ᐃᓗᐊᕐᓮᔩᑦ ᐊᒡᓚᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔫᑕᒃᑯᓪᓗ ᐅᓇᑕᕆᐊᓚᐅᕐᐳᑦ ᑲᑐᑦᔨᓪᓗᑎᒃ. ᐊᑕᓂᐅᑉ ᓵᓚᖃᕐᑎᓚᐅᕐᐰᑦ ᑬᓇᓂᒥᐅᓂᒃ ᐱᕆᔧᑎᒥᐅᓂᒡᓗ; ᓵᓚᖃᓚᐅᕐᐳᑦ 10,000ᓂᒃ ᓄᓇᒥ ᐲᔨᒃᒥ.

ᐃᓗᐊᕐᓮᔩᑦ ᐊᒡᓚᖏᑦ 1:4 Iomraidhean Croise

ᐊᑕᓃᑦ ᓯᕗᓪᓖᑦ 22:15

ᐊᖓᔪᖅᑳᕐᔪᐊᒧᑦ ᑎᑭᒻᒪᑦ, ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᒤᑬᐊ, ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑦᒧᑦ, ᐅᕝᕙᓘᓐᓃᑦ ᐅᓇᑕᕆᐊᕆᐊᖃᓐᖏᓚᒍᑦ?” ᑭᐅᕗᖅ, “ᐅᓇᑕᕆᐊᓕᕆᑦ ᓵᓚᖃᕆᐊᕐᑐᕐᓗᑎᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐊᑕᓃᑦ ᓯᕗᓪᓖᑦ 22:6

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, 400 ᖃᓂᒋᔮᓃᑦᑐᑦ, ᐅᖃᐅᑎᕔᓪᓗ, “ᕌᒪᑦ-ᒋᓖᑦᒦᑦᑐᒧᑦ ᐅᓇᑕᕆᐊᕐᑐᒃᓴᐅᕗᖔ, ᐅᕝᕙᓗ ᐅᓇᑕᕆᐊᕆᐊᖃᓐᖏᓚᖓ?” ᑖᒃᑯᐊ ᐅᖃᐅᑎᕚᑦ, “ᐅᓇᑕᕆᐊᓕᕆᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐃᓐᖏᕈᑎᑦ 44:2

ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᒨᓯᓯ ᑕᓪᓕᒪᖏᑦ 7:2

ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᐃᓗᐊᕐᓮᔩᑦ ᐊᒡᓚᖏᑦ 1:3

ᔫᑕᒃᑯᑦ ᐅᖃᕐᐳᑦ ᓯᒥᐅᓂᒃᑯᓐᓄᑦ, “ᐱᖃᑎᒋᓚᐅᕐᑎᒍᑦ ᓄᓇᒧᑦ ᓇᓚᐅᑦᑖᕈᑎᒃᑯᑦ ᕾᑕᐅᔪᒧᑦ, ᑲᑐᑦᔨᓗᑕ ᐅᓇᑕᕐᓂᐊᕋᑦᑕ ᑬᓇᓂᒥᐅᓂᒃ; ᐅᕙᒍᑦᑕᐅᖅ ᐱᖃᑎᒋᓂᐊᕆᕙᑦᑎᒋᑦ ᓄᓇᒧᑦ ᑐᓂᔭᐅᔪᒥᒃ ᐃᓕᑦᓯᓐᓄᑦ.” ᑍᒤᒻᒪᑦ ᓯᒥᐅᓂᒃᑯᑦ ᐱᖃᑕᐅᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 1:5

ᑕᕝᕙᓂᓗ ᑲᑎᓯᕗᑦ ᐊᑐᓁ-ᐱᔨᒃᒥᒃ ᓄᓇᒥ ᐲᔨᒃᒥ, ᐅᓇᑕᓕᕐᐰᓪᓗ; ᓵᓚᒋᓪᓗᒋᓪᓗ ᑬᓇᓂᒥᐅᑦ ᐱᕆᔧᑎᒥᐅᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 11:32

ᔨᑉᑕᓗ ᐃᑳᓚᐅᕐᐳᖅ ᑰᒃᑯᑦ ᐅᓇᑕᕆᐊᕐᓗᓂ ᐊᒧᓁᑎᒥᐅᓂᒃ, ᐊᑕᓂᐅᓪᓗ ᓵᓚᖃᕐᑎᑉᐹ.

ᐃᓗᐊᕐᓮᔩᑦ ᐊᒡᓚᖏᑦ 3:5

ᐃᓴᕆᐊᓕᒥᐅᑦ ᓄᓇᖅᑲᑎᖃᓚᐅᕐᐳᑦ ᑬᓇᓂᒥᐅᓂᒃ, ᕼᐃᑍᑎᓂᒡᓗ, ᐊᒧᕅᑎᓂᒡᓗ, ᐱᕆᔧᑎᓂᒡᓗ, ᕼᐃᕔᑎᓂᒡᓗ, ᔨᐳᓮᑎᓂᒡᓗ.

ᓴᒧᐃᓕ ᓯᕗᓪᓖᑦ 11:8

ᓴᐅᓕᐅᑉ ᑲᑎᑎᓐᓇᒥᒋᑦ ᓄᓇᒥ ᐲᔨᒃᒥ, ᐊᖑᑎᑦ ᐃᓴᕆᐊᓕᒥᐅᑦ 300,000ᐅᕗᑦ, ᔫᑕᒥᐅᓪᓗ ᐊᖑᑎᑦ 30,000ᓗᑎᒃ.

ᓴᒧᐃᓕ ᓯᕗᓪᓖᑦ 14:10

ᐅᖃᕐᐸᑕᓕ, ‘ᕾᒋᑦᓯᒃ ᒪᐅᖓ,’ ᑕᕝᕙ ᐂᓂᐊᕐᐳᒍᒃ; ᑕᒪᓐᓇ ᓇᓗᓁᒃᑯᑕᐅᔪᒫᕐᐳᖅ ᐊᑕᓂᐅᑉ ᓵᓚᖃᕐᑎᑦᓯᔪᒫᕐᓂᖓᓂᒃ.”

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”