4 ᑕᒪᑐᒪ ᑭᖑᓂᖓᒍᑦ ᐊᒧᓁᑎᒥᐅᑦ ᐅᓇᑕᕆᐊᓚᐅᕐᐳᑦ ᐃᓴᕆᐊᓕᒥᐅᓂᒃ.
ᐊᒧᓁᑎᒥᐅᑦ ᐅᓇᑕᕐᓂᕐᒧᑦ ᐸᕐᓇᓕᓚᐅᕐᐳᑦ, ᑕᖕᒫᕐᓗᑎᒡᓗ ᒋᓕᐊᑎᒥ; ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᓚᐅᕆᕗᑦ, ᑕᖕᒫᕐᓗᑎᒡᓗ ᒥᔅᐸᒧᑦ.
ᑕᕝᕙᓂᓗ ᐃᓄᐃᑦ, ᒋᓕᐊᑎᒥ ᓯᕗᓕᕐᑏᑦ ᐃᒻᒥᖕᓄᑦ ᐅᖃᓕᕐᐳᑦ, “ᑭᓇ ᓯᕗᓕᕐᓂᐊᕐᐸ ᐅᓇᑕᕆᐊᕐᓗᓂ ᐊᒧᓁᑎᓂᒃ? ᑖᓐᓇ ᓯᕗᓕᕐᑐᖅ ᐅᓇᑕᕐᓂᕐᒧᑦ ᐊᖓᔪᖅᑳᓐᖑᕐᑎᓐᓂᐊᕐᐸᕗᑦ ᒋᓕᐊᑎᒥ ᓄᓇᖃᕐᑐᓕᒫᓄᑦ.”
ᐊᒧᓁᑎᑦ ᐊᒡᓛᑦ ᐃᑳᓚᐅᕐᐳᑦ ᔪᐊᕐᑕᓂᐅᑉ ᑰᖓᓂᒃ ᐅᓇᑕᕆᐊᕐᓗᑎᒃ ᔫᑕᐅᑉ ᑭᖑᕚᖏᓐᓂᒃ, ᐱᓐᔭᒥᓂᐅᓪᓗ ᑭᖑᕚᖏᓐᓂᒃ, ᐃᕗᕅᑎᒥᐅᓪᓗ ᑭᖑᕚᖏᓐᓂᒃ. ᐃᓴᕆᐊᓕᒥᐅᑦ ᖁᕕᐊᓇᖏᑦᑐᒃᑰᕐᑎᑕᐅᓚᐅᕐᐳᑦ.
ᐊᒧᓁᑎᑦ ᐅᓇᑕᕆᐊᕐᒪᑕ ᐃᓴᕆᐊᓕᒥᐅᓂᒃ, ᒋᓕᐊᑎᒥᐅᑦ ᐊᖓᔪᖅᑳᖏᑕ ᐂᕚᑦ ᔨᑉᑕ ᓄᓇᒥᑦ ᑑᑉᒥᑦ.
ᓇᕼᐊᔅ ᐊᒧᓁᑎᒥᐅᑕᖅ ᐅᓇᑕᕆᐊᕐᐳᖅ ᔭᐲᓯ-ᒋᓖᑎᒧᑦ ᓵᓚᒋᓪᓗᒍᓗ; ᑕᕝᕙ ᔭᐲᓯᐅᑉ ᐃᓄᖏᑦ ᐅᖃᕐᐳᑦ ᓇᕼᐊᔅᒧᑦ, “ᐊᖏᖃᑎᒌᓚᐅᕐᑕ ᐃᓕᖕᓂᒃ ᐱᔨᑦᓯᕐᓂᐊᕐᐳᒍᑦ.”
