᓂᓗ 300ᓂᒃ ᑎᕆᒐᓂᐊᓂᒃ, ᑖᒃᑯᐊ ᓇᒃᓴᕐᐰᑦ ᑎᒍᓯᓪᓗᓂ ᕿᔪᖕᓂᒃ ᓇᓂᕈᐊᓂᒃ, ᑎᕆᒐᓂᐊᓪᓗ ᒪᕐᕉᓈᕐᑎᕐᓗᒋᑦ ᐸᒥᐅᖏᑦ ᕿᓚᒃᓱᕐᐰᑦ, ᐸᒥᐅᖓᑕᓗ ᐊᑯᓐᓂᖏᑎᒍᑦ ᕿᔪᐃᑦ ᕿᓚᒃᓱᕐᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 15:4 Iomraidhean Croise

ᓴᒧᐃᓕ ᐂᑉᐸᖏᑦ 14:30

ᑍᒤᒻᒪᑦ ᐋᑉᓴᓚᒻ ᐱᔨᒥᓄᑦ ᐅᖃᕐᐳᖅ, “ᑕᑯᒋᑦ, ᔪᐊᐱᐅᑉ ᐱᕈᕐᓯᕕᖁᑎᖓ ᐱᕈᕐᓰᕕᖁᑎᒪ ᓴᓂᐊᓃᑉᐳᖅ, ᓂᐊᖂᔭᒃᓴᖏᑦ ᐱᕈᓕᕐᒪᑕ; ᐂᓚᐅᕆᑦᓯ ᐃᑯᐊᓪᓚᒋᐊᕐᑐᕐᓗᒍ.” ᑍᒤᒻᒪᑦ ᐱᔨᖏᑦ ᐂᓚᐅᕐᐳᑦ ᐱᕈᕐᓰᕕᖁᑎᖓᓗ ᐃᑯᐊᓪᓚᒡᓗᒍ.

ᐃᓐᖏᕈᑎᑦ 63:10

ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᑎᕆᒐᓂᐊᖑᔮᕐᑐᓄᑦ ᔮᑯᓄᑦ ᓂᕿᒃᓴᐅᔪᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:18

ᐊᖑᑎᑐᑦ ᑐᑮᕈᑎᓯᒪᔪᑐᑦ ᐃᒋᐅᖅᑬᔪᑐᑦ ᕿᔪᖕᓂᒃ ᐃᑯᒪᔪᓂᒃ, ᖃᕐᔪᓂᒡᓗ, ᑐᖁᒥᒡᓗ,

ᓲᓗᒨᓂᐅᑉ ᐃᓐᖏᕈᓯᖏᑦ 2:15

ᑎᕆᒐᓂᐊᕋᓱᒋᑦ, ᑎᕆᒐᓂᐊᕋᓛᓂᒃ, ᓱᒃᑯᐃᕙᖕᒪᑕ ᕔᓂᒃᓴᓂᒃ ᐱᕈᓕᕐᑐᓂᒃ, ᕔᓂᒃᓴᖁᑎᕗᑦ ᐱᕈᕇᓕᕐᒪᑕ.”

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:18

ᓮᐅᓂ ᓱᓇᖃᕈᓐᓃᕐᒪᑦ ᐃᑭᐊᓐᖑᓇᕐᓯᕗᖅ, ᐊᒪᕈᖓᔪᓄᑦ ᓇᔪᒐᑐᐃᓐᓇᐅᓕᕐᒪᑦ.

ᐃᓗᐊᕐᓮᔩᑦ ᐊᒡᓚᖏᑦ 15:3

ᓵᒻᓲᓂᐅᑉ ᐅᖃᐅᑎᕚ, “ᒫᓐᓇ ᐸᓯᔭᒃᓴᐅᓂᐊᓐᖏᓚᖓ ᐱᓕᔅᑍᓂᒥᐅᓄᑦ ᐱᕋᔭᒃᑲᓗᐊᕈᒃᑭᑦ!”

ᐃᓗᐊᕐᓮᔩᑦ ᐊᒡᓚᖏᑦ 15:5

ᕿᔪᐃᓪᓗ ᐃᑭᑎᓐᓇᒥᒋᑦ ᑎᕆᒐᓂᐊᑦ ᐊᐅᓪᓚᕐᑎᑉᐰᑦ ᐱᓕᔅᑍᓂᒥᐅᑦ ᓂᐊᖂᔭᒃᓴᖁᑎᖏᓐᓄᑦ ᒪᑭᑕᔪᓄᑦ, ᓂᐊᖂᔭᒃᓮᓪᓗ ᑲᑎᕐᓱᕐᓯᒪᔪᑦ ᒪᑭᑕᔪᓪᓗ ᐃᑯᐊᓪᓚᒃᐳᑦ, ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᖃᓯᐅᑎᓪᓗᒋᑦ.