ᐃᓗᐊᕐᓮᔩᑦ ᐊᒡᓚᖏᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᔫᑕᐅᑉ ᑭᖑᕚᖏᑦ ᓵᓚᖃᓚᐅᕆᕗᑦ ᓄᓇᒥᒃ ᒑᓴᒥᒃ ᖃᓂᒋᔭᖓᓃᑦᑐᓕᒫᓂᒡᓗ, ᓄᓇᒥᒡᓗ ᐊᓯᑭᓗᓂᒥᒃ ᖃᓂᒋᔭᓕᒫᖏᓐᓂᒡᓗ, ᐃᑯᕋᓂᒥᒡᓗ ᖃᓂᒋᔭᓕᒫᖏᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 1:18 Iomraidhean Croise

ᐊᑕᓃᑦ ᓯᕗᓪᓖᑦ 4:24

ᓲᓗᒨᓂ ᐊᐅᓚᑦᓯᓚᐅᕐᐳᖅ ᓄᓇᓂᒃ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓂᒃ ᑰᑉ ᐃᕗᕅᑎᐅᑉ ᑎᑉᓴᒥᑦ ᒑᓴᒧᑦ, ᐊᒻᒪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓄᑦ ᒑᓴ ᑎᑭᓪᓗᒍ, ᑕᒪᕐᒥᒃ ᐊᖓᔪᖅᑳᕐᔪᐊᑦ ᐃᕗᕅᑎᐅᑉ ᖃᓂᒋᔭᖓᓃᑦᑐᓕᒫᑦ ᑖᑦᓱᒥᖓ ᓈᓚᓯᐊᓚᐅᕐᐳᑦ, ᓮᓕᓇᓯᐊᕐᑐᒥᒡᓗ ᐃᓅᓯᖃᕐᑎᑕᐅᓪᓗᓂ ᖃᓂᒋᔭᖓᓃᑦᑐᓕᒫᓂᑦ.

ᒨᓯᓯ ᐂᑉᐸᖏᑦ 23:31

ᓄᓇᒋᓂᐊᕐᑕᑦᓯᓗ ᑭᒡᓕᖃᕐᑎᓐᓂᐊᕐᐸᕋ ᐃᒪᕐᒥᑦ ᐊᐅᐸᓗᒃᑕᒥᑦ ᐱᒋᐊᕐᓗᒍ ᐱᓕᔅᑍᓂᐅᑉ ᐃᒪᖓᓄᑦ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᐃᕗᕅᑎᐅᑉ ᑰᖓᓄᑦ ᑎᑭᓪᓗᒍ; ᑕᒫᓂᓗ ᓄᓇᖃᕐᑐᑦ ᐃᓕᑦᓯᓐᓄᑦ ᑐᓂᓂᐊᕐᐸᒃᑲ, ᐃᓕᑦᓯᓪᓗ ᑕᒫᓐᖓᑦ ᓄᓇᒥᑦ ᐊᓂᑎᓐᓂᐊᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 25:20

ᓄᓇᓕᑐᖃᐅᖏᑦᑐᓪᓗ ᑍᑲᓃᑦᑐᑦ; ᐊᖓᔪᖅᑳᕐᔪᐊᓕᒫᓪᓗ ᓄᓇᒥ ᐅᔾᒥ; ᐊᖓᔪᖅᑳᕐᔪᐊᓕᒫᑦ ᐱᓕᔅᑍᓂᒥ ᐅᑯᓇᓂ, (ᐊᓯᑭᓗᓂᒥ, ᒑᓴᒥ, ᐃᑯᕋᓂ, ᐃᓄᐃᓪᓗ ᐊᒥᐊᒃᑰᓯᒪᔪᑦ ᐋᔅᑖᑦᒥ.)

ᔨᕆᒤᐊᐅᑉ ᐊᒡᓚᖏᑦ 47:5

ᒑᓴᒥᐅᑦ ᕿᒃᓵᖕᓂᕐᒧᑦ ᓄᔧᔭᕐᓯᒪᓂᐊᕐᐳᑦ, ᐊᓯᑭᓗᓂᒥᐅᑦ ᓂᐱᖃᕈᓐᓃᕐᓗᑎᒃ, ᓄᓇᑐᐃᓐᓇᕐᒥᐅᑕᐅᔪᓯ ᖃᓄᖅ ᐊᑯᓂᐅᑎᒋᔪᖅ ᐃᓕᑦᓯᓐᓂᒃ ᑭᓪᓕᐊᓂᐊᕐᐱᓰ?

ᒨᓯᓯ ᑕᓪᓕᒪᖏᑦ 2:23

ᐃᒪᕐᔪᐊᓪᓕ ᒥᑎᑎᕆᓂᐊᑉ ᐋᐅᐃᒥᐅᑦ ᓯᓈᓃᑦᑐᑦ ᓄᓇᓖᑦ ᓄᓇᑖᕆᔭᐅᓯᒪᕗᑦ ᕿᑭᕐᑕᒥᐅᑕᕐᓂᑦ ᑲᑉᕼᐊᑐᐊᕆᒥᐅᓂᑦ, ᑕᒫᓂ ᓄᓇᓕᑐᖃᐅᓚᐅᕐᑐᑦ ᓄᖑᑕᐅᓚᐅᕐᐳᑦ, ᓄᓇᓕᒫᖓᓗ ᓄᓇᑖᕆᔭᐅᓪᓗᓂ ᑕᒪᑐᒪ ᓄᓇᐅᑉ ᓯᕿᓂᖓᓃᑦᑐᑦ ᒑᓴᒥᐅᑦ ᐊᒡᓛᑦ ᑎᑭᓪᓗᒋᑦ.)

ᔮᓱᐊᑉ ᐊᒡᓚᖏᑦ 11:22

ᐊᓇᑭᒥᐅᓂᑦ ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᓚᐅᓐᖏᓚᖅ ᐃᓴᕆᐊᓕᒥᐅᑦ ᓄᓇᖓᓂ; ᐅᓄᖏᑦᑐᑦ ᐊᒥᐊᒃᑯᒋᔭᑑᓚᐅᕐᐳᑦ ᓄᓇᓕᖕᓂ ᐅᑯᓇᓂ ᒑᓴᒥ, ᒑᑎᒥ, ᐋᔅᑖᑦᒥᓗ.

ᔮᓱᐊᑉ ᐊᒡᓚᖏᑦ 13:3

ᓮᕼᐅᕆᐅᓪᓗ ᓄᓇᖓ ᓄᓇᒥᑦ ᓯᕼᐅᐊᑉ ᑰᖓᓂᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓂᑦ, ᑕᕐᕋᒧᑦ ᐃᑯᕋᓂᐅᑉ ᓄᓇᖁᑎᖓᑕ ᑭᒡᓕᖓᓄᑦ ᑬᓇᓂᒥᐅᓄᑦ ᓄᓇᒋᔭᐅᓂᕋᕐᑕᐅᔪᒧᑦ ᑎᑭᓪᓗᒍ; ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᓄᓇᖃᕐᑐᑦ ᐅᑯᓇᓂ ᒑᓴᒥ, ᐋᔅᑖᑦᒥ, ᐊᓯᑭᓗᓂᒥ, ᒑᑎᒥ, ᐃᒃᕌᒥᓗ, ᐋᐅᐃᒥᐅᓕᒫᓪᓗ.

ᔮᓱᐊᑉ ᐊᒡᓚᖏᑦ 15:11

ᓄᓇᐅᑉ ᑭᒡᓕᖓ ᑎᑭᐅᒪᕗᖅ ᐅᓐᓄᐊᓪᓗᐊᒧᑦ ᖃᖅᑲᒧᑦ ᐃᑯᕋᓂᒧᑦ, ᑕᕝᕙᓐᖓᑦ ᓴᖑᓪᓗᓂ ᓯᑭᕉᓂᐅᑉ ᓇᓛᓄᑦ, ᖃᖅᑲᖅ ᐹᓚ ᖄᖏᕐᓗᒍ, ᑲᔪᓯᓪᓗᓂ ᔭᑉᓂᐅᓪᒧᑦ ᐃᓱᖃᕐᐳᖅ; ᐊᒻᒪ ᑕᕝᕙᓐᖓᑦ ᒥᑎᑎᕆᓂᐊᑉ ᑕᕆᐅᖓᓄᑦ ᑎᑭᐅᒪᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 14:19

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᑐᕐᔪᐊᖑᓪᓗᓂ ᑎᑭᑉᐹ, ᑕᐅᓄᖓᓗ ᐂᕗᖅ ᐊᓯᑭᓗᓂᒧᑦ, ᑕᕝᕙᓂᓗ ᐊᖑᑎᓂᒃ 30ᓂᒃ ᐃᒡᓗᒐᓴᒡᔪᐊᕐᒥᐅᓂᒃ ᑐᖁᑦᓯᓪᓗᓂ, ᐊᓐᓄᕅᔭᕐᐰᑦ, ᐊᓐᓄᕌᓪᓗ ᑐᓂᓪᓗᒋᑦ ᐊᖑᑎᓄᑦ ᐅᖃᓐᖑᐊᕈᓯᐅᑉ ᑐᑭᖓᓂᒃ ᓇᓚᐅᑦᓯᓚᐅᕐᑐᓄᑦ. ᐊᒃᓱᐊᓗᒃ ᓂᓐᖓᐅᒪᓪᓗᓂ ᐊᑖᑕᒥ ᐃᒡᓗᖓᓄᑦ ᐅᑎᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 16:21

ᐱᓕᔅᑍᓂᒥᐅᑦ ᑎᒍᕚᑦ, ᐃᔨᖏᒡᓗ ᖃᕐᓗᒋᒃ, ᐂᑎᑉᐹᓗ ᒑᓴᒧᑦ, ᕿᓚᒃᓱᕐᓗᒍᓗ ᑲᓐᓄᔭᓄᑦ ᐊᕐᓵᕐᑑᔭᓄᑦ; ᓯᖃᓪᓕᑎᑦᓯᕕᖕᒥᓗ ᑎᒍᔭᐅᓯᒪᕕᖕᒥ ᓯᖃᓪᓕᑎᑦᓯᔨᐅᑎᑕᐅᓕᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 3:3

ᑖᒃᑯᐊ ᓄᓇᕾᓐᓇᓚᐅᕐᑐᑦ ᐱᓕᔅᑍᓂᒥ ᑕᓪᓕᒤᑦ ᐃᒡᓗᒐᓮᑦ ᑬᓇᓂᒥᐅᓪᓗ ᐃᓘᓐᓇᑎᒃ, ᓮᑐᓂᒥᐅᑦ, ᕼᐃᕔᑎᓪᓗ ᓄᓇᖃᕐᑐᑦ ᓕᐸᓇᓂᐅᑉ ᖃᖅᑲᖏᓐᓂ, ᖃᖅᑲᒥᑦ ᐰᓕ-ᕼᐊᕐᒪᓐᒥᑦ ᕼᐊᒫᑎ ᑎᑭᓪᓗᒍ.

ᓴᒧᐃᓕ ᓯᕗᓪᓖᑦ 6:17

ᐱᓕᔅᑍᓂᒥᐅᑦ ᑐᓂᓯᓚᐅᕐᐳᑦ ᒎᓗᓂᒃ ᑕᓪᓕᒪᓂᒃ ᖃᓂᒪᓯᕐᓂᒃ ᐋᖅᑭᒃᑕᐅᔪᓐᓇᖏᑦᑐᓂᒃ ᓴᓇᓐᖑᐊᕐᓯᒪᔪᓂᒃ ᑖᒃᑯᐊ ᑐᓂᕐᕈᑕᐅᓪᓗᑎᒃ ᐊᑕᓂᕐᒧᑦ ᐊᑭᓕᐅᑎᒃᓴᐅᖁᓪᓗᒋᑦ ᐸᓯᔭᒃᓴᐅᓂᕐᒥᖕᓄᑦ: ᐃᒡᓗᒐᓴᖕᓂᑦ ᐅᑯᓇᓐᖓᑦ ᐱᑎᓪᓗᒋᑦ ᐋᔅᑖᑦ, ᒑᓴ, ᐊᓯᑭᓗᓂ, ᒑᑎ, ᐃᑯᕋᓂᒥᓪᓗ.