ᔧᒥᓯᐅᑉ ᐊᒡᓚᖏᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᕿᒃᓵᓕᕆᑦᓯ ᕿᐊᓗᓯᓗ ᐅᒡᒍᐊᕐᓂᕐᒧᑦ. ᐃᒡᓚᕐᓂᓯ ᕿᐊᓂᓐᖑᓕᕐᓕᑦ ᖁᕕᐊᓱᖕᓂᓯᓗ ᕿᒃᓵᖕᓂᓐᖑᕐᑎᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 4:9 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 8:9

ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᔫᐱᐅᑉ ᐊᒡᓚᖏᑦ 30:31

ᑐᓴᕐᓂᕐᑐᒥᒃ ᓂᓪᓕᐊᓂᕆᕙᓚᐅᕐᑕᕋ ᕿᒃᓵᒡᕙᓗᓐᖑᕐᐳᖅ, ᓱᐴᒐᕐᕙᓗᒐᓗ ᕿᐊᕙᓗᖕᒥᒃ ᓂᐱᖃᓕᕐᓗᓂ.”

ᐃᓐᖏᕈᑎᑦ 119:136

ᖁᕝᕕᐅᕐᓂᕐᒧᑦ ᐃᔩᒃᑲᒃ ᑯᕕᑐᐃᓐᓇᓕᕐᐴᒃ, ᐱᖁᔭᕐᓂᒃ ᓈᓚᖏᑦᑐᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 119:67

ᐃᓕᖕᓄᑦ ᐋᓐᓂᐊᑎᑕᐅᓚᐅᖅᑳᕐᓇᖓ ᑕᒻᒪᕐᓯᒪᓚᐅᕐᐳᖓ; ᒫᓐᓇᓕ ᐅᖃᐅᓯᕐᑎᑦ ᓈᓚᓕᕐᐸᒃᑲ.

ᐃᓐᖏᕈᑎᑦ 119:71

ᐅᕙᓐᓄᑦ ᐱᐅᔫᕗᖅ ᐋᓐᓂᐊᑎᑕᐅᓯᒪᓂᕋ, ᐃᓕᑦᓯᔪᓐᓇᕐᓯᑎᑕᐅᓯᒪᒐᒪ ᐊᑐᕐᑕᐅᖁᔭᕐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:13

ᐃᔪᕿᑕᒃᑲᓗᐊᕐᓗᓂ ᐆᒻᒪᑎ ᖁᕕᐊᓱᖏᑦᑐᓐᓇᕐᐳᖅ, ᖁᕕᐊᓱᖕᓂᖅ ᐃᓱᓕᑉᐸᑦ ᕿᒃᓵᖕᓂᖅ ᐱᒋᐊᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:2

ᐅᖃᕐᐳᖓ, “ᐃᒡᓚᕐᓂᖅ, ᓯᓔᑦᑑᕗᖅ. ᖁᕕᐊᓱᖕᓂᖅ ᑭᓱᒥᒃ ᐱᕚᓪᓕᕐᑎᑦᓯᕚ?”

ᔨᕆᒤᐊᐅᑉ ᐊᒡᓚᖏᑦ 31:13

ᐊᕐᓁᑦ ᐃᓅᓱᒃᑐᑦ ᑖᓂᓯᕈᒫᕐᐳᑦ ᖁᕕᐊᓱᖕᓂᕐᒧᑦ, ᐊᖑᑎᓪᓗ ᐃᓅᓱᒃᑐᑦ ᐃᑦᑐᐃᓪᓗ ᖁᕕᐊᓱᖃᑕᐅᔪᒫᕆᕗᑦ, ᕿᒃᓵᖕᓂᖏᑦ ᒧᒥᒃᑎᑦᓱᒫᕐᐸᒃᑲ ᖁᕕᐊᓱᖕᓂᕐᒧᑦ, ᓮᒻᒪᕐᑎᑦᓱᒫᕐᐸᒃᑲ, ᕿᒃᓵᖕᓂᕆᓚᐅᕐᑕᖏᑦ ᖁᕕᐊᓱᖕᓂᓐᖑᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 31:9

ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:15

ᐆᒻᒪᑎᑦᑕ ᖁᕕᐊᓱᖕᓂᖏᑦ ᓄᖅᑲᕐᐳᑦ, ᑖᓂᓯᕐᓂᕗᑦ ᒧᒥᒃᐳᖅ ᕿᒃᓵᖕᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 16:63

ᐱᓂᐊᕐᓂᕆᖃᑦᑕᓚᐅᕐᑕᓯᓐᓂᒃ ᐃᖅᑬᒍᑦᓯ ᐅᖃᐅᓯᕆᔭᕆᐊᖏᓪᓘᓐᓃᑦ ᑲᓐᖑᓇᓗᐊᓕᕈᒫᕐᐳᑦ, ᐃᓱᒪᒋᔪᓐᓁᕐᕕᒋᒍᑦᓯ ᑕᒻᒪᕈᑎᒋᓯᒪᔭᓕᒫᑦᓯᓐᓂᒃ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 7:16

ᕿᒫᓗᑎᒡᓕ ᐊᓐᓇᑦᑐᑦ, ᖃᖅᑲᓃᓕᕈᒫᕐᐳᑦ, ᑑᕕᑎᑐᑦ ᓇᕐᓴᐅᑉ ᐃᓗᐊᓂᑦ ᕿᒫᔪᑎᑐᑦ, ᐃᓘᓐᓇᑎᒡᓗ ᐅᒡᒍᐊᕈᑎᖃᕐᓗᑎᒃ ᐊᔪᕐᑐᓕᓯᒪᓂᕐᒥᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 21:41

ᑖᒃᑯᐊ ᐅᖃᕐᐳᑦ, “ᓂᑲᒋᖏᑦᓯᐊᕐᓗᒋᑦ ᐱᐅᖏᑦᑐᓕᔪᑦ ᑐᖁᒃᑲᔭᕐᐰᑦ, ᐱᕈᕐᓰᕕᒃ ᑲᒪᔨᓄᑦ ᐊᓯᖏᓐᓄᑦ ᑲᒪᒋᔭᐅᑎᓕᕋᔭᕐᐹ ᐱᕈᕐᑐᖏᓐᓂᒃ ᐱᖃᑕᐅᑎᑦᓯᖃᑦᑕᕋᔭᕐᑐᓄᑦ ᑲᑎᕐᓱᐃᕕᒃ ᓇᓪᓕᐅᑎᔭᕌᖓᑦ.”

ᒫᑎᐅᓯᐅᑉ ᐊᒡᓚᖏᑦ 5:4

ᓮᒪᓇᕐᑐᒦᑉᐳᑦ ᕿᒃᓵᓂᕐᒧᑦ ᖁᕝᕕᐅᕐᑐᑦ; ᒎᑎᐅᑉ ᓮᒻᒪᕐᑎᑦᓱᒫᕐᒪᒋᑦ.

ᓘᑲᓯᐅᑉ ᐊᒡᓚᖏᑦ 16:25

ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.

ᓘᑲᓯᐅᑉ ᐊᒡᓚᖏᑦ 6:21

ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᑳᒃᑐᓯ, ᓈᒻᒪᒃᓯᓗᓯ ᓂᕆᑎᑕᐅᔪᒫᕋᑦᓯ. ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᕿᐊᔪᓯ; ᐃᒡᓚᕈᒫᕋᑦᓯ.

ᓘᑲᓯᐅᑉ ᐊᒡᓚᖏᑦ 6:25

ᑲᑉᐱᐊᓇᕐᑐᒦᑉᐳᓯ ᒫᓐᓇ ᐊᕿᐊᑦᑐᓱᒃᑐᓯ; ᑳᓕᕈᒫᕋᑦᓯ. ᑲᑉᐱᐊᓇᕐᑐᒦᑉᐳᓯ ᒫᓐᓇ ᐃᒡᓚᕐᑐᓯ, ᐅᒡᒍᐊᕐᓗᓯ ᕿᐊᔪᒫᕋᑦᓯ.