ᔧᒥᓯᐅᑉ ᐊᒡᓚᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓕᑦᓯ ᒫᓐᓇ ᐊᔪᕐᓴᖏᑦᑐᐊᓘᔪᓯ, ᕿᐊᓗᓯᓗ ᓂᓪᓕᐊᓕᕆᑦᓯ ᐅᒡᒍᐊᕐᓇᕐᑐᒧᑦ ᑎᑭᑕᐅᓕᕋᑦᓯ.

ᔧᒥᓯᐅᑉ ᐊᒡᓚᖏᑦ 5:1 Iomraidhean Croise

ᐃᓐᖏᕈᑎᑦ 17:14

ᐊᒡᒐᖕᓄᑦ ᓴᐳᑎᓚᐅᓐᖓ, ᐊᑕᓃᖅ, ᐃᓄᖕᓂᑦ ᓯᓚᕐᔪᐊᕐᒥᑦ ᐃᓅᓯᕐᒥᒃ ᐱᓯᒪᔭᒥᖕᓂᒃ ᐊᑐᕐᑐᓂᑦ, ᐊᕿᐊᑦᑐᕐᓕᑦ ᐊᑐᐃᓐᓇᕈᕐᓯᒪᔭᓐᓂᒃ ᑖᒃᑯᓄᖓ; ᕿᑐᕐᖓᖏᑦ ᐱᔭᕆᐊᖃᕐᑕᒥ ᐅᖓᑖᓄᑦ ᐱᓕᑦ, ᕿᑐᕐᖓᖏᓪᓗ ᐊᒥᐊᒃᑯᖏᓐᓂᒃ ᐱᒃᑲᓐᓂᕐᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:28

ᐊᒃᓗᐃᑦᔪᑎᒥᓂᒃ ᑕᑎᖃᕐᑐᖅ ᓄᖑᕈᑎᓂᐊᕐᐳᖅ, ᐃᓱᐊᕐᑐᕐᓕ ᐆᒻᒪᕐᑎᑐᑦ ᐅᖃᐅᔭᕐᑎᑐᑦ ᐱᕈᕐᐸᓪᓕᐊᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:4

ᐊᒃᓗᐃᓐᓂᖅ ᓴᐳᑦᔨᓯᒪᔪᓐᓇᓐᖏᓚᖅ ᓂᓐᖓᖕᓂᐅᑉ ᐅᓪᓗᖓᓂ, ᐃᓱᐊᕐᓂᕐᓕ ᓴᐳᑦᔨᔪᓐᓇᕐᐳᖅ ᑐᖁᒥᑦ.

ᐂᓮᐊᓯᐅᑉ ᐊᒡᓚᖏᑦ 13:6

“ᓂᐱᖅᑯᕐᑐᓗᓯ ᕿᐊᒋᑦᓯ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᒪᑦ; ᐊᔪᒐᖃᖏᑦᑐᕐᔪᐊᑉ ᐊᓯᕈᐃᕕᒃᓴᖓ ᑎᑭᓕᕐᒪᑦ!

ᐂᓮᐊᓯᐅᑉ ᐊᒡᓚᖏᑦ 15:3

ᐃᓄᐃᑦ ᐊᖅᑯᑎᑎᒍᑦ ᐱᓱᑲᑕᒃᑐᑦ ᕿᒃᓵᒃᑐᕐᓯᐅᑎᓂᒃ ᐊᑐᓕᕐᐳᑦ; ᐃᓄᐃᑦ ᑲᑎᑦᑕᕐᕕᖏᓐᓂ ᐃᒡᓗᐃᓪᓗ ᖄᖏᓐᓂ ᓇᓂᑐᐃᓐᓇᖅ ᕿᐊᔪᕐᑕᖃᓕᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᔨᕆᒤᐊᐅᑉ ᐊᒡᓚᖏᑦ 9:23

ᐃᒫᒃ ᐊᑕᓂᖅ ᐅᖃᕐᐳᖅ, “ᓯᓚᑐᔪᑦ ᓯᓚᑐᓂᕐᒥᖕᓂᒃ ᓂᕐᑐᕐᑕᐅᑦᔪᑎᖃᕈᒪᑦᑍᓕᓕᑦ, ᓴᓐᖏᔪᓪᓗ ᓴᓐᖏᓂᕐᒥᖕᓂᒃ, ᐊᔪᕐᓴᖏᑦᑐᓪᓗ ᐊᔪᕐᓴᖏᓐᓂᕐᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 19:2

ᐅᖃᕐᓗᑎᑦ: ᐊᓈᓁᑦ ᓲᖑᔫᓚᐅᕐᐳᖅ ᓛᔧᑦ ᐊᑯᕐᖓᓐᓂ! ᕿᑐᕐᖓᒥᓂᒃ ᓴᕐᓕᐊᓚᐅᕐᐳᖅ ᓛᔭᑦ ᐊᖑᑎᑦ ᐃᕐᓯᓇᕐᑐᑦ ᐊᑯᕐᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 30:2

“ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᓪᓚᓕᕆᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᓪᓗᖅ ᐅᒡᒍᐊᕐᓇᕐᑐᖅ ᕾᓕᕐᐳᖅ!

ᔪᐃᓕᐅᑉ ᐊᒡᓚᖏᑦ 1:11

ᐅᒡᒍᐊᓕᕆᑦᓯ ᐃᓕᑦᓯ ᐱᕈᕐᓰᕕᓕᕆᔨᐅᔪᓯ, ᕿᐊᓕᕆᑦᓯ ᐃᓕᑦᓯ ᕔᓂᓕᐅᕐᑎᐅᔪᓯ, ᕿᒃᓵᒍᑎᒋᓕᕐᓯᒋᒃ ᐃᕖᑦ ᓂᐊᑰᔭᒃᓮᓪᓗ ᐱᕈᕐᓰᕕᖕᒥ ᐊᓯᕈᕐᑕᐅᖕᒪᑕ.

ᔪᐃᓕᐅᑉ ᐊᒡᓚᖏᑦ 1:13

ᐊᓐᓄᕌᓕᕆᑦᓯ ᐊᕐᔭᓂᓕᕐᑎᕐᓯᒪᔪᓂᒃ ᕿᐊᓗᓯᓗ, ᐃᓕᑦᓯ ᑐᓂᕐᕈᓯᕐᑎᑦᓯᔨᐅᔪᓯ, ᕿᒃᓵᒋᑦᓯ ᐃᓕᑦᓯ ᐱᔨᑦᓯᕐᑎᐅᔪᓯ ᑐᓂᕐᕈᓯᕐᕕᖕᒥ, ᕾᒋᑦᓯ, ᐅᓐᓄᐊᓕᒫᖅ ᐊᓐᓄᕌᕐᓯᒪᓗᓯ ᐊᕐᔭᓂᓕᕐᑎᕐᓯᒪᔪᓂᒃ, ᐃᓕᑦᓯ ᐊᔪᕆᕐᑐᐃᕙᒃᑐᓯ! ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᓂᐊᖂᔭᒃᓴᓂᒃ ᕔᓂᒥᒡᓘᓐᓃᑦ ᒎᑎᒧᑦ.

ᔪᐃᓕᐅᑉ ᐊᒡᓚᖏᑦ 1:5

ᑐᐸᓕᕆᑦᓯ, ᐃᓕᑦᓯ ᐋᖓᔮᕐᑎᐅᔪᓯ, ᕿᐊᓗᓯᓗ; ᓂᐹᓕᕆᑦᓯ ᐃᓕᑦᓯ ᕔᓂᑐᕐᑎᐅᔪᓯ, ᕔᓂᐅᑉ ᐃᑦᓯᒃᓴᖏᑦ ᓄᑖᑦ ᐊᓯᕈᕐᑕᐅᖕᒪᑕ.

ᒤᑲᐅᑉ ᐊᒡᓚᖏᑦ 6:12

ᐃᓄᐃᑦ ᐊᒃᓱᐃᑦᑐᖁᑎᓯ ᑲᑉᐱᐊᓱᒃᑎᑦᓯᓂᕐᒥᒃ ᑕᑕᒻᒪᑕ; ᓄᓇᖅᑲᑎᓯᓗ ᓴᒡᓗᑐᓪᓗᑎᒃ, ᐅᖃᖏᑦ ᐅᐃᕕᕆᒃᓯᓂᕐᓂᒃ ᑕᑕᑉᐳᑦ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᔧᒥᓯᐅᑉ ᐊᒡᓚᖏᑦ 1:11

ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.

ᔧᒥᓯᐅᑉ ᐊᒡᓚᖏᑦ 2:6

ᐃᓕᑦᓯᓕ ᐊᔪᕐᓴᕐᑐᓂᒃ ᓇᕐᕈᖃᑕᐅᕙᒃᑲᑦᓯ. ᐊᔪᕐᓴᖏᑦᑐᓅᑦ ᐅᖁᒤᒋᔭᑦᓯᓐᓃᑎᑕᐅᕙᓐᖏᓚᓯ? ᑖᒃᑯᓇᓐᖓᓪᓗ ᐃᖅᑲᕐᑐᒐᒃᓴᓐᖑᕐᑎᑕᐅᕙᒡᓗᓯ.

ᔧᒥᓯᐅᑉ ᐊᒡᓚᖏᑦ 4:13

ᐅᖃᕐᕕᒋᓕᕐᐸᑦᓯ ᐃᒫᒃ ᐅᖃᕐᐸᒃᑐᓯ, “ᐅᓪᓗᒥ ᖃᐅᒃᐸᓪᓘᓐᓃᑦ ᐃᒃᑯᓄᖓ ᐃᒡᓗᒐᓴᖕᓄᑦ ᐊᐅᓪᓚᕐᓂᐊᕐᐳᒍ ᐊᕐᕌᒍᒥᒡᓗ ᐊᑕᐅᓯᕐᒥᒃ ᑕᕝᕙᓃᓐᓂᐊᕐᐳᒍᑦ, ᐃᖅᑲᓁᔮᕐᑖᕐᓗᑕᓗ ᑮᓇᐅᔭᓕᐅᕈᒪᕗᒍᑦ.”

ᔧᒥᓯᐅᑉ ᐊᒡᓚᖏᑦ 4:9

ᕿᒃᓵᓕᕆᑦᓯ ᕿᐊᓗᓯᓗ ᐅᒡᒍᐊᕐᓂᕐᒧᑦ. ᐃᒡᓚᕐᓂᓯ ᕿᐊᓂᓐᖑᓕᕐᓕᑦ ᖁᕕᐊᓱᖕᓂᓯᓗ ᕿᒃᓵᖕᓂᓐᖑᕐᑎᓪᓗᒋᑦ.