ᐃᓗᐊᕐᓮᔩᑦ ᐊᒡᓚᖏᑦ 10:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓴᕆᐊᓕᒥᐅᑦ ᓱᓕ ᐊᔪᕐᑐᓕᓚᐅᕆᕗᑦ ᐊᑕᓂᕐᒧᑦ ᑐᓯᐊᕐᓂᕐᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᓂᕐᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᒥᒃ ᕿᒤᓚᐅᕐᐳᑦ ᑐᒃᓯᐊᕐᕕᒋᔪᓐᓁᕐᓗᒍᓗ.

ᐃᓗᐊᕐᓮᔩᑦ ᐊᒡᓚᖏᑦ 10:6 Iomraidhean Croise

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 11:5

ᓲᓗᒨᓂ ᑐᒃᓯᐊᖃᑦᑕᓕᓚᐅᕐᐳᖅ ᐋᔅᑕᕉᑎᒧᑦ ᐊᕐᓇᐅᓪᓗᓂ ᓮᑐᓂᒥᐅᑦ ᒎᑎᓐᖑᐊᖓᓄᑦ, ᒧᓕᑭᒧᓪᓗ ᐊᒧᓁᑎᑦ ᒎᑎᓐᖑᐊᖓᓄᑦ ᒎᑎᐅᑉ ᓇᕐᕈᒋᔭᖓᓄᑦ.

ᐊᑕᓃᑦ ᓯᕗᓪᓖᑦ 11:7

ᓲᓗᒨᓂ ᓴᓇᓚᐅᕆᕗᖅ ᑐᒃᓯᐊᕐᕕᖕᒥᒃ ᑭᒨᓯᒧᑦ ᒧᐊᐱᒥᐅᑦ ᒎᑎᓐᖑᐊᖓᓐᓄᑦ ᒎᑎᐅᑉ ᓇᕐᕈᒋᔭᖓᓄᑦ, ᑐᒃᓯᐊᕐᕕᖕᒥᒡᓗ ᒧᓕᑭᒧᑦ ᐊᒧᓁᑎᒥᐅᑦ ᒎᑎᓐᖑᐊᖓᓂᒃ ᒎᑎᐅᑉ ᓇᕐᕈᒋᔭᖓᓂᒃ ᔨᕉᓴᓕᐅᑉ ᑕᓕᕐᐱᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ.

ᐊᑕᓃᑦ ᓯᕗᓪᓖᑦ 16:31

ᖃᓄᐃᖏᓐᓂᕐᓴᐅᔮᓚᐅᕐᐳᖅ ᐃᓅᓚᐅᕈᓂ, ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖓᑐᑦ, ᓄᓕᐊᓂᓚᐅᕐᒪᑦ ᔨᔨᐱᐅᓪᒥᒃ ᐊᖓᔪᖅᑳᕐᔪᐊᑉ ᐃᔅᐱᐊᓚᐅᑉ ᓮᑐᓂᒥᐅᑕᐅᑉ ᐸᓂᖓᓂᒃ, ᐰᓕᒥᒡᓗ ᒎᑎᓐᖑᐊᖃᓚᐅᕐᐳᖅ ᐱᓇᓱᐊᓚᐅᕐᒪᑦ ᐅᐱᒍᓱᖕᓂᕐᒧᓪᓗ ᑐᒃᓯᐊᕐᕕᒋᓪᓗᒍ.

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᐊᑕᓃᑦ ᐂᑉᐸᖏᑦ 23:13

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐱᓪᓚᕆᒋᔭᐅᓪᓗᑎᒃ ᑐᒃᓯᐊᕐᕕᐅᖃᑦᑕᕐᑐᕕᓃᑦ ᐊᑐᕐᑕᐅᔪᓐᓁᓪᓕᑎᑉᐰᑦ ᔨᕉᓴᓕᐅᑉ ᓯᕿᓂᐊᑕ ᓇᓛᓃᑦᑐᑦ ᐱᖒᑉ ᐱᐅᖏᑦᑐᓕᕝᕕᖕᒥᒃ ᑍᔭᐅᔫᑉ ᓯᕿᓂᖓᓃᑦᑐᑦ, ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᓇᔭᐅᑎᑕᕕᓂᖏᑦ ᒎᑎᓐᖑᐊᒧᑦ ᐋᔅᑕᕉᑎᒥᒃ ᑍᔭᐅᔪᒧᑦ ᓮᑐᓂᐊᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ, ᑭᒨᓯᓗ ᒧᐊᐱᒥᐅᑦ ᒎᑎᓐᖑᐊᖓᓄᑦ ᓇᕐᕈᓇᕐᑐᒧᑦ, ᒥᐅᓪᑲᒻᒧᓪᓗ ᐊᒧᓁᑎᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ.

ᑯᕉᓂᑲ ᐂᑉᐸᖏᑦ 28:23

ᑐᓂᕐᕈᓯᖃᑦᑕᓚᐅᕐᐳᖅ ᑕᒫᓯᑰᓯᐅᑉ ᒎᑎᓐᖑᐊᖏᓐᓄᑦ ᓵᓚᒋᔨᒋᓚᐅᕐᑕᒥᓄᑦ, ᐅᖃᕐᓗᓂ, “ᓯᕆᐊᒥᐅᑦ ᐊᖓᔪᖅᑳᕐᔪᐊᖏᑦ ᐃᑲᔪᓚᐅᕐᒪᒋᑦ, ᑐᓂᕐᕈᓯᕐᕕᒋᔪᒪᕙᒃᑲ ᐃᑲᔪᕐᑕᐅᓂᐊᕐᒪᖔᕐᒪ ᑖᒃᑯᓄᖓ.” ᑖᒃᑯᐊᓕ ᓱᒃᑯᑕᐅᑦᔪᑎᒋᖔᓚᐅᕐᐰᑦ, ᐃᓴᕆᐊᓕᒥᐅᓕᒫᓪᓗ.

ᐃᓐᖏᕈᑎᑦ 106:36

ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᖃᑦᑕᓕᓚᐅᕐᐳᑦ: ᑕᒪᑐᒧᖓᓗ ᑕᕝᕙ ᓂᒐᕐᑎᑕᐅᑦᔪᑎᖃᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 23:4

ᓮᑐᓂᒥ ᐃᒡᓗᒐᓴᒡᔪᐊᖃᕐᑐᓯ ᑲᓐᖑᓇᕐᑐᒥᒃ ᐊᑐᕐᐳᓯ! ᑕᕆᐅᑉ ᐃᒪᕐᔪᐊᓪᓗ ᐃᑎᔪᑦ ᓇᕐᕈᒋᓪᓗᓯ ᐅᖃᕐᐳᑦ, “ᕿᑐᕐᖓᕐᑖᓚᐅᕐᓯᒪᓐᖏᓚᖓ: ᐱᕈᕐᓮᓚᐅᕐᓯᒪᓇᖓᓗ ᐊᖑᑎᓂᒃ ᐊᕐᓇᓂᒡᓗ.”

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 32:23

ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 27:16

ᐱᖁᑎᓕᐊᓘᒐᑦᓯ ᓯᕆᐊᒥᐅᑦ ᓂᐅᕕᐊᕆᕙᒃᐰᑦ; ᑕᐅᕐᓯᐅᑎᔭᐅᕙᒃᐳᑦ ᐅᔭᕋᖕᓄᑦ ᑕᑯᒥᓇᕐᑐᓄᑦ ᐃᒧᕋᐅᓪᓄᑦ, ᖃᓪᓗᓈᕐᑕᑦᓯᐊᓄᓪᓗ ᐊᐅᐸᓪᓚᕆᒃᑐᓄᑦ, ᓵᑦᑐᓄᓪᓗ ᑕᕐᓯᕐᑐᕐᓯᒪᔪᓄᑦ ᖃᓪᓗᓈᕐᑕᓄᑦ ᓵᑦᑐᓄᑦ, ᐃᒪᕐᒥᐅᑕᓄᑦ ᐅᔭᕋᕈᕐᓂᑯᓄᑦ, ᐊᓕᒎᔭᕐᓄᑦ ᐊᐅᐸᕐᑐᓄᑦ ᐊᑭᓕᕐᑕᐅᓪᓗᑎᒃ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 13:8

ᑍᒤᓕᐅᕐᑐᒧᑦ ᓴᖑᑎᑕᐅᑦᑍᓕᒋᑦ, ᓈᓚᖕᓂᐊᕐᓇᒍᓘᓐᓃᑦ, ᓇᒡᓕᒋᓕᕐᓂᐊᕐᓇᒍᓘᓐᓃᑦ, ᓈᒃᑭᒋᓕᕐᓂᐊᕐᓇᒍᓘᓐᓃᑦ.

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᔮᓱᐊᑉ ᐊᒡᓚᖏᑦ 13:31

ᒋᓕᐊᑎᐅᓪᓗ ᕿᑎᖅᑲᓕᒫᖓ, ᐱᖃᓯᐅᑎᓪᓗᒋᑦ ᐋᔅᑕᕉᑎᓗ, ᐃᑐᕆᐂᓗ, ᐃᒡᓗᒐᓮᓪᓗ ᐋᒡ ᐊᖓᔪᖅᑲᐅᕕᖓᓃᑦᑐᑦ ᐹᓴᓂᒥᐅᑦ ᐊᖓᔪᖅᑳᕐᔪᐊᖓᑦᑕ, ᑖᒃᑯᐊᓕᒫᑦ ᑐᓂᔭᐅᕗᑦ ᒪᑬᕆᐅᑉ ᑭᖑᕚᖏᑕ ᐊᕝᕙᖏᓐᓄᑦ ᒫᓇᓯᐅᑉ ᐃᕐᓂᖓᓄᑦ, ᑭᖑᕚᕇᖑᓂᖏᑦ ᒪᓕᒡᓗᒋᑦ ᐊᕕᒃᑐᕐᑕᐅᖁᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 10:5

ᔧᕆ ᑐᖁᓚᐅᕐᐳᖅ ᐃᓗᕕᕐᑕᐅᓪᓗᓂᓗ ᑲᒪᓐ-ᒥ.

ᐃᓗᐊᕐᓮᔩᑦ ᐊᒡᓚᖏᑦ 11:24

ᓄᓇᖁᑎᑖᕆᔪᒪᓐᖏᓚᓯᐅᒃ ᑭᒨᓯᐅᑉ ᒎᑎᓐᖑᐊᑦᓯ ᓄᓇ ᑐᓃᓚᐅᕐᑕᖓ ᐃᓕᑦᓯᓐᓄᑦ? ᐅᕙᒍᓪᓕ ᐱᓯᒤᓐᓇᕐᓂᐊᕆᕙᕗᑦ ᐊᑕᓂᐅᑉ, ᒎᑎᑦᑕ ᐊᕐᓵᕐᓯᑦᔪᑎᒋᓚᐅᕐᑕᖓ ᐅᕙᑦᑎᓐᓄᑦ ᑐᓂᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 13:1

ᓱᓕ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᑕᒃᑯᐊᓂ, ᐊᑕᓂᐅᓪᓗ ᑐᓂᓚᐅᕐᐰᑦ ᐱᓕᔅᑍᓂᒥᐅᓄᑦ ᐊᕐᕌᒍᓄᑦ 40ᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 16:23

ᐱᓕᔅᑍᓂᒥᐅᑦ ᐊᖓᔪᖅᑳᖏᑦ ᑲᑎᓚᐅᕐᐳᑦ ᐱᕕᒡᔪᐊᒥᖕᓂᒃ ᑐᓂᕐᕈᓯᕆᐊᕐᑐᕐᓗᑎᒃ ᒎᑎᒥᖕᓄᑦ ᑍᒐᓂᒧᑦ, ᖁᕕᐊᓱᒋᐊᕐᑐᕐᓗᑎᒡᓗ ᐅᖃᓚᐅᕋᒥᒃ, “ᒎᑎᑦᑕ ᐊᑭᕋᕗᑦ ᓵᒻᓲᓂ ᑐᓂᓚᐅᕐᐹ ᐅᕙᑦᑎᓐᓄᑦ!”

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 4:1

ᐃᓴᕆᐊᓕᒥᐅᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᕐᒧᑦ. ᐃᕼᐅᑦ ᑐᖁᓂᖓᑕ ᑭᖑᓂᐊᒍᑦ.

ᐃᓗᐊᕐᓮᔩᑦ ᐊᒡᓚᖏᑦ 6:1

ᐃᓴᕆᐊᓕᐅᑉ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ, ᑍᒤᒻᒪᑦ ᒥᑎᐊᓂᒥᐅᓄᑦ ᐊᐅᓚᑕᐅᑎᓚᐅᕐᐰᑦ ᐊᕐᕌᒍᓂᒃ 7ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 8:33

ᒋᑎᐅᓂᐅᓪᓗ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᐅᑉ ᑭᖑᕚᖏᑦ ᐊᓯᓐᓂᐊᓕᕇᓚᐅᕆᕗᑦ ᒎᑎᒥᒃ, ᑐᒃᓯᐊᕐᐸᓕᕐᓗᑎᒃ ᐰᓕᒧᑦ, ᓴᓇᓚᐅᕐᐳᑦ ᐰᓕ-ᐱᕆᑎᒥᒃ ᒎᑎᑖᕆᓪᓗᒍᓗ.

ᓴᒧᐃᓕ ᓯᕗᓪᓖᑦ 5:2

ᑕᕝᕙ ᐱᓕᔅᑍᓂᒥᐅᑦ ᑐᒃᓯᐊᕐᕕᖕᒥᓅᕈᑎᓚᐅᕐᐹᑦ ᒎᑎᓐᖑᐊᒧᑦ ᑍᒐᓐᒧᑦ, ᓴᓇᓐᖑᐊᕐᓯᒪᔪᒧᑦ ᑖᑦᓱᒪᓗ ᓴᓂᐊᓄᐊᕐᐹᑦ.