ᔧᒥᓯᐅᑉ ᐊᒡᓚᖏᑦ 5:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᒤᒻᒪᑦ ᐅᒃᐱᖃᑎᒃᑲ, ᕿᓄᐃᓵᕆᑦᓯ ᐊᑕᓂᖅ ᑎᑭᑦᓯᐊᕆᓗᒍ. ᑕᑯᒋᑦ ᐱᕈᕐᓰᕕᓕᕆᔨᐅᑉ ᕿᓄᐃᓵᕐᓗᓂ ᐱᕈᕐᑐᐃᑦ ᑕᑯᒥᓇᕐᑐᑦ ᐱᕈᕐᓯᐊᕆᕔᑦ, ᕿᓄᐃᓵᕐᓗᓂ ᐅᑕᖅᑭᕗᖅ ᐅᐱᕐᖔᒃᑯᑦ ᐅᑭᐊᒃᓵᒃᑯᓪᓗ ᓯᓚᓗᖕᓂᐅᕙᒃᑐᓂᒃ.

ᔧᒥᓯᐅᑉ ᐊᒡᓚᖏᑦ 5:7 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 5:24

ᐃᓱᒪᓇᓱᐊᓐᖏᓚᓪᓘᓐᓃᑦ ᐊᑕᓂᖅ ᒎᑎᑎᒃ ᓯᕘᕋᒋᔪᒪᓗᒍ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ ᓇᓪᓕᐅᑎᔭᕌᖓᑦ ᓯᓚᓗᒃᑎᑦᓯᕙᒃᑐᒥᒃ, ᐱᕈᕐᑐᓂᒡᓗ ᐱᕈᕇᕐᑎᑦᓯᕙᒃᑐᒥᒃ ᑲᑎᕐᓱᕐᑕᐅᕕᒃᓴᖏᓐᓂ ᑲᑎᕐᓱᕐᑕᐅᕙᖁᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 6:3

ᖃᐅᔨᓕᕐᓚᕗᑦ, ᖃᐅᔨᕚᓪᓕᕋᓱᓚᐅᕐᓚᕗᑦ ᐊᑕᓂᖅ; ᑕᕝᕙ ᐅᕙᑦᑎᓐᓄᑦ ᕾᓂᐊᕐᐳᖅ ᐅᓪᓘᑉ ᖃᐅᓕᕐᓂᖓᑐᑦ; ᐅᐱᕐᖓᒃᓵᒃᑯᑦ ᓯᓚᓗᒡᕕᐅᓕᕐᑐᑎᑐᑦ.”

ᔪᐃᓕᐅᑉ ᐊᒡᓚᖏᑦ 2:23

ᖁᕕᐊᓱᒋᑦᓯ, ᓮᐅᓂᐅᑉ ᕿᑐᕐᖓᖏᑦ, ᖁᕕᐊᓱᒋᑦᓯ ᐊᑕᓂᖅ ᒎᑎᓯ ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᐱᑦᔪᑎᒋᓗᒍ, ᓯᓚᓗᒡᕕᐅᑎᒻᒪᓯ ᓯᕗᓪᓕᕐᓯᐅᒻᒥᒃ ᓱᖁᓯᔪᐃᑦᑑᓂᕐᒥᓄᑦ, ᓯᓚᓗᒡᕕᐅᑎᓕᕐᒪᓯ ᓯᕗᓪᓕᕐᓯᐅᒻᒥᒃ ᑭᖑᓪᓕᕐᓯᐅᒻᒥᒡᓗ ᓲᕐᓗ ᑍᑦᓱᒪᓂᑐᑦ.

ᓴᑲᕅᐊᐅᑉ ᐊᒡᓚᖏᑦ 10:1

ᐊᑕᓂᖅ ᐅᐱᕐᖔᒃᑯᑦ ᓯᓚᓗᖁᔨᖁᓯᐅᒃ, ᑕᕝᕙ ᓄᕗᔭᖃᕐᑎᓐᓂᐊᕐᐹ ᓯᓚᕈᔪᒃᓯᐅᑎᓂᒃ ᓯᓚᓗᓕᕐᓗᓂ, ᐃᓄᓕᒫᓄᑦ ᐱᕈᕐᓰᕕᖁᑎᓕᒫᖏᓐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᒫᑎᐅᓯᐅᑉ ᐊᒡᓚᖏᑦ 24:27

ᓲᕐᓗ ᕿᓚᖕᒥ ᖃᐅᒻᒫᓪᓚᒃ ᐃᑳᓲᖑᖕᒪᑦ ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ, ᑍᒤᑦᓱᒫᕆᕗᖅ ᐃᓅᑉ ᐃᕐᓂᖓ ᑎᑭᓕᕐᐸᑦ.

ᒫᑎᐅᓯᐅᑉ ᐊᒡᓚᖏᑦ 24:44

ᑍᒤᒻᒪᑦ ᐃᓕᑦᓯᑦᑕᐅᖅ ᐅᐸᓗᖕᒊᕐᓯᒪᔪᒃᓴᐅᕗᓯ; ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐃᑲᕐᕋᒥ ᓂᕆᐅᒡᕕᒋᓐᖏᑕᑦᓯᓐᓂ.”

ᓘᑲᓯᐅᑉ ᐊᒡᓚᖏᑦ 18:8

ᐅᖃᐅᑎᕙᑦᓯ, ᐃᓄᖁᑎᓂ ᑕᕝᕔᓐᓇᖅ ᐃᑲᔪᕈᒪᒐᔭᕐᐰᑦ. ᐃᓅᑉ ᐃᕐᓂᖓ ᓄᓇᕐᔪᐊᕐᒧᑦ ᑎᑭᒃᑯᓂ, ᐅᒃᐱᕐᓂᖃᑦᓯᐊᕐᑐᓂᒃ ᓇᓂᓯᒐᔭᕐᐹ?”

ᓘᑲᓯᐅᑉ ᐊᒡᓚᖏᑦ 21:27

ᑕᕝᕙ ᐃᓅᑉ ᐃᕐᓂᖓ ᑕᑯᔪᒫᕐᐹᑦ ᓄᕗᔭᑎᒍᑦ ᕾᔪᖅ ᐱᔪᓐᓇᕐᓂᕐᔪᐊᖃᕐᑐᖅ ᓂᕐᑐᕐᓇᕐᓂᕐᔪᐊᖃᕐᓗᓂᓗ.

ᓘᑲᓯᐅᑉ ᐊᒡᓚᖏᑦ 8:15

ᐱᕈᕐᓯᐊᒃᓴᓪᓕ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ ᑲᑕᒃᑐᑦ, ᐃᒤᑦᑐᓂᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᑦ, ᐱᓯᒤᓐᓇᕐᓗᒋᑦ ᓈᓚᑦᓯᐊᕐᓂᒃᑯᑦ ᐆᒻᒪᑎᒥᒍᑦ, ᓱᕐᕋᔪᐃᑦᑑᓪᓗᑎᒃ ᐱᕈᕐᕕᐅᓚᐅᖏᓐᓂᕐᒥᖕᓂ ᕿᓄᐃᓵᕐᓂᒃᑯᑦ.”

ᔪᐊᓇᓯᐅᑉ ᐊᒡᓚᖏᑦ 21:22

ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”

ᔪᐊᓇᓯᐅᑉ ᐊᒡᓚᖏᑦ 21:23

ᑕᕝᕙ ᔩᓱᓯᐅᑉ ᒪᓕᒃᑎᖏᑦ ᐅᖃᖃᑦᑕᐅᑎᓕᕐᐳᑦ ᐅᓇ ᐃᓕᓐᓂᐊᕐᑎ ᑐᖁᓂᐊᓐᖏᓚᖅ; ᔩᓱᓯ ᐅᖃᓚᐅᓐᖏᓚᖅ ᑐᖁᓂᐊᖏᓐᓂᕋᕐᓗᓂᐅᒃ; ᐅᖃᓚᐅᕐᐳᕐᓕ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ.”

ᕉᒪᒥᐅᓄᑦ 15:4

ᖃᓄᓕᒫᖅ ᑎᑎᕋᕐᓯᒪᔪᑦ ᓯᕗᓂᑦᑎᓐᓂ ᑎᑎᕋᕐᓯᒪᕗᑦ ᐊᔪᕆᕐᑐᕐᑕᐅᑦᔪᑎᒃᓴᑦᑎᓐᓄᑦ, ᕿᓄᐃᓵᕐᓂᒃᑯᑦ ᑲᔪᖏᕐᓴᕐᑕᐅᓂᒃᑯᓪᓗ ᐊᒡᓚᑎᒍᑦ ᓂᕆᐅᒋᔭᒃᓴᕐᑖᕈᓐᓇᖁᓪᓗᑕ.

ᕉᒪᒥᐅᓄᑦ 2:7

ᕿᓄᐃᓵᕐᓗᑎᒡᓕ ᐱᐅᔪᒥᒃ ᐱᓇᓱᐊᕐᑐᑦ, ᓂᕐᑐᕐᑕᐅᓂᕐᒥᒃ ᕿᓂᕐᑐᑦ, ᐅᐱᒋᔭᐅᓂᕐᒥᒡᓗ, ᑐᖁᓱᐃᑦᑑᓂᕐᒥᒡᓗ, ᑖᑦᓱᒪ ᑐᓂᓯᕕᒋᔪᒫᕐᐰᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ.

ᒐᓔᑎᐊᒥᐅᓄᑦ 5:5

ᐊᓂᕐᓂᒃᑯᑦ ᐅᑕᖅᑭᕗᒍᑦ ᐅᒃᐱᕐᓂᑦᑎᒍᑦ, ᓂᕆᐅᒃᓗᑕ ᐃᓗᐊᕐᓯᑎᑕᐅᓂᒃᓴᑦᑎᓐᓂᒃ.

ᒐᓔᑎᐊᒥᐅᓄᑦ 6:9

ᑍᒤᒻᒪᑦ ᐱᐅᔪᒥᒃ ᐱᓇᓱᐊᕐᓂᕆᔭᕗᑦ ᐃᕿᐊᓐᖒᑎᑦᑍᓕᓚᕗᑦ; ᓄᖅᑲᐅᑎᖏᒃᑯᑦᑎᒍ, ᑕᕝᕙ ᑲᑎᕐᓱᓕᕈᒫᕐᐸᕗᑦ ᑲᓐᖓᕐᓲᑎᒋᓯᒪᔭᕗᑦ.

ᒨᓯᓯ ᑕᓪᓕᒪᖏᑦ 11:14

ᑍᒤᑐᐊᕈᕕᑦ ᑕᕝᕙ, ᓄᓇᒋᔭᕐᓄᑦ ᓯᓚᓗᒃᑕᐅᑎᑦᓯᖃᑦᑕᕐᓂᐊᕐᐳᖅ ᐱᔭᕆᐊᖃᓕᕌᖓᑦ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ, ᓂᕿᒃᓴᖃᑦᓯᐊᖁᓪᓗᑎᑦ ᓂᐊᖂᔭᒃᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ.

ᑯᓘᓯᐊᒥᐅᓄᑦ 1:11

ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:19

ᐃᓛᒃ ᐃᓕᑦᓯᐅᒐᑦᓯ ᐊᓯᑦᓯᓐᓂᒃ ᓂᕆᐅᒡᕕᒃᓴᖃᓐᖏᓚᒍᑦ ᐃᓗᑦᑎᒍᓪᓗ ᖁᕕᐊᓲᑎᒋᕙᑦᓯ ᐃᓕᑦᓯᓗ ᓂᕐᑐᕐᓇᐅᑎᒃᓴᒥᒃ ᐱᒃᓴᖃᐅᑎᒋᕙᑦᓯ, ᓵᓚᖃᕐᓂᑦᑎᓐᓂᒡᓗ ᐊᑕᓂᑦᑕ ᔩᓱᓯᐅᑉ ᑎᑭᕝᕕᒃᓴᖓᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13

ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᐄᑉᕈᐃᓄᑦ 6:15

ᐂᑉᕋᕼᐊᒻᓗ ᕿᓄᐃᓵᓚᐅᕐᓗᓂ, ᐊᖏᕈᑕᐅᓯᒪᔪᒥᒃ ᐱᑎᑕᐅᓚᐅᕐᐳᖅ.

ᔧᒥᓯᐅᑉ ᐊᒡᓚᖏᑦ 4:11

ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ.

ᔧᒥᓯᐅᑉ ᐊᒡᓚᖏᑦ 5:10

ᐅᒃᐱᕐᑑᖃᑎᒃᑲ, ᓇᓚᐅᑦᑍᔫᓚᐅᕐᑐᑦ ᐃᖅᑲᐅᒪᓚᐅᕐᓯᐅᒃ ᐊᑕᓂᐅᑉ ᐊᑎᖓᓂ ᐅᖃᕐᐸᓚᐅᕐᑐᑦ, ᐊᒃᓱᕈᕐᓇᕐᑐᒦᑎᑕᐅᓂᕐᒥᖕᓂ ᕿᓄᐃᓵᕈᑎᖃᕐᓗᑎᒃ ᐊᓂᒍᐃᕙᓚᐅᕐᑐᑦ.

ᔧᒥᓯᐅᑉ ᐊᒡᓚᖏᑦ 5:3

ᒎᓗᓯ ᓯᐅᓪᕕᕆᓯᓗ ᒪᓐᖏᕐᑐᕆᕗᑦ, ᒪᓐᖏᕐᑐᕆᓂᖏᓪᓗ ᓇᓗᓁᒃᑯᑕᐅᓂᐊᕐᐳᑦ ᐱᒋᐊᕐᑕᐅᑦᔪᑎᒃᓴᑦᓯᓐᓄᑦ ᑎᒥᓯᓗ ᓂᕆᔭᐅᔪᒫᕐᐳᖅ ᐃᑯᒪᐅᑉ ᓄᖒᑦᓯᓂᖓᑐᑦ. ᑕᒪᑦᔭ ᑲᑎᕐᓱᕐᓯᒪᔭᓯ ᐊᔪᕐᓴᖏᑦᔪᑎᒋᓯᒋᒃ ᐅᓪᓗᐃᑦ ᑭᖑᓪᓕᖏᓐᓂ.

ᐲᑦᑐᕉᓯ ᐂᑉᐸᖏᑦ 3:4

ᐅᖃᕐᓗᑎᒡᓗ, “ᓇᐅᒡᓕ ᐊᖏᕐᓯᒪᔪᖅ ᑎᑭᓐᓂᐊᕐᓂᕋᕐᓗᓂ? ᓯᕗᓕᕗᑦ ᑐᖁᓯᒪᓕᕐᐳᑦ, ᓱᓇᑐᐃᓐᓁᑦ ᓱᓕ ᓱᖁᓯᕐᓯᒪᓐᖏᓚᑦ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓚᐅᕐᓂᖓᓂᑦ.”