ᔧᒥᓯᐅᑉ ᐊᒡᓚᖏᑦ 5:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓔᑦᔭᑦᑕᐅᖅ ᐅᕙᑦᑎᑐᑦ ᐃᓄᑐᐃᓐᓇᐅᓚᐅᕐᐳᖅ ᐃᓗᖏᕐᑐᕐᓗᓂ ᑐᒃᓯᐊᕐᒪᑦ ᓯᓚᓗᖁᔨᓇᓂ, ᓯᓚᓗᓚᐅᓐᖏᓚᖅ ᓄᓇᒥ ᐊᕐᕌᒍᓂᒃ ᐱᖓᓱᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ.

ᔧᒥᓯᐅᑉ ᐊᒡᓚᖏᑦ 5:17 Iomraidhean Croise

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 18:1

ᑕᒪᑐᒪ ᑭᖑᕐᖓᒍᑦ ᐅᓪᓗᐃᑦ ᐅᓄᕐᑐᑦ ᐊᓂᒍᕐᑎᓪᓗᒋᑦ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᐃᓔᑦᔭᒧᑦ, ᐊᕐᕌᒍᐃᑦ ᐱᖓᔪᐊᓐᓂ, ᐅᖃᕐᓗᓂ, “ᐂᓕᕆᑦ, ᐂᕼᐊᑉᒧᑦ ᐅᐸᒍᑎᓗᑎᑦ; ᓯᓚᓗᒃᑎᑦᓯᓂᐊᓕᕋᒪ ᓄᓇᒧᑦ.”

ᓘᑲᓯᐅᑉ ᐊᒡᓚᖏᑦ 4:25

ᓱᓕᔪᒥᒃ ᐅᖃᐅᑎᕙᑦᓯ, ᐊᒥᓱᓂᒃ ᐅᐃᒡᒐᕐᓂᕐᑕᖃᓚᐅᕐᐳᖅ ᐃᓴᕆᐊᓕᒥᐅᓂ ᐃᓔᑦᔭ ᐃᓅᑎᓪᓗᒍ, ᑍᑦᓱᒪᓂ ᓯᓚᓗᓚᐅᖏᒻᒪᑦ ᐊᕐᕌᒍᓂᒃ ᐱᖓᓱᓂᒃ, ᑕᖅᑭᓂᒡᓗ ᐱᖓᓲᔪᕐᑐᓂᒃ, ᑳᖕᓇᕐᑐᕐᔪᐊᖃᓕᓚᐅᕐᐳᖅ ᓄᓇᓕᒫᒥ;

ᐋᐴᓯᑕᓖᑦ ᐱᓂᐊᕐᓂᖏᑦ 10:26

ᐲᑦᑐᕉᓯᐅᓪᓕ ᒪᑭᑎᑉᐹ ᐅᖃᐅᑎᓪᓗᒍ, “ᓂᑯᕕᒋᑦ ᐃᓄᑐᐃᓐᓇᐅᒋᕗᖓᑦᑕᐅᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᕉᒪᒥᐅᓄᑦ 11:2

ᒎᑎᐅᑉ ᐃᓄᖁᑎᓂ ᓇᕐᕈᒋᓕᓐᖏᓔᑦ ᐱᒋᐊᕐᓂᖓᓂᑦ ᓂᕈᐊᕐᓯᒪᒐᒥᒋᑦ. ᖃᐅᔨᒪᓐᖏᓚᑏᑦ? ᐊᒡᓔᑦ ᐅᖃᐅᓯᖃᕐᒪᑕ ᐃᓔᑦᔭᐅᑉ ᑐᒃᓯᐊᕐᓂᕆᓚᐅᕐᑕᖓᓂᒃ ᒎᑎᒧᑦ ᐃᓴᕆᐊᓕᒥᐅᑦ ᐸᓯᓪᓗᓂᒋᑦ ᐃᒤᓕᓚᐅᕐᒪᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:6

ᑖᒃᑯᐊᒡᓗ ᐱᔪᓐᓇᕐᓂᖃᕐᑎᑕᐅᕘᒃ ᒪᑐᓯᔪᓐᓇᕐᓗᑎᒃ ᕿᓚᖕᒥᒃ, ᓯᓚᓗᒍᓐᓁᓪᓕᖁᓪᓗᒍ ᐅᖃᐅᓯᐅᖁᔭᐅᔪᓂᒃ ᓇᓪᓕᐅᑎᔪᒫᕐᑐᓂᒃ ᐱᔭᕇᖏᓐᓂᕐᒋᓐᓂ, ᐱᔪᓐᓇᕐᓂᖃᕐᑎᑕᐅᒋᕘᒃ ᐃᒪᕐᒥᒃ ᐊᐅᓐᖑᕐᑎᑦᓯᔪᓐᓇᕐᓗᑎᒃ, ᓄᓇᕐᔪᐊᕐᒥᓗ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᐊᓇᕐᑐᖃᕐᑎᑦᓯᔪᓐᓇᕐᓗᑎᒃ, ᖃᖓᓕᒫᖅ ᐱᖁᔨᓕᑐᐊᕈᑎᒃ.