ᐃᓗᐊᕐᓮᔩᑦ ᐊᒡᓚᖏᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᖏᕐᕋᕋᒥᓗ ᐊᑖᑕᓂᓗ ᐊᓈᓇᓂᓗ ᐅᖃᐅᑎᕔᑦ, “ᐱᓕᔅᑍᓂᒥᐅᒥᒃ ᐊᕐᓇᕐᑕᖃᕐᐳᖅ ᑎᒻᓇᒥ ᑕᑯᔭᓐᓂᒃ. ᐂᓚᐅᕐᓯᒃᑯᒃ ᓄᓕᐊᕐᑖᕆᓂᐊᕋᒃᑯ.”

ᐃᓗᐊᕐᓮᔩᑦ ᐊᒡᓚᖏᑦ 14:2 Iomraidhean Croise

ᒨᓯᓯ ᓯᕗᓪᓖᑦ 21:21

ᓄᓇᖃᓚᐅᕐᐳᕐᓗ ᐸᕌᓐ ᐃᓄᖃᖏᑦᑐᖓᓂ; ᐊᓈᓇᖓᑕᓗ ᓄᓕᐊᓂᒃᑎᑉᐹ ᐄᑦᔨᑉᑎᒥᐅᑕᕐᒥᒃ.

ᒨᓯᓯ ᓯᕗᓪᓖᑦ 34:4

ᓯᑭᒻᒥᐅᓪᓕ ᐊᑖᑕᓂ ᕼᐊᒧᕆ ᐅᖃᐅᑎᕚ, “ᐅᐃᒡᒐᓱᖕᒥᒃ ᐆᒥᖓ ᓄᓕᐊᕐᑖᕐᑎᓚᐅᓐᖓ.”

ᒨᓯᓯ ᓯᕗᓪᓖᑦ 38:6

ᔫᑕᐅᓪᓗ ᐃᕐᓂᓂ ᐃᕆ ᐊᖓᔪᒃᓯᕐᐹᖁᑎᓂ ᓄᓕᐊᕐᑖᕐᑎᑉᐹ, ᑕᒫᕆᒥᒃ ᐊᑎᓕᖕᒥᒃ.

ᐊᑕᓃᑦ ᐂᑉᐸᖏᑦ 14:9

ᔨᕼᐅᐊᓯ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᒪᔧᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ ᑭᐅᑦᔪᑎᒥᓂᒃ ᑎᑭᑎᑦᓯᕗᖅ ᐅᖃᕐᓯᒪᔪᓂᒃ, “ᐅᕐᐱᒊᑦ ᑲᑭᓐᓇᕐᑐᓖᑦ ᓕᐸᓇᓂᐅᑉ ᖃᖅᑲᖏᓐᓂ ᐅᖃᐅᓯᒃᓴᒥᓂᒃ ᑎᑭᑎᑦᓯᓚᐅᕐᐳᖅ ᓕᐸᓈᓂᐅᑉ ᓇᐹᕐᑐᖓᓄᑦ ᓰᑕᕆᒧᑦ ᐅᖃᕐᓗᓂ, ‘ᐸᓃᑦ ᓄᓕᐊᕐᑖᕆᔭᐅᑎᓚᐅᕈᖅ ᐃᕐᓂᓐᓄᑦ.’ ᐆᒪᔪᓪᓕ ᓄᔪᐊᕐᑐᑦ ᐊᖅᑯᓵᕋᒥ ᐅᕐᐱᒐᖅ ᑲᑭᓐᓇᕐᑐᓕᒃ ᑐᓪᓕᕋᕐᓗᒍ ᓂᓚᒥᑎᑉᐹ.

ᔨᕆᒤᐊᐅᑉ ᐊᒡᓚᖏᑦ 29:6

ᐂᑉᐸᕐᑖᕐᑐᕆᑦᓯ ᕿᑐᕐᖓᕐᑖᕐᓂᐊᕋᑦᓯ, ᕿᑐᕐᖓᓯᓗ ᐂᑉᐸᕐᑖᕐᑎᓪᓗᓯᐅᒃ ᕿᑐᕐᖓᕐᑖᖁᓪᓗᒋᑦᑕᐅᖅ, ᐅᓄᕐᓯᕙᓪᓕᐊᖁᓪᓗᓯ ᓄᖑᑉᐸᓪᓕᐊᖏᓪᓗᓯ.

ᐃᓗᐊᕐᓮᔩᑦ ᐊᒡᓚᖏᑦ 14:1

ᐅᓪᓗᐃᑦ ᐃᓚᖓᓐᓂ ᓵᒻᓲᓂ ᑕᐅᓄᖓ ᑎᒻᓇᓕᐊᕐᐳᖅ, ᑎᒻᓇᒥᓗ ᑕᑯᓪᓗᓂ ᐱᓕᔅᑍᓂᒥᐅᑦ ᐊᕐᓇᖏᑕ ᐃᓚᖓᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 14:3

ᐊᑖᑕᖓᑕᓗ ᐊᓈᓇᖓᑕᓗ ᐊᐱᕆᕚ, “ᓇᓂᓯᓐᖏᓚᑏᑦ ᐊᕐᓇᒥᒃ ᐃᓚᕕᑦ ᐸᓂᖏᓐᓂᑦ, ᐃᓅᖃᑎᑦᑎᓐᓂᒡᓘᓐᓃᑦ ᓇᓪᓕᐊᓐᓂᑦ? ᑍᒫᒃ ᑭᐱᓯᒪᖏᑦᑐᓂᑦ ᐱᓕᔅᑍᓂᒥᐅᑕᕐᓂᑦ ᓄᓕᐊᓂᒋᐊᖃᕐᐲᑦ?” ᓵᒻᓲᓂᐅᓪᓕ ᐊᑖᑕᓂ ᐅᖃᐅᑎᕚ, “ᑍᓐᓇ ᐊᕐᓇᖅ ᐂᓚᐅᕈᒃ ᐱᐅᒋᒐᒃᑯ.”