ᐃᓗᐊᕐᓮᔩᑦ ᐊᒡᓚᖏᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᑯᒋᑦ ᐃᕐᓂᕐᒥᒃ ᐃᕐᓂᔪᒫᕐᐳᑎᑦ, ᑭᑦᔭᐅᑎᒧᓪᓘᓐᓃᑦ ᓂᐊᖁᐊ ᐊᒃᑐᕐᑕᐅᔪᒫᓐᖏᓚᖅ, ᓱᕈᓯᐅᓂᕐᒥᓂᑦ ᓈᓴᕅᑎᐅᓛᕐᒪᑦ ᒎᑎᒧᑦ ᐃᕐᓂᐊᖑᓂᕐᒥᓂᑦ ᐱᓗᓂ; ᑖᑦᓱᒪᓗ ᐃᓴᕆᐊᓕᒥᐅᑦ ᓴᐳᑎᔪᒫᕐᐰᑦ ᐱᓕᔅᑍᓂᒥᐅᓂᑦ.”

ᐃᓗᐊᕐᓮᔩᑦ ᐊᒡᓚᖏᑦ 13:5 Iomraidhean Croise

ᓴᒧᐃᓕ ᐂᑉᐸᖏᑦ 8:1

ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᖅ ᑍᕕᑎ ᐅᓇᑕᕆᐊᕋᒥ ᐱᓕᔅᑍᓂᒥᐅᑦ ᓵᓚᒋᕔᑦ, ᓄᓇᓗ ᒥᑎᒋ-ᐊᒪ ᓄᓇᑖᕆᕚ ᐱᓕᔅᑍᓂᒥᐅᓂᑦ ᐊᕐᓵᕐᓯᑦᔪᑎᒋᓪᓗᓂᐅᒃ.

ᑯᕉᓂᑲ ᓯᕗᓪᓖᑦ 18:1

ᑭᖑᕐᖓᒍᑦ ᐊᖓᔪᖅᑳᕐᔪᐊᖅ ᑍᕕᑎ ᐅᓇᑕᕆᐊᕐᐳᖅ ᐱᓕᔅᑎᐊᒥᐅᓂᒃ, ᓵᓚᒋᓪᓗᒋᓪᓗ, ᒑᑎᓗ ᓄᓇᓕᒃ ᓄᓇᖁᑎᑖᕆᕚ ᐱᓕᔅᑍᓂᒥᐅᓂᑦ.

ᐂᒨᓯᐅᑉ ᐊᒡᓚᖏᑦ 2:11

ᐃᕐᓂᓯᓗ ᐃᓚᖏᑦ ᐅᖃᕐᑎᑖᕆᓚᐅᕐᐸᒃᑲ, ᐃᓅᓱᒃᑐᖁᑎᓯᓗ ᐊᖑᑎᑦ ᐃᓚᖏᑦ ᓴᓂᕐᕙᓚᐅᕐᐸᒃᑲ ᓈᓴᕅᑎᐅᖁᓪᓗᒋᑦ. ᑍᒤᓚᐅᓐᖏᓛᖅ, ᐃᓕᑦᓯᓐᓂ ᐃᓴᕆᐊᓕᒥᐅᖑᔪᓯ?” ᐊᑕᓂᖅ ᐅᖃᕐᐳᖅ.

ᒨᓯᓯ ᓯᑕᒪᖏᑦ 6:5

“ᑍᒪᓐᖓᑦ ᐊᖏᕈᑎᒥᒍᑦ ᐅᓪᓗᓂ ᑍᒃᑯᓇᓂ ᐃᒻᒥᓂᒃ ᓴᓂᕐᕙᒃᑎᓯᒪᓂᕐᒥᓂ ᓄᔭᖏᑦ ᑭᐱᔭᐅᔭᕆᐊᖃᓐᖏᓚᑦ, ᑭᓯᐊᓂ ᑍᒃᑯᐊ ᐅᓪᓗᐃᑦ ᐃᓱᓕᑉᐸᑕ ᐃᒻᒥᓂᒃ ᓴᓂᕐᕙᒍᑎᒋᓯᒪᔭᖏᑦ ᐊᑕᓂᕐᒧᑦ, ᑖᒃᑯᓇᓂ ᐃᑦᔪᕐᓁᑦᑑᓂᐊᕐᐳᖅ. ᑖᑦᓱᒪ ᑕᕝᕙ ᓄᔭᓂ ᐱᕈᑎᑦᓴᕆᐊᖃᕐᐰᑦ.

ᓘᑲᓯᐅᑉ ᐊᒡᓚᖏᑦ 1:15

ᐊᔪᖏᑦᑐᕐᔪᐊᖑᔪᒫᕐᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᔪᒫᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 16:17

ᐅᖃᐅᑎᓕᕐᐹᓗ ᖃᐅᔨᒪᔭᒥᓂᒃ ᑕᒤᓐᓂᒃ, ᐅᖃᐅᑎᓪᓗᒍ, “ᓄᔭᒃᑲ ᑭᑦᔭᐅᑎᒧᑦ ᑭᐱᔭᐅᓚᐅᕐᓯᒪᓐᖏᓚᑦ ᐊᓈᓇᒪ ᐃᒡᓕᐊᖓᓂᑦ ᐊᓂᒐᒪ ᒎᑎᒧᑦ ᑐᓂᕐᕈᑕᐅᓯᒪᕗᖓ ᓈᓴᕅᖑᖁᓪᓗᖓ. ᓄᔭᒃᑲ ᑭᐱᔭᐅᒃᐸᑕ ᓴᓐᖏᓂᕋ ᐱᕐᓂᐊᕐᐳᖅ, ᓴᓐᖐᑦᑑᓕᕐᓗᖓᓗ ᐃᓄᑐᐃᓐᓇᕐᑎᑐᑦ.”

ᓴᒧᐃᓕ ᓯᕗᓪᓖᑦ 1:11

ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”

ᓴᒧᐃᓕ ᓯᕗᓪᓖᑦ 7:13

ᐱᓕᔅᑍᓂᒥᐅᑦ ᓵᓚᐅᓚᐅᕐᐳᑦ ᐃᓴᕆᐊᓕᒥᐅᓪᓗ ᓄᓇᖓᓄᑦ ᐃᑎᒃᑲᓐᓂᓚᐅᕈᓐᓃᕐᓗᑎᒃ. ᐊᑕᓂᐅᓪᓗ ᐱᔪᓐᓇᕐᓂᖓᑕ ᐱᓕᔅᑏᓂᒥᐅᑦ ᓵᓐᖎᓐᓇᓚᐅᕐᐰᖅ ᓴᒧᐃᓕᐅᑉ ᐃᓅᓂᓕᒫᖓᓂ.