ᔧᒥᓯᐅᑉ ᐊᒡᓚᖏᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓚᑦᓯᓐᓂᑦ ᖃᓂᒪᔪᖃᕐᐹ? ᑖᓐᓇ ᐅᒃᐱᕐᑑᖃᑎᒌᑦ ᐊᖓᔪᖅᑳᖏᓐᓂᒃ ᕾᖁᔨᓕ, ᑖᒃᑯᓄᖓ ᑐᒃᓯᐅᑦᔭᐅᖁᓪᓗᒍ, ᐸᐅᕐᖎᓪᓗ ᐅᕐᓱᖓᓄᑦ ᐅᕐᓱᕐᑎᕐᓗᒍ ᐊᑕᓂᐅᑉ ᐊᑎᖓᓂ;

ᔧᒥᓯᐅᑉ ᐊᒡᓚᖏᑦ 5:14 Iomraidhean Croise

ᐊᑕᓃᑦ ᓯᕗᓪᓖᑦ 17:21

ᐃᒻᒥᓂᒡᓗ ᖄᖓᓄᐊᖃᑦᑕᕐᐳᖅ ᐱᖓᓱᐊᕐᑎᕐᓗᓂ, ᐊᑕᓂᕐᒧᓪᓗ ᑐᒃᓯᐊᕐᐳᖅ, “ᐊᑕᓃᖅ ᒎᑎᒐ, ᑐᒃᓯᐊᕐᐳᖓ, ᓱᕈᓯᐅᑉ ᑕᕐᓂᖓ ᐅᑎᕐᑎᓚᐅᕈᒃ ᑕᕝᕗᖓ.”

ᐊᑕᓃᑦ ᐂᑉᐸᖏᑦ 4:33

ᐃᑎᕐᕕᒋᓪᓗᒍ ᐹ ᐅᒃᑯᐊᕐᐹ ᐃᓚᒋᕋᑖᕐᑕᖏᑦ ᐹᖓᑕ ᓯᓚᑖᓃᑎᓪᓗᒋᑦ, ᑐᒃᓯᐊᕐᐳᖅ ᐊᑕᓂᕐᒧᑦ.

ᐊᑕᓃᑦ ᐂᑉᐸᖏᑦ 5:11

ᓁᒪᓐᓕ ᓂᓐᖓᒡᓗᓂ, ᐃᖏᕐᕋᓯᑐᐃᓐᓇᕐᐳᖅ ᐅᖃᕐᓗᓂᓗ, “ᑕᑯᒋᑦ, ᑕᑯᔭᕐᑐᕐᓂᐊᕋᓱᒋᖅᑲᐅᔭᕋ ᓵᓐᓂ ᓇᖏᕐᓗᓂ ᑐᒃᓯᐊᕐᓂᐊᕋᓱᒋᖅᑲᐅᒐᓗᐊᕋᒃᑯ ᐊᑕᓂᐅᑉ ᐊᑎᖓᓄᑦ ᕿᓄᓗᓂ ᒎᑎᒥᓄᑦ, ᐃᓴᒡᓗᓂ ᐋᓐᓂᐊᒪ ᓇᓛᒍᑦ ᐊᒃᑐᐊᓗᓂᖓ ᑍᒪᓐᓇ ᐋᖅᑭᒃᑕᐅᓂᐊᕋᓱᒋᓪᓗᖓ ᐅᕕᓂᕐᓘᑎᓐᓂᑦ ᐸᕐᑎᕐᓂᕐᒥᑦ.

ᒫᑯᓯᐅᑉ ᐊᒡᓚᖏᑦ 16:18

ᖁᒡᓗᒋᐊᓂᒃ ᑐᖁᓐᓇᕐᑐᓕᒡᓂᒃ ᑎᒍᓯᔪᓐᓇᕈᒫᕐᐳᑦ, ᑐᖁᓐᓇᕐᑐᒥᒡᓗ ᐃᒥᕋᓗᐊᕈᑎᒃ ᖃᓄᐃᓕᖃᑕᕈᒫᓐᖏᓚᑦ; ᖃᓂᒪᔪᑦ ᐸᑎᒻᒥᒃᐸᒋᑦ ᖃᓄᐃᑦᓱᓐᓃᖃᑦᑕᕈᒫᕐᐳᑦ.”

ᒫᑯᓯᐅᑉ ᐊᒡᓚᖏᑦ 6:13

ᐊᓂᕐᓂᕐᓗᖕᓂᒃ ᐊᒥᓱᓂᒃ ᐊᓂᑎᑦᓯᕗᑦ, ᓇᐹᕐᑑᑉ ᐸᐅᕐᖓᖏᑕ ᐅᕐᓱᖏᓐᓄᑦ ᖃᓂᒪᔪᑦ ᐊᒥᓱᑦ ᐅᕐᓱᕐᑎᕐᐸᒃᓗᒋᑦ ᐋᖅᑭᒃᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:30

ᑍᒤᓕᐅᕐᓗᑎᒡ, ᑐᔪᐃᓚᐅᕐᐳᑦ ᓯᕗᓕᕐᑎᐅᔪᓄᑦ ᔨᕉᓴᓕᒻᒥ ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᐊᖅᑯᑎᒋᓪᓗᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:23

ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:4

ᔨᕉᓴᓕᒻᒧᑦ ᑎᑭᒻᒪᑎᒃ, ᐅᒃᐱᕐᑑᖃᑎᒌᓂᑦ ᑐᓐᖓᓱᒃᑎᑕᐅᕘᒃ ᐋᐴᓯᑕᓕᖕᓂᑦ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᓐᓂᑦ, ᑖᒃᑯᐊᒃ ᐅᓂᒃᑳᕐᐴᒃ ᒎᑎᐅᑉ ᐱᓇᓱᐊᕐᓂᖏᓐᓂᒃ ᑖᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 28:8

ᐳᑉᓕᐊᓯᐅᓪᓗ ᐊᑖᑕᖓ ᐃᓂᓪᓚᖓᓚᐅᕐᐳᖅ ᐆᑎᕐᓇᕐᓯᖃᑦᑕᕐᓇᕐᑐᒥᒃ ᖃᓂᒪᓪᓗᓂ, ᐊᐅᖕᒥᒡᓗ ᐊᓇᖃᓯᐅᑦᔨᕙᒃᓗᓂ; ᐸᐅᓗᓯᐅᑉ ᐳᓛᕆᐊᕐᓗᓂᐅᒃ ᑐᒃᓯᐅᑎᕚ, ᐸᑎᒻᒥᓪᓗᒍ, ᐋᖅᑭᒃᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 9:40

ᐲᑦᑐᕉᓯᐅᑉ ᑕᕝᕙᓃᑦᑐᓕᒫᑦ ᐊᓂᖁᒐᒥᒋᑦ ᓰᖅᑯᕐᓗᓂ ᑐᒃᓯᐊᕐᐳᖅ; ᑎᒥᖓ ᓵᕝᕕᒋᓪᓗᓂᐅᖅ ᐅᖃᐅᑎᕚ, “ᑕᐱᓵ, ᒪᑭᑦᑎᑦ.” ᑖᓐᓇ ᐅᐃᑉᐳᖅ, ᐲᑦᑐᕉᓯ ᑕᑯᒐᒥᐅᒃ ᐃᖏᑉᐳᖅ.

ᑍᑑᓯᒧᑦ 1:5

ᑍᒤᒻᒪᑦ ᕿᑭᕐᑕᒥᐅᓄᑦ ᑯᕇᑎᒧᑦ ᕿᒪᓚᐅᕐᐸᒋᑦ, ᐱᓇᓱᐊᒃᑲᓐᓂᕆᐊᓕᖕᓂᒃ ᐋᖅᑭᒃᓱᐃᖁᓪᓗᑎᑦ, ᐅᒃᐱᕐᑑᖃᑎᒌᒃᑐᓂᓗ ᓯᕗᓕᕐᑎᐅᓂᐊᕐᑐᓂᒃ ᑎᓕᓯᖁᓪᓗᑎᑦ ᓄᓇᓕᓕᒫᓂ ᑍᒫᒃ ᐱᖁᓚᐅᕋᒃᑭᑦ,