ᐃᓗᐊᕐᓮᔩᑦ ᐊᒡᓚᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᔫᑕᒥᐅᓪᓗ ᑲᔪᓯᓚᐅᕐᐳᑦ ᑬᓇᓂᒥᐅᓄᑦ ᓄᓇᓕᖕᓄᑦ ᐃᒡᓗᒐᓴᖕᓄᑦ ᕼᐃᐸᕋᓐᒥᑦ, ᓯᕗᓂᖓᒍᑦ ᑍᔭᐅᓚᐅᕐᑑᒐᓗᐊᖅ ᑭᕆᐊᑦ-ᐊᕋᐸᒥᒃ, ᓵᓚᒋᓚᐅᕐᐰᓪᓗ ᐃᓚᒌᑦ ᓯᓮᒃᑯᑦ, ᐊᕼᐂᒪᓐᑯᑦ, ᑕᓪᒤᒃᑯᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 1:10 Iomraidhean Croise

ᒨᓯᓯ ᓯᕗᓪᓖᑦ 23:2

ᓵᕋᓗ ᑐᖁᓚᐅᕐᐳᖅ ᓄᓇᒥ ᑭᕆᐊᑦ-ᐊᕋᐸᒥ (ᑍᔭᐅᔪᖅ ᕼᐃᐸᕋᓐᒥᒃ) ᑬᓇᓂᒥ, ᐂᑉᕋᕼᐋᒻᓗ ᐅᐸᒃᓗᒍ ᕿᒃᓵᒍᑎᒋᕚ ᓵᕋ ᕿᐊᑦᔪᑎᒋᓪᓗᒍ.

ᒨᓯᓯ ᓯᕗᓪᓖᑦ 37:14

ᐅᖃᐅᑎᕚᓗ, “ᑍᒃᑯᓄᓐᖓᓚᐅᕆᑦ, ᑕᑯᔭᕐᑐᕐᓗᑎᑦ ᐊᖓᔪᑎᑦ ᓰᐱᖁᑎᕗᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ; ᐅᑎᕈᕕᑦ ᑐᓴᕐᑎᑦᓱᒫᕋᕕᖓ.” ᑕᕝᕙᓐᖓᑦ ᕼᐃᐸᕋᓂᐅᑉ ᓇᕐᓴᖓᓂᑦ ᑎᓕᖕᒪᒍ, ᓯᑭᒻᒧᐊᓕᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 9:23

ᐃᒫᒃ ᐊᑕᓂᖅ ᐅᖃᕐᐳᖅ, “ᓯᓚᑐᔪᑦ ᓯᓚᑐᓂᕐᒥᖕᓂᒃ ᓂᕐᑐᕐᑕᐅᑦᔪᑎᖃᕈᒪᑦᑍᓕᓕᑦ, ᓴᓐᖏᔪᓪᓗ ᓴᓐᖏᓂᕐᒥᖕᓂᒃ, ᐊᔪᕐᓴᖏᑦᑐᓪᓗ ᐊᔪᕐᓴᖏᓐᓂᕐᒥᖕᓂᒃ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᒨᓯᓯ ᓯᑕᒪᖏᑦ 13:33

ᑖᕙᓂ ᑕᑯᓚᐅᕐᐳᒍᑦ ᐃᓄᒃᐸᓂᒃ (ᐊᓇᑭᐅᑉ ᑭᖑᕚᖏᑦ ᐃᓄᒃᐸᓂᑦ ᐱᓯᒪᖕᒪᑕ); ᐅᕙᒍᓪᓕ ᖁᐱᕐᕈᑎᑐᑦ ᐱᒡᓕᕐᑕᐅᔮᕐᑐᑎᑐᑦ ᑍᒤᓚᐅᕐᐳᒍᑦ ᑕᐅᑐᒃᑕᑦᑎᒍᑦ, ᑍᒫᒃᑕᐅᖅ ᑍᒃᑯᓇᓐᖓᑦ ᑕᐅᑐᒃᑕᐅᓪᓗᑕ.”

ᔮᓱᐊᑉ ᐊᒡᓚᖏᑦ 10:36

ᑕᒪᑐᒪ ᑭᖑᕐᖓᒍᑦ ᔮᓱᐊ ᐅᓇᑕᕐᑎᖏᓪᓗ ᐊᐅᓪᓚᕐᐳᑦ ᐃᒡᓚᓐᒥᑦ ᕼᐃᐸᕋᓐ ᖃᖅᑲᖏᓐᓄᑦ, ᐅᓇᑕᕆᐊᕐᓗᒋᑦ.

ᔮᓱᐊᑉ ᐊᒡᓚᖏᑦ 14:15

ᑍᑦᓱᒪ ᕼᐃᐸᕋᓐ ᑍᔭᐅᓚᐅᕐᐳᖅ ᑭᕆᐊᑦ-ᐊᕋᐸᐅᑉ ᐃᒡᓗᒐᓴᖏᓐᓂᒃ; ᑖᓐᓇ ᐋᕐᐸ ᐱᔪᓐᓇᕐᓂᕐᐹᖑᓚᐅᕐᑐᖅ ᐊᓇᑭᒥᐅᓂᑦ. ᑭᖑᓂᖓᒍᑦ ᑕᒪᓐᓇ ᓄᓇ ᐅᓇᑕᕐᕕᐅᖏᑦᓯᐊᓕᓚᐅᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 1:20

ᒨᓯᓯᐅᑉ ᐱᖁᔨᓂᕆᓚᐅᕐᑕᖓ ᒪᓕᒡᓗᒍ ᕼᐃᐸᕋᓐ ᑐᓂᔭᐅᓚᐅᕐᐳᖅ ᑬᓚᐱᒧᑦ, ᓵᓚᖃᓚᐅᕐᒪᑦ ᐊᐅᓪᓚᕐᑎᑦᓯᓪᓗᓂ ᐱᖓᓱᐃᓂᒃ ᐃᓚᒌᓂᒃ ᐊᓇᑭᐅᑉ ᑭᖑᕚᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 1:9

ᑕᒪᑐᒪ ᑭᖑᕐᖓᒍᑦ ᔫᑕᒥᐅᑦ ᐅᓇᑕᕆᐊᓚᐅᕐᐳᑦ ᑬᓇᓂᒥᐅᓂᒃ ᓄᓇᖃᕐᑐᓂᒃ ᖃᖅᑲᓕᖕᒥ, ᖃᖅᑬᓪᓗ ᑭᒡᓕᖏᓐᓂ, ᓇᑎᕐᓇᒥᓗ ᓄᓇᒥ ᓯᕿᓂᐅᑉ ᓇᓛᓃᑦᑐᓂ ᓂᒋᑉᒥ.