ᐃᓗᐊᕐᓮᔩᑦ ᐊᒡᓚᖏᑦ 12:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᖃᐅᑦᔭᐅᖃᑦᑕᓚᐅᕐᐳᑦ ᐅᖃᕆᑦ, “ᓯᐳᓕᑎ.” ᐅᖃᖃᑦᑕᓚᐅᕐᐳᓪᓕ, “ᓯᐳᓕᑦ” ᐱᐅᓯᕐᒥᑐᑦ ᐅᖃᑦᓯᐊᕈᓐᓇᖏᓐᓇᒥᐅᒃ. ᑎᒍᔭᐅᕙᓚᐅᕐᐳᑦ ᑐᖁᑕᐅᓪᓗᑎᒡᓗ ᔪᐊᕐᑕᓂᐅᑉ ᑰᖓᑕ ᐃᑳᕐᕕᖏᓐᓂ. ᑍᑦᓱᒪᓂ 42,000ᐃᑦ ᐃᕗᕅᒥᐅᑦ ᑐᖁᑕᐅᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 12:6 Iomraidhean Croise

ᐃᓐᖏᕈᑎᑦ 69:15

ᐃᒪᕐᒧᑦ ᖄᒥᑦᑐᒧᑦ ᐅᓗᑦᔭᐅᑎᓐᓂᐊᕐᓇᖓ, ᐃᑎᔪᕐᔪᐊᒧᓪᓗ ᐄᔭᐅᑎᑦᑍᓕᓐᖓ; ᐃᑎᕐᓵᓘᓪᓗ ᐹᖓ ᖁᓕᓐᓂ ᒪᑐᑎᑦᑍᓕᒍᒃ.

ᐃᓐᖏᕈᑎᑦ 69:2

ᑭᕕᓕᕋᒪ ᐃᑎᔪᒥ ᐊᕿᑦᑐᒥ, ᑐᓪᓕᕐᕕᒃᓴᖃᖏᑦᑐᒥ; ᐃᒪᕐᒧᑦ ᐃᑎᔪᒧᑦ ᑎᑭᓯᒪᓕᕋᒪ, ᖄᒥᑉᐸᓪᓕᐊᔪᒧᑦ ᐅᓗᑦᔭᐅᓕᕋᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:14

ᐊᑭᕋᕐᑑᑎᓂᐅᑉ ᐱᒋᐊᕈᑖ ᐃᒪᕐᒥᒃ ᑯᕕᑎᑦᓯᔫᑉ ᐊᑦᔨᒋᕚ; ᑍᒤᒻᒪᑦ ᐂᕙᓂᖅ ᐱᒋᐊᓚᐅᕐᑎᓐᓇᒍ ᓄᖅᑲᕆᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:19

ᖃᑕᓐᖑᑦ ᓂᓐᖎᔭᐅᔪᖅ ᓵᓚᒋᔭᕆᐊᖓ ᓴᐱᕐᓇᕐᓂᕐᓴᐅᕗᖅ ᐃᒡᓗᒐᓴᒡᔪᐊᓂᑦ, ᐂᕙᓃᓪᓗ ᐱᔭᕐᓂᖏᓐᓂᕐᓴᐅᓕᕐᐳᑦ ᐃᒡᓗᒐᓴᒡᔪᐊᑉ ᓴᐴᓗᑕᖏᓐᓂᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:12

ᐅᖃᐅᓰᑦ ᓯᓚᑐᔪᒥᑦ ᐱᔪᑦ ᖁᕕᐊᒋᔭᐅᓕᕐᓇᕐᐳᑦ, ᓯᓔᑦᑐᕐᓕ ᖃᓂᕐᒥᓄᑦ ᓄᖑᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 27:12

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑰᖕᒥᑦ ᐃᕗᕅᑎᒥᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑦᑕ ᑭᒡᓕᖓ ᑎᑭᓪᓗᒍ, ᐊᑕᓂᐅᑉ ᐃᓄᖁᑎᓂ ᐊᑕᐅᓯᐅᓈᕐᑎᕐᓗᒋᑦ ᑲᑎᕐᓱᕈᒫᕐᐰᑦ, ᓂᐊᖂᔭᒃᓴᒥᒃ ᐃᕖᔧᑦᔪᑎᑐᑦ ᐃᕖᔧᕕᖕᒥ.

ᒫᑎᐅᓯᐅᑉ ᐊᒡᓚᖏᑦ 12:25

ᔩᓱᓯᐅᑉ ᖃᐅᔨᒪᒐᒥᒋᑦ ᖃᓄᖅ ᐃᓱᒪᖃᕐᒪᖔᑕ, ᐅᖃᐅᑎᕔᑦ, “ᓄᓇᓖᑦ ᐊᖓᔪᖅᑳᕐᔪᐊᖃᕐᑐᑦ ᐊᑕᐅᓯᕐᒥᒃ ᐊᒡᒍᕐᓗᑎᒃ ᐃᒻᒥᖕᓄᑦ ᐅᓇᑕᓕᕈᑎᒃ ᐊᖓᔪᖅᑲᐅᕕᒃ ᐊᑯᓂᐅᖏᑦᑐᖅ ᓄᖑᒃᑲᔭᕐᐳᖅ, ᓄᓇᓖᓪᓗ, ᐅᕝᕙᓗ ᐃᓚᒌᑦ ᐃᒡᓗᒥᐅᖃᑎᒌᑦ ᐊᒡᒍᕐᓗᑎᒃ, ᐃᒻᒥᖕᓄᑦ ᐅᓇᑕᓕᕈᑎᒃ ᐊᑕᐅᓯᐅᔪᓐᓃᕋᔭᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 26:73

ᐊᑯᓂᐅᓗᐊᕐᑎᓐᓇᒍ ᓇᖏᕐᑐᑦ ᐃᓚᖓᑦᑕ ᐲᑦᑐᕉᓯ ᐅᐸᒃᓗᒍ, ᐅᖃᐅᑎᕚ, “ᑖᒃᑯᓇᖓᑦ ᐃᓚᒋᔭᐅᕗᑎᑦ, ᐅᖃᓪᓚᐅᓯᕐᐱᑦ ᓇᓗᓁᓕᖕᒪᑎᑦ!”

ᒫᑯᓯᐅᑉ ᐊᒡᓚᖏᑦ 14:70

ᐲᑦᑐᕉᓯᓕ ᓱᓕ ᓴᒡᓗᒃᑲᓐᓂᕆᕗᖅ. ᐊᑯᓂᐅᑎᓐᓇᒍ ᓱᓕ ᑕᒫᓃᑦᑐᓄᑦ ᐲᑦᑐᕉᓯ ᐅᖃᐅᑦᔭᐅᕗᖅ, “ᓇᓗᓇᕈᓐᓃᕐᐳᑎᑦ ᑖᒃᑯᓄᖓ ᐃᓚᒋᔭᐅᒐᕕᑦ; ᒐᓕᓕᐊᒥᐅᖑᒐᕕᑦ.”

ᒐᓔᑎᐊᒥᐅᓄᑦ 5:15

ᐃᓕᑦᓯᓐᓄᓪᓕ ᐆᒪᔪᑎᑐᑦ ᐹᑐᐃᓐᓇᖃᑦᑕᕈᑦᓯ ᐋᓂᕐᓯᖃᑕᐅᑎᓗᓯ ᐱᓂᕐᓕᖃᑕᐅᑎᓗᓯᓗ ᖃᐅᔨᒪᓕᕆᑦᓯ ᐃᓅᖃᑎᒌᖕᓂᓯ ᓱᕋᓛᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 12:5

ᕿᒫᖁᓇᒋᓪᓕ ᐃᕗᕅᒥᐅᑦ ᒋᓕᐊᑎᒥᐅᑦ ᑎᒍᓚᐅᕐᐰᑦ ᐃᑳᕐᕕᖕᓂ ᔪᐊᕐᑕᓂᐅᑦ ᑰᖓᓂ. ᐃᕗᕅᒥᐅᑦ ᑭᖑᕚᖏᑦ ᕿᒫᓇᓱᒃᑐᑦ ᐅᖃᕐᐸᓚᐅᕐᐳᑦ, “ᐃᑳᕐᑎᓐᖓ.” ᒋᓕᐊᑎᒥᐅᓪᓕ ᐊᖑᑎᑦ ᐊᐱᕆᖃᑦᑕᓚᐅᕐᐰᑦ, “ᐃᕗᕅᒥᐅᖑᕖᑦ?” ᐅᖃᕐᐸᑦ, “ᐃᕗᕅᒥᐅᖑᓐᖏᓚᖓ,”

ᐃᓗᐊᕐᓮᔩᑦ ᐊᒡᓚᖏᑦ 12:7

ᔨᑉᑕ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ ᐊᕐᕌᒍᓂᒃ ᐱᖓᓲᔪᕐᑐᓂᒃ. ᒋᓕᐊᑎᒥᐅᑕᕐᓗ ᔨᑉᑕ ᑐᖁᖕᒪᑦ ᐃᓗᕕᕐᑕᐅᕗᖅ ᓄᓇᒥᓂ ᒋᓕᐊᑎᒥ.