ᐃᓗᐊᕐᓮᔩᑦ ᐊᒡᓚᖏᑦ 12:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᖃᐅᔨᒐᒪᓕ ᓴᐳᑦᔨᓇᓱᐊᕐᓂᐊᖏᓐᓂᑦᓯᓐᓂᒃ, ᐃᓅᓯᕋ ᐊᑦᑕᕐᓇᕐᑐᒦᑎᓚᐅᕐᐸᕋ, ᐃᑳᕐᓗᖓᓗ ᔪᐊᕐᑕᓂᒥᒃ ᐅᓇᑕᕆᐊᓚᐅᕐᐳᖓ ᐊᒧᓁᑎᓂᒃ, ᐊᑕᓂᐅᓪᓗ ᓵᓚᖃᕐᑎᓚᐅᕐᐹᖓ ᑖᒃᑯᓂᖓ; ᓱᖕᒪᓪᓕ ᕾᕕᓯ ᐅᓇᑕᕆᐊᕐᑐᕐᓗᖓ ᒫᓐᓇ?”

ᐃᓗᐊᕐᓮᔩᑦ ᐊᒡᓚᖏᑦ 12:3 Iomraidhean Croise

ᑯᕉᓂᑲ ᐂᑉᐸᖏᑦ 13:12

ᑕᑯᒋᑦ, ᒎᑎᐅᑉ ᐃᓚᒋᕚᑎᒍᑦ ᓂᐊᖁᕆᒐᑦᑎᒍ, ᑐᓂᕐᕈᓯᕐᑎᑦᓯᔨᖏᓪᓗ ᑎᑦᑐᓚᐅᑎᓄᑦ ᓂᓪᓕᕐᑎᑦᓯᕗᑦ ᐅᓇᑕᕆᐊᕐᑐᕐᓯᐅᒻᒥᒃ ᐃᓕᑦᓯᓐᓄᑦ. ᐃᓴᕆᐊᓕᐅᑉ ᑭᖑᕚᖏᑦ, ᐊᑕᓂᕐᒥᒃ ᐅᓇᑕᕐᑍᓕᒋᑦᓯ, ᓯᕗᓕᑦᓯ ᒎᑎᖓᓂᒃ; ᓵᓚᖃᕐᓂᐊᖏᓐᓇᑦᓯ.”

ᔫᐱᐅᑉ ᐊᒡᓚᖏᑦ 13:14

ᐅᕙᓐᓂᒃ ᓂᕆᔭᐅᑎᑦᑐᑎᑐᑦ ᑍᒤᓐᓂᐊᕐᐳᖓ, ᐃᓅᓯᕋ ᑐᓂᕐᕈᑎᒋᔭᑦᑐᑦ ᑍᒤᑕᐅᑎᓪᓗᒍ.

ᐃᓐᖏᕈᑎᑦ 119:109

ᐃᓅᓯᕋ ᑐᓂᑐᐃᓐᓇᕆᐊᖃᕐᑕᑦᑐᑦ ᑎᒍᒥᐊᖏᓐᓇᕐᐸᕋ, ᐱᖁᔭᑎᓪᓕ ᓱᓕ ᐳᐃᒍᓚᐅᓐᖏᓚᒃᑲ.

ᕉᒪᒥᐅᓄᑦ 16:4

ᑖᒃᑯᐊᒃ ᐃᓅᓯᕐᒥᖕᓂ ᑲᑉᐱᐊᓇᕐᑐᒃᑰᓚᐅᕐᒪᑎᒃ ᐅᕙᖓ ᐱᑦᔪᑎᒋᓪᓗᖓ, ᐅᕙᖓᑑᖏᑦᑐᖅ ᐅᒃᐱᕐᑑᖃᑎᒌᓪᓗᑦᑕᐅᖅ ᔫᑎᐅᖏᑦᑐᑦ ᑖᒃᑯᖕᓂᖓ ᖁᔭᓕᖃᑎᒌᒃᐳᒍᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.

ᐃᓗᐊᕐᓮᔩᑦ ᐊᒡᓚᖏᑦ 11:27

ᑍᒤᒻᒪᑦ ᐊᔪᕐᑐᓕᓚᐅᓐᖏᓚᒍᑦ ᐃᓕᑦᓯᓐᓄᑦ, ᑕᒻᒪᕐᐳᑎᑦ ᐅᓇᑕᕋᓱᐊᕋᕕᑦ ᐅᕙᑦᑎᓐᓂᒃ. ᐊᑕᓂᖅ ᐃᖅᑲᕐᑐᐃᔨ ᑖᓐᓇ ᑐᑭᑖᕐᓂᐊᕐᐳᖅ ᐅᓪᓗᒥ ᓇᓪᓕᐊᓐᓄᑦ ᐃᓴᕆᐊᓕᒥᐅᑦ ᐃᓄᖏᓐᓄᓪᓘᓐᓃᑦ ᐅᕝᕙᓘᓐᓃᑦ ᐊᒧᓁᑎᒥᐅᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 12:2

ᔨᑉᑕᐅᑉ ᐅᖃᐅᑎᕔᑦ, “ᐃᓄᖁᑎᒃᑲ ᐊᑭᕋᕐᑑᑎᒃᓴᖃᓚᐅᕐᒪᑕ ᐊᒧᓁᑎᒥᐅᓂᒃ, ᕾᖁᔨᓚᐅᕋᓗᐊᕐᐳᖓ ᐃᓕᑦᓯᓐᓂᒃ ᓴᐳᑦᔨᓚᐅᓐᖏᓚᓯᓕ ᐅᕙᑦᑎᓐᓂᒃ ᑍᒃᑯᓇᓐᖓᑦ.

ᐃᓗᐊᕐᓮᔩᑦ ᐊᒡᓚᖏᑦ 12:4

ᔨᑉᑕᐅᑉ ᒋᓕᐊᑎᒥᐅᑦ ᐊᖑᑎᓕᒫᑦ ᑲᑎᑎᑉᐰᑦ, ᐅᓇᑕᕐᐰᓪᓗ ᐃᕗᕅᒥᐅᑦ ᓵᓚᒋᓪᓗᒋᓪᓗ. ᐃᕗᕅᒥᐅᑦ ᐅᖃᓚᐅᕐᒪᑕ, “ᒋᓕᐊᑦᒥᐅᖑᔪᓯ ᐃᕗᕅᒦᑦᑐᓯ ᒫᓇᓯᒃᑯᓪᓗ ᕿᒤᓯᒪᕗᓯ ᐃᕗᕅᒥᒃ!”

ᐃᓗᐊᕐᓮᔩᑦ ᐊᒡᓚᖏᑦ 9:17

ᐊᑖᑕᒪ ᐅᓇᑕᐅᑎᓚᐅᕐᐹᓯ ᐃᒻᒥᓂᒡᓗ ᐊᑦᑕᕐᓇᕐᑐᒃᑰᕐᑎᓚᐅᕐᐳᖅ, ᓴᐳᑎᓪᓗᓯᓗ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓂᑦ.

ᓴᒧᐃᓕ ᓯᕗᓪᓖᑦ 19:5

ᐃᒻᒥᓂᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᓐᖏᓚᖅ ᑐᖁᑦᓯᔭᕐᑐᕐᑎᓪᓗᒍ ᐱᓕᔅᑍᓂᒥᐅᑕᕐᒥᒃ, ᐊᑕᓂᕐᓗ ᐊᖏᔪᕐᔪᐊᒥᒃ ᐱᐅᓕᒃᓯᓚᐅᕐᐳᖅ ᐃᓴᕆᐊᓕᒥᐅᓂᒃ. ᑕᑯᒐᕕᑦ, ᖁᕕᐊᓱᓚᐅᕐᐳᑎᑦ; ᓱᖕᒪᓪᓕ ᒫᓐᓇ ᐊᔪᕐᑐᓕᔪᒪᕖᑦ ᐊᐅᖕᒥᒃ ᐸᓯᔭᒃᓴᐅᖏᑦᑐᒥᒃ ᑐᖁᑦᓯᔪᒪᓪᓗᑎᑦ ᑍᕕᑎᒥᒃ ᐱᑦᔪᑎᒃᓴᖃᖏᑦᓯᐊᕐᓗᑎᑦ?”

ᓴᒧᐃᓕ ᓯᕗᓪᓖᑦ 28:21

ᐊᕐᓇᐅᓪᓗ ᓴᐅᓕ ᐅᐸᒃᑲᒥᐅᒃ, ᑕᑯᒐᒥᐅᒡᓗ ᑲᑉᐱᐊᓱᓪᓚᕆᖕᓂᖓᓂᒃ, ᐅᖃᐅᑎᕚ, “ᑕᑯᒋᑦ, ᐊᖓᔪᖅᑳᒃ ᐃᓕᖕᓂᒃ ᓈᓚᒃᓱᖓ ᐱᓇᓱᐊᓚᐅᕐᐳᖓ; ᐃᓅᓯᕋ ᖁᔭᓈᕐᓱᒍ ᐱᓇᓱᐊᕐᑕᐅᖁᔭᕐᓂᒃ ᐱᓇᓱᐊᓚᐅᕐᐳᖓ.